باغداش تورى خەۋىرى :
   قومۇل شەھەرلىك پارتىكوم تەشۋىقات بۆلىمى، قومۇل شەھەرلىك ئەدەبىيات سەنئەتچىلەر بىرلەشمىسى خەتتاتلار جەمئىيىتى، قومۇل شەھەرلىك مەدەنىيەت يۇرتى قاتارلىق ئورۇنلارنىڭ تەشكىللىشى، قومۇل شەھەر ئىچى يىزىسى مەدەنىيەت پونكىتى، قومۇل ئايشەم يىمەك- ئىچمەك مەدەنىيەت شىركىتى قاتارلىق ئورۇنلارنىڭ ھەمكارلىشىشى بىلەن جۇڭگو - قومۇل « شىرىن ساياھەت » 9- نۆۋەتلىك قوغۇن بايرىمى يۈرۈشلۈك پائالىيىتى «جۇڭگو ئاز سانلىق مىللەت ( ئۇيغۇر ) داڭلىق خەتتاتلىرىنىڭ نەق مەيدان ماھارەت كۆرسىتىش يىغىلىشى ۋە كۆرگەزمىسى » 2012- يىل 7- ئاينىڭ 10- كۈنى چۈشتىن كىيىن قومۇل موزىيىدا داغدۇغىلىق ئۆتكۈزۈلدى.
     قومۇل دىيارىغا تەكلىپ بىلەن جۇڭگو خەتتاتلار جەمىيىتىنىڭ دائىمى ھەيئەت ئەزاسى، شىنجاڭ خەتتاتلار جەمئىيىتىنىڭ مۇئاۋىن رەئىسى داڭلىق خەتتات نىياز كىرىم شەرقى، جۇڭگو خەتتاتلار جەمىيىتىنىڭ ئەزاسى، شىنجاڭ خەتتاتلار جەمئىيىتىنىڭ مۇئاۋىن رەئىسى داڭلىق خەتتات قاينام جاپپار، شىنجاڭ خەتتاتلار جەمئىيىتىنىڭ ئەزاسى، شىنجاڭ ياشلىرى ژورنىلىنىڭ گۈزەل سەنئەت مۇھەررىرى داڭلىق خەتتات ئىسمايىل ئىبراھىم، شىنجاڭ خەتتاتلار جەمئىيىتىدىن داڭلىق خەتتات تۇرسۇن قۇربان قاتارلىقلار قاتناشتى.
      كۆرگەزمىگە قومۇل خەتتاتلىرىنىڭ 25 پارچە ئويغۇر خەتتاتلىق ئەسىرى داڭلىق خەتتاتلارنىڭ 13 پارچە ئىسىل ئەسەرلىرى قاتناشتۇرۇلدى. كۆرگەزمە داۋامىدا نىياز كىرىم شەرقى قاتارلىقلار قومۇل گىزىتى ئىدارىسى، قومۇل شەھەر ئىچى يىزىسى مەدەنىيەت پونكىتى، ئايشەم يىمەك ئىچمەك مەدەنىيىتى چەكلىك شىركىتى قاتارلىق ئورۇنلارغا بىرىپ نەق مەيداندا ماھارەت كۆرسىتىپ خاتىرە قالدۇردى.
       12- چىسلا قوغۇن بايرىمى سودا يەرمەنكىسى ئورنىدا نەق مەيداندا ماھارەت كۆرسىتىپ قوغۇن بايرىمىنى مول مەزمون بىلەن تەمىنلىدى. قومۇل تاراتى، قوراي قاتارلىق تاغلىق رايونلاردا ۋە شەھەر ئىچى يىڭى مەدرىسى، قەيىس ئاتا مازىرىنى زىيارەت قىلىپ مەرھۇم خەتتات ھاپىز نىيازنىڭ ئەسلى قول يازمىلىرىدىن ھوزۇرلاندى. قومۇل شەھەرلىك پارتىكوم، خەلق ھۆكۈمىتى رەھبەرلىرىدىن شەھەر باشلىقى مۇھەممەد نىياز قاتارلىق رەھبەرلەر ئەزىز مېھمانلارغا  چاي بەردى. قومۇل شەھەرلىك خەتتاتلار جەمئىيىتىنىڭ مۇئاۋىن رەئىسى ھۆسىيىن سالى سىلىم، شىنجاڭ ۋىيمىن ئادۋۇكاتلىق ئورنىنىڭ ئادۋۇكاتى، خەتتات ئەسئەت مۇھەممەد تۆت كۈنلۈك كۈتىۋىلىشتا بىللە بولدى. ھۆسىيىن سالى سىلىم كەشتىدىن ئىشلەنگەن ھۆسىنخەت ئەسەرلىرىنى مىھمانلارغا تەقدىم قىلدى. مھمانلارمۇ ئىسىل ئەسەرلىرىنى قومۇل خەلقىگە تەقدىم قىلدى. بۇ قىتىمقى يىغىلىش قومۇلنىڭ خەتتاتلىق تەرەققىياتىدىكى يارقىن نۇقتا بولۇپ قالدى.
                      

قايسى ئادەم شۇ نىيازكىرىم شەرقىي دىگەن تونۇۋالاي ..

ئىككىنچى رەسىم ئوڭدىن سانىغاندا ئىككىنچىسى شۇ  . يوللۇق مايكا كەيگىنى .

قومۇلنىڭ ئويغۇر خەتتاتلىرى يېققىندىن بېرى خالىس ئەمگەكلىرى بىلەن ئاجايىپ ئېسىل خىزمەتلەرنى ئېلىپ بىرىۋاتىدۇ. بۇ جەرياندا خەتتات، نەققاش ھۆسىيىن سالى سېلىم ئەپەندىنىڭ كۆرسەتكەن خىزمىتى كۆرىنەرلىك بولدى. خەتتاتلرىمىزنىڭ ئەسەرلىرى ئۈرۈمچى شەھرى، خېنەن ئۆلكىسىدە كۆرگەزمىگە قويۇلۇپ يوقىرى باھاغا ئېرىشكەنلىكىدىن خەۋەر تاپتۇق. [ كۈچ بىرلىكتە ، ئىش ئۆملۈكتە] دىگەندەك خەتتاتلىرىمىزنىڭ ئۆملۈكىگە، تىرىشچانلىقىغا كۆز تەگمىسۇن.

بۇ پائالىيەت ئەھمىيەتلىك بولۇپتۇ ، لېكىن ئويلۇنۇشقا تېگىشلىك ۋە يولغا قويۇشقا تېگىشلىك بىر ئەش بادى :
   ئۇ بولسىمۇ  ياش ئۆسمۈرلەرنى خەتتاتلىقتا تەربىيلەش ، بولمىسا بۇ خىل پائالىيەتلەرنى 20 يىلدىن كېيىن كۆرگىلى بولمايدۇ ، ئۆتكەندە ئۇيغۇر خەتتاتلىقنى باشلانغۇچ مەكتەپ دەرسلىكىگە كىرگۈزۈلىدۇ دەۋاتاتتى   قانداق بولاپ كەتتى شۇ ئىشلا !

ھازىر  مەكتەپلەردە  خەتتاتلىق  ئەمەس ، ئۇيغۇر  ئىلىپبەسىمۇ  ھەپتىدە  ئاران  نەچچە  سائەتلا  ئۆتىلىۋاتىدۇ، خەتتاتلىق  دەرسى  بېرىشتىن  سۆز  ئاچقىلى  بولماس.
مەن  تۇلۇقسىزدا  ئوقۇغان  چاغلاردا ( 80 - يىللارنىڭ  ئاخىرى ) ھەپتىدە  3  سائەت  ئۇيغۇر  خەتتاتلىقىدىن  مەخسۇس  دەرىس  ئۆتىلەتتى ، كىچىگىمدىن  خەتتاتلىققا  قىزىققانلىقىم  ئۈچۈن ئۇيغۇر  خەتتاتلىقىدىكى  12  خىل  نۇسخىنى  تۇلۇق  ئىگەللىگەن. بىراق  ھازىر  مۇمكىنمۇ؟
مۇمكىن  دىيىش  كەلسە ، مەخسۇس  كۇرۇس  ئاچسا  بولامىكى ، مۇشۇنىڭ  ئۈچۈنمۇ  تەستىق  ئالالىساق...

قۇمۇلنىڭ يېقىنىقى يىللاردىكى ئۇيغۇر خەتتالىق ئىشلىرىنى جاللاندۇرش  تەسىر دائىرسى خېلى كۆزگە كۆرىنەرلىك بولىۋاتىدۇ.مۇشۇ پائالىيەتنىڭ ۋۇجۇتقا چىقىشىغا تۆھپە قوشقان بارلىق سۆيۈملۈڭ كىشلەرگە  چوڭقۇر  تەشەككۈر.

  يۇرتداشلارنى كۆرۈپ بەك خوش بولدۇم. بەكلا مەنىلىك پائالىيەت بوپتۇ .

ئاچچىق،ئۈچەيلىرىم ئاچچىق،
ئاچچىق،جىگەرلىرىم ئاچچىق.
.......................................
......................................!
بىرچاغلاردا مۇقامنى دۇتتاردا چالاتتىم.ھازىر «ديەنشى»دا ئاڭلايدىغان بولدۇم.ئۆزۈم چېلىشقا خوشۇم يوق،خوشۇم بولسىمۇ بوشۇم يوق..... خەتلەرنى قەلەمدە يازاتتىم.ئەمدى «نەھاجەت؟»دەيدىغان بولدۇم.چۈنكى ،خېتى سەت بولامدۇ،چىرايلىق بولامدۇ،ئۇرۇشنى بىلسىلا بولىدىغان بوپ كەتتى.......

مەدەنىيەت پونكىتىدىكى زىيارەت

خەتتاتلار خاتىرىسى