ھامىلىدارلىقتىكى يۇقىرى قان بېسىم كېسەللىكى دېگىنىمىز نېمە ؟
ۋاقتى: 2016-07-28
ئاۋاتلىقى: 554 قېتىم
يانفوندا كۆرۈش
ھامىلىدارلىقتىكى يۇقىرى قان بېسىم كېسەللىكى بولسا، ئىلگىرى دەپ ئۆتكەن ھامىلىدارلىقتىكى زەھەرلىنىپ قېلىش، ئالدىن بېشارەت بولغان ھامىلىدارلىق تۇتقاقلىقى قاتارلىقلارغا ئوخشاش ھامىلىدار ئاياللاردا بولىدىغان ئالاھىدە كېسەللىكىنىڭ بىرى، كۆپىنچە ھامىلىدارلىقنىڭ 20 ـ ھەپتىسى بىلەن تۇغۇتتىن كىيىنكى ئىككى ھەپتىدە يۈز بېرىش ئېھتىماللىقى كۆپرەك بولىدۇ، ھەمدە بارلىق ھامىلىدارلارنىڭ %5 نى ئىگىلەيدۇ. ئۇنىڭدا يەنە ئاقسىل سىيىش ھەم سۇلۇق ئىششىق قاتارلىق ئالامەتلەر كۆرۈلىدۇ، بۇنى بىز ھامىلىدارلىقتىكى يۇقىرى قان بېسىم كېسەللىكى دەپ ئاتايمىز. كېسەللىك ئەھۋالى ئېغىر بولغاندا باش ئاغرىش، كۆزى تورلىشىش، ئۈستۈنكى قورساق ئاغرىش قاتارلىق ئالامەتلەر كۆرۈلىدۇ، ئەگەر مۇۋاپىق بىر تەرەپ قىلىنمىسا، تارتىشىپ قېلىش ياكى بىھوشلۇقنى كەلتۈرۈپ چىقىرىدۇ.