ئانا بالا تورى يانبىلوگ نەشرى

بوۋىقىڭىزنىڭ ئۈچ ياشلىق تۇغۇلغان كۈنىنى كۈتۈۋېلىپ ئۆسمۈرلۈك دەۋرىگە، ئوقۇش يېشى ئالدىنقى دەۋرىگە كىرگەنلكىنى تەبرىكلەيمىز. ھازىر بوۋىقىڭىز ئىسمى جىسمىغا لايىق ئۆسمۈرگە، ھەيۋەتلىك ئۆسمۈرگە ئايلاندى. بوۋىقىڭىز بەدىنىدىكى مايلار ئاستا-ئاستا مۇسكۇللار تەرىپىدىن ئورۇن ئېلىنىدى. گەرچە ئانچە سېمىز بولمىسمۇ، بىراق يەنىلا خېلىلا تىمەن بالىلاردىن بولۇپ قالدى. 

كەيپىياتى باھارنىڭ ھاۋارايىغا ئوخشاش ئۆزگىرىشچان

بوۋىقىڭىزنىڭ كەيپىيات ئۆزگىرىشى باھار ھاۋارايىغا ئوخشاش ئۆزگىرىشچان كېلىدۇ، يىغلايمەن دەپلا يىغلايدۇ، كۈلىمەن دەپلا كۈلىۋېرىدۇ، كەيپىياتى تۇراقسىز، ئاسان ئۆزگىرىدۇ. بۇ بوۋىقىڭىزنىڭ ئىچكى كونترول قىلىش ئىقتىدارىنىڭ يېتىلىشىنىڭ ئاجىزلىقى، تىل تەڭشەش ئۆزگەرتىش ئىقتىدارنىڭ مۇكەممەل ئەمەسلىكىدىن بولىدۇ. شۇنداق بولغاچقا ئاسانلا سىرتقى دۇنيا تەسىرى ياكى كىچىك بالىلارنى غىدىقلىغاندا، كەيپىياتىدا ئاسانلا پارتىلاش خاراكتېرلىك ئۆزگىرىش كېلىپ چىقىدۇ.

خىيال ئىچىدىكى دوست

بالىڭىز دائىم «ھاۋا»بىلەن پاراڭلىشىدۇ. ئەنسىرىمەڭ، بۇ ياشتىكى كۆپ قىسىم بالىلارنىڭ خىيالىدىكى دوستلىرى بولىدۇ. داڭلىق مائارىپشۇناس پىياجىنىڭ نەزەرىيىسىگە ئاساسەن، بۇ بالىلارنىڭ تەپەككۇرىنىڭ «ئالدىنقى ھېسابلاش دەۋرى» دە تۇرۇۋاتقانلىقىنىڭ بەلگىسى بولۇپ ھېسابلىنىدۇ. 

ئالاھىدىلىكى بولسا تەپەككۇرى كونكېرىت ئوبراز تەپەككۇردىن باشلىنىپ، ئاستا-ئاستا تاشقى كۆرۈنۈشتىن پايدىلىنىپ تەپەككۇر قىلىشقا باشلايدۇ. بالىلارنىڭ خىيالدىكى دوستىلىرى بىلەن ئوينىغان ئويۇنى دەل بالىلارنىڭ مېڭىسىدىكى دوستىنىڭ قايتا پەيدا بولغانلىقىدىن ئىبارەت. 

قوزىڭىزنىڭ كۆپ ساندىكى گەپلىرىنى چۈشىنەلەيسىز

بالىلارنىڭ سۆز ئامبىرىنىڭ تېز سۈرەتتە ئېشىشىغا ئەگىشىپ، گرامماتىكىسىمۇ خېلى تەرەققىي قىلغان بولىدۇ. ئۇنىڭ ئىپادىلىنىشى بارغانسېرى ئېنىق، توغرا بولىدۇ. ئۇ ھەتتا 3 ياكى ئۇنىڭدىن كۆپ بولغان ئۇزۇن جۈملىلەرنى سۆزلىيەلەيدىغان  بولىدۇ. ھازىر بوۋىقىڭىزنىڭ 4/3قىسىمدىن كۆپ سۆزىنى ئاساسى جەھەتتىن چۈشىنەلەيسىز.