تاغلارنىڭ بۈيۈكلۈكى سۈكۈتىدە. ناداننىڭ خارلىقى ئورۇنسىز سۆزىدە. سۆزنىڭ بوغۇزدىن ئۆتۈپ 32 قاراۋۇلنىڭ نازارىتىدىن چىقىپ كالپۇكقا كەلگۈچە بولغان 3 قاتلاملىق مۇساپىسى بىر ھېكمەت. ئاقىللار سۆزىنى ئەقىل تارازىسىغا سېلىپ، دىيانەت سۈزگۈچلىرىدە تاسقاپ ئېيتسا، بەدنىيەتلەر ئۇنى گۇمان ۋە رەسۋالىق يۆگەكلىرىگە يۆگەپ كىشىنىڭ قەلبىگە ئاتىدۇ.

تارىختىن بۇيان بىر ئېغىز سۆزنىڭ نامۇۋاپىقلىقى ۋەجىدىن تالاي قانلار تۆكۈلگەن. سانسىز بىگۇناھنىڭ كۆزىدىن ياش ئورنىغا قان ئاققان. بىر جۈملە ياخشى سۆز بىلەن ئىشىك ئالدىغا كېلىپ قالغان ياۋ پەيلىدىن يانغان.

بەزىدە سۈكۈتمۇ مەنىسىز ۋاتىلداشتىن ئەلادۇر. ئىتنىڭ كۆرمەي تۇرۇپ قاۋىشى تەبىئىتىدىن بولسا، ئادەمنىڭ كۆرمەي تۇرۇپ سۆزلىشى ئەقىلسىزلىغىدىندۇر. شۇڭىمۇ ئاتىلار »تىلغا ئېتىبارسىز، ئەلگە ئېتىبارسىز« دېگەن ھېكمەتنى قالدۇرغان.

ھەممىدىن بەك ياقتۇردۇم.

يۈرەكلەرنى ئاختۇر ئادەملەر،
بىر يۈرەكمۇ تېپىلماس پۈتۈن...

ھەربىر ۋەقەدىن بىر ئىلھام. كۈندىلىك تۇرمۇشتا ھەممىمىز ئۇچرايمىز خىلمۇخىل ئادەم ۋە ۋەقەلەرگە. بىراق شۇنىڭدىن تەپەككۇر ھاسىلاتى يىغىپ، قۇر تىزالايدىغانلار ھەممىلا يەردە بولىۋەرمەيدۇ. ھەممىمىز تۇرمۇشنىڭ يازغۇچىسى، دەپ قويىدىكەن، بىراق بۇنىڭ ئالدىغا «ھەقىقىي» دېگەن سۆزنى يېزىش كېرەكتۇر بەلكىم.

قوشۇمچە: ماۋزۇنىڭ ئاخىرىدىكى «چېچەك» دېگەن سۆز تېما مەزمۇنى بىلەن ئانچە بىردەكلىككە كېلەلمىگەن چىراي. ماۋزۇنى مۇنداقلا ئوقۇماققا كىشى بىرخىل رومانتىك ياكى سۈزۈك، يىنىك قۇرلارنى خىيال قىلىدۇ. بىراق تېمىدا ئىپادىلەنگىنى ئاچچىق ھەقىقەت، كىشى ئويلانمىسا بولمايدىغان تەخىرسىزلىكلەردىن بىشارەت. سەمىمىي پىكىرىم لېكىن.

مەڭگۇ تاشنىڭ ئەسەرلىرىنى 10 خىل مۇنبەرگە كىرسەم 10 قېتىم ئۇچۇرتىمەن ،بىرەر قېتىم بولسىمۇ باشقا مۇنبەرلەرگە بەرمىگەن ئەسەرلىرىنى باغداشقا  بەرسىكەن دەيمەن.

   مېنى يامان يەردىن تۇتتىڭىزغۇ كۆكتۈرۈك. دەرۋەقە، بەزى ئەسەرلىرىم باشقا مۇنبەرلەرگىمۇ بېرىلدى. لېكىن مېنىڭ مەقسىدىم مۇنبەرنى پاخاللاشتۇرۇش ئەمەس. چۈنكى، بەزى مۇنبەرلەرنىڭ خاس ئوقۇرمەنلىرى بار. باغداشقا بەرگەن خېلى كۆپ ئەسەرلىرىم باشقا مۇنبەرلەرگە بېرىلمىدى.
بۇندىن كېيىن سەل دېققەت قىلاي.

بەكمۇ ئېسىل چېچەكلەركەن .  

تەپەككۇر قاناتلانسۇن ، قەلب چىرىمىسۇن ، قەلىمىڭىز ھېرىپ قالمىسۇن. رەھمەت

ئادەم قانچىلىك ئەقىللىق ۋە ئەپچىل بولسىمۇ ، ھالاللىقىنى يوقۇتىشى بىلەن شۇنچىلىك ياۋۇز ،ئاداۋەتچى بولۇپ  كىتىدۇ.
تېمىڭىزغا رەھمەت ،ھارماڭ

ھەممە ئادەمدە نەپس ۋە روھ بولدۇ .  نەپسنىڭ گۇناھىنى روھ تۇزتىدۇ .نەپسىنى يىڭىپ روھنى غالىپ قىلالىغان ئادەم مەرد ئادەمدۇر.
ئاللا ئادەملەرگە ئىنساپ بەرگەيسەن .

بۇ يازمىدا ئېيتىلغان ھەر بىر دۇردانىلەر  بىزنىڭ ھەر كۇنى بىر قېتىم ئوقۇپ چىقىشىمىزغا ، ئۆز - ئۆزىمىزنى قايتا - قايتا تەكشۇرۇپ چىقىشىمىزغا ئەرزىيدۇ !

« بىنالار ئىگىزلىگەن، سەمىمىيەت پەسكۇيغا چۈشكەن، نوپۇس كۆپەيگەن، ھەقىقىي ئىنسان ئازايغان، چىراي گۈزەللەشكەن، قەلب خۈنۈكلەشكەن، ئۆيلەر ئاۋاتلاشقان، كۆڭۈل غېرىبلاشقان، ئىپپەت بازارلاشقان، مۇھەببەت خازانلاشقان رىئاللىقنىڭ ۋۇجۇدقا كېلىشى چىن مەنىدىن ئېيتقاندا شۇ جەمئىيەتنىڭ ئەخلاقىي بۆھرانغا دۇچ كەلگەنلىكىنىڭ دەلىلى. لېكىن سەۋەبنى جەمئىيەتكە يۈكلەپ، ئۆزىدىن ئىزدىمىگەنلەر دەل شۇ ئەخلاقنىڭ گۆركارلىرىدۇر.  »

ئارىمىزدا يوقىرقى جۇملىلەرنى چىن ۋەزنى بىلەن  چۈشىنەلەيدىغانلار  زادى قانچىلىكتۇ ؟! ...

« ھايۋان تەختكە چىقىپ، ئىنسان پەگاغا چۈشۈپ قالغان قىسمەت تارىختا كۆرۈلمىگەن. ئەتراپىمغا قارىدىم. پىستە قولتۇقلىۋالغان خانىملار كۆپىيىپ كېتىۋاتاتتى. »
يوقىرقى جۇملىلەرنى كۆرۇۋاتقان قانچىلىكىمىزنىڭ ئەتراپىمىزنى  پىستە كۇچۇكلىرىمىز ئايلىنىپ يۈرىيدىغاندۇ ؟!....

ئۆلگەندىن كېيىن قەبرىمىز  بېشىدا قاغا قوقۇلدايدىغان ئاقىۋەتتىن ساقلىنايلى !!