1 . تىلەمچى سىزدىن ئاش تىلىسە پۇل ، پۇل تىلىسە ئاش بېرىڭ .

2. ئاممىۋى ئاپتوبۇسدا قېرى ، ئاجىز ، كېسەلچان ، مېيىپ ۋە ئىككى قات ئاياللارغا تەشەببۇسكارلىق بىلەن ئورۇن بېرىڭ . قارشى تەرەپنىڭ رەھمىتىگە كۈلۈمسىرەپ قويسىڭىزلا بولدى . ئورنىڭىزنى بوشىتىپ بەرگەندىن كېيىن ئاپتونوستىن چۈشىدىغان قىياپەتتە ئۇ كىشىدىن يىراقراق تۇرۇڭ . شۇنداق قىلسىڭىز ، ئورنىڭىزدا ئولتۇرغان كىشى ئوڭايسىزلىنىپ قالمايدۇ .
3. ھاۋا سوغۇق ياكى يامغۇر ، قار ياغقان كۈنلەردە كۆكتات ، مىۋە - چېۋە ، گېزىت - ژۇرنال سېتىۋاتقانلارغا ئازراق بولسىمۇ سودا قىلىپ بېرىڭ ، بۇ ئۇلارغا قىلغان ياردىمىڭىز .

4. يولدىن ئېزىپ قالغان بالا ياكى بوۋاي - مومايغا يولۇققىنىڭىزدا ئامال بار ئۆيىگە ئاپىرىپ قويۇڭ . ئەگەر ئۆيىگە ئاپىرىپ قويالمىسڭىز ئاپتوبوسقا سېلىپ قويۇڭ ، ساقچىخانىغا ئاپىرىپ قويسڭىزمۇ ئائىلىسىدىكىلەرگە تېلېفون بېرىپ ئۇچۇر بەرسىڭىزمۇ بولىدۇ .

5. يولدىن ئېزىپ قالغانلارنىڭ باشقىلاردىن يول سوراۋاتقانلىقىنى ئاڭلاپ قالسىڭىز ، ئۇلارغا تەشەببۇسكارلىق بىلەن يادەم قىلىڭ .

6. بىرەرسىنىڭ پورتمىلىنى تېپىۋالسىڭىز ، دەرھال ئىگىسىگە قايتۇرپ بېرىڭ . ئەگەر پۇلغا بەكلا ئېھتىياجلىق بولسىڭىز ، ئىچىدىكى نەق پۇلنى ئېلىپ قېلىپ ، پورتمالنىڭ ئىگىسىگە تېلېفون قىلىپ « پالانىچى يەردىن تېپىۋالدىم » دېسىڭىزمۇ بولىدۇ . ئۇنىڭدىكى ئىناۋەتلىك كارتا ، كىملىك ، پراۋا قاتارلىقلارنى ئۆز پېتىچە ئىگىسىگە قايتۇرۇپ بەرسىڭىز ئۇ كىشى يوقالغان ئازراق پۇل ئۈچۈن ئانچە قىلىپمۇ كەتمەيدۇ . بىراق سىز ئۇنىڭ ئادرېسىنى يېزىۋېلىشنى ئۇنتۇپ قالماڭ . كېيىنچە پۇل تاپقاندا ئۇنىڭدىن كەچۈرۈم سوراپ پۇلىنى قايتۇرۇپ بەرسىڭىز تېخىمۇ ياخشى بولىدۇ .


7. ئوقۇغۇچىلارنىڭ ئۆزىنى قامداش ئۈچۈن سىرتقا چىقىپ ئىشلىشى قەدىرلەشكە تېگىشلىك روھ ، ئوتتورا مەكتەپ ئوقۇغۇچىلىرىنىڭ ، بولۇپمۇ قىز ئوقۇغۇچىلارنىڭ تېخىمۇ شۇنداق . شۇنىڭ ئۈچۈن ئۇلارنىڭ بىرەر ئىش قىلىۋاتقانلىقىنى ياكى نەرسە - كېرەك سېتىۋاتقانلىقىنى كۆرگىنىڭىزدە چوقۇم ئۇنىڭغا ياردەم قولىڭىزنى سۇنۇڭ ، ئەگەر ئۇ ئوقۇغۇچىنىڭ ئائىلىسىدە قىيىنچىلىق بولمىسا ھەرگىزمۇ سىرتقا چىقىپ ئىشلەمچىلىك قىلمايدۇ . ئۇنداق ئوقۇغۇچىلارنىڭ غەيرىتىگە بارىكاللا ! ئۇلارغا كۆپرەك ئىلھام بېرىپ كۆيۈنۈش كېرەك .


8. كېچىلىك بازاردا يايما يايغانلاردىن ئازراق بولسىمۇ نەرسە - كېرەك سېتىۋېلىڭ . ئۇلارنىڭ سېتىۋاتقانلىرى ئەرزان باھالىق نەرسىلەر ، شۇڭا ئارتۇقچە باھا تالىشىپمۇ ئولتۇرماڭ . ئەگەر ئائىلىسىنىڭ ئىقتىسادىي ئەھۋالى ياخشى بولسا ، ئۇلار شۇ كېچىدە ، شۇ سوغۇقتا توڭلاپ يايما يېيىپ ئولتۇرارمىدى ؟

9. ئەگەر ئىقتىسادىي ئەھۋالىڭىز ياخشى بولسا ، پۇللىرىڭىزنى ئەيشى - ئىشرەت ، كەيپى - ساپاغا ئىشلەتمەستىن ، بىرەر خەيرلىك ئىشقا سەرپ قىلىڭ ، يەنى ئىقتىسادىي قىيىنچىلىق سەۋەبىدىن ئوقۇشسىز قالغان نامرات ئوقۇغۇچىلارغا ياردەم قولىڭىزنى سۇنۇڭ . ئۆزىڭىزنىڭ سالاھىيىتىنى ئاشكارىلىمىسىڭىز ، قىلغان ئىشىڭىز تېخىمۇ ساۋابلىق بولىدۇ .


10. ئەگەر شارائىتىڭىز يار بەرسە ، ھەم يۇقىرىقى سۆزلەرنىڭ ئازراق بولسىمۇ ئاساسىي بار ، دەپ قارىسىڭىز ، ئۇلارنى باشقىلارغىمۇ يەتكۈرۈپ قويۇڭ ، چۈنكى ئىناقلىق تەكىتلىنىۋاتقان بۈگۈنكى كۈندە جەمئىيەتتە ياخشىلار كۆپەيسە ، ھەممىمىز بەخت ئىچىدە ياشايمىز . بىراق باشقىلارغا يەتكۈزگەندە مەنبەنىڭ ئەلكۈيى مۇنبىرى ئىكەنلىكىنى،يوللىغۇچىنىڭ ئارمانلىرىم نامىدىكى مەندەك بىر تورداش ئىكەنلىكىنى ئېيتىشنى ئۇنتۇپ قالماڭ!

  يوللانغان مەزمۇن بىلەن تېما ماس كەلمەپتۇ  . ئەمما مەزمۇن ئۆزى شۇنداق ساغلامكەن .

بۇلارنى قىلغاندا تۆۋەندىكىلەرگە دېققەت قىلايلى
ياخشىلىقنى خالىس نىيەت بىلەن قىلىش
ياخشىلىق قىلىپ ئۇنتۇپ كېتىش ،جاۋابىنى تەما قىلماسلىق

ئالتىنجى جۈملە دۆلىتىمىزھازىر تۇرىۋاتقان تەرەققىيات باسقۇچىغا ئانچە ماس كەلمەمدىكىن دەيمەن .  

ئۆتكەندە ئۈرۈمچىدە بىر ئانا-بالىنىڭ(قىز) ئېغىر بىر سومكىنى تەستە كۆتىرىپ كىتىۋاتقىننى كۆرۈپ، ياردەم قىلاي دىسەم، قەتئى ئۇنىمىدى، شۇنداقلا بىر قارىغان ئىدى، قاتتىق ئوڭايسىزلاندىم، يامان ئادەمدەك كۆرۈنگەن ئوخشايمەن

ھەمىمىز ئۆزىمىزدىن باشلايلى ھەقىقەتەن توغرا پىكىرلەركەن .

مەنمۇ كوچا ئاپتۇبۇسىدا يات يىگىتلەرنىڭ ئارىسىدا قىستىلىپ ئۇڭايسىزلىنىپ كىتىۋاتقان بىر مودىچىلا (ئۇيغۇر) قىزچاققا ئورۇن بوشۇتۇپ بىرىپ،ئورنۇمغا كىلىپ ئولتۇرۇشنى دىسەم،،ئۇ خۇددى ئەزرائىلغا يۇلۇققان كىشىدەك چىرايىنى سەت پۈرۈشتۈرۈپ ھومايماسمۇ،،مەنمۇ ئۇنى مەسخىرە قىلغاندەك ئۇنىڭغا تىكىلىپ قاراپ قۇيۇپ جايىمغا كىلىپ ئولتۇراي دەپ تۇرسام قېرى لوخەندىن بىرسى كىلىپ ئولتۇرۇپ بوپتۇ،،،ئەجەپمۇ ئىچىم پۇشتى.


چىرايىمغۇ خېلى كىلىشكەنتى بولمىسا لىكىن نىمە بۇلۇپ ئۇ قىزچاققا ياقمىدىمكىن،،،ھەي،،،

قىسقىسى بىزدكى ۋىژدان، بۇ ياخشىلىقىلار باشقىلارغا ئەمەس ، ئۆزىمىزگە پايدىلىق،. ياخشىلىق قىلىش ھەرگىزمۇ باشقىلارغا كۆز كۆز قىلىش بۇلۇپ قالماستىن بەلكى ئۈزىمىزنىڭ گۇناھلىرى بولسا شۇنۇڭغا قايتۇرغان ئازراق جاۋاپ خالاس،

تىما بىلەن مەزمۇن ماس كەلمىگىنى بىلەن بۇ ئون پارچە نەسىھەت كەشلەرنى ئىنسانپەرۋەرلىككە ئۇندەيدىكەن

ئىشلىتىش

بۇ مەزمۇن 6قەۋەتتىكى anatil8دە2012-09-13 21:58يوللىغان يازمىسىغا نەقىل :
مەنمۇ كوچا ئاپتۇبۇسىدا يات يىگىتلەرنىڭ ئارىسىدا قىستىلىپ ئۇڭايسىزلىنىپ كىتىۋاتقان بىر مودىچىلا (ئۇيغۇر) قىزچاققا ئورۇن بوشۇتۇپ بىرىپ،ئورنۇمغا كىلىپ ئولتۇرۇشنى دىسەم،،ئۇ خۇددى ئەزرائىلغا يۇلۇققان كىشىدەك چىرايىنى سەت پۈرۈشتۈرۈپ ھومايماسمۇ،،مەنمۇ ئۇنى مەسخىرە قىلغاندەك ئۇنىڭغا تىكىلىپ قاراپ قۇيۇپ جايىمغا كىلىپ ئولتۇراي دەپ تۇرسام قېرى لوخەندىن بىرسى كىلىپ ئولتۇرۇپ بوپتۇ،،،ئەجەپمۇ ئىچىم پۇشتى.


چىرايىمغۇ خېلى كىلىشكەنتى بولمىسا لىكىن نىمە بۇلۇپ ئۇ قىزچاققا ياقمىدىمكىن،،،ھەي،،،

بەك كۈلدۈرۈۋەتتىڭىز-جۇمۇ............... سىزنىڭ نىيىتىڭىز.............
ياخشى يېزىلغان تېمىكەن ،داۋاملىق ئەتتىراپىمىزدا يۇزبېرىدان ئىشلاركەن ، قىلىمىزدېسەكلە تەس ئەمەس........

مەن تۆۋەندىكى مەزمۇننى ئانچە ياقتۇرۇپ كەتمەيمەن.

7. ئوقۇغۇچىلارنىڭ ئۆزىنى قامداش ئۈچۈن سىرتقا چىقىپ ئىشلىشى قەدىرلەشكە تېگىشلىك روھ ، ئوتتورا مەكتەپ ئوقۇغۇچىلىرىنىڭ ، بولۇپمۇ قىز ئوقۇغۇچىلارنىڭ تېخىمۇ شۇنداق . شۇنىڭ ئۈچۈن ئۇلارنىڭ بىرەر ئىش قىلىۋاتقانلىقىنى ياكى نەرسە - كېرەك سېتىۋاتقانلىقىنى كۆرگىنىڭىزدە چوقۇم ئۇنىڭغا ياردەم قولىڭىزنى سۇنۇڭ ، ئەگەر ئۇ ئوقۇغۇچىنىڭ ئائىلىسىدە قىيىنچىلىق بولمىسا ھەرگىزمۇ سىرتقا چىقىپ ئىشلەمچىلىك قىلمايدۇ . ئۇنداق ئوقۇغۇچىلارنىڭ غەيرىتىگە بارىكاللا ! ئۇلارغا كۆپرەك ئىلھام بېرىپ كۆيۈنۈش كېرەك .

مەن ئوقوغۇچىلارنىڭ سىرىتقا چىقىپ ئىشلىشنى ئانچە ياقتۇرۇپ كەتمەيمەن.  ھازىر ئائىلىلەردە قىيىنچىلىق يوق دەپ كەتكىلى بولمايدۇ، لىكىن بالىلار سىرىتقا چىقىپ ئىشلىمىسە ئائىلىنى قامدىغىلى بولمىغىدەك دەرىجىدە ئەمەس. ئوتتۇرا مەكتەپ ئوقوغۇچىلىرىنى سىرىتقا چىقىپ ئىشلەشنى تە ۋىسيە  قىلغاننىڭ ئورنىغا ياخشى ئوقۇشقا تەۋىسيە قىلساق. بىز  بالىلارنى كىچىكىدىن پۇلنىڭ قۇلىغا ئايلىنىپ قىلىشقا ئۈندىمىسەك.  مىنىڭچە بالىلارنى سىرىتقا چىقىپ ئىشلەشكە تەۋىسيە قىلىشنىڭ ئورنىغا ئاتا-ئانىغا ياردەملىشىشكە، كىتاپ كۆرۈشكە، مىللىتىمىزنىڭ ئەن-ئەنىۋى ئەخلاقىنى ئۈگىنىشكە  تەۋىسيە قىلساق.