ئانا بالا تورى يانبىلوگ نەشرى

قول-پۇت ۋە ئېغىزلارغا ئەسۋە چىقىش كېسىلى ئاساسلىقى 10 ياشتىن تۆۋەن بولغان بالىلاردا كۆپ ئۇچرايدۇ، بىراق چوڭلاردىمۇ يۈز بېرىشى مۇمكىن. شۇڭلاشقا ھەر قانداق ئادەمنى يۇقۇملىنىش ئوبىيېكتى دەپ قاراشقا بولىدۇ. يۇقۇملانغاندىن كېيىن بەدەن پەقەت مۇشۇ تىپتىكى ئانتىتىللاسىغا ئىگە بولىدۇ، باشقا تىپتىكىلەرگە نىسبەتەن ئىممۇنىتېت ئىقتىدارى يوق. شۇڭلاشقا قول-پۇت ۋە ئېغىزلارغا ئەسۋە چىقىش كېسىلىگە بىر قېتىم گېرىپتار بولغان ئادەمنىڭ يەنە يۇقۇملىنىش ئېھتىماللىقى بولىدۇ.

بۇ خىل كېسەللىكنىڭ ئالاھىدىلىكى، تۇيۇقسىز قوزغىلىش بولۇپ دەسلىپىدە قىزىتمىسى 38℃ ئەتراپىدا بولۇپ ئانچە يۇقىرى بولمايدۇ.قىزىپ ئىككى كۈندىن كېيىن ئېغىز بوشلۇقى شىللىق پەردىسى، قول پۇت تېرىلىرىدە  دىئامېتىرى2-10 مىللىمېتر بولغان ئەتىرگۈل رەڭلىك ئۇششاق  ئەسۋە بولىدۇ. بارا-بارا سۇلۇق ئىششىق ھاسىل بولىدۇ. ئەتراپىغا قان تولۇپ ئىششىيدۇ. تېرىدىكى سۇلۇق ئىششىق ئاغرىمايدۇ ھەم ئاسان تېشىلىپ كەتمەيدۇ، نەچچە كۈن ئۆتكەندىن كېيىن قاداق شەكىللىنىپ قالىدۇ. ئېغىز بوشلۇقىدىكى سۇلۇق ئىششىقلار بولسا ئاسانلا تېشىلىپ، بىرلىشىپ كېتىدۇ. سىرتقى يۈزىدە ئادەتتە بىر قەۋەت يالغان پەردىسى بولىدۇ، ئاغرىقى كۆرۈنەرلىك بولىدۇ.كېسەل بالىدا تاماق يېمەسلىك، كۆپ يىغلاش، شۆلگىيى ئېقىش قاتارلىق ئەھۋاللار كۆرۈلىدۇ. بۇ كېسەل بولسا ئۆزلىكىدىن  ساقىيىدىغان كېسەل، ساقايغاندىن كېيىن كېسەللىك ئاسارىتى قالمايدۇ. بىراق ھەرگىز سەل قاراشقا بولمايدۇ، بەزى بىمارلادا يۈرەك مۇسكۇل ياللۇغى قاتارلىقلارغا ئوخشاش كېسەللىك ئاسارىتى قېلىپ قالىدۇ. ئەگەر قىزىتما چۈشمىگەن ئەھۋالدا تېزدىن دوختۇرخانىغا بېرىپ داۋالىنىش لازىم.