ئوتيۈرەك
ئوتيۈرەك توردا بىر قىز بىلەن مۇھەببەتلىشىپتۇ،ئاشكار خوشاللىقىدىن ئۆزىنى قويۇشقا يەر تاپالماپتۇ.
چۈنكى ئۇ قىز بەك چىرايلىق ئىكەن،ئوتيۈرەك كەسىپداشلىرىنىڭ ھەممىسىگە ئۆزى تاللىغان بۇ ساھىبجامالنىڭ گۈزەللىكىنى ماختىنىپ سۆزلەپ ئۇلارنىڭ كۆزىدىن ئوت چىقىرىۋېتىپتۇ.
شۇ ئىش بولۇپ ئارىدىن ئون كۈن ئۆتكەن بولسىمۇ،ھېلىقى تورداش جانقىزدىن ھېچقانداق ئۇچۇر بولماپتۇ،
كەسىپداشلىرى ئوتيۈرەكگە تەسەللى بېرىپ:-بەزى قىزلارنىڭ توردا جاۋاب خەت يېزىشىنى گويا قورساقتا پەيدا بولغان ھامىلىنى كۈتكەنگە ئوخشاش سەۋر قىلىپ كۈتۈشكە توغرا كېلىدۇ!-دەپتۇ.
ئارىدىن ئون كۈن ئۆتكەن بولسىمۇ،يەنە سادا بولماپتۇ.كەسىپداشلار يەنە ئوتيۈرەكنى بەزلەپ:-بۇنىڭغا ئەجەنلىنىپ كەتمەڭ،بەلكى ئۇ قىيىن تۇغۇتقا دۇچ كەلگەندەك ھالەتكە چۈشۈپ قالغان بولۇشىمۇ مۇمكىن،-دەپتۇ.
خېلى كۈنلەر ئۆتۈپ كەتكەن بولسىمۇ ئۇ جانقىزدىن ھېچقانداق ئۇچۇر بولماپتۇ.
ئۆزىگە ئۆزى:-تۈگەشتىم،ئەھۋالدىن قارىغاندا ئۇنىڭ بويىدىن ئاجراپ كەتكەن ئوخشايدۇ!-دەپ ۋاقىرىۋېتىپتۇ.