ئەسسىلام باغداش تورىدىكى تورداشلار : كانادا تورۇنتودىكى ئۇيغۇر دوستۇڭلاردىن سىلەرگە ئوتلۇق سالام :
      مەن ۋەتەندىن ئايرىلىپ تورۇنتودا دوكتۇرلۇقتا ئوقۇۋاتقىلى ئىككى يىلدىن ئېشىپتۇ  ، بۇ جەرياندا ئۇقۇش ھەلەكچىلىكىدە تورۇنتودىن باشقا يەرگە بېرىش پەقەت نېسىپ بولمىغان ئىدى ،  بۇ يىل ئىككىنجى ئاينىڭ 19-كۈنىدىن 28-كۈنىگىچە كانادادىكى بارلىق ئۇنۋېرستىتىلارنى دەم ئېلىشقا قويىۋەتتى .مەن قانۇن ئىنىستوتىدىكى ئىككى دوستۇم بىلەن  بۇ پۇرسەتتە ساياھەتكە چىقىشنى مەسلىھەتلەشتۇق ، ئۈچىمىز ئاخىرى بۇ قېتىمقى ساياھەت نىشانىمىزنى كۇبا قىلىپ بېكىتتۇق . ناھايىتى تېزلا تەييارلىق قىلىپ 20-چېسلا تورۇنتو شەھىرىدىن ئايرۇپىلان بىلەن كۇباغا قاراپ ئۇچتۇق  . 3 سائەتتىن كېيىن كۇبانىڭ ۋارېدورو شەھىرىگە يېتىپ كەلدۇق .بۇ شەھەر دېڭىز ساياھەت رايونى بولۇپ تۆت پەسىلىنىڭ ھەممىسىدە ياز بولىدىكەن .بۇ گۈزەل شەھەر ساياھەتچىلەرگە ئېچىۋېتىلگەن بولۇپ ئاساسەن يەرلىكلەر بۇ يەردە تۇرمۇش كەچۈرمەيدىكەن . ھەرقايسى دۆلەتلەردىن كەلگەن ساياھەتچىلەر بۇ دېڭىز بويىغا كېلىپ يازنىڭ ئاپتىپىدىن ھۇزۇرلىنىدىكەن . كۇبا ۋىزا تەلەپ قىلمايدىغان دۆلەت بولۇپ جۇڭگو پاسپورتىغا ئالاھىدە رۇخسەت قىلىنغان  ،ۋىزا بېجىرمەيلا كۇباغا كېلىشكە بولىدىكەن ،  كۇبا كوممىنىستىك دۆلەت بولغاچقا دوختۇرغا كۆرۈنۈش ۋە ئالىي مەكتەپتە ئوقۇش پۈتۈنلەي ھەقسزكەن .بۇ يەردىكى ھۆكۈمەت خىزمەتچىلىرىنىڭ (ئوقۇتقۇچى ، دوختور) مائاشى تۆۋەن بولغاچقا ،يەرلىك كىشىلەر ساياھەت رايونىدا مۇلازىمەت خىزمىتى قىلىشنى ياقتۇرىدىكەن ، بىز كەلگەندىن كېيىن دېڭىز بويىدىكى مېھمانسارايغا ئورۇنلىشىپ شۇ يەردە ئارام ئالدۇق .ئەتىسى تاڭ سەھەردە ئورنۇمدىن تۇرۇپ دېرىزە پەردىسىنى قايرىغىنىمدا كۆز ئالدىمدا چەكسىز كەتكەن دېڭىز ، ياپيېشىل ئورمانلىق ،.....
      شۇ دەقىقىلەردە ئانا تەبىئەتنىڭ نەقەدەر گۈزەللىكىنى يەنە بىر ھېس قىلغاندەك بولدۇم . ئىچىمدە : پاھ ئەگەر بۇ دۇنيادا جەننەت بار دېيىلسە .كۆز ئالدىمدىكى دەل مۇشۇ دۇنيادىكى جەننەت شۇ بولسا كېرەك دىگەنلەرنى ئويلىدىم .
    مېنىڭ بىلەن بىللە كەلگەن دوستلىرىممۇ  ماڭا ئوخشاشلا بۇ گۈزەل مەنزىرىدىن بەك ھاياجانلاندى .  بۇ يەردىن پۈتۈن دۆلەتلەردىن كەلگەن ساياھەتچىلەرنىڭ ئايىغى ئۈزۈلمىدى ، ھەر خىل مىللەت ، ھەرخىل ئىرقتىكى كىشىلەرنىڭ ھەممىنى ئۇچراتقىلى بولاتتى . ئارلىقتا بىر كۈن بىز كۇبانىڭ پايتەختى ھاۋاناغا بېرىپ كەلدۇق .
     شۇنداق قىلىپ بىز  دېڭىز بويىدا  يەتتە  كۈن تۇردۇق .،گەرچە ئۆزەم دۇنيادىكى ئەڭ گۈزەل بولغان ئارالدا تۇرىۋاتقان بولساممۇ يۇرت ،ۋەتەن توغرىسىدا ئىزتىراپلىق خىياللىرىم ھەر ۋاقىت توختاپ قالغىنى يوق . يۇرتنى  تولىمۇ سېغىندىم . مانا بۇ ھەرقانداق ئىنسان بالىسىنىڭ ئورتاق پىسخىكىسى، ئايرىلغاندىن كېيىن قەدرىنى ھېس قىلىش ھەر كىمدە بولىدىغان ئورتاق تۇيغۇ . بۇ توغرىسىدىكى ھېس- تۇيغۇلىرىم تولىمۇ كۆپ ،ئەگەر يەنە پۇرسەت ،ۋاقىت يار بەرسە تورداشلار بىلەن بۇ ھېس -تۇيغۇلىرىم بىلەن بىرلىكتە ئورتاقلىشىشقا تىرىشىمەن  :




       سول تەرەپتىكى سېرىقراق كەلگەن قىز دۇنياغا داڭلىق ئېكىسپىدىيچى سىۋېن ھېدىننىڭ يۇرتىدىن كەلگەن بولۇپ ،باشقا شىۋىتلارغا ئوخشاش قەھۋە ئىچىشنى ياخشى كۆرىدۇ .مىجەزى ئوچۇق يورۇق بولۇپ دائىم خوشال يۈرىدۇ ، ئوڭ تەرەپتىكى بۇغداي ئۆڭ كەلگەن قىز بولسا ھىندىستاندىن ، ئىنگىلىزتىلىنى راۋان سۆزلىسىمۇ ،تەلەپپۇزى دىگەندەك ئەمەس ، كۆپىنچە ھىندىستان تەلەپپۇزىغا ئېغىپ كېتىدۇ .

بەك چىرايلىق يەركەن. ساياھىتىڭىز كۆڭۈللۈك بولسۇن. مېنىڭمۇ بارغىلىرىم كەپ كەتتى دىسە.

سىزگە بەك ھەۋەس قىلدىم، جاندىن كەچمىگۈچە جانانغا يەتكىلى بولماس دىگەن گەپ بار، ۋەتەن ۋە يۇرت سىزدىن كۈتكەن ئۈمىدلەرنى ئاقلىيالىسىڭىز، ئۆزىڭىزگە كەلگەن ياكى ئۆزىڭىز قولغا كەلتۈرگەن پۇرسەت ۋە شارائىتلارنى قەدىرلەپ قىممەت يارىتالىسىڭىز شۇ بولغىنى....
ھېس ۋە تۇيغۇلىرىڭىز بىلەن ئورتاقلىشىشنى خالايمىز. كۆپرەك چەتئەلدىكى تۇرمۇش ۋە ئۆگىنىشىڭىز ھەققىدە پاراڭ قىلىپ بەرگەيسىز...

ئاۋۇ ئوتتۇرىدا ئولتۇرغان سىزمۇ؟  سىزنى بىر يەدە كۆگەندەك قىلىمەن.

     ھەر  دائىم   ھىس  تۇيغۇلىرىڭىز   بىلەن  ئورتاقلىشىشنى  خالايمەن  .

<< تىرىشقان  ئۇزار>>  دېگەن  شۇدە،سىزنىڭ تىرىشچانلىقىڭىز  ئاخىرى  مېۋە  بېرىپتۇ،ياخشى  ئوقۇش    پۇرسىتىنى  چىڭ  تۇتۇپ،تېخىمۇ كۆپ  بىلىملەرنى  خەلقىمىزگە  سۇنىشىڭىزنى  ئۈمىد  قىلىمىز،كۇبا  ھەقىدە كۆپ  ئاڭلىغان،بىراق مەنزىرىسىنى  كۆرۈپ باقماپتىكەنمىز،بەك ياخشى بولدى،بىۋاستە تەسىراتلىرىڭىز  نۇرغۇنلىغان ياشلىرىمىزغا  مەدەت  ۋە ئىلھام بېغىشلىشى  مۈمكىن،مۈمكىن بولسا  شۇ يەرلەرنىڭ مەدەنىيەت  جەھەتتىكى  ئۆزگىچىلىكى،مائارىپ  جەھەتتىكى  ئالاھىدىلىكى،يەنە تورۇنتۇدىكى خەلقنىڭ  پىسخىك  ئالاھىدىلىكى  .ئۆرۈپ-ئادەتلىرى ھەققىدىمۇ  پايدىلىق ئۇچۇرلار  بىلەن تەمىنلەپ  تۇرسىڭىز تېخىمۇ  ياخشى  بولاتتى،چۈشىمىزدىمۇ  كۆرۈشكە  جۈرئەت  قىلالمايدىغان  جايلارنى  مۇنبەر يۈزىدە بولسىمۇ  كۆرۈپ تۇرساق...

سىزدەك ياخشى پەرزەتلەرنى تەربىيلەپ چىققان ئاتا-ئانىڭىزغا مىڭ تەشەككۇر!تىرشچانىلىقىڭىغا ئاپىرىن.جەمىيىتىمىز سىزدەك ئىقتىساسلىقلارغا مۇھتاج.

    ياخشىكەن ! تېما ئېگىسى بىزلەرنىڭ كۆزىمىزنى خېلى ئېچىپ قويدى ، كۆپ تەشەككۈر ، لىكىن ، يەنە شۇ ئۇيغۇرچىلىق قىلىپ بىر گەپنى دەپ قويغۇم بەك كىلىپ كەتتى ...
    ئۇنۇتماسلىق كېرەككى ، جەننەت بار !
ئۇنى ھىچكىم كۆرمىگەن ، ئۇنىڭ گۈزەللىگىنى تەسۋىرلەشكە بىزنىڭ ئاددى كۈزىمىزدىكى تەسەۋۋرلار تولىمۇ بەك تولىمۇ ئاجىزلىق قىلىدۇ !
    جەننەت باركى ، ئەمما كۇبادا ۋە ياكى بىز كۆرگەن باشقا بىر يەرلەردە ئەمەس !

شۇنداق ياخشى ئوقۇتۇش پۇرسىتىگە ئېرىشكەنلىگىڭىزدىن بەك مەمنۇن بولدۇم...بىزگە بەرگەن ھوزۇرلىرىڭىزغا تەشەككۈر!
ئىشلىرىڭىزنىڭ ئوڭۇشلۇق بولىشىغا تىلەكداشمەن.

نەچچە كۈندىن ئېشىكىمنىڭ مىجەزى يوق باغداشقا كېلەلمىگەن ئىدىم !
بۇ كۇباكەندە ،،،،،،،، ئاللا ئىشلىرىڭىز . يوللىرىڭىز راۋان بولسۇن ،رەھمەت سىزگە

مەنمۇ  كۇباغا بېرىپ كەلگەندەك تاسىراتتا بولۇپ قالدىم ، كۆپ رەخمەت سىزگە ئېزىز تورداش.