ئانا بالا تورى يانبىلوگ نەشرى

بىلوگ ھەققىدە
سەھىپىلەر
ئەڭ يېڭى يازمىلار
كۆپ باھالىق يازمىلار
تورداشلار ياقتۇرغان يازمىلار
تەۋسىيە يازمىلار
ئاۋات يازمىلار
يازما ئىزدەش
Tag لەر رېتى

قول-پۇت ۋە ئېغىزلارغا ئەسۋە چىقىش كېسىلىنىڭ ئالامەتلىرى قانداق؟ قانداق دىياگنوز قويۇش كېرەك؟

قول-پۇت ۋە ئېغىزلارغا ئەسۋە چىقىش كېسىلىنىڭ ئالامەتلىرى قانداق؟ قانداق دىياگنوز قويۇش كېرەك؟

ۋاقتى: 2016-04-04 ئاۋاتلىقى: 667 قېتىم

يانفوندا كۆرۈش

 

 قول-پۇت ۋە ئېغىزلارغا ئەسۋە چىقىش كېسىلى يۈز بەرگەن چاغدا، ئادەتتە قىزىتىشتىن باشلىنىدۇ، قىزىتما ئوخشاش بولمايدۇ، قىزىتمايدىغان ئەھۋاللارمۇ ئۇچرايدۇ. بىراق كۆپىنچە ئەھۋاللاردا قىزىتىدىغانلارنىڭ سانى يېرىمدىن كۆپ ساننى ئىگىلەيدۇ. يەنە شالۋىقى ئېقىش، بۇرۇندىن سۇ قۇيۇلۇش، ئېغىز ئاغرىش، گال ئاغرىش، تاماق يېگۈسى كەلمەسلىك قاتارلىق ئالامەتلەر كۆرۈلىدۇ. كىلىنىكىدا ئېغىز ۋە قول پۇتلارغا سۇلۇق قاپارتقۇ  چىقىش ئاساسى ئالاھىدىلىك ھېسابلىنىدۇ. ئاساسلىقى تىل، جاغ شىللىق پەردىسى، قاتتىق تاڭلاي، يۇتقۇنچاق ۋە بادام بېزى قاتارلىقلاردا كۆرۈلىدۇ. 3مىللىمېتىر چوڭلۇقتا بولىدۇ. تېز سۈرئەتتە تېشىلىپ جاراھەت پەيدا قىلىدۇ. ئەسۋە كۆپىنچە قول پۇتلارنىڭ ئۇچى، بارماقلارنىڭ ئاراچلىرى، پۇتنىڭ چۆرىسى، تىرناق ئەتراپى ئالقان ۋە تاپاننىڭ ئەتراپىدا يۈز بېرىدۇ، پۇت ۋە كاسسا ئەتراپىدا يۈز بەرگەن ئەسۋە  توپلىشىپ دۆڭچە ئەسۋە شەكلىدە بولىدۇ. دەسلەپتىكى داغ شەكللىك ئەسۋەدىن بارا-بارا 3-7مىللىمېتىر چوڭلۇقتىكى يۇمىلاق ياكى ئېللىپىسسىمان قاپارتمىغا ئايلىنىدۇ. سۇ چېچىكى قاپارتمىسىغا قارىغاندا كىچىك،  قاتتىق، ئەتراپىدا قىزىل رەڭلىك ھالقىلار بولىدۇ. يېنىك بولغاندا قاپارتمىنىڭ سانى بىر نەچچە تال، ئېغىر بولغاندا نەچچە ئونغا يېتىدۇ. كېسەللىك جەريانى بىر ئاز قىسقا، ئادەتتە بىر ھەپتە ئەتراپىدا ئەسلىگە كېلىدۇ. ئەسۋە يوقالغاندىن كېيىن ئادەتتە تاتۇق ياكى داغ قېپ قالمايدۇ. ئەگەر ئىككىلەمچى يۇقۇملىنىش ئەھۋالى كۆرۈلسە تېرىگە بولغان زەخمىسى تېخىمۇ ئېغىر بولىدۇ. 


 قول-پۇت ۋە ئېغىرلارغا ئەسۋە چىقىش كېسىلى بىر يىلدا تۆت پەسىلنىڭ ھەممىسىدە يۈز بېرىدۇ، بولۇپمۇ ياز پەسلىدە كۆپ ئۇچرايدۇ. دەسلەپكى مەزگىلدە قىزىش، يۆتىلىش، بۇرنىدىن سۇ قۇيۇلۇش، شالۋىقى ئېقىش قاتارلىق يۇقىرىقى نەپەس يولىنىڭ يۇقۇملىنىشىغا ئوخشىشىپ كېتىدىغان ئالامەتلەر، بەزى بالىلاردا كۆڭلى ئېلىشىش، ياندۇرۇش قاتارلىق ئالامەتلەر كۆرۈلىدۇ. كېيىن قول-پۇت بارماقلىرىنىڭ دۈمبىسىگە يۇمىلاق ياكى موكىسىمان سۇلۇق قاپارتقۇ چىقىدۇ، قاپارتقۇنىڭ ئەتراپى قىزىرىپ قالىدۇ. قاپارتمىنىڭ ئىچىدىكى سۇيۇقلۇق سۈزۈك بولىدۇ، قاپارتمىنىڭ ئۇزۇن ئوقى بىلەن تېرە سىزىقلىرىنىڭ يۆنىلىشى بىردەك بولىدۇ. ئاخىرىدا قاپارتمىنىڭ ئوتتۇرى ئىچىگە ئولتۇرۇشۇپ ساغىرىپ قۇرۇپ چۈشۈپ كېتىدۇ. ئۇنىڭدىن سىرت قول-پۇت بارماقلىرىنىڭ ئۇچىدا بىر قەدەر قاتتىق ئەسۋە ياكى سۇلۇق قاپارتما چىقىدۇ. شۇنىڭ بىلەن بىرگە لەۋ، تىل، ئېغىز بوشلۇقى شىللىق پەردىسى، چىش مىلىكى قاتارلىقلاردىمۇ سۇلۇق قاپارتما كۆرۈلىدۇ، بىراق ئېغىزدىكى سۇلۇق قاپارتما تېزلا تېشىلىپ ئاق رەڭلىك ياكى كۈلرەڭ جاراھەت پەردىسى ھاسىل قىلىدۇ، ئەتراپى قىزىل بولىدۇ. ئاق رەڭلىڭ جاراھەت پەردىسىنىڭ ئاستىدا كىچىك جاراھەت يۈزىنى كۆرگىلى بولىدۇ. قول-پۇت ۋە ئېغىزلارغا ئەسۋە چىقىش كېسىلى ۋىرۇستىن يۇقۇملىنىشتىن كېلىپ چىقىدۇ، يۇقۇملىنىش مەنبەسى قاپارتما سۇيۇقلۇقى، كاناينىڭ ئاجرالمىلىرى، چوڭ تەرەتتىن بۇلغانغان قول، ئويۇنچۇق، غىزالىنىش ئەسۋابلىرى قاتارلىقلار، بۇ كېسەلنىڭ يۇشۇرۇن دەۋرى 3-8 كۈنگىچە. 

Tags:

تەلەي قاپىقىدىن چىققان يازمىلار

باھالار

ئىسمىڭىز:

باھالار رېتى