مەن بۇ تېمىنى كۆرۈپ تولىمۇ سۆيۈندۈم ھەم ھەيران قالدىم، چۈنكى مەنمۇ يېزىدا چوڭ بولغان، گەرچە دېھقانچىلىقنى ۋايىغا يەتكۈزۈپ چۈشەنمىسەممۇ لېكىن دېھقانلارنى، نۆۋەتتىكى ھۆكۈمىتىمىزنىڭ دېھقانلارغا قاراتقان سىياسەت- فاڭجېنلىرىنى بەش قولدەك چۈشىنىمەن. ھازىر يېزا ئىگىلىك ئىشلەپچىقىرىشىدا ھەممىدىن مۇھىمى سۇ مەسىلىسى تولىمۇ مۇھىم بولۇپ قالدى. چۈنكى ئاپتونوم رايونىمىزنىڭ مۇتلەق كۆپ قىسىم زېمىنلىرى چۆل- جەزىرىلەر، قۇملۇقلاردىن تەركىب تاپقان بولۇپ، بۇلارنى ئۆزلەشتۈرۈشكە، ئېچىپ پايدىلىنىشقا يەنىلا سۇ بولمىسا بولمايدۇ. ئالاقىدار سانلىق مەلۇماتلارغا قارايدىغان بولساق ھازىر تېرىپ پايدىلىنىۋاتقان تېرىلغۇ يەر كۆلۈمى تايىنلىقلا بىر گەپ. ئاپتونوم رايونىمىز مۆتىدىل بەلۋاغنىڭ قۇرغاق ئىقلىمىغا تەۋە بولۇپ، يوقۇرقى تېخنىكىنى ئەگەر ھۆكۈمەت ئەشۇ «تېمىتىپ سوغۇرۇش»، «پۈركۈپ سوغۇرۇش» دېگەن تېخنىكىلارنى تەرەققىي قىلدۇرغاندەك بىۋاسىتە مەبلەغ چىقىرىپ قوللايدىغان بولسا بۇ ھەقىقەتەنمۇ دەۋر بۆلگۈچ ئەھمىيەتكە ئىگە ئىش بولاتتىكەن (شۇنداقمۇ بولارمۇ). تېخى يېقىندىلا تەساددىپىي پۇرسەتتە يېزىمىزنىڭ سۇ سىستېمىسىدىكى بىر ماتېرىيالنى كۆرۈپ قالدىم. مۇناسىۋەتلىك خادىمنىڭ ماڭا دەپ بېرىشىچە بۇ يىل ئۆتكەن يىلغا قارىغاندا يېزىمىز تەۋەسىدىكى يەر تېرىيدىغان ئوبېكتلاردىن بىر مىليون نەچچە يۈز مىڭ يۈەن سۇ پۇلى ئارتۇق يىغىلىدىكەن (سۇ ھەققى، سۇ ئىشلىتىش مىقدارى شۇنچىلىك كۆپ دېمەكچى). بۇنىڭدىن شۇنى كۆرۈۋېلىش مۇمكىنكى، كىچىككىنە يېزىمىز دېھقانلىرى ئۈچۈن بۇ پۇل باشقا يىللاردىكىگە قارىغاندا ھەقىقەتەن كۆپ بولۇپ، سۇ ھەققى جەھەتتە ھەقىقەتەن ئېغىر كېلىدۇ ئەلۋەتتە. (ۋاقىت مۇناسىۋىتى بىلەن مەن يېزىمىزنىڭ نۆۋەتتىكى تېرىلغۇ يىرى ۋە يوقۇردا ئېيتىلغاندەك سۇ ھەققىگە مۇناسىۋەتلىك سانلىق مەلۇماتلارنى دەرھال توپلاشقا ئامالسىز قالدىم، ئۇنىڭ ئۈستىگە بۇ يالغۇز مەن تۇرۋاتقان ئورۇندىكى يىگانە مەسىلە بولمىغانلىقتىن بۇلارنى ئانچە بەك زۆرۈر دەپ قاراپمۇ كەتمىدىم).
شۇڭا دەيمەنكى بۇ تېخنىكىنى چوقۇم كېڭەيتىش كېرەك. ھۆكۈمەت دېھقانلارنى بېيىتىشتا ئاتالمىش «ياردەم پۇل بېرىش» تەك قاملاشمىغان سىياسەتنى يولغا قويۇپ ئەمەس، مۇشۇنىڭغا ئوخشاش ئىلغار تېخنىكىلارنى كېڭەيتىش ئارقىلىق يۆلەش كېرەك. مۇمكىن بولسا بۇ سۆيۈملۈك دېھقان كەشپىياتچىمىز تەشۋىق قىلىنغان تېلېۋىزىيە زىيارىتىنى توردا بىر كۆرسەك بوپتىكەن.

كاۋاپ ساتقان ئادەمنى بىر يىل ماختىدۇق، پايدىلىق تېخنىكا ئىجاد قلغان ئادەمنى ئەجەپ ئەمدى ئاڭلاۋاتىمىز،،،،، مانا ئاخبارات دىگەن مۇشۇنداق خىزمەت قىلىدۇ....