ئاڭلاپ چىقتىم.ئەمما ئۆزەمگە تەسەللى بولغۇدەك،كۈنسېرى سۇسلاۋاتقان قىزغىنلىقىمنى ئۇلغايتقۇدەك  ئۆنۈمگە ئېرىشمىدىم.چۈنكى بىۋاستە سەزگۈزەشتىمدىن مەنمۇ 18يىللىق سىتاژىم بار ئوقۇتقۇچى.ئەينى يىللاردا مەنمۇ خېلى ياخشى ئورۇن ۋە خىزمەت مۇھىتىنى قويۇپ،مۇشۇ ئوقۇتقۇچىلىقنى تاللىغان ۋە ئانا سەھرايىمغا قايتىپ كەلگەن.مېنىڭمۇ نۇرغۇن شېرىن خىياللىرىم ۋە ئارمانلىرىم بولغان.
ھالا بۈگۈنلۈكتە،ماڭا بۇ خىزمەتنىڭ مائاش-تەمىناتتىن بۆلەك تارتىشقۇدەك ھېچنىمىسى قالمىغاندەك ئويلاپ قالىمەن.خاتا چۈشىنىپ قېلىشىڭىز مۇمكىن،ئەمما 18يىل ئاساسى قاتلامدا قاتراپ،ھەپتىسىگە 20-30سائەت دەرس ئۈتۈش،ھەر بىر سائەت دەرس ئۈچۈن مەجبۇرىيەت ۋە شەكىلگە دەپتەر بوياش،يۇقىرىدىن چۈشۈرگەن ۋەزىپە ۋە ئۆلچەم بويىچە تاپشۇرۇق بېرىپ تەكشۈرۈش،تۈگىمەس تەكشۈرۈش ۋە باھالاشلار ئۈچۈن شەكىلۋازلىق،يالغانچىلىق قىلىش...دېگەندەكلەرنى بېشىڭىزدىن ئۆتكۈزسىڭىز ئاندىن چۈشىنىپ قالىسىز.ئۈن-تىنسىز ئىشلىگىنىڭىز،مۇناسىۋەت ۋە خۇشامەت ئارقىلىق يۇقىرى ئۆرلەشنى ئىستىمەي ئەجىر-مېھنەتنى ئۇلۇغلىغىنىڭىز ئۈچۈن،خۇددى باشلىقنىڭ ئالدىدا شاھمات تاختىسىدىكى پىشكىدەك،قاسساپنىڭ گۆشنىڭ كەم كېلىپ قالغان يەرگە تاشلاپ بېرىدىغان جىگىىرىدەك ھەر يىلى دىگۈدەك ئۇ مەكتەپ،بۇ  مەكتەپكە يۆتكىۋېتىلسىڭىز...ئاندىن چۈشىنىپ قالىسىز.كەنتلەردىكى ئەترەت باشلىقىدىن سەل ساپالىقراق كەلگەن مەكتەپ مۇدىرىنىڭ تايىنى يوق ئىشلار ئۈچۈن ساراڭدەك چالۋاقاپ ئاچقان يىغىنلىرىدا ئولتۇرۇپ باقسىڭىز  ئاندىن چۈشىنىپ قالىسىز.
  ئەمما مەن يەنىلا مۇشۇ كەسپتىن ۋاز كېچەلمىدىم.چۈنكى دەرسخانىغا كىرسەملا بار خاپىلىقىمنى ئۇنتۇيمەن.چۈنكى ئاشۇ يەردە ماڭا تەلمۈرۈپ تۇرغان توپا چىراي بالىلار،غۇبارسىز ۋە ئۈمد نۇرى چاقناپ تۇرغان نۇرلۇق كۆزلەر،ئۆزەمنىڭ ئادەملىكىمنى ھېس قىلدۇرىغان ھۆرمەت ۋە ئاشۇ بالىلار بىلەنلا روياپقا چىقىدىغان تەسۋىرلىگۈسىز خۇشاللىقلار...بار. 

خوش ، بۇنى بىر لېكسىيە دەپ ئاڭلىساق ناھايىتى ھاياجانلىنىمىز ، لېكىن ئەتراپقا ، جەمئىيەتكە شۇنداق بىر قاراپ بېقىپ ئاندىن مەكتەپ ئىچىگە ،دوسكىغا، ئاي ئاخىرى ئالدىغان مائاشىڭىزغا شۇنداق بىر قاراپ يۈرىكىڭىزنى تۇتۇپ چوڭقۇر ئويلىنىپ بېقىڭ . ئۆزىڭىزنى ئالىيجاناپ ، قەھرىمان ئەمەس باشقا كىشىلەرگە ئوخشاش  دۇنيانىڭ ھەر-بىر نازۇ نىمەتلىرىدىن بەھىرلىنش ھوقوقى بار ئىنسان سۈپىتىدە ئويلاپ بېقىڭ ، شۇ چاغدا نىمىلارنى ھېس قىلىسىز :
  ئەلۋەتتە بىز نوتۇق لېكسىيەلەرنى ئاڭلىغاندا چوڭقۇر ھاياجانلىنىمىز ، بەلكىم بىر قىسىم ئوقۇتقۇچىلار بۇنى ئاڭلىغاندىن كېيىن ئۆزىدىن بەلكىم پەخىرلىنىپ كېتىشى ئۆزىنىڭ قىلىۋاتقان خىزمىتىن سۆيۈنۈپ كېتىشى مۇمكىن ، ئەلۋەتتە بۇ  پەخىرلەنگۈدەك ،سۆيۈنگىدەك خىزمەت ،
چۈنكى بىز < ئىنسان روھىنىڭ ئىژىنىرى > دىگەن ئەڭ ئۇلۇغ نامنى ئوقۇتقۇچى - ئۇستازلارغا بەرگەن ،
    لېكىن مۇشۇ كەسپنى ئىشلىگەن كىشىلەرنىڭ مۇشۇ كەسپكە قەدەم قويغان ئىكەن تىرىشىپ ئەستايىدىلىق بىلەن ئىشلىشىنى بارلىق ئاتا- ئانىلار چىن دىلىمىزدىن ئۈمىد قىلىمىز ،
   سىلەر ئوقىتىۋاتقان ھەر بىر ئوقۇغۇچى ھەربىر ئاتا- ئانىىڭ يۈرەك پارىسى ، ئۈمىدى ، ھاياتى ، بۇ نۇقتىنى ھەربىر مىنۇت ئېسىڭىلاردىن چىقارماي ھەربىر ئوقۇغۇچىغا ئوخشاش مۇئامىلىدە بولۇپ ئۇلارغا بىلىم بەرسەڭلەر ، بىز ئاتا- ئانىلار سىلەردىن مىڭ مەرتىۋە رازى، سىلەر ئىنسان روھىنىڭ ئىنژىنىرىلا ئەمەس يەنە نۇرغۇن ئائىللەرگە خوشاللىق ئۈمىد ئېلىپ كەلگۈچى :
  نۇرغۇن بالىلارنىڭ كېيىنكى تەغدىرى ، ئائىلەرنىڭ بەخت سائادىتى ، مىللەتنىڭ كېلەچىكى سىلەرنىڭ قولۇڭلاردا :
  ئىلاھىم ھۆكۈمەت سىلەرگە ئەڭ يوقىرى مائاشنى بەرگەي :

باغداش مۇنبىرىگە رەخمەت ، رەخمەت ئېيتىشنى ئۇنتۇپلا قايتىپتىمەن :

ھەممىدىن كۆزىگە كىرىۋالغان ئىش چاتاقكەن ،  تەتىل كۇنلىرىمۇ يىغاۋالدىكەن  ئۇلارنى ئادەمنىڭ ئىچىىنى سىقىپ ،  بەلكىم ئىشكىردە ئۇنچىلىك كۆزىگە كىرۋالماس دەيمەن  ،

ئابلىز ھەسەن ئەپەندى ئەسەر يازماس بوپ كەتتىغۇ؟

توغرا ،ئوقۇتقۇچىلىقتىن زارلىنىشقا بولمايدۇ .بىراق ھازىرقىدەك ئارمانغا چۇشلۇق دەرمان يوق ،ھەممەئىش  ئىقتىساد ئارقىلىقلا  يۇرىشىدىغان، << پۇل ھەممىگە قادىر >> شەكلىدە مېڭىۋاتقان زامانغا نىسبەتەن يوقارقىدەك لىكسىيە ئوقۇتقىچىنىڭ ئاغزىغا سېلىنغان ئېمىزگە خالاس .

نىمە ئۈچۈن ساپاسىز كىشىلەنىڭ ھەممىسى مەكتەپ مۇدىرى بولىۋالىدۇ؟ ھازىرغىچە بىرەسىدىن پالانچى مەكتەپ مۇدىرى ياخشى دېگەننى ئاڭلاپ باقمىدىم. ئەجەبا مەكتەپ مۇدىرىنىڭ ھوقوقى شۇنداق چوڭمۇ؟ ئابدۇكېرىم ئابلىزنىڭ «شوجاڭ بوساڭ ھەممە نەسە سېنىڭكى » دېگەن گېپى راستما؟

بۇ نۇتۇقنى بىزمۇ مەكتەپنىڭ تىغىن زالىدا كوللىكتىپ ئاڭلىغان ئىدۇق . ھەممىمىز ئابلېز ھەسەن ئىسىملىك بۇ ئوقۇتقۇچىنىڭ نۇتۇق قابىليىتىگە ئاپىرىن ئېيتتۇق، بىراق تەسىرى خۇددى تورداشلارغا بەرگەن تەسىرگە ئوخشاش بولدى.
     ئوقۇتقۇچىنىڭ بىر ھەپتىلىك نورمال خىزمەت ۋاختى:
1- 15 سائەت دەرس
2-20 سائەت دەرس تەيارلىقى
3-بىر سائەت سىياسى ئۆگىنىش
4-بىر سائەت كەسپى ئۆگىنىش
5- بىرسائەت چوڭ تازىلىق
6- ئىككى يېرىم سائەت يوقلىما (كۈنىدە تۆت قېتىم)
7- يېرىم سائەت كۈندىلىك خاتىرە
8-ئىككى يېرىم سائەت گىمىناستىكا
9-ئىككى يېرىم سائەت ئوقۇغۇچىلار بىلەن سۆھبەت
  10- ھەربىر دەرس سائىتىگە بىر قېتىمدىن كۈنىدە ئۈچ سىنىپنىڭ تاپشۇرۇق دەپتىرىنى تەكشۈرەش كىرەك( تەخمىنەت 96 دانە دەپتەر) بۇنۇڭغا ئاز دىگەندە كۈندە 384مىنۇت ۋاقىت كەتسە( بىر دەپتەر ئۈچۈن 4مىنىت ۋاقىت كەتسە) ھەپتىدە  1920 مىنۇت تاشۇرۇق تەكشۈرۈش ئۈچۈن سەرىپ قىلىنىدۇ. 
  يوقۇرقىلار ئەلۋەتتە پەقەت ھەپتىلىك خىزمەت ۋاختى. بۇنۇڭدىن باشقا   مەسۈمدە 24خىل پىلان خۇلاسە ،ئايىغى چىقمايدىغان ئائىلە سۆھبىتى، تۈرلۈك ئىمتىھانلار، قەغەز تەكشۈرۈش دىگەنغۇ ئىش ئەمەس............
  ھىساپ بىلىدىغان ئادەملەر بۇ خىل خىزمەت ۋاختىنىڭ  جەمئىسىنى ھىساپلاپ باقسا مىنىڭ سەۋىيەيىم يىتىشمىدى.

سېسىق توققۇزىنجى ،
ھازىر ئوقۇتقۇچىلار سېسېق قانچىنجى بوپ كەتتى

خېلى جانلىق سۆزلەيدىكەن   مەن قول قويدۇم ،،،بۇ يازغۇچىنىڭ بىرەر ئەسىرى باغداشتا بارمۇ