ﮪﻪﺭﻗﺎﻧﺪﺍﻕ ﺗﻮﺭ ﻗﻪﺭﺯﻯ ﺑﯧﺮﯨﺶ ﺋﻮﺭﻧﯩﻨﯩﯔ ﺋﯩﺴﺘﯘﺩﯦﻨﺘﻼﺭﻏﺎ ﻗﻪﺭﺯ ﺑﯧﺮﯨﺸﯩﮕﻪ ﻳﻮﻝ ﻗﻮﻳﯘﻟﻤﺎﻳﺪﯗ

جۇڭگو ئاخبارات تورى 6-سېنتەبىر خەۋىرى، نۇر تورى تەرجىمىسى:
مائارىپ مىنىستىرلىكى مالىيە باشقارمىسىنىڭ مۇئاۋىن باشلىقى جاۋ جيەنجۈن 6-سېنتەبىر مائارىپ مىنىستىرلىكىنىڭ ئاخبارات ئېلان قىلىش يىغىنىدا مەكتەپ قەرزىنى باشقۇرۇشنى قېلىپلاشتۇرۇش ھۆججىتىگە ئاساسەن توردا قەرز بېرىدىغان ھەرقانداق تارماقنىڭ ئىستۇدېنتلارغا قەرز بېرىشىگە بولمايدىغانلىقى، ئىستۇدېنتلارنىڭ پۇل-مۇئامىلە ئىستېمال ئېھتىياجىنى قاندۇرۇش ئۈچۈن مۇنتىزىم سودا بانكىلىرى ئىستۇدېنتلارغا قارىتىلغان ئاز سوممىلىق ئىناۋەت قەرزى تۈرىنى يولغا قويۇشقا ئىلھاملاندۇرۇلىدىغانلىقىنى بىلدۈردى.
مائارىپ مىنىستىرلىكى ئاچقان ئاخبارات ئېلان قىلىش يىغىنىدا جاۋ جيەنجۈن قاتارلىقلار مەملىكەتلىك 18-نۆۋەتلىك قۇرۇلتاي ئېچىلغاندىن بۇيانقى ئوقۇغۇچىلارغا ياردەم بېرىش سىياسىتى سىستېمىسىنىڭ قۇرۇلۇش ئەھۋالى ۋە سىياسەتلەرنىڭ ئەمەلىيلىشىشى قاتارلىقلارنى تونۇشتۇردى، مائارىپ مىنىستىرلىكىنىڭ ئاخبارات باياناتچىسى شۈ مېي يىغىنغا رىياسەتچىلىك قىلدى.
يېقىنقى ئىككى يىلدىن بۇيان بىر قىسىم ئىستۇدېنتلار يۇقىرى ئىستېمالى سەۋەبلىك مەكتەپ قەرزى پاتقىقىغا پېتىپ قالدى، ھەتتا بەزى ئوقۇغۇچىلار مۇشۇ سەۋەبتىن ئۆلۈۋالدى. مائارىپ مىنىستىرلىكىنىڭ ئوقۇغۇچىلارنىڭ بۇ خىل ئىستېمال ئۇسۇلى ۋە ھازىر مەۋجۇت بولغان مەسىلىلەرنى مۇۋاپىق ھەل قىلىش چارىسى بارمۇ-يوق؟

جاۋ جيەنجۈن: «ئىستۇدېنتلار نېمە ئۈچۈن ئۆسۈم نىسبىتىنىڭ شۇنچە يۇقىرىلىقىنى بىلىپ تۇرۇپمۇ قەرز ئالىدۇ؟ چۈنكى ئاتالمىش تور سۇپىلىرى ساختا تەشۋىقات قىلىپ، قەرز ئېلىشنىڭ ئاسانلىقى ھەمدە كېتىدىغان چىقىمنىڭ ئازلىقىنى ئېيتىدۇ. ئوقۇغۇچىلارنىڭ پۇل-مۇئامىلە بىلىمى كۆپ بولمىغانلىقى ئۈچۈن ئۇلارغا ئالدىنىپ قەرز ئالىدۇ. ئۆسۈمى زىيادە يۇقىرى بولغانلىقتىن قەرز سوممىسى بارغانسېرى كۆپىيىپ ئوقۇغۇچىلار قايتۇرۇپ بولالمىغۇدەك ھالغا كېلىدۇ» دېدى.
جاۋ جيەنجۈن يەنە: «2016-يىلىدىن بۇيان مائارىپ مىنىستىرلىكى ۋە گوۋۇيۈەننىڭ مۇناسىۋەتلىك ئورۇنلىرى، بولۇپمۇ بانكا نازارەتچىلىك بىرلەشمىسى، ئالاقە تورى ئۇچۇر ئىشخانىسى، سودا-سانائەتنى مەمۇرىي باشقۇرۇش ئىدارىسى قاتارلىق بىر نەچچە ئورۇن بىرلىشىپ نۇرغۇن تەدبىر قوللىنىش ھەمدە ھۆججەت چۈشۈرۈش ئارقىلىق مەكتەپ قەرزى مەسىلىسىنى ھەل قىلىۋاتىدۇ. بولۇپمۇ بۇ يىلنىڭ بېشى ۋە ئالدىنقى يېرىم يىلىدا مائارىپ مىنىستىرلىكى ۋە بانكا نازارەتچىلىك كومىتېتى، ئادەم كۈچى بايلىقى مىنىستىرلىكى بىرلىشىپ تارقاتقان مەكتەپ قەرزىنى باشقۇرۇشنى قېلىپلاشتۇرۇش ھۆججىتىدە مەكتەپ قەرزىنى ئوچۇق-ئاشكارا چەكلەپ ھەرقانداق تور قەرزى بېرىش تارمىقىنىڭ ئىستۇدېنتلارغا قەرز بەرسە بولمايدىغانلىقىنى بىلدۈردى. ئىستۇدېنتلارنىڭ پۇل-مۇئامىلە ئىستېمال ئېھتىياجىنى قاندۇرۇش ئۈچۈن مۇنتىزىم سودا بانكىلىرى ئىستۇدېنتلارغا قارىتىلغان ئاز سوممىلىق ئىناۋەت قەرزى تۈرىنى يولغا قويۇشقا ئىلھاملاندۇرۇلىدۇ» دېگەنلەرنى بىلدۈردى.
ئۇنىڭ ئېيتىشىچە، جۇڭگو بانكىسى، قۇرۇلۇش بانكىسى قاتارلىقلاردىمۇ مۇشۇ كەسپ يولغا قويۇلۇپتۇ. شۇنىڭ بىلەن بىر ۋاقىتتا، مائارىپ مىنىستىرلىكى ھەرقايسى ئالىي مەكتەپلەردىن ئوقۇغۇچىلارغا ئەستايىدىل تەربىيە قىلىش، ئۇلارنىڭ پۇل-مۇئامىلە ئېڭىنى يۇقىرىلىتىش، خاراكتېرى ياخشى بولمىغان مەكتەپ قەرزى توغرىسىدا ئاگاھلاندۇرۇش تەربىيەسى ئېلىپ بېرىپ، ئىستۇدېنتلارنىڭ ئالدىنىپ قېلىشىنىڭ ئالدىنى ئېلىشنى تەلەپ قىلدى.

ئاتەش119 · ۋاقتى: 2017-9-7 21:43:27

جىفۇباۋنىڭ خۇابىرىدى دەرىجە ئۆستۈرۈپ پۇلنى كۆپىيتىپ ئىلىپ خەجلەۋەرسە بولدۇ
قەرىزگە

1330076792 · ۋاقتى: 7 كۈن بۇرۇن

ئىستۇدېنتلارنىڭ قەرز بېجىرىشى ئۈچۈن ياخشى سىياسەت ئىكەن مەن توردىن ئۇلارنىڭ بەزىسنىڭ.قەرز بېجىرىش ئۈچۈنھەر خىل ئۇسۇللارقوللىنىدىغانلىقىنى كۆرگەن ئىدىم.

mingyil2013 · ۋاقتى: 7 كۈن بۇرۇن

دۆلىتىمىزنىڭ مۇشۇ سېياسىتىگە مەن ئەڭ بەك ئاۋاز قوشىمەن. بىچارە شۈمتەكلەر جىم ئوقىسا بولمامدۇ مودا قوغلۇشۇپ ئاخىرىدا ھاياتىدىن ئايرىلدى نەچچىسى

ﮪﻪﺭﻗﺎﻧﺪﺍﻕ ﺗﻮﺭ ﻗﻪﺭﺯﻯ ﺑﯧﺮﯨﺶ ﺋﻮﺭﻧﯩﻨﯩﯔ ﺋﯩﺴﺘﯘﺩﯦﻨﺘﻼﺭﻏﺎ ﻗﻪﺭﺯ ﺑﯧﺮﯨﺸﯩﮕﻪ ﻳﻮﻝ ﻗﻮﻳﯘﻟﻤﺎﻳﺪﯗ

3ئادەم ئىنكاس يازدى