ئۇلۇغ ئالىم ، تىلشۇناس، ئاتاقلىق يازغۇچى،شائىر ،جامائەت ئەربابى،ئابدۇرىھىم تىلەشۇف ئۆتكۈر ئەپەندى پۈتكۈل ئۇيغۇر خەلقىگە تونۇشلۇق ھۆرمەت ساھىبى،ئۆتكۈر ئەپەندى <ئىز>،<ئويغانغان زېمىن>دەك ئۇلۇغ ئەسەرلەرنى يارىتىپ ،خەلقىمىزنىڭ مەنىۋىيەت ئاسمىنىدانۇرلۇق ئابىدە تىكلىدى. بۇ نادىر ئەسەرلەر يىللاردىن بۇيان ئەۋلادلار تەرىپىدىن ئەتىۋارلىنپ قەدىرلىنىپ كەلمەكتە ھەم مەڭگۈ قەدىرلەنگۈسى .
     ئابدۇرىھىم ئۆتكۈر 1923-يىلى قومۇلدا تۇغۇلۇپ1995-يىلى ئۈرۈمچىدە كېسەل سەۋەبى بىلەن يۇرت ئالەم بىلەن مەڭگۈلۈك ۋىدالاشتى . بىز ھەر قېتىم مەدەنىيەت-ئەدەبىيات ئاسمىنىدا چاقنىغان بۇ ئالىمىنى ئەسلىگىنىمىزدە ئىپتىخارلىق ھېسلارغا تولىمىز ،ۋە ئۇنى ھۆرمەت بىلەن تىلغا ئالىمىز .
بۇ ئالىمنى ئەسلەش ۋە ئۇنىڭغا بولغان سېغىنىشنى بىلدۈرۈش ئۈچۈن باغداش تور بېكىتىمىز قومۇل تىلىۋىزىيە ئىستانىسسى قومۇل خاتىرىسى پىروگرامما گۇرۇپپىسى بىلەن بىرلىكتە<ئۆتكۈر ئەپەندىم تەۋەللۇتىنىڭ 85يىللىقىنى خاتىرىلەش توردا مۇكاپاتلىق ئەسەر قوبۇل قىلىش>پائالىيتىنى ئۇيۇشتۇردۇق. 2009-يىلى 1-ئاينىڭ 3-كۈنى بۇ پائالىيەتنىڭ خۇلاسىلەش مۇراسىمى ئۇيۇشتۇرغۇچى ئورۇنلارنىڭ تىرىشچانلىقى ساخاۋەتچى ئورۇنلارنىڭ قوللىشى بىلەن قومۇل دىيارىدىكى ئىۋىرغول رېستۇرانىدا ئۆتكۈزۈلۈپ ئالىمغا بولغان چەكسىز ھۆرمىتىمىزنى بىلدۈردۇق .
        بىز ھەر دائىم بۇ ئۇلۇغ ئالىمىنى ئەسلەيمىز ،بىز ئابدۇرېھىم ئۆتكۈرنىڭ قۇرداشلىرىدىن بىرى بولغان شىنجاڭ سەنئەت ئىنىستوتىنىڭ سابىق سېكىرتارى ،مەدەنىيەت -سەنئەت تەتقىقاتچىسى ئابلېز ئىسمايىل،پىشقەدەم تىل-تەرجىمە تەتقىقاتچىسى مۇھەممەت يۈسۈپ قاتارلىق پىشقەدەملەرنىڭ مەسلىھىتىنى ئالغاندىن كېيىن  باغداش تور بېكىتىمىز باغداش مۇنبىرىدە <ئۇلۇغ ئالىم ئابدۇرىھىم ئۆتكۈرنى ئەسلەيمىز >مەخسوس سەھىپىسى قۇرۇپ ئۆتكۈر ئەپەندىمىنڭ ھەر قايسى شېئىرلارتوپلاملىرىنى شۇنداقلا ئا.ئۆتكۈرنىڭ زامانداشلىرىدىن بولغان،ئابدۇلئەزىز ئىسمايىل ئەپەندى تۈزگەن <ئابدۇرىھىم ئۆتكۈر ئابىدىسى >توپلامدىكى  مەرسىيەلەرنى شۇ سەھىپىگە يوللاپ تورداشلارنىڭ ھۇزىرىغا سۇنماقچى .   شۇنداقلا تورداشلاردا ئالىم .ئا.ئۆتكۈرگە مۇناسىۋەتلىك ماقالىلەر بولسا ئۇشبۇ سەھىپىگە يوللىشىنى ئۈمىد قىلىمىز !

  مەن ئابدۇرىھىم ئۆتكۈر شېئىر ،ۋە رۇبائىلىرىنى بەك ياقتۇرىمەن ،،،بۇ سەھىپىنىڭ دائىملىق كۆرۈرمىنى بولۇشنى خالايمەن ،

بۇ سەھىپىنى پۈتۈن كۈچىمىز بىلەن قوللايمىز !

بۇ  پائالىيەتلەرنى  قوللاش  ھەممىمىزنىڭ  ئارزۇ  -ئارمىنى.پۈتۈن  كۈچىمىز  بىلەن  ئىزدىنەيلى...