شېرىن ئاي ساياھىتىدىكى خەتەر
يانفوندا كۆرۈش
يېقىندىن بىرى شېرىن ئاي ئۆتكۈزۈش، يېڭى توي قىلغان ئەر-خوتۇنلار ئارىسىدا بارغانسېرى كۆپەيمەكتە، ھەمدە ھامىلىدارلىقتىن ساقلىنىش تەدبىرى قوللانمىغانلىقتىن، ھامىلىدار بولۇش نىسبىتىمۇ كۈنسايىن ئاشماقتا. مۇناسىۋەتلىك ماتېرىياللارنىڭ ئىستاتىستىكا قىلىشچە، 200جۈپ شېرىن ئاي ساياھىتى قىلغان ھەمدە ھامىلىدارلىقتىن ساقلىنىش تەدبىرى قوللانمىغان يېڭى توي قىلغان ئەر-ئايالنىڭ ئىچىدە، %20 تىدە بويىدىن ئاجراپ كېتىش، %10 تىن كۆپرەكىدە كېيىن ھامىلىدار بولماسلىق، %8 تىدە باشقا كېسەللىكلەرگە گىرىپتار بولۇش قاتارلىق ئەھۋاللار كۆرۈلگەن. چۈنكى سەپەر جەريانىدا تۇرمۇش رېتىمىمۇ قالايمىقانلاشقانلىقتىن، تاماق ۋە ياتاق ياخشى بولمايدۇ، ئارام ئېلىشقا ۋە ئۇيقۇغا تەسىر يېتىدۇ، بەدەن ھېرىپ-چارچايدۇ. ئۇنىڭدىن باشقا ساياھەتنىڭ تازىلىق شارائىتى ياخشى بولماسلىقى، يېڭى توي قىلغاندا جىنسىي مۇناسىۋەتنىڭ كۆپ بولۇشى قاتارلىق سەۋەبلەر ئەمدىلا يېتىلگەن ھامىلىگە تەسىرى كۆپ بولۇپ، ئايالنىڭ بويىدىن ئاجراپ كېتىش ۋە غەيرى تۇغۇلۇش قاتارلىق ئەھۋاللار كۆرۈلىدۇ.