ئانا بالا تورى يانبىلوگ نەشرى

تار مەنىدىكى ھامىلە تەربىيەسى، ھامىلىنىڭ ھەرقايسى ئەزالىرىنىڭ يېتىلىش ئەمىلىي ئەھۋالىغا ئاساسەن، قاراتمىلىق ھالدا، ئاكتىپ تەشەببۇسكارلىق بىلەن ھامىلىگە مۇۋاپىق غىدىقلاش ئۇچۇرى بېرىپ، ھامىلىدە شەرتلىك رېفلىكىس قوزغاش ئارقىلىق، چوڭ مېڭە، بەدەن ھەرىكەت ئىقتىدارى، سەزگۈ ئەزالار ھەمدە نېرۋا سىستېمىسىنىڭ پىششىپ يېتىلىشىنى ئىلگىرى سۈرۈشتىن ئىبارەت.    

ھامىلە تەربىيەسى دېگىنىمىز، ھامىلىدار بولۇپ 28 ھەپتە بولغاندا ۋە تۇغۇتتىن كېيىنكى يەتتە كۈننى  ئۆز ئىچىگە ئالغان ۋاقىتتىكى تەربىيەنى كۆرسىتىدۇ. ھامىلە تەربىيەسى بولسا ھامىلىدار ئاياللارنىڭ مەنىۋى پائالىيىتى ئارقىلىق، ھامىلىنىڭ سالامەتلىكىگە تەسىر كۆرسىتىشنى كۆرسىتىدۇ. ھامىلىدار ئاياللارنىڭ پسىخىكا ھالىتى ۋە روھىي كەيپىياتى ھامىلىنىڭ يېتىلىشىگە تەسىر كۆرسىتىدۇ. ئەگەر ھامىلىدار ئاياللار ئازابلانسا، قايغۇرسا، غەزەبلەنسە، روھىي جەھەتتە بېسىم ھېس قىلسا، بەدەن ئىچىدىكى ئايلىنىش ۋە ھەزىم قىلىش سىستېمىسىنىڭ ئۆزگىرىشىنى كەلتۈرۈپ چىقىرىپ، ئوزۇقلۇق ماددىلارنىڭ سۈمۈرۈلۈشىنى تۆۋەنلىتىۋېتىدۇ. ئانىنىڭ تېنى خەۋپكە ئۇچراپ، ھامىلىنىڭ ئۆسۈپ-يېتىلىشىمۇ تەسىرگە ئۇچرايدۇ. شۇنىڭ بىلەن بويىدىن ئاجراش، ئاي-كۈنى توشماي تۇغۇش، ھەتتا ھامىلىنىڭ غەيرىي بولۇپ قېلىشى قاتارلىق ھادىسىلەرنى كەلتۈرۈپ چىقىرىدۇ.