ئانا بالا تورى يانبىلوگ نەشرى

 

قورامىغا يەتكەنلەرگە ۋاكسىنا ئۇرۇشتىن ئاۋۋال خىمىيەلىك ئانالىز ئېلىپ بېرىش كېرەك، B تىپلىق جىگەر ياللۇغى سىرتقى يۈز ئانتىگېنى، سىرتقى يۈز ئانتېتىللاسى، مەركىزى ئانتېتىللاسى قاتارلىقلارغا نىسبەتەن تەكشۈرۈش ئېلىپ بېرىش، ئەگەر بۇ ئۈچ خىل تەكشۈرۈشنىڭ ئۈچىسىلا مۇسپەت بولسا، ترانسئامىنازا(转氨酶) نورمال بولسا ئاندىن كېيىن ئەملەش ئېلىپ بېرىشقا بولىدۇ. ھەرقانداق ئادەمگە B تىپلىق جىگەر ياللۇغى ۋاكسىنىسى ئەملەشكە بولىدۇ دېگەنلىك ئەمەس. بىراق بىخەتەرلىك ئۈچۈن ئومۇمەن بەدىنىدە B تىپلىق جىگەر ياللۇغى باكتېرىيەسى بولمىغان ۋە بەدىنىدىكى B تىپلىق جىگەر ياللۇغى ئانتېگېنىنىڭ مىقدارى ئاز بولغانلار، B تىپلىق جىگەر ياللۇغى بىمارىنىڭ ئائىلە ئەزالىرى، يېمەكلىك ساھەسىدە ئىشلەيدىغانلار  چوقۇم ۋاكسىنا ئەملىتىش لازىم. B تىپلىق جىگەر ياللۇغى بىمارلىرى ۋە ئېلىپ يۈرگۈچىلىرىگە نىسبەتەن ۋاكسىنا ئۇرۇشنىڭ ھېچقانداق ئالدىنى ئېلىش رولى يوق. مەيلى قانچىلىك ۋاكسىنا ئۇرۇلۇشىدىن قەتئىينەزەر قوغداش خاراكتېرلىك ئانتېتىللاسى -B تىپلىق جىگەر ياللۇغى سىرتقى يۈز ئانتېتىللاسى ھاسىل بولمايدۇ. ئۇنىڭدىن سىرت يەنە، قان پلازمىسى كېسەللىكى، زىققا، ئۇرتىكارىيە ۋە پىنسىلىن، سۇلفانىلامىد  قاتارلىق بىر قىسىم دورىلارغا نىسبەتەن زىيادە سېزىمچانلىق B تىپلىق جىگەر ياللۇغى ۋاكسىنىسىنى ئەملەشكە بولمايدۇ، زىيادە يېنىك، بالدۇر تۇغۇلغان، قورساقنى يېرىپ ئالغان بوۋاقلارغا ۋاقتىنچە B تىپلىق جىگەر ياللۇغى ۋاكسىنىسى ئەملەشكە بولمايدۇ.
تەكشۈرۈش قەغىزىدە B تىپلىق جىگەر ياللۇغى سىرتقى ئانتېتىللاسى مۇسپەت بولغانلارغا ۋاكسىنا ئۇرۇش ھاجەتسىز.