نىھايەت باغداشقا سەپەر قىلىدىغان بولدۇم، يىگىرمە كۈنلۈك دەم ئېلىشىمدىن پايدىلىنىپ ئۇرۇق-تۇغقانلارنى بولۇپمۇ بالا ئىشقىدا بىر ئۆمۈر سەكپارە بولۇپ ياشاۋاتقان ئانامنى كۆرۈش ئۈچۈن كەلگەن ئىدىم،لېكىن ئۇلار بىلەن بىر نەچچە كۈن ئەھۋاللىشىپ بولۇپلا باغداشقا چىقىشنى نىيەت قىلىپ قالدىم،چۈنكى ماڭا مۇنداق ئۇزۇن دەم ئېلىش پۇرسىتى يوق ئىدى،بارلىقىغۇ بار لېكىن مېنى ئارام تاپقۇزمايۋاتقان قەلەم ئىشقى ئارام ئېلىشىمنى چەكلەيتتى،يېڭىدىن يېڭى ئەسەر يېزىش ئىشقىدا ۋاقتىمنى مىنۇت سىكۇنىت ھىساپلاپ ئىشلەشكە توغرا كېلەتتى،بۇ قېتىممۇ قومۇلدىكى يازغۇچى-شائىرلىرىمىزنى تەكلىۋى بىلەن ئىككى پارچە ئەسەر ماتىرىيال توپلىۋېلىشنى نىيەت قىلىپ كەلگەنىدىم{ئەسەر تېمىسى ھازىرچە مەخپى}. شۇڭا ئۇلار مېنىڭ بۇ قېتىمقى پائالىيىتىمگە ئالاھىدە كۆڭۈل بۆلۈپ باغداش چارۋىچىلىق مەيدانىنىڭ رەھبەرلىرى بىلەن ئالاقىلىشىپ قويۇپتۇ.
        مەن ساقا دېھقانچىلىق مەيدانىدىكى تۇغقانلىرىم بىلەن كۆرۈشۈپ بولغاندىن كىيىن مەيدان رەھبەرلىكى ماشىنا بىلەن ئەچىقىپ كەتمەكچى بولۇپ كىلىشتۇق. ساقا دىھقانچىلىق مەيدانىدىكى تۇغقانلار بىلەن يىگىرمىنچى ماي كۆرۈشتۈم،{ئىسىملارنى يوشۇرۇپ قالماقچىمەن،كەچۈرۈڭلار}ئەتىسى مېنى ئەچەقىپ كىتىدىغان ماشىنىنىڭ خەۋىرى كەلدى،لېكىن   ئۈچ ئادەم بولۇپ مەن بىلەن پاراڭلاشقاچ چىقىپ كەتمەكچى بوپتۇ،لېكىن بىز ئاللىقىچان ئۈچ ئادەم چىقماچى بولغانىدۇق،چۈنكى مېنىڭ تۇغقىنىم باغداشدىكى مەكتەپتە ئۈچ يىل ئوقۇتقۇچىلىق قىلغاچقا مەن بىلەن بىللە بىر دوستىنى ئېلىپ چىقماقچى بولغانىدى،ئاخىرى ئۇلار مېنى ئالغىلى كەلگەن مەيدان رەھبەرلىرىنى چىقىپ تەييارلىق قىلىپ تۇرۇشنى،مېنى بولسا ئۇلار ئۆزىنىڭ ماشىنىسىدا ئېلىپ چىقماقچى بولۇپ كىلىشتۇق،ئۇلار چىقىپ كەتكەندىن كىيىن مۇئەللىم تۇغقىنىم بىر دوستىغا تىلىغۇن قىلىپ ماشىنىسىنى ئەكەلدۈردى،بىز شوپۇر بىلەن تۆتىمىز باغداشقا قىلىدىغان سەپىرىمىزنى باشلىۋەتتۇق.  
         مەن تاشار بىلەن ئاراتام باغقا چىقىپ باغقان،لېكىن ئاراتام باغنىڭ ئۈستى تارىپىدىن شاقىراپ چۈشىدىغان تاغ سۇلىرىدىنمۇ زوقلانغان،لېكىن مۇشۇ سۇنىڭ باش قىسمى بولغان قارلىق تاغنىڭ باغرىدىكى باغداشقا چىقىپ باقمىغانىكەنمەن،ئەمتى ئېغىزىدىن كىرىشىمىز ھامانلا ماڭا ئۇرۇلغىنى ساپ ۋە سالقىن تاغ ھاۋاسى بولدى،مەن تاغلىرى ياپ يېشىل قارىغايلار بىلەن ئورالغان يايلاقنى تەسەۋۋۇرقىلىۋىدىم ئەمما قورام تاشلاردىن پۈتۈلگەن بەھەيۋەت تاغلار ماڭا  قارىشىپ تۇراتتى،لېكىنزە ساپ ھاۋاسى بىلەن كۈجۈم مەھەللىلەر،مەھەللىلەرگە يانداشقان باغلار مېنى خۇددى سىھىرلىك بىر دۇنياغا كىلىپ قالغاندەك بەكلا ھاياجانلاندۇردى،مەيدان  رەھبەرلىرى ئىشخانىسى ئالدىدا كۈتۈپ تۇرۇشقانىكەن،قايتىدىن كۆرۈشتۇق،ئۇلارنىڭ تەييالىغان چايلىرىنى ۋاقتىنچە توختۇتۇپ قويۇپ  كۈيدۈرىۋېتىلگەن ۋاڭ ئوردىسى ئورنىغا سېلىنغان باشلانغۇچ مەكتەپنى،مەكتەپنىڭ تۆۋەن تەرىپىدىكى باغنى زىيارەت قىلىشقا ئالدىرىدىم،چۈنكى بۇ باغدا ئەينى دەۋىردە مۇشۇ مەيدانغا شۇجى بولۇپ تۇرغان سەمەت ئەمەت ئىسىملىك قېرىندىشىمىز   جەسىدىنى يۈتكەپ چىقىپ ئۇنىڭ چىرايلىق قەبرىسىنى ياساتقان چىن مۇھەببەت قۇربانلىرى چىن مودەن{شەرۋانۇم}بىلەن قەبرىگاھى بار ئىدى،بىز باغنىڭ ئىچىگە جايلاشقان بۇ قەبرىگاھ ئالدىدا ئۇزاققىچە تۇرۇپ قالدۇق،بەلكىم قىلىۋاتقان دۇئالىرىمىز ئۇلار ئۈچۈنلا ئەمەس بەلكى مەنىۋىيىۋىتىمىز بۇزۇلۇپ كىتىۋاتقان ھازىرقى دەۋىردىكى ياش قىز-يىگىتلىرىمىزگىمۇ ئىنساپ،دىيانەت،شەرمى ھايا،ئەڭ مۇھىمى ئۆزى ياخشى كۆرگەن مەشۇقىغا ساداقەت تىلىگەندىمىز،.   
         شۇ كۈنى مەيدان رەھبەرلىك تاغ مەشرىپى قىلىپ بەرمەكچى بولىۋىدى مەن رەت قىلىۋەتتىم مەخسىدىم مۇشۇ زىمىننى چۈشۈنىدىغان،ئۆرۈپ-ئادىتىنى بىلىدىغان،جۇغراپىيىلىك شارائىتىنى بىلىدىغان ئاقساقاللار بىلەن مۇڭدىشىش ئويىمنىڭ بارلىقىنى چۈنكى مەن ئەتە قايتمىسام قومۇلدا ئاچامنىڭ قىزى توي قىلماقچى ئىكەنلىكىنى ئېيتىپ ئۆزرە ئېيتتىم،شۇڭا ئۇلار دۆش ئۆي مەھەللىسىدە ناماز شامدىن كىيىن يىغىلىدىغان ئادەملەرنى خەۋەرلەندۈرۈش ئۈچۈن يۈرۈپ كەتتى،ھەراست،باغداش -بوستان،ئارا قۇرا،ئوردا ئۈستى،يەنى باغچە ئۈستى،باغداش يەنى ئوردا ئاستى،دۈشۈي،تۆۋەن دۈشۈي ئەمتى ئاغزى دىگەنگە ئوخشاش بىر نەچچە تەبىي مەھەللىدىن تەشكىل تاپقانىكەن،

    مەن بۇ ئەسەرنى بىۋاستە تۇردا ئولتۇرۇپ   ئارگىنالسىز يېزىۋاتقاچقا جۈمىللەردە كەمتۈكلۈك، ئىملا خاتالىقى كۆپرەك چىقىپ قاپتۇ،كېچىرىڭلار،يېزىشتىمۇ بەلكىم ۋاقتىمغا قاراپ يازىمەن، بەزىدە كۆپرەك بەزىدە ئازراق بولۇپ قېلىشى مۇمكىن.....

      كەچتە بىز دۈشۈيدىكى بەكرى ھاجىنىڭ ئۆيىگە يېغىلىدىكەنمىز،جامائەت ناماز شامدىن يېنىپ بۇ ئۆيگە كىلىدىكەن،شۇڭا بىز كەچلىك تاماقتىن كىيىن مەھەللىلەرنى ئارىلىغاچ دۈشۈيگە ماڭدۇق،يان تەرىپىمىزدە بۇندىن ئۈچ يىل ئىلگىرى كەلگەن تاشقىندا يوقاپ كەتكەن ئۆيلەڭلەرنىڭ ئورنىدا ناھايىتى يوغان قورام تاشلار چوخچىيىپ تۇراتتى،باغداش غولدا قارلىق تاغدىن ئېقىپ كەلگەن مۇزدەك تاغ سۈيى تاشتىن تاشقا ئۇرۇلۇپ تۆۋەنگە قاراپ ئاقماقتا،ئۇنىڭ شاقىراشلىرىدىن بىر خىل يېقىملىق كۈينى ھىس قىلغاندەك بولدۇم.باغدىن ھەر خىل قۇشلارنىڭ يېقىملىق سايراشلىرى ئاڭلىنىپ تۇراتتى،جىمجىت ئويقۇدا ياتقان خېزىر سۈپەت بوۋاينى ئەسلىتىدىغان كۈجۈم مەھەللىلەر تاغ مەدەنىيىتىنى نامايىش قىلدۇرىۋاتقاندەك شۇنچە خىرامان، شۇنچە يۈكسەكلىكتە مېنى ھاياجان قۇچىقىغا تاشلىماقتا ئىدى،ھەر بىر ئۆينىڭ ئىشىكى ئالدىدا ياكى باغلىرىنىڭ ئەتراپلىرىدا شىرىلداپ ئېقىۋاتقان سۈپ-سۈزۈك سۇ مېنىڭ دىققىتىمنى تارتتى، چۈرىسىنى يالپۇز،قىياقلار قاپلىغان ئېرىقتا ئېقىۋاتقان مۇنداق سۈزۈك سۇنى كۆرمىگىنىمگە ئۇزۇن يىللار بولغانلىقى ئۈچۈنمىكىن ئېرىق بويىدا زوڭزىيىپ ئولتۇرۇپ بۇ سۈزۈك سۇدىن ئۇچۇملاپ ئىچىشكە باشلىدىم،تۇمۇر-تۇمۇرلىرىمغا تاراۋاتقان ئىللىق بىر سىزىم مېنى ئوبدانلا راھەتلەندۈردى،چۈنكى بۇ سىزىم كىچىك ۋاقىتلىرىمىزدا ئادەمنى چۈكتۈرىۋەتكىدەك ئېقىپ كىلىدىغان ئۆستەڭلەردە غۇلاچ تاشلاپ سۇ نئۈزۈپ ئوينىغان چاغلىرىمىزدا يۈز بەرگەن سىزىم ئىدى،شۇڭا مەن بەلكىم ئەشۇ غەمسىز،غۇبارسىز بالىلىقىمغا قايتقاندەك ھىسسىياتتا بولغاندىمەن.

       بىز بەكرى ھاجىنىڭ ئىشىكى ئالدىغا يىتىپ كەلگىنىمىزدە جامائەت ناماز شامدىن قايتىپ كىلىۋاتقانىكەن،بىز ئۇلارنىڭ ئالدىغا بېرىپ بۇ ناماز قېرىنداشلىرىمىز بىلەن ئىككى قوللاپ كۆرۈشۈپ  ئەھۋال سورىشىپ بولغاندىن كىيىن بەكرى ھاجى بىزنى ئۆيگە كىرىشكە تەكلىپ قىلدى،جامائەت بىزنى ئاۋال كىرىشكە زورلايتتى،بىز مۇھتىرەملىرىمىزنى زورلايتتۇق،ئاخىرى بىزنىڭ چىڭ تۇرۇشىمىز بىلەن مۆھتىرەملىرىمىز ئۆيگە كىرىشكە باشلىدى،لېكىن ئۇلارنىڭ چىرايلىرىدا مىھماندىن بۇرۇن بوسۇغا ئاتلىغانلىقى ئۈچۈن بولىۋاتقان خىجىللىق تەپچىپ تۇراتتى، بىز ئاددى ئەمما ئىنتايىن ياخشى سەرەمجانلانغان بۇ دالان ئۆيگە قەدەم بېسىپ سۈلھى-سالا بىلەن بىر بىرىمىزنى تۆرىگە تەكلىپ قىلىىشىپ قايلاشقاندىن كىيىن دۇئاغا قول كۆتۈرۈشتۇق، دۇئادىن كىيىن يەنە بىر قېتىم ئامان-ئىسەنلىك سوراشقاندىن كىيىن مېنىڭ كىلىش مەخسىدىم جامائەتكە ئۇقتۇرۇلدى،مۇشۇ زىمىندا يەتمىش سەكسەن يىل تىرىكچىلىك قىلىپ ياشاپ كىلىۋاتقان مويسىپىتلىرىمىز بىرسى ئۇ ياقتىن بىرسى بۇياقتىن سۆز قىلىپ باغداشنىڭ ئۆتمۈشى،ھازىرى تۇغرىسىدا بەس بەستە سۆزلىشىپ كەتتى،مېنىڭ بۇ قېتىمقى نىشانىم بۇ زىمىننىڭ جۇغراپىيىلىك شارائىتى،ئۆزگىچە ئۆرپ-ئادىتى،يوقۇلۇشقا يۈزلىنىۋاتقان مەدەنىيەت مىراسلار توغرىسىدا كۆپرەك بىر نەرسە بىلىشىم كىرەك ئىدى،يەنە بىرى بۇ يەردىكى يەرلىك شىۋىلەرنى ئۆگۈنۈشمۇ مېنىڭ ئەسەرلىرىمگە جان كىرگۈزىدىغان ئوبىكىت ئىدى ئەلۋەتتە.
    مېنى بەكرەك قىزىقتۇرغىنى ئۇلارنىڭ توي-تۆكۈن ئادەتلىرى بولدى،مەسىلەن دۈشۈيدە بىرەرسى توي قىلىدىكەن دېگەننى ئاڭلىسا {تويغا باغداشتىكى ھەممىلا كىشى چاقىرىلىدۇ ئەلۋەتتە} ھەممىلا كىشى ئىشىكلىرىنى تاقاپ تاپالىغانلىرى بىرەر قوي ،قول ئىلكىدە يوقراقلىرى  بىر نەچچە نان بولسىمۇ كۆتۈرۈپ توي قىلىدىغان ئائىلىگە يىغىلىدىكەن،ئەلۋەتتە توي قىلىدىغان ئادەمنىڭ قۇشنىلىرى ياتارغا جاي تەييارلاپ قويىدىكەن،شۇ كۈنى تۇي باشلاش مەشرىپىدىن تارتىپ تاكى چىللاشقىسى تۈگىگىچە ئۆيىگە قايتماي توي ئويناپ توينى راسا قىزىتىپ ئاندىن قايتىشىدىكەن،چاچ چۈشۈرگىسىمۇ قومۇل رايونىغا ئوخشىمايدىغان بىر خىل شەكىلدە بەكلا قىزىپ كىتىدىكەن،يىگىتنىڭ چېچىنى   چۈشۈرگەن شەكىل چىقىرىپ قىزىقچىلىق قىلىشلىرى،قويۇلغان خىنىلەرنى ئاشۇرۇپ جاكالاپ توي ئەۋجىنى يوقۇرى كۈتۈرۈشلىرى ھەر قانداق كىشىنى قايىل قىلماي قالمايدىكەن،....
     سۆھبىتىمىز يىرىم كىچىگىچە داۋاملاشتى،جامائەتكە رەھمەت ئېيتىپ بىزمۇ قوزغالماقچى بولىۋىدۇق بەكرى ھاجى بىزنى تۇتۇپ قالدى،بىز رەھمەت ھەشقاللا بىلەن مۇشۇ ئۆيدە قونۇپ قالدۇق.مەيدان رەھبەرلىرى تەييارلىغان ياتاقتا يېتىش بىزگە نىسىپ بولمىغان بىلەن بەكرى ھاجىنىڭ بىزگە راسلىغان ئورنى يولتۇزلۇق مىھمانخانلاردىنمۇ ئىسىل بولۇپ كەتتى.مەن باغداش غولدىكى سۇنىڭ شاقىراشلىرىنى ئاڭلاپ يېتىپ كۆزۈم ئۇيقۇغا ئېلىنىشىپتۇ،چۈشۈمدە مەردان بىلەن چىن مودەننى چۈشەپتىمەن،ئۇلار ۋاڭنىڭ ئەسكەرلىرى بىلەن باتۇرلارچە ئېلىشىۋاتقىدەك، تۇيۇقسىز مەنمۇ ئەشۇ مەيدانغا كىرىپ قاپتىمەن،قولۇمدا قېلىچ،ئۈستۈمدە دۇبۇلغا،ساۋۇت لېكىن ئۈزۈم پىيادە،بىرەر ئات بولسا ھە،ئات چاپتۇرۇپ ئەشۇ مەيدانغا باستۇرۇپ كىرسەم،مەردان بىلەن چىن مودەننى قۇتۇلدۇرۇپ باغداشقا ئېلىپ چىقسام،ئۇلار توي قىلسا،مەنمۇ بىر نەچچە كۈن باغداشنىڭ تويىنى ئۆز كۆزۈم بىلەن كۆرسەم........تۇيۇقسىز تاشقا پۇتلاشتىممۇ ياكى بىر زەربىدىن يىقىلدىممۇ ئەتىمالىم قۇلۇم تاش ئارىسىغا كىرىپ قاپتۇ،ئۇنى تارتىپ چىقىرالماي تۇرغىنىمدا ۋاڭنىڭ ئەسكەرلىرى باستۇرۇپ كىلىشكە باشلىدى،تېخىمۇ جىددىيلەشتىم،......بىرسىنىڭ قاتتىق تۈرتىشىدە ئۇيغۇنۇپ كەتتىم،مۇئەللىم تۇغقىنىم بېشىمدا قاراپ تۇرۇپتۇ،تۈڭلۈكتىن يورۇق چۈشكەنىدى،دېمەك تاڭ ئاتتى دېگەن گەپ.
     -قارا باستىمۇ سىزنى،-دېدى ئۇ ماڭا قاراپ.
     -شۇنداق،چۈش كۆرۈپتىمەن،مەردان بىلەن شەرۋانومنى كۆرۈپتىمەن.
    -توخۇ داڭگال،ئۆچكە جاڭگال چۈشەپتۇ دېگەندەك سىزمۇ ئاخشام ئۇلارنىڭ ھىكايىسى ئاڭلاۋىرىپ شۇنى چۈشەپسىزدە،تاڭ يورۇپ كىتىپتۇ،بىزمۇ سېسىق ئۇسۇرۇپ ياتىۋېرىپتۇق،جۈرۈڭ باغداشنىڭ سەھىرىنى تاماشا قىلىپ كىلەيلى.
     بىز ئۆي ئىگىسىنىڭ ناشتىلىق تەييار بولۇپ قالدى دىگەن سۆزىگە تاھارەت سىندۇرۇپ كىلىمىز دەپ چىقىپ باغداش غولغا چۈشۈپ كەتتۇق،تاغلارنىڭ كەينىدىن خۇددى ئۇياتچان قىزلاردەك قىزىرىپ چىققان قوياش پۈتۈن ئالەمنى نۇر زىياسىغا ئورىغانىدى،غول ئۆستەڭ سەھەردە تېخىمۇ بەكرەك شاقىراشقا باشلىغانىدى،بەستە بەستە سايرىشىۋاتقان قۇشلارنىڭ يېقىملىق ئاۋازى باغداشنى ئاجايىپ سىھىرلىك بىر دۇنياغا ئايلاندۇرۇپ قويغانىدى،تاغ ئارىسى بولغاندىكىن دەپ ئېلىۋالغان چاپىنىم بۇ يەردە ئۆز رولىنى يوقاتقاندەك تۇراتتى،چۈنكى بۇ يەرنىڭ تىمپىراتورىسىمۇ تۈزلەڭلىكتىكى مەھەللىلەردىن قېلىشمايدىغاندەك تۇراتتى،بىز شاقىراپ ئېقىۋاتقان مۇزدەك تاغ سۈيىدە يۈزىمىزنى يۇيۇپ بولغاندىن كىيىن مەن سەھەردە ئاچقېرىن ئىچىۋالىدىغان سوۋۇتۇلغان قايناقسۇ ئورنىغا مۇزدەك تاغ سۈيىدىن قانغىچە ئىچتىم،ۋاي ۋاي،بۇ سۇنىڭ شىرىنلىكى،بوتۇلكىلارغا قاچىلانغان مىنرال سۇلاردىمۇ بۇنچىلىك تەم بولماس،مانا مۇشۇ سۇ قومۇلنىڭ بىر قىسمىنى تۇيۇندۇرىدۇ،بارلىق تىرىكچىلىكىمىز مۇشۇ سۇغا قاراشلىق،ئەگەر ئەشۇ قارلىق تېغىمىز بولمىغاندا بىزگە مۇنداق سۈزۈك مۇنداق شىرىن سۇ نەدە تۇرۇپ،بىز ئاللانىڭ مۆجىزىسى بولغان بۇ مەڭگۈ قېرىماس تاغلىرىمىزغا بەرىكەت تىلەيلى،سۇنىڭ ئىنسانلار ئۈچۈن قانچىلىك مۇھىم ئىكەنلىكىنى ھەرگىز ئۇنتۇمايلى،چۈنكى ئانا يۇرتىمىز مانا مۇشۇنداق سۇغا تەشنا،ھېلىمۇ كارىزلىرىمىز قۇرىدى،بۇلاقلىرىمىزمۇ قۇرىدى،غەربىي ئۆستەڭ بىلەن شەرقىي ئۆستەڭ بويلىرىدا سانسىز بۇلاقلار بار ئىدى،ھازىر ئۇلارنىڭ ئىزناسىمۇ قالمىدى،چاقسا مەھەللىنى بويلاپ ئاقىدىغان ھېلىقى ئۆستەڭدە بىز كىچىك چاغلاردا دوختۇرخاننىڭ ئارقىدا سۇغا چۈشىۋالساق مەۋۇل سوپاخۇننىڭ تۈگمىنى يېنىغىچە ئېقىپ بارىدىغان،قېنى شۇ ئۆستەڭ،ھازىر ئەشۇ ئۆستەڭگە سېلىنغان كۆۋرۈككە يىتىپ چىقىش ئۈچۈن شۇنچە كۈچەشكە توغرا كىلەتتى،ئىگىز كۆۋرۈك دەييتتۇق ئۇ كۆۋرۈكنى.........،

      ھازىرچە كىملىكىمنى مەخپىرەك تۇتاي دەۋاتىمەن ،چۈنكى مېنىڭ ماتىرىيال توپلىشىم بىلەن قۇمۇلغا ئائىت   يىرىكرەك ئەسەر يېزىشقا تۇتۇش قىلىشىمنىڭ سەۋەبى بار،شۇڭا ئەسەر ۋۇجۇتقا چىققاندىراق ئاشكارىلىساممۇ كېچىكمەسمەن دەپ ئويلايمەن،مېنىڭ بۇ سەۋەنلىكىمنى  كەچۈرۈڭ!رەسىملەر خېلى تارتىلدى،مۇشۇ سەۋەپتىن رەسىملەرنى چاپلىمىدىم.

        بۇ بىر زىيارەت خاتىرىسى خالاس،ئۇنىڭ ئۈستىگە مەن ئامال بار ئۇسلۇبىمنى ئۆزگەرتىپرەك يېزىشقا،ئامال بار ھەممىلا ئەزالار قوبول قىلالىغۇدەك يېزىشقا تىرىشتىم،يەنە بىر تەرەپتىن بۇنى ئورگىنال تەييارلىماي مىڭەمدە خاتىرىلەنگەنلىرى ئاساسىدا يېزىۋاتىمەن،شۇڭا يائۇنداق، يامۇنداق سەۋەنلىكلەردىن خالى ئەمەس،بۇرۇن مەن بۇ مۇنبەرنىڭ ئىخلاسمەن ئوقۇرمىنى ئىدىم،بۇ يىل  بەشىنچى ئاينىڭ ئۈچىنچى كۈنى ئەزا بولۇپ كىرىپ ئىنكاس يېزىپ كىلىۋاتقانىدىم،باغداشقا سەپەر قىلىپ بولۇپلا باغداش توغرىسىدا بولىۋاتقان مۇنازىلەرگە ئازراق مەلھەم بولار دېگەن نىيەتتە بۇ خاتىرىنى يېزىپ قالدىم،ۋاقتىم يىتەرلىك بولمىغاچ يېزىشىم سەل سوزۇلۇپ كەتتى،بىر كۈن  يېىزىلماي قېلىۋىدى مېنىڭ كىملىكىم تۇغرىسىدا كۆپ مۇنازىلەر بولۇپ كىتىپتۇ،مېنىڭ مۇشۇ قومۇل پەرزەنتى ئىكەنلىكىمنى،ۋاقىت چىقىرىپ كىندىك قېنىم تۈكۈلگەن ماكان قومۇل توغرىسىدا بىرەر يىرىكرەك ئەسەر يېزىپ قالدۇرۇشنى ۋىجدانى بۇرچ ھىساپلايدىغانلىقىمنى بىلىپ قالساڭلارلا بولار ئەلۋەتتە....
     كېچىرىڭلار،بۈگۈن بۇ خاتىرىنىڭ داۋامىنى يازالمىدىم،ئەگەر كەچتە ۋاقتىم چىقسا يېزىپ قېلىشىم مۇمكىن،بولمىسا ئەتە....

       مېنىڭ باغداش مۇنبىرىدىكى ئۆزىنى ئاشكارىلاشنى خالايدىغان ئەزالارنى بىلگۈم كىلىۋاتىدۇ،شۇنداق بولغاندا بەزى بىر مۇجىمەل ئىشقا يولۇقسام ياكى ماڭا كىرەكلىك ماتىرىيال كىرەك بولۇپ قالسا ياردەم سوراپ  بىۋاستە پاراڭلاشقىلى بولاتتى.چۈنكى بۇ مۇنبەردە بىرمۇ ئەزا ئۆز ئىسمى بىلەن كىرمەپتۇ ئەمەسمۇ...

        بەكرى ھاجىنىڭ ئۆيىدىكى مول ناشتىلىقتىن كىيىن بۇ مىھماندوست زات بىلەن ئىززەت-ئىكرام بىلەن خوشلىشىپ سىرتقا چىقتۇق،ھاۋا ئوچۇق بولغاچقا قوياش ئەتراپنى نۇر زىياسىغا ئورىغانىدى،سائەت بەش يېرىمدىن ئېشىپ كەتكەن بىلەن {كېچىرىڭلار،مەن ئۈرۈمچى ۋاقتىنى قوللۇنىمەن، قۇمۇلدا ئاساسەن دىگۈدەك بىيجىڭ  ۋاقتىنى قوللۇنىدىكەن،بۇ توغرىسىدا ئايرىم بىر تىما يېزىپ قېلىشىم مۇمكىن}سېخى قوياش ئاللىقاچان تاغ كەينىدىن كۈتۈرۈلگەنىدى، باغداشتىكى مىھنەتكەش قېرىنداشلىرىمىز ئۆز تىرىكچىلىكىگە چۈشۈپ كەتكەندەك تۇراتتى،بىز دۈشۈيدىن يوقۇرى ئۆرلەپ مەيدان ئىشخانىسى ئالدىغا كەلدۇق،مەيدان رەھبەرلىرىمۇ ئاللىقاچان ئورنىدىن تۇرۇپ بولغانىكەن،ئۇلار بىلەن كۆرۈشۈپ بولغاندىن كىيىن ئەمدى قىلىدىغان ئىشلارنى مەسلىھەت قىلىشتۇق،ئۇلار يەنە بىر سائەتتىن كىيىن ئاچىدىغان يىغىنى بارلىقىنى،ئۇڭغىچە بىردەم ئەتراپنى چۆگىلەپ تۇرۇشىمىزنى ئۆتۈنگەندىن كىيىن بىز باغ ئىچىگە كىرىپ كەتتۇق،شۇ ئارىدا مەن قۇرام تاشلاردىن پۈتۈلگەن تاغقا قاراپ:
    -ئەگەر ئەشۇ تاغنىڭ چوققىسىغا چىقالىغان بولساق باغداشنىڭ گۈزەل مەنزىرىسىدىن ھوزۇر ئالغاچ بىر نەچچە پارچە رەسىم تارتىۋالاركەنمەن،-دېدىم.
    -تاغقا چىقماق ئاسان گەپقۇ،-دېدى مۇئەللىم توغقىنىم شۇئانلا جاۋاپ قايتۇرۇپ،-ئەگەر راستىنلا تاغقا چىقماقچى بولسىڭىز يۈرۈڭ،ئۇلارنىڭ يىغىنى تۈگىگىچە تاغقا چىقايلى.
     -قەيەردىن چىقىمىز،-دېدىممەن ئۇنىڭغا قاراپ،-چىقىدىغان يەر يىراق بولسا بولدى قىلايلى.
     -مۇشۇ يەردىنلا چىقىمىز،-دېدى ئۇ باغنىڭ يېنىدىلا قاتمۇ-قات قۇرام تاشلار ھازىرلا دۇمىلاپ چۈشىدىغاندەك تۇيغۇ بىرىدىغان تاغنى كۆرسىتىپ تۇرۇپ،-بىز بۇ يەردە ئوقۇتقۇچىلىق قىلىۋاتقان چاغلاردا كۈنىگە بىر قېتىم دېگۈدەك مۇشۇ تاغقا چىقىپ ئەشۇ تاغ چوققىسىدا يىراقلارغا قاراپ خىيال سۈرۈپ ئولتۇرۇپ كىتىدىغان.  
     ئۇ باغدىن ئۇدۇللا تاغ تەرەپكە مېڭىشقا باشلىدى،كۆز ئالدىمدا قورام تاشلىق تاغ،قىياغا يامىشىشنى ياخشى كۆرىدىغان چەتئەللىكلەرنىڭ بىلىگە ھەر خىل بىخەتەرلىك ئەسۋاپلىرىنى ئېسىۋىلىپ مۇشۇنداق قىيا تاشلىق تاغلارغا يامىشىۋاتقان كۆرۈنۈشلىرى پەيدا بولدى،دېمەك بىزمۇ ھازىر ئەنە شۇنداق قەھرىمانلىق قىلماقچى،ئاللا،بىزنى ئۆز پانايىڭدا ساقلىغايسەن دېدىم ئىچىمدە ۋە ئۇنىڭغا ئەگەشتىم،باغدىن چىقىپلا تاغقا يامىشىشقا باشلىدۇق،دەسلەپتە ئانچە قىيىن بىلىنمىدى،ماتىرىيال سومكامنى بىرەيلەن كۈتۈرىۋالغاچقا مەندە ئېغىر يۈك يوق ئىدى،قاپ بەلگە چىققاندا يولنىڭ تەسلىشىۋاتقانلىقىنى ھىس قىلدىم،چۈنكى قورام تاشلار ئەمدى يوغىناپ بورۇنقىدەك ئەركىن مېڭىشتىن قۇرام تاشلارغا يامىشىپ مېڭىشقا باشلىغانىدۇق،ئالدىمدىكى ئۈچۈيلەن مەندىن خېلىلا ئۇزاپ كەتكەنىدى،ئۇلارغا قاراپ بولغاندىن كىيىن كەينىمگە ئۆرۈلۈپ پەسكە قارىدىن،ۋاي توۋا،مەن بايا چىققان يەر غىچچىدە قۇرام تاشلار بىلەن تولغانىكەن، ئەگەردە مۇشۇ يەردىن بىخەستىلىك قىلىپ تىيىلىپلا كەتسەم ئەشۇ قورام تاشلارغا سوقۇلۇپ نەچچە پارە بولۇپ كەتمەمدىمەن دېگەنلەرنى ئويلۇدۇم،پۇتۇمدا خىرۇم ئاياق،ھېچقانداق بىخەتەرلىك تەدبىرى يوق ھالەتتە ماڭغىنىم نىمىسى ئەمدى،پىشانەمدىن بۇژژىدە تەر چىقتى،ئىسىت، نىمىشقىمۇ ساياھەت ئايىقى ئېلىۋالمىغاندىمەن،ئەشۇ ئايىقىمنى ئېلىۋالغان بولسام بۇ يەردە بۇنچە تېڭىرقاپ تۇرمىغان بولاتتىمغۇ ھە...
     -نىمە بولدىڭىز،-دېدى مۇئەللىم تۇغقىنىم ۋاقىراپ،-توختاپ قالدىڭىزغۇ؟
       -ئايىقىمنىڭ تاپىنى بەكلا سېلىقكەن،تىيىلىپ بولمايۋاتىدۇ،چۈشۈپ كىتەيمىكىن.
       -مۇنداق چىدىماسلىق قىلماڭ،ئۇ يەردىن چۈشىمەن دېسىڭىز تېخىمۇ تەس بولۇپ قالىدۇ، تاغقا چىقماقتىن چۈشمەك تەس دېگەن گەپنى ئاڭلىغانسىز،سەل غەيرەت قىلسىڭىزلا چىقىپ كىتىسىز، قايتىشتا تاغنىڭ ئۇ تەرىپىدىكى جىلغا بىلەن چۈشۈپ كىتىمىز.
   ئۇ مەندىن ئون مېتىر ئىگىزلىكتە بىر پارچە قۇرام تاشقا مىنگىشىپ ئولتۇراتتى،قالغانلارمۇ ئۇنىڭ يېنىغا يىتىپ باراي دېگەنىدى،توغرا،تاغقا چىقىشنى مەن ئوتتۇرىغا قويغان،ئەمدى ئارقامغا يانسام نامەرتلىك قىلغان بولىمەن،ئېھتىيات قىلىپ ماڭمايمەنمۇ،ئەجىبا ئۇلار بىخارامان چىقىۋاتقان تاغقا مەن چىقالمامدىمەن......  
     ئۆز ئۆزۈمگە شۇنداق بىر نىدا قىلىۋىدىم بىردىنلا غەيرەتلىنىپ قالدىم،بىسمىللاھىرراخمانىررەھىم،ئاللا ماڭا كۈچ قۇۋەت ئاتا قىلغايسەن دەپ ئىچىمدە دۇرۇت ئوقۇغاچ قۇرام تاشلارنى چىڭ قاماللاپ يوقۇرى ئۆرلەشكە باشلىدىم،نەدىن كەلگەن غەيرەتكىن ئۇقمايلا قالدىم،ماڭغانچە ھېچنىمىدىن قورقمايدىغان بىر خىل ئىستىخىيلىك كۈچ مېنى يوقۇرىغا تارتماقتا ئىدى،ئالاھىزەل ئون بەش مىنۇت ئەتراپىدا قالغان يولنى بېسىپ بولۇپ بىز يامىشىۋاتقان تاغقا يىتىپ چىقتىم،ئۇلار مەندىن بۇرۇن چىقىپ بولغاچقا تاغ تۈپىسىدىكى تاشلار ئۈستىدە بىخارامان پاراڭلىشىپ ئولتۇراتتى،مەن مىچچىدە تەرلىگەن ھالدا ئۇلارغا ياندىشىپ ئولتۇردۇم-دە پەسكە باغداش دالاسىغا كۆز تىكتىم . ئىككى تاغنىڭ ئارىسىدىكى جىلغىغا جايلاشقان باغداش مېنىڭ كۆز ئالدىمدا بىر پارچە رەڭلىك سۈرەتتەك يېيىلىپ ياتاتتى، يوقۇرىدىن تۆۋەنگە سوزۇلغان مەھەللىلەر باغلارنىڭ قۇرشاۋىدا يوقاپ كەتكەندەك تۇراتتى،تىرىشچان،ئەمگەكچان،قەيسەر باغداشلىقلار مۇشۇ تاشلىق زىمىننى كۆكەرتىپ مىھرى جەننەتتەك بىر تىلسىم بىنا قىلغانلىقىغا ئاپىرىن دىدىم ئىچىمدە.
      -بۇ يەردىمۇ پۈتۈن باغداشنى سۈرەتكە ئالغىلى بولمايدىكەنغۇ،-دېدىم مەن فۇتۇ ئاپپاراتنىڭ كۈزنىكىدىن ئەتراپقا قاراپ،-دۈشۈينى كۆرەلمىدىم ،يەنە يوقۇرىدىكى بوستانمۇ كۆرۈنمەيۋاتىدۇ.
      -ئاۋۇ تاغنىڭ ئۈستىگە چىقساق ھەممە يەرنى تۇلۇق كۆرگىلى بولارمىكىن،-دېدى مۇئەللىم بىز تۇرغان تاغنىڭ جەنۇبىدىكى تاغنى كۆرسىتىپ تۇرۇپ.
     مەن ئۇ كۆرسەتكەن تاغقا قارىدىم،بىز تۇرغان تاغ بىلەن ئۇ تاغنىڭ ئارىلىقى يېقىن بولغان بىلەن ئۇ بىز تۇرغان تاغدىن خېلىلا ئىگىز ئىدى،ئۇنىڭ ئۈستىگە ئۇنىڭ قۇشنىڭ قانىتىدەك سوزۇلغان قىسمى ناھايىتىمۇ يوغان بىر قورام تاشنى مۇشۇ تاغقا چاپلاپ قويغاندەك ئاجايىپ ھەيۋەتلىك بىر كۆرۈنۈش ھاسىل قىلغانىدى،ئۇ تاغقا يامىشىپ چىقىش ئۈچۈنمۇ يەنە خېلىلا كۈچەشكە توغرا كىلەتتى.
       -بولدى قىلايلى،دېدىممەن ئۇلارغا قاراپ،- مۇشۇ يەرگىمۇ يېرىم سائەتتىن ئوشۇق ۋاقىت سەرىپ قىپتۇق،ئەمدى ئۇ تاغقا يامىشىپ چىقىمىز دېسەك ۋاقىتنى ئۇتتۇرۇپ قويىمىز،بىز تاغدىن چۈشۈپ بولغىچە ئۇلارنىڭ يىغىنىمۇ تۈگەيدۇ،بارىدىغان يەرلىرىمىز،كۆرىشىدىغان ئادەملىرىمىز خېلى بار،بىز تېخى بوستانغا بارماقچى،ئوردا ئۈستىدىكى چىن مودەننىڭ توقسەن ياشقا كىرگەن ھېلىقى تۇغقىنىنى يوقلىماقچى ئەمەسمىدۇق،ئۇنىڭ ئۈستىگە بۈگۈن مېنىڭ قومۇلغا قايتىدىغانلىقىمنى ئونتۇپ قالمىغانسىز؟
     بۇ گېپىم ئۈنۈم بەردى،بىز بىرلىكتە تاغ ئۈستىدە رەسىمگە چۈشۈپ بولغاندىن كىيىن بىر نەچچە پارچە مەنزىرە سۈرەت تارتىۋالدىمدە،بىز چىققان تاغنىڭ كەينى تەرىپىدىكى جىلغا بىلەن تاغدىن چۈشتۇق،كىم بىلسۇن،پەسكە تۇتۇشۇپ كەتكەندەك تۇيغۇ بىرىدىغان بۇ جىلغا بىردەمدىلا ئاخىرلاشتى، پەسكە قارىسام ئەمدىلا تاغنىڭ يېرىمغا كەپتۇق،ئەمدى ئالدىمىزدا يەنىلا قۇرام تاشلىق تاغ چوخچىيىپ تۇراتتى،پىشانەمدىن يەنە بۇژژىدە تەر چىقتى،ھەمراھلىرىم تاشتىن تاشقا سەكرەپ پەسكە چۈشكىلى تۇردى،مەنمۇ ئۇلارنى دوراپ تاشتىن تاشقا سەكرەپ چۈشۈشكە باشلىدىم ،ئۇ ئاخىرى تاپىنىم باغنىڭ ئىچىگە تەگدى،يۇمران چۈپ خۇددى مامۇق گىلەمدەك تاپىنىمدا ئەركىلەيتتى،مەن ئۆزۈمنى ئەشۇ يومشاق چۈپلۈك ئۈستىگە تاشلاپ ئۇھ دېدىم......

      مەن بۇ يازمىنىڭ ئاخىرىنى يازماسلىقنى قارار قىلدىم،كىچىككىنە بىر تەسىرات   يازمىسىنىڭ بۇنچىلىك كۆپ مۇنازىرىگە سەۋەپ بولىدىغىنىنى ئويلاپمۇ باقماپتىكەنمەن،ئۇنىڭسىزمۇ قولۇمدا يېزىشقا تىگىشلىك نۇرغۇن ماتىرىيال تۇرۇپتۇ،مۇشۇلار ئۈچۈن باش قاتۇرماي بۇ مۇنازىرىلەر بىلەن ھەپىلىشىپ كەتسەم بولمايدىغاندەك تۇرىدۇ،ئەڭ ياخشىسى بۇ مۇنبەر مېنىڭ سەل ۋاقتىم چىققاندا زىيارەت قىلىدىغان مۇنبىرىملا بولۇپ قالسۇن،مېنىڭ بۇ ئەدەپسىزلىكىمنى كېچىرىڭلار.....

    مۇنازىرىلەر مېنىڭ تەسىرات يازمام ئۈستىدىلا ئەمەس بەلكى ئۆز ئارا تىل ئۇرۇشى قوزغاپ قويۇۋاتقانلىقىنى ھىس قىلىپ قالدىم،مەن ئەسەرلىرىم ئۈستىدە قىزغىن ئەمما نورمال مۇنازىرە بولۇشىغا قارشىمۇ ئەمەس،بىر چاغلاردا شائىر ھاجى مىرزاھىت كىرىمى مېنى تەنقىدلەپ قويۇڭلار دەپ بەزى ئوبزورچىلارنى ئۆزىگە قاراتقان ئىدى،شۇ ۋەجىدىن بىر نەچچە ئوبزورمۇ يېزىلغان، ئىلمى باھا ئادەمنى سۈيۈندۈرىدۇ،لېكىن ئۇ ئىككى قۇتۇپقا ئايرىلىپ كەتسە تەھقىقكى بۇنداق مۇنازىرىدىن ياخشى ھاسىلات چىقمايدۇ،مەن بۇ يازمىنى پەقەت رەڭ پەدازسىز ھالەتتە كۆرگەن ئاڭلىغانلىرىمنى مۇنبەرداشلارغا بىر تال پىشمىغان مىۋە سۈپىتىدە سۇناي دېگەن نىيەتتە يېزىپ قالغانىدىم،بىراقزە....
      مېنىڭ ئەسەر يېزىش ئۇسلۇبۇم يىراقتىن ئەگىتىپ نىگىزىنى كولمىناتسىيىدە بىرىش،يىشىمىنى ئوقۇرمەنلەرگە قالدۇرۇش،يەنە بىر خىل يېزىشىم تۇنجى يازمىنى تىز يېزىپ ئاخىرلاشتۇرۇپ، ئۇنى بىرەر ھەپتە تاشلىۋەتكەندىن كىيىن ئاستا-ئاستا پىششىقلاش،ئادەتتە پىشىشقلاش ۋاقتىم يېزىش ۋاقتىمدىن كۆپرەك بولىدۇ،شۇڭا بۇ ئەسىرىمدىكى بەزى مۇجىمەل جۈملىلەر بىلەن ئىملا خاتالىقلىرى ئەشۇ پىششىقلاش باسقۇچىنى باشتىن كەچۈرمىگەچكە مۇنبەرداشلارنىڭ يا ئۇنداق،يا مۇنداق ئىنكاس يېزىشىغا سەۋەپ بولۇپ قالدى،لېكىن مېنىڭ بۇ يازمىنى   ئاخىرلاشتۇرمايلا چىكىنىشىم ھەرگىزمۇ تەنقىدكە بەرداشلىق بىرەلمەسلىك ياكى چىدىماسلىق قىلىۋاتقانلىقتىن ئەمەس،مەن ئادەتتە ناھايىتى كەمتەر ئادەممەن،ئاسان خاپىلايدىغانلاردىنمۇ ئەمەس،مېنىڭ رەھمەتلىك دادام ماڭا باھا بىرىپ مۇنداق دەيدىغان،بۇ ئوغلۇم كەمتەرلىكتە شۇ دەرىجىدىكى ئۇنى ئالغىلى كەلگەن قېيىق قىرغاققا كەلمەيلا تىز بولۇڭ قېيىققا چىقىڭ دېسەئۇ ئىككىلەنمەيلا  سۇ كىچىپ قىيىقنىڭ يېنىغا بېرىشتىن يانمايدۇ.

            مۇنبەرداشلارنىڭ قىزغىن تەۋسىيىسى،بولۇپمۇ باغداش قىزىنىڭ گالىئاخۇن بوۋامنى يۇقلىماقچى  ئىكەنسىزدە دېگەن سۆزى مېنى ئويلاندۇرۇپ قويدى،مەن ئەسلى بۇ يازمىنىڭ داۋامىنى يازماسلىقنى قارار قىلىشىم چىدىماسلىقتىن ئەمەس بەلكى مۇنبەرداشلارنىڭ ئۆز ئارا زوكۇنلىشىپ كېتىشىنىڭ ئالدىنى ئېلىش يەنە بىر تەرەپتىن ئۆزۈمنىڭ ۋاقتىنىڭ بەك قىسلىقى سەۋەپ بولغانىدى،بوپتۇ،بەزى تەپسىلاتلارنى قىسقارتىپ ئاساسلىق جايلارنى يېزىش بىلەنلا بۇ يازمىنى ئاخىرلاشتۇرىۋېتەي.
      مەن ھەمراھلىرىم بىلەن بىرلىكتە چىن مودەن ئائىلىسىنىڭ   كىيىنكى ئەۋلاتلىرىدىن  بولغان گالى مىراقۇلنىڭ ئۆيىگە يىتىپ كەلدۇق،بۇ ئۆيدە بىر مويسىپىت كىشى كىيىملىرى بىلەنلا  يېرىم مېتىردىن ئىگىزرەك قوپۇرۇلغان كاڭنىڭ ئۈستىدە ئاستىغا قېلىنراق كۆرپىدىن بىرنى سېلىپ ھېچنەرسە يېپىنمىغان ھالدا بېشىغا سامان تەكىينى قويۇپ ئۇخلاۋاتقانىكەن،ئىشىكنىڭ غىچىلداپ ئېچىلىشى، بىر نەچچىمىزنىڭ ئەسسىلامۇئەلەيكۇم دەپ يوقۇرى ئاۋازدا سالام بىرىشلىرىمىزدىن چۈچۈپ ئۇيغانغان بۇ  مويسىپىت بوۋىمىز بىزگە سىنچىلاپ قارىۋەتكەندىن كىيىن يوقۇرى ئۆتۈشكە تەكلىپ قىلدى،بۇ بۇۋىمىزنىڭ قۇلىقى سەل ئېغىرلاپ قالغانلىقىنى ھىساپقا ئالمىغاندا خاتىرىسى جايىدا ئىكەن،بۇ يىل تۇقسەن سەككىز ياشقا كىرگەنلىكىنى دەپ بەرگەندىن باشقا ئۆزىنىڭ جەمەتىنى تونۇشتۇردى،ئۇ ئۆزىنىڭ دادىسىنىڭ ياقۇپ مىراقۇل ئىكەنلىكىنى،بوۋىسىنىڭ بەدەل باقى ئىكەنلىكىنىلا دەپ بىرەلىدى،دېمەك ئۇلارنى چىن مۇدەننىڭ دادىسى تاشپۇلات مىراقۇلغا يەتكۈزۈش ئۈچۈن يەنە بىر ئىككى ئەۋلاتنى قوشقاندا ئاندىن ئۇلارنىڭ ئائىلە نەسەپنامىسى يەنى جۇرۇڭقاي پەيدا بولىدۇ دېگەن گەپ،دېمەك بۇلار تاشپۇلات مىراقۇلدىن تارتىپ تاكى مۇشۇ گالى مىراقۇل بۇۋىمىزغىچە ۋاڭنىڭ ئاتلىرىنى بېقىپ ئۆتكەن جەمەت دېگەن گەپ،قۇمۇلدا جۇرۇڭقاي يېزىپ قالدۇرۇش ئاساسەن ئۇمۇملاشقان ئىش،چۈنكى بىز ئادەتتە جەمەت سۈرۈشتۈ رىمىز،ئاشۇنداق سۈرۈشتۈرۈش ئاخىرقى ھىساپتا ئۆز يىلتىزىنى بىلىشتەك يۈكسەك ئەنئەنىنى شەكىللەندۈرگەن،مەن قۇمۇلدا تۇختى مۇھەممەت كۆچەتنىڭ ئۆيىدە ماتىرىيال كۆرىۋېتىپ ئۇ سىزىپ چىققان ئائىلە نەسەپنامىسىنى كۆردۈم،بىر تۈپ دەرەخنى شاخلىتىپ سىزغان بۇ جۇرۇڭقايدىن ئۇنىڭ يەتتە ئاتىسىنىڭ كىملىكىنى بىلگىلى بولىدىكەن، بۇنداق جۇرۇڭقايدىن مەندىمۇ بىرسى بار،بۇنى رەھمەتلىك دادام مۇشۇ شەكىلدە سىزىپ چىققان،ئەمدى ئۇنىڭ كەينىنى شاخلىتىش مېنىڭ زىممەمدىكى ئىش بولۇپ قالدى،مېنىڭچە بۇنداق جۇرۇڭقاي ھەممىلا ئائىلىدە بولۇشى مۇمكىن،ئەگەردە مۇشۇ گالى ئاخۇن بۇۋىمىز ئائىلىسىدىكىلەر مۇشۇنداق بىر ئىش قىلىپ قويغان بولسا بىز قىينالمايلا تاشپۇلات مىراقۇلغىچە بولغان يەتتە ئەۋلاتنى بىلىۋالغان بولاتتۇق،مېنىڭچە مۇشۇنى تېپىشتا ئۇنىڭ نەۋرىسى- باغداش قىزى ھەرىكەت قىلسا تىخىمۇ ياخشى بولاتتى.  
       بىز گالى ئاخۇن بۇۋىمىزنىڭ بالىلار تاماق قىلسۇن،تاماق يەپ مېڭىڭلار دېگەن تەكلىۋىگە چىرايلىق ئۆزرە ئېيتىپ ئۇنىڭغا ئۇزۇن ئۆمۈر سالامەتلىك تىلەپ قايتىپ چىقتۇق.كۈن تىكلەشكەنىدى،ئەتىگەن كىيىۋالغان چاپانلىرىمىز ئېغىر كىلىپ سېلىۋەتتۇقتە ئاخىرقى بىكىتىمىز بوستانغا ماڭدۇق،يولدا كىتىۋىتىپ ھەمراھلىرىمدىن بىرى سەمەت ئەمەت سىكرىتانىڭ مۇنۇ قوشىقىنى يادلاپ بەردى،
                          بوستاندا بىر بۇلاق،
                         چۈرىسىدە مىڭ بۇلاق.
                        سەمەت ئەمەت كەپ قالدى،
                       بوپ قويۇڭلار كۆز قۇلاق.  
     مەن بوسانغا كىرىپلا ئەشۇ بۇلاقنى ئىزدىدىم،بۇلاق بويىدا قېنىپ قىنىپ سۇ ئىچكەندىن كىيىن ئاخشامقى مۇيسىپىتلاردىن بىرى يادلاپ بەرگەن بىيىتنى تەكرارلىدىم.
                                 قارلىق تاغدا قار ياغسا،
                               بوستاندا ئالاڭ يامغۇر.
                               بىزنىڭ يارلار ئاش ئىتىپتۇ،
                              گۈشى يوق يالاڭ چامغۇر.
        بوستاندا بىز كۆرۈشىدىغان ئىككىلا كىشى بىرى ساقىغا،بىرى قۇمۇلغا كىتىپ قالغانلىقى ئۈچۈن بىز ئامالسىز قايتىشقا مەجبۇر بولدۇق.شۇ كۈنى چۈشلۈك تاماقنى ساقىدا يەپ چۈشتىن كىيىن ئۇلار مېنى قومۇلغا يەتكۈزۈپ قويدى،كەچتە قۇمۇل مەشرەپلىرىنى ئاساس قىلغان تويغا قاتنىشىپ ئەتىسى مېنى باغداشقا يولغا سالغان بۇرادەرلەر بىلەن كۆرۈشتۈم،ئۇلار مېنىڭ زىيارەتنى بۇنچە تىز ئاخىرلاشتۇرغىنىمغا تازا رازى بولۇشمىدى،مەن دەم ئېلىش ۋاقتىمنىڭ توشۇپ قېلىۋاتقانلىقى،خىزمەت ئورنۇمغا قايتىپ بېرىپ بىر ئاي ئەتراپىدا ئۆز ئىشلىرىمنى تۈگۈتۈپ يەتتىنچى ئايدا تۇغقان يوقلاش رۇخسىتى بىلەن قايتا كىلىدىغانلىقىمنى بىلگەندىن كىيىن مۇنداق دېيىشتى.
      -بۇ قېتىم ياخشى تەييارلىق قىلىپ كەلسىلە،ئەمدى ماشىنىدا ماڭىدىغان ئىش يوق،ئارا تامدىن باغداشقا بۇرۇنقى يول بىلەن يەنى غول ياقىلاپ پىيادە چىقىمىز،ئۇندىن باشقا بەش شەھەر ئون ئىككى تاغنى قويماي ئايلىنىپ چىقشنىمۇ يادىلىرىدا تۇتسىلا.شۇندىلا يازماقچى بولغان ئەسەرگە ماتىرىيال توپلىيالايلا.
    مەن بۇ تەكلىپنى خوشاللىق بىلەن قوبۇل قىلدىم،بۇ يازمام ئاخىرلىشىش ئالدىدا كومپىيوتىرىمدا چىقىۋاتقان قۇمۇل مۇقاملىرى ئاخىرلىشىپ قالدى،مەن سودىيەئاي مەخمۇتنىڭ  ئورۇنلىشىدىكى ئەر بارمۇ دېگەن ناخشىنى قويۇپ قويدۇم،ئۇنىڭ مۇڭلۇق ناخشىسى مېنى چەكسىز خىياللار قۇچىقىغا تاشلىدى،بولۇپمۇ بۇ ناخشىنىڭ قايتارمىسىدىكى:
                       ئاللىمۇ ئاللا يار بارمۇ،
                      كۆرۈنگەن تاغدا قار بارمۇ.
                     كۆرۈنگەن تاغدا قار بولسا،
                    ئېرىتكىلى ئەر بارمۇ.
     دېگەن تىكىستىنى قايتا قايتا ئوقۇدۇمدە مۇنبەرداشلارغا مۇنداق خىتاپ قىلغۇم كەپ قالدى.
     -قېنى شورتىكىن يەتتىنچى ئايدا بەش شەھەر ئون ئىككى تاغنى ئايلانماقچى،ئاراتام ئېغىزىدىن پىيادە مېڭىپ تاكى قارلىق تاغقىچە بارماقچى،مەن بىلەن بىللە مۇشۇ ئىكىستىپىدىتسىيىگە قاتنىشالايدىغان ئەر بارمۇ؟؟؟؟؟؟؟؟؟؟؟؟؟