ھامىلىدارلىقنىڭ 9-ھەپتىسىدىكى دادا بولغۇچىنىڭ مەسئۇلىيىتى
ۋاقتى: 2016-07-13
ئاۋاتلىقى: 662 قېتىم
يانفوندا كۆرۈش
ھامىلىدارلىقنىڭ 9-ھەپتىسى دادىدىمۇ بەزى بىر نورمالسىزلىقلار كۆرۈلۈشى مۇمكىن، مەسىلەن، ئىشتىھاسىزلىق، ئاسان چارچاش، كۆڭلى ئېلىشىش، چىش ئاغرىش، جىددىيلىشىش، روھسىزلىنىش، ئۇيقۇسىزلىق، ئاسان چېچىلىش، تېلى كېكەچلەش قاتارلىقلار. بۇلارنىڭ ھەممىسى ئايالىدىكى بۇ خىل ئالامەتلەرنى بىۋاسىتە ھېس قىلالايدىغان ھادىسىلەر. بۇنداق ئەھۋاللار كۆرۈلگەندە، ئەر-ئايال بىرلىكتە تۇغۇتتىن بۇرۇنقى دەرسلەرگە قاتنىشىپ، ئۆزئارا قوللاپ، ئۆزئارا ئىلھاملاندۇرۇپ تۇرۇشى كېرەك.
ئۇنىڭدىن باشقا، ھامىلىدارلىقنىڭ 9-ھەپتىسىدىن ئىبارەت بۇ ئالاھىدە مەزگىلدە، دادا بولغۇچى بىر قىسىم ئائىلە ئىشلىرىنى ئۆز ئۈستىگە ئېلىشقا توغرا كېلىدۇ، بولۇپمۇ ئايالىدا سېزىك ئالامەتلىرى كۆرۈلۈپ بىئارام بولغاندا تېخىمۇ كۆپ ئىش قىلىشقا توغرا كېلىدۇ. ئەر تەرەپ چوقۇم ئايالىنىڭ يېتەرلىك ئۇيقۇ ۋە ئارام ئېلىشىغا مۇھىت يارىتىپ بېرىشى كېرەك. ماشىنىغا ئولتۇرغاندا، بازار ئايلانغاندا ئايالىنى ياخشى قوغداپ، ئايالىنىڭ قورسىقىنىڭ سوقۇلۇپ كېتىشى ياكى بېسىلىپ كېتىشىدىن ساقلىنىشى كېرەك.