ئانا بالا تورى يانبىلوگ نەشرى

      ئۆرۈلەلمىگەن بوۋاقلاردا فىزىيولوگىيىلىك مەسىلە بار بولسا، ئادەتتە بېشىنى كۆتۈرۈشنى ئۆگەنگەن مەزگىلدىلا سېزىلىدۇ. ئەگەر بوۋاق 7ئايدىن ئېشىپمۇ ئۆرۈلەلمىسە ياكى ھېچقانداق ئىلگىرىلەش بولمىسا شۇنداقلا سېمىزلىك قاتارلىق ئامىللارنىڭ تەسىرى بولمىسا ۋاقتىدا تەكشۈرتۈش كېرەك. 

     مەشق جەريانىدىكى بىخەتەرلىك

چۈشۈپ كېتىشىنىڭ ئالدىنى ئېلىش

     دەسلەپتە بوۋاق پەقەتلا بەدىنىنى ئوڭ-سولغا ھەرىكەتلەندۈرۈپ، قىسقا ۋاقىتلىق تەسىر كۈچ بىلەنلا ئۆرۈلەلەيدۇ. بۇ كۈچ ئىنتايىن تۇراقسىز بولۇپ، ئازراقلا دىققەت قىلىنمىسا بوۋاق كارىۋاتتىن يەرگە چۈشۈپ كېتىپ يارىلىنىشى مۇمكىن. شۇڭا بۇ مەزگىلدە كارىۋات، كىرىسلو يېنىغا يۇمشاق تەگلىكلەرنى سېلىپ قويۇش، بوۋاقلار كارىۋېتىنى توساق رىشاتكىسىنى ئورنىتىپ قويۇش لازىم.

  قىسىلىپ ياكى كۆيۈپ يارىلىنىشىنىڭ ئالدىنى ئېلىش

        بوۋاقلار ئۆرۈلۈش جەريانىدا پۇت-قوللىرىنى كارىۋات بالدىقىغا قىستۇرۇۋېلىپ ياكى قولى تېگىدە قېلىپ يارىلىنىشىنىڭ ئالدىنى ئېلىش شۇنداقلا توك پار قاتارلىقلارغا تېگىپ كېتىپ كۆيۈپ يارىلىنىشىدىن ساقلىنىش لازىم.

تاشقى زەخىمنىڭ ئالدىنى ئېلىش

    بۇ مەزگىلدىكى بوۋاقلار ئۆرۈلۈپلا قالماي، ئەتراپىدىكى نەرسىلەرنى تۇتۇشقا ئامراق بولغانلىقتىن، خەتەرلىك بويۇملاردىن يىراق قىلىش، ئۇچلۇق، بىسلىق نەرسىلەر بىلەن زەخىملىنىشىنىڭ ئالدىنى ئېلىش زۆرۈر.