جەمىئەتنىڭ ئەگىشىشىگە ئەگىشىپ بىزدىكى پاراڭلىشى قۇراللىرى بەك ئېسىللىشىپ كېتىۋاتىدۇ .تىپىك مىسالى بولغان (ئۈندىدار) يەنى ۋېيشىن.
ۋېيشىن قۇرالى توردا تارقىلىپ تا ھاززىرغىچە نۇرغۇن خەۋەرلەرنى كۆرىۋاتىمىز قۇلىقىمىز بىلەن ئاڭلاۋاتىمىز . شۇ ۋەجىدىن شۇ تېمىنى يېزىپ ئولتۇرۇپتىمەن ئۈندىدار سەن بىزگە نېمىلەرنى ئېلىپ كەلدىڭ

مۇنبەردىكىلەردىن شۇنى سوراپ باققۇم كېلىۋاتىدۇ مېنىڭ .
1-ئۇندىدارنى ئىشلىتىپ ئالغان نەپلىرىڭىزنى دەپ بېرەلەمسىز ؟
2-مۇنبەردە توي قىلمىغان قىز يىگىتلەر خېلى بار ئۇنداقتا بەردەم يىگىتلىرىمىز ئۆزىڭىز سۆيگەن چىن يۈرىگىڭىزدىن ياخشى كۆرگەن مۇھەببىتىڭىزنى مۇشۇ ئۇندىدار تۈپەيلى دىلىنى رەنجىتكەن يەرلىڭىز بارمۇ يوق ؟ كەلگۈسى مىللىتىمىزنىڭ ئانىلىرى بولغان چىرايلىق قىزلىرىمىز مۇشۇ ئۈندىدار تۈپەيلى سىز ئۈچۈن يۈرۈگى دۈپۈلدەپ سوقىۋاتقان شۇ ئاقكۆڭۈل يىگىتىڭىزگە بىرەر قېتىم يۈزسىزلىك قىلىپ باقتىڭىزمۇ ؟ چۈنكى ئۈندىدار ئوينىغان ئادەم مەلۇم مەقسەتتە ئوينايدۇ ئەمەسمۇ ؟
3- توي قىلىپ بولغان ئاكا ھەدىلەر . سىلەرچۇ مۇشۇ ئۈندىدار تۈپەيلى ئىللىق ئائىلەڭلەرگە سوغاقچىلىق چۈشۈپ قالغان يەرلىرى بارمۇ ...؟
 مېنىڭ شەخسەن پىكىرىمنىمۇ ئاڭلاپ قويۇڭلار ئەزىزلەر :
بۇ ئۈندىدار ماڭا ئېلىپ كەلگەن ئاۋارىچىلىقلار بەك كۆپ بەلكىم مەن بۇنى توغرا يولدا ئىشلەتەلمىگەندىمەن ياكى ئىشلىتەلىگەندىمەن ..مۇشۇ تۈپەيلى قانچە تېلفۇننى چېقىۋەتكىنىمنى ئۆزەم ھەم مۇھەببىتىمدىن باشقا ئادەم بىلمەيدۇ ..نۇرغۇن سوغوقچىلىقلار ھەم ئۇقۇشماسلىقلار ئۈزۈلمىدى ..كېيىن بىز مەسلىھەتلەشتۇق ،ئورتاقلاشتۇق ..بۇندىن كېيىن ئوينىمايدىغان بولدۇق .كېيىنچۇ ئەلۋەتتە بىزنىڭ خوشال كۈنلىرىمىز قايتىدىن باشلاندى ..ئەلۋەتتە تويلىشىدىغانغا پۈتۈشۈپ بولغان لايىقىم تۇرسا ئۇنى باشقۇرمىسام بولامدۇ ؟ ئۇ ماڭا كۆيۈنمىسە بولامدۇ ؟
 ئاڭلىدىم ئۆز كۆزۈم بىلەن كۆردۈم ھەم ئاڭلاپلاۋاتىمىز ..مەكتەپتە چاغلاردا مەيلى قىزلىرىمىز بولسۇن مەيلى يىگىتلىرىمىز بولسۇن كۈنىگە دېمىسەكمۇ ھەپتىسىگە يەڭگۈشلەپ تۇردى . سورىدىم مەن : ئاۋۇ كۈنى ئارىلىشىۋاتقان مۇھەببىتىڭچۇ ؟ دېدىكى :ئايرىلىپ كەتتىم ۋا ماس كەلمەيدىكەنمىز .مەن يەنە سورىدىم : بىلمەيتتىڭمۇ بۇرۇن ئۇنىڭ مىجەزىنى ئۇ دېدىكى ؛نەدە يۈرۈپ بىلىمەن مەن مۇشۇ ئۈندىدار ئارقىلىق تونۇشۇپ قاپتىمەن كېچە كېچىلەپ پاراڭلىشىپ يۈرۈپ تېپىشىپ قالغان ئىدۇق كېيىن بالىلاردىن ئاڭلىسام يۇرتىدا پۈتۈشۈپ قويغان لايىقى باركەن .  مانا شۇنچىلىك غاپىللققا يۈزلىنىپ كەتتۇقما بىز ؟ شۇنچىلىك سۇيۇقلىشىپ كەتتۇقما بىز ؟ بىز ئەسلى ئۇنداق ئەمەس ئىدۇق بىزدىكى مۇھەببەت قارشى ئۇنچىلىك تۆۋەن ئەمەس ئىدى ..چىن مۇھەببەتنى دەپ قان تۆككەن ئەمەسمىدۇق ؟ جەمىئەتنىڭ تەرەقىياتىغا ئەگىشىپ بىز بۇزۇلىۋاتىمىز .ئەڭ ئاددى مىسالى ئۇندىدار .قانچىلىك بەردەم ئوغۇللىرىمىز ئۈندىدارنىڭ قۇلىغا ئايلىنىپ قەيەرلەردە بېلىق تۇتىدىغانغا تور تاشلاۋاتىدۇ ؟ قانچىلىك مېھرىبان قىزلىرىمىز يەم ئىزدەپ يۈرۈيدىغاندۇ ؟  بىر ئەسكەرتىشىم ..قىزلىرىمىز ئوغۇللارنى كۈنلەڭلەر ،ئوغۇللىرىمىز قىزلىرىمىز نى كۈنلەڭلار(لايىقىدا تەربىۋى ئاساستا ئەلۋەتتە).
 بىچارە ئۈندىدار ھەممە گۈناھنى ساڭا يۈكلەپ قويدۇم مېنى كەچۇر .چۈنكى سەن تىللاشقا سازاۋەر ئىدىڭ نېمىشقا دەپ مەندىن سوراۋاتامسەن؟ چۈنكى سەن ئوتتۇرىدا دەللالىق قىلىۋاتىسەن ..ئوغۇللىرىمىزنى بوشاشتۇرۇپ قويىۋاتىسەن ،ۋىجدانىنى يوقۇتۇشقا پۈرسەت ھازىرلاپ بېرىۋاتىسەن . قىزلىرىمىزنى تۈگەشتۈرۈپ قويىۋاتىسەن ..چۈنكى سەن ئۇلارنى تونۇشتۇرمىساڭ تونۇشمايتتى .ئەسلا تونۇشمايتتى شۇ ۋەجىدىن قىزلىرىمىز ئىپپىتىنى يوقۇتۇشقا مۇيەسسەر بولىۋاتىدۇ .قىلىدىغاننى ئۆزى قىلىپ بوپ تەغدىرىم مۇشۇ ئوخشايدۇ دەپ قويىدىكەن خۇددى سەن ئۇلارنىڭ تەغدىرىدەك .ئاناڭنىڭ قوڭڭىغا تەغدىرى سەن بولامسەن ؟ ئۇلارنىڭ تەغدىرى ئۆزىنىڭ قولىدا تۇرسا .بىزنىڭ خۇدايىمىز بىزگە (يارىتىش مېنىڭدىن قانداق ياشا ئۆزەڭدىن) دەپ بولغان تۇرسا .سەن ئوتتۇرىدا دەللالچىلىق  رولىنى ئويناپ قالدىڭ شۇڭا مەن تىللايمەن سېنى . قارغايمەن سېنى سېنى ئىجاد قىلغان ئادەمنى كۆرسەم ئۇرىمەن تېخى .
سېنى تىللاۋەرسەم ھەممە گۇناھنى ئۆزەڭگە ئەۋالما سېنىڭ بىزگە ئېلىپ كەلگەن رولىڭمۇ با ..
1-تېلفۇن ھەققى تېجىلىپ قالدى
2-ئۇرۇق تۇغقان دوست بۇرادەرلەر ئوتتۇرىسىدا ئىزدىشپ ئۆتىشىمىزگە رول ئويناۋاتىسەن ،
3- سەن قولايلىق ئېلىپ كېلىۋاتىسەن .مەسىلەن نىيۇسكىن،ئەمىۋاي دېگەندەك سودا قىلىدىغان قېرىنداشلىرىمغا بەك بەك قولايلىقلار ئېلىپ كەلدىڭ رەھمەت ساڭا .
ئەڭ ئاخىرىدا سېنىڭ زىيىنى يوق پايدىسى بار بىر قورالغا ئايلىنىشىڭنى ئۈمۈد قىلىمەن
كەڭ تورداشلىرىمنىڭمۇ سېنى توغرا يولدا ئىشلىتىشىڭنى ئۈمۈد قىلىمەن

ھەرقانداق نەرسىنىڭ پايدىسى ۋە زىيىنى بولىدىكەن ھە ، بۇ پىچاقنىڭ سېپىنى تۇتامسەن بېسىنىمۇ ،ياكى ئالما ئاقلامسەن قولۇڭنى كىسەمسەن دىگەندەك ئىككى تەرەپلىمىلىك روللىرى بولدىكەن ھە ، ئۇندىدار دىگەن نەرسىنىڭ ،

گەپ ئۇ مىكرو خەت تە ئەمەس بەلكى كاللىدا.

بالىلار «ئۈندىدار» دېمەڭلار قاملاشمىغان نام بۇ....

ئۇيغۇر بالىلىرىدا بايقۇت قىلىش دېگەن ئاڭ يوقمىدۇ؟

بۇ تېما يەنە ئىككى كۈن تۇرسا پاخالغا ئوت تۇتاشقاندەك بولۇپ كىتىدۇ.
ئاساسى مەسىلە يەنىلا شۇ ئىشلەتكەن ئادەمنىڭ ئۆزىگە باغلىق،بۇ شۇنداق ئىرادىسى ئاجىز،چۈشكۈن مىجەزدىكى ئادەملەرنىڭ شۇ پەسكەش روھىيتىغا كاتالىزاتور رولىنى ئوينايدۇ خالاس،ئوتتۇرا-باشلانغۇچ مەكتەپتىكى ئۆزىنى كونتورول قىلىش ئىڭى تۆۋەن بولغان ئوقۇغۇچىلارغا نىسپەتەن ئىنتايىن خەتەرلىك،بولۇپمۇ ھازىرقى ئوقۇغۇچىلاردىكى بالدۇر يىتىلىش،ئىددىيسى ئىچىلىپ كىتىش،پۇشايماننىڭ نىمىلىكىنى بىلمىگەن ھالەتتە يىڭى بىر تىخنىكىغا قىزىقىش تۈپەيلى قالايمىقان ئاتالمىش مودا ئەمەس مودا يىگىتلەر ۋە مودا ئەمەس مودا قىزلارنىڭ رەسىمىگە ئاساسەن بىر-بىرىنى تۇيۇق يولغا ماڭمايدۇ دىگىلى بولمايدۇ.
بۇ خىل دىتالنى توسۇش قولىمىزدىن كەلمەيدۇ،
شۇڭا ھەر قايسى ئاتا-ئانىلار ۋە ھەرقايسى ھەم-شىرەنلەر ئالدى بىلەن ئۆز ئۇرۇق تۇققانلارغا تەربىيۋى خىزمەت ئىشلىشى كىرەك.
سىز بىر ئائىلە كىشىلىرى ئىشلەتكەن بولسىڭىز،ئىنى-سىڭىللىرىڭىزنىڭ ئۈندىدارىغا دىققەت قىلسىڭ،قانداق رەسىم يوللاۋاتىدۇ،قانداق گەپ سۆزلەرنى يازدى،دىگەندەك.باشقىلارنىڭ دىققىتىنى تارتىدىغان،چەكتىن ئاشقان سۆزلەرنى يىزىپ چىقىرىپ قويسا ۋاقتىدا تەربىيە قىلىڭ.
ئەلۋەتتە بۇ دىتالدا زورمۇ-زور بىرسىنى قىتىۋالغىلى بولمايدۇ،تەستىقتىن ئۆتكەندىن كىيىن شۇنداق پاراڭلاشقىلى بولىدۇ.
شۇڭا بۇ تېمىنى داۋاملىق سۆكىۋەرسەك يەنە شۇ ئۆزىنى باشقۇرالمايدىغان،مۇنبەرگە ئۆمۈرىدە كىرىپ باقمايدىغان،نەق مۇشۇ ۋاقىتنىڭ ئۆزىدە سىرتتا تور تاشلاپ لاغايلاپ يۈرگەنلەرنى تىللاشتىن باشقا ئىش ئەمەس.

    زىيىنى يوق سانائەت مەھسۇلاتى يوق دىيەرلىك .ھەرقانداق شەيئىنىڭ ئىككى تەرىپى بولىدۇ .گەپ شۇنى قانداق يولدا ئىشلىتەلىشىڭىزدە .مەسىلەن بىر دوختۇرخانىدا مەلۇم بىر ھادىسىدا قان كۆپ ئېقىپ كەتكەن بىر بىمارغا مەلۇم تىپلىق قان جىددى لازىم بولۇپ قالدى ،بۇ چاغدا ئۈندىداردىن پايدىلىنىپ تېىز ۋاقىتتا قان بېرىدىغان ئادەمنى تاپالىشىڭىز مۇمكىن .
    مەنمۇ بۇ ئۈندىدار ئىسمى بىلەن يېقىندا تونىشتىم ،مىكرو خەت دېگەن ئىسىم ئەمەس بىرىككەن سۆز ئىسىم بولالمايدۇ ،شۇڭا بۇنچىلىك ئىشتىمۇ بۆلگۈنچىلىك قىلىپ كېتىشنىڭ ھاجىتى يوق .

مەن ئۈچۈن قولىنىشقا پايدىلىق بولغىنى خېرىدارلىرىمغا مالنىڭ رەسىمىنى تارتىپ ئېۋاتىمەن ئۇلار ئۈندىداردا رەسىمنى كۆرۈپ رازى بولسا سېلىپ بېرىمەن ، مەن ئۈچۈن پايدىلىق يېرى شۇ ....

ھە ئەلنەزەر ئىنىم ياخشى تېما يوللاپسىز ،
راس گەپنى قىلسام موشۇ ۋېيشىن دىگەننى مەن بىلگىلى تېغى 2ئايچە ۋاقىت بولدى ، زاماننىڭ بەكلا كەينىدە قالغان ئوخشايمەن  

ئىشغانىدكى بالىلار ئويناپ يۈرىيدۇ ، .ۇنىڭدا بىرمۇنچە  گەپلەرنى قىلىپ تاشلاپ يانچۇقىغا سېلىۋالىدۇ ، بىردەم ئۈتكەندىن كىيىن قارشى تەرەپنىڭ گىپىنى ئاڭلايدۇ ،
قانداق نەرسە بۇ دېسەم مېنى ئۇلار ئاكا سەن بەكلا مەتو بولۇپ كىتىپسەنغۇ بۇنىمۇ بىلمەمسەن دەپ بىر نەچچىسى بۇلبۇلدەك سۈزلەپلا كەتتى ، قولۇمغا ئېلىپ قاراپ باقسام ئۇ نەرسىنىڭ ئىقتىدارى ئادەتتىكچە ئەمەسكەن ، شۇنىڭ بىلەن ئۈزۈمنىڭ مەتولىشىپ كەتكەنلىكىمنى ھېس قىلدىم  
تېمىغا كەلسەك گەپ يەنىلا ئۇنىڭدىن توغرا پايدىنلىنىشتا ، ئەخلاق قارشىى ئاجىزلاۋاتقان بىر قىسىم ياشلارنىڭ تۇيۇق يوللارغا كىرىپ ناچار ئىشلارنى قىلىشىغا شەرت شارائىت ھازىرلاپ بېرىدۇ ، شۇڭلاشقا تورداشلار دىگەندەك ئاتا ئانىلار بالىلىرغا ھەرۋاقىت كۈز قۇلاق بولىشى كىرەك ،
كۈزئالدىمدىلا كۈرۈپ تۇرىۋاتىمەن ، خىزمەتداش بالىلار بىردەم ئۇنىڭ بىلەن بىردەم بۇنىڭ بىلەن پاراڭلىشىپ تۇرىدۇ ، ھەي

قېلىچ دۈشمىنىڭنىڭ قولىدا بولسا ئۇ سىنى چاپىدۇ، سىنىڭ قولۇڭدا بولسا سەن دۈشمىنىڭنى چاپىسەن.
ئاللاھ ھەركىمگە دەۋزەق ۋە جەننەتتىن بىرنى تاللاش ھوقوقىنى بەرگەن.

‏ئەسسالامۇ  ئەلەيكۇم  ئوغۇل  بالدەك  نوچى تېما يوللاپسىز ، مۇنبەردى ئاكا ھەدىلە  بەلكىم قىزىڭىز ئوينايدىغاندۇ ۋە ياكى ئوغلىڭىز ۋەياكى ئىنە سىڭىللىرىمىز ئوينايدىغاندۇ بۇنى  تەكلىۋېم بولسا ئوينىمىسۇن دىسەك ئۇنمايسىز ھەقىچان ئۇنداق بولغاندىكىن  ئۇلارنىڭ qq  ،33591  ئۈندىدار دېگەندەك نەرسىلىرنى مۇنداق  قاراپ باقايلى  قانداق رەسىم  چىقىرۋاپتۇ كىم بىلەن نىم دىيشىۋاتىدۇ   بەلكىم  سىزنىىڭ مۇشۇنداق بىرەر ئىككى مىنوت ۋاقىت ئاجىرتىپ قاراپ قويغىنىڭىز نۇرغۇن يامان ئىشنىڭ ئالدىنى ئالالىشى مۇمكىن  بولسا تېمىنى كورگەندىن كىيىن  ئەتراپىڭىزدىكى بالىڭىز ۋە ياكى ئۇكىڭىزنىڭ ۋەياكى قىز سىڭلىڭىزنىڭ تېلفوننى ئېلىپلا كوروپ بېقىڭ qq دا نىم دەپتۇ  ئالبومىدا نىمە رەسىملەر باركەن ئۇندىداردىچۇ  33591 دىگەن نەرسىللىردىچۇ ئىشنىمەنكى  سىز  چوقۇم  بىرەر نەرسە بايقايسىز  !!!
‏  ئەمدى يۇقىردا دېگەندەك  تېلفون ھەققىنى تىجەپ بەردى  بۇرۇن ۋەتەندىكى چاغلاردا تېلفون نۇمۇرۇڭ قانچە دەيتۇق  ھازىر ئۈندىدارغا قاچلىۋالە دەيدىغان بولدۇق  خەلقارالىق تېلفون ھەققىمنى بەكلا تېجەپ بەردى !مۇشۇ يېرگە كوز يۇمغىلى بولمايدۇ !