قانۇن - مەلۇم مەدەنىيەت كاتگوريىسىگە تەۋە بولغان توپنىڭ ئومۇمىي ئەخلاق كۆز قاراشلىرىنىڭ يىغىندىسى. دېمەك، بىز بوي سۇنۇشقا مەجبۇر بولغان قانۇن دەل ئەتىراپىمىزدىكى ھەممە ئېتىراپ قىلغان نىمىنى قىلىش نىمىنى قىلماسلىق توغرىسىدىكى ئۆلچەم .
    دۆلىتىمىز قانۇنى - دۆلىتىمىزدىكى بىر مىليارت ئۈچ يۈزمىليون خەلقنىڭ ئومۇمىي ئەخلاق كۆز قاراشلىرىنىڭ يىغىندىسى، يەنى مۇشۇ ئومۇمىي خەلق ئېتىراپ قىلغان ھەركەت ئۆلچىمى.
    قانۇنغا بوي سۇنۇش ۋە ئۇنى قوغداش شۇ جەمئىيەتتىكى كۆپچىلىك خەلقنىڭ بۇ ئۆلچەمنى ئېتىراپ قىلىش ۋە قىلماسلىقىغا باغلىق ...
    سىز ۋە مەن ئۈچۈن قانۇن كېچىكىمىزدىن چوڭلار بىزگە سىڭدۈرۈپ كەلگەن ئۇنى قىلساڭ بولمايدۇ، بۇنى قىلساڭ يامان بولىدۇلارنىڭ ھەممىسى...
    بىزنىڭ ئەخلاق قاراشلىرىمىز نەچچە مىڭ يىللىق مەدەنىيەت جەۋھەرلىرىنى ئۆزىگە مۇجەسسەملىگەن، شۇڭا بىز دۆلەت قانۇنىغا بوي سۇنۇشتىن تاشقىرى خەلقىمىز ئىچىدە ئورتاقلاشقان ئەخلاق قاراشلىرىغا چوقۇم ھۆرمەت قىلىش ۋە ئۆلچەمنى ئىجىرا قىلىشقا ئاكتىپلىق قاتنىشىشىمىز زۆرۈر. گەرچە بىزگە باشقىلارنىڭ قالپىقى دەل كەلمىگەن بولسىمۇ لېكىن ئۆزىمىزنىڭ ئارتۇقچىلىقلىرىنى جارىي قىلدۇرۇش ئارقىلىق ئۇ قالپاقنى يەنىلا بېشىمىزدا تۇرغۇزالايمىز...
    يەنە قوشۇمچە قىلىشقا تىگىشلىك نەرسە شۇكى سىز دۆلەتنىڭ قانۇنلۇق گىراژدانى بولۇش سالاھىيىتىڭىز بىلەن ھەر ۋاقىت قانۇن ئىجىراسىنى نازارەت قىلىش ھوقۇقىغا ئىگە. شۇڭا ھۆكۈمەت ئورۇنلىرى، كارخانا ئورۇنلىرى، مەمورى ئورۇنلار قانۇنغا خىلاپ ئىش بىجىرگەندە سىز ئۆزىڭىزنىڭ نازارەت قىلىش ھوقۇقىڭىزنى ئىشقا سېلىپ ئۇلارنىڭ خاتالىقلىرى ئۈستىدە شىكايەت قىلسىڭىز بولىدۇ...

قانۇن دىگەن  ھۈكۈمرانلارنىڭ  ئىرادىسى

    ئەستاخپۇرۇللا، كاللا دېسە پاقالچاق دېگەندەك گەپقۇ بۇ...مەن قانۇن ئۇقۇمى توغرىسىدا چۈشەنچە بەردىم... سىز دەۋاتقىنىڭىز تار دائىرىدىكى بىر تەرەپلىمە قاراش خالاس... سىزنىڭ قارىشىڭىز بويىچە بولغاندا قانۇننى يوق قىلىش، ھۆكۈمرانلارنىڭ ئىرادىسىنى سۇندۇرۇش، جەمئىيەتتىكى قانۇن-تۈزۈم ئورناتماسلىق كېرەككەندە؟
     ئىنسانىيەت ئۈچۈن قانۇن بولمىسا بولمايدۇ، قانۇننى ئۆلچەم دېدۇق، شۇڭا ئۇلۇغ ئالاھ بىزگە ھەركەت ئۆلچىمىمىزنى ئۆلچەيدىغان ۋە تەرتىپكە سالىدىغان مۇقەددەس قانۇننى چۈشۈردى... ئىسلام ئەللىرىدە ئىسلامى ئەخلاق قاراشلىرىغا ئۇيغۇن كەلگەن قانۇنلار تۈزۈلدى، ئىجىرا قىلىندى... كاپتالىزىم ئەللىرىدە كاپتالىستىك ئەخلاق قاراشلىرىغا ئۇيغۇن كەلگەن قانۇنلار تۈزۈلدى، ئىجىرا قىلىندى... سوتسىيالىزىم ئەللىرىدە كوممۇنىستىك ئەخلاق قاراشلىرىغا ئۇيغۇن كەلگەن قانۇنلار تۈزۈلدى، ئىجىرا قىلىندى... ھەر جەمئىيەتنىڭ ئۆز توپى ئىچىدىكى ئومۇمىي ئەخلاق قاراشلىرىغا ئۇيغۇن كەلمىگەن قانۇن ئۇ جەمئىيەت تەرتىپىگە نىسبەتەن ھامان پاسسىپ تەسىر كۆرسىتىپ، قانۇننىڭ نوپۇزىنى چەتكە قاقىدۇ. بۇ تەبئىي قانۇنىيەت...