قومۇل شەھەرلىك ھۆكۈمەتتىكى مۇناسىۋەتلىك رەھبەرلەرگە:
      قومۇل ۋىلايەتلىك ۋە شەھەرلىك ھۆكۈمەت تورلىرى ئېچىلغاندىن بۇيان،كەڭ خەلق ئاممىسى ھۆكۈمەت ئۇچۇرلىرىنى خەنزۇچە  يېزىقتا  تىز سۈرئەتتە قىينالمايلا كۆرەلەيدىغان بولدى .پارتىيە ھۆكۈمەتنىڭ غەمخورلۇقى ئارقىسىدا يېقىنقى يىللاردىن بۇيان ئازسانلىق مىللەتلەرنىڭ جۈملىدىن قومۇل ئۇيغۇرلىرىنىڭ ماددى ۋە مەنىۋى تۇرمۇشىدا زور يۈكسىلىشلەر بولدى .ھازىر كۆمپىتورنى خىزمەتچىلەر ۋە بايلار سېتىۋېلىپلا قالماستىن بەلكى ئادەتتىكى دېھقانلارمۇ سېتىۋېلىپ  ئۇچۇردىن پايدىلىنالايدىغان بولدى .بۇنىڭ بىلەن ئازسانلىق مىللەت تور ئاممىسىنىڭ ئۆز تىل يېزىقىدىكى ئۇچۇرلاردىن پايدىلىنىش ئېھتىياجى كۈندىن كۈنگە كۈچەيدى .لېكىن قومۇل شەھەرلىك ھۆكۈمەت تورىدىكى خەنزۇچە ھوكۇمەت ئۇچۇرلىرى خەنزۇچە يزىقتا تارقىلىدىغان بولغاچقا پارتىيە ھۆكۈمەتنىڭ تور ئارقىلىق تەشۋىقاتىدىن ئاز سانلىق مىللەت ئاممىسى خەۋەرسىز قالدى .بۇنىڭ بىلەن ھۆكۈمەتنىڭ تور ئارقىلىق تارقاتقان ھۆججەتلىرىدىن ئاز سانلىق مىللەت ئاممىسى پايدىلىنالمايدىغان ،خەلىق تۇرمىشىغا پايدىلىق ئۇقتۇرۇش،ئۇچۇرلاردىن بىخەۋەر قالىدىغان ھالەت شەكىللەندى .شۇڭا ھازىر خەلىق ئىچىدە ئۇيغۇرچە ھۆكۈمەت تورى ئېچىش توغرىسىدا سادا كۈندىن كۈنگە كۈچەيدى .بولۇپمۇ 2008-يىلى2-ئاينىڭ 19-كۈنى رەئىس نۇر بەكرى ئىمزا قويغان
«شىنجاڭ ئۇيغۇر ئاپتونوم رايونىنىڭ <ھۆكۈمەت ئۇچۇرلىرىنى ئاشكارىلاش نىزامى>
http://uy.yining.gov.cn/E_ReadNews.asp?NewsID=416
ئېلان قىلىنغاندىن بۇيان ئۇيغۇرچە ھۆكۈمەت تورى  قۇرۇشقا بولغان تەلەپ كۈندىن
كۈنگە كۈچەيدى .
     ‹‹جۇڭخۇا خەلق جۇمھۇرىيىتىنىڭ ھۆكۈمەت ئۇچۇرلىرىنى ئاشكارىلاش نىزامى››دا: ‹‹پۇقرا، قانونىي ئىگە ۋە باشقا تەشكىلاتلار مەمورىي ئورگانلارنىڭ ھۆكۈمەت ئۇچۇرلىرىنى ئاشكارىلاش خىزمىتىدىكى كونكىرىت مەمورىي قىلمىشى قانونىي ھوقوقىمىزغا دەخلى -تەرۇز يەتكۈزدى دەپ قارىسا .قانون بويىچە مەمورىي جەھەتتىن قايتا قاراپ چىقىشقا ئىلتىماس قىلسا ياكى مەمورىي دەۋا قىلسا بولىدۇ > دەپ بەلگۈلەنگەن . مانا بۇ ئاساسلار كەڭ ئۇيغۇر ئاممىسنىڭ  ئۇيغۇرچە ھۆكۈمەت تورى قۇرۇش تەلىپىگە قانونىي كاپالەتكە ئىگە قىلدى.شۇڭا قومۇل شەھەرلىك ھۆكۈمەتتىكى مۇناسىۋەتلىك رەھبەرلەر بىزنىڭ بۇ سادايىمىزغا قۇلاق سېلىپ قويىشىنى ، پات پۇرسەتتە ئۇيغۇرچە ھۆكۈمەت تورىنى ئېچىپ،قونوندا بەلگۈلەنگەن ھۆكۈمەت ئۇچۇرلىرىدىن پايدىلىنىش  ھوقۇقىمىزنى كاپالەتكە ئىگە قىلىشىنى ئۈمۈد قىلىمىز .

ئەسكەرتىش:مۇناسىۋەتلىك كىشىلەرنىڭ يول كۆرسىتىشى بىلەن باغداش تورىغا ئۇيغۇرچىسىنى  يوللاپ كۆپچىلىكنىڭمۇ پىكىرىنى ئېلىشنى قارار قىلدۇق .كۆپچىلىكنىڭ  ئۆزلىرىنىڭ ئۇيغۇرچە ھۆكۈمەت تورى قۇرۇشنىڭ ئەھمىيىتىگە بولغان شەخشى چۈشەنچىسىنى ئاكتىپلىق بىلەن  يېزىشىىنى سەمىمى ئۈمۈت قىلىمىز .

ئەسسالامۇ ئەلەيكۇم تېما ئىگىسى.
بۇ ئىلتىماس (تەكلىپ دېسەك تېخىمۇ مۇۋاپىق بولغىدەك) بەكمۇ ئورۇنلۇق بوپتۇ. ھازىر خېلى كۆپ كىشىلەر ھۆكۈمەت تورى ئارقىلىق پارتىيەنىڭ سىياسەتلىرىدىن، دۆلەت قانۇنلىرىدىن، ئىقتىساد، مەدەنىيەت-مائارىپ، سەھىيە، يېزا ئىگىلىك، يېزا قاتارلىقلارغا مۇناسىۋەتلىك ئۇچۇرلاردىن خەۋەر تاپىدۇ. خەنزۇ تىلىنى بىلگەنلەر خەنزۇچە توربەتلەردىن شۇنداق ئۇچۇرلارنى كۆرەلەيدۇ، خەنزۇتىلى بىلمىگەنلەر بۇنداق ئۇچۇرلاردىن تور ئارقىلىق خەۋەر تاپالمايدۇ.
باشقا رايوندا تۇرىۋاتقانلارمۇ ھۆكۈمەت ئۇچۇر تورى ئارقىلىق شۇ جاينىڭ تۈرلۈك ئەھۋالىدىن، تۈرلۈك سىياسەتلىرىدىن خەۋەر تاپىدۇ.
شۇنداق بولغان ئىكەن، پارتىيە ۋە ھۆكۈمەتنىڭ قانۇن-سىياسەتلىرىنى، ساداسىنى پۇقرالارغا يەتكۈزۈشتە رادىئو -تېلېۋىزور، گېزىتكە تايىنىپلا قالماي يەنە توردىن ياخشى پايدىلىنىش بەك زۆرۈر.
بۇ تەكلىپنى خەلق ۋەكىللىرى ئارقىلىق سۇنسا تېخىمۇ ئۈنۈملۈك بولۇشى مۇمكىن. يەنە خەنزۇچىغا تەرجىمە قىلىپ،  ھۆكۈمەت تورىغا (خەنزۇچە) يوللاپ باقسىمۇ بولغىدەك.

«شىنجاڭ ئۇيغۇر ئاپتونوم رايونىنىڭ <ھۆكۈمەت ئۇچۇرلىرىنى ئاشكارىلاش نىزامى>
http://uy.yining.gov.cn/E_ReadNews.asp?NewsID=416
ئېلان قىلىنغاندىن بۇيان ئۇيغۇرچە ھۆكۈمەت قۇرۇشقا بولغان تەلەپ كۈندىن
كۈنگە كۈچەيدى .
«ئۇيغۇرچە ھۆكۈمەت»قۇرۇشمۇ ياكى«ئۇيغۇرچە ھۆكۈمەت تورى» قۇرۇشمۇ؟

ئۇيغۇرچە ھۆكۈمەت تورى قۇرۇش ..ھاھاھ ..ئىملادا كېتىپ قاپتۇ .
ئۇيغۇرچە ھۆكۈمەت تورى ئالدى بىلەن ھوكۇمەت بىلەن ئاز سانلىق مىللەت جۈملىدىن ئۇيغۇر ئاممىسى بىلەن ئارلىقنى
تېخىمۇ يېقىنلاشتۇرۇشقا پايدىلىق .ئاندىن ئۇيغۇر ئاممىسىنىڭ تىل يېزىق ھوقوقىنى كاپالەتكە ئىگە قىلىشقا پايدىلىق
بۇ ياخشى ئىش قوللايمىز .

ئۇيغۇرچە ھۆكۈمەت تورى قۇرۇش توغىرسىدىكى ئىلتىماس ھەقىيقەتەن كوڭۇلگە ياقىدىغان ئىلتىماس بوپتۇ .
ئۇيغۇرچە ھۆكمەت تورى قۇرۇلسا بىزمۇ ھۆكمەت ئۇچۇرلىردىن خەۋەردار بولۇش بىلەن بىر ۋاقىتتا، شەھەرلىك ھۆكۇمەت رەھپەرلىرى بىلەن تور ئارقىلىق ھەم سوھپەت بولالىساق ، خىزمەتلەردە يوللۇققان بەزى مەسەللەرنىڭ ھەل قىلىنىش يوللىرىنى بىلىۋاللساق ناھايتى ياخشى بولاتتى.

بەكمۇ ياخشى پىكىر بوپتۇ.ھۆكۈمەت ئۇچۇرلىرىدىن پەقەت خەنزۇتىلىنى بىلىدىغانلارلا ئەمەس،خەنزۇ يېزىقىنى بىلمەيدىغان كەڭ خەلق ئاممىسىمۇ ۋاقتىدا بىلىپ تۇرىشى ئۈچۇن ئۇيغۇرچە ھۆكۈمەت تورىنى قۇرۇش بەكمۇ زۆرۆر ئىدى.شۇڭا مۇناسىۋەتلىك رەھبەرلەر بۇئىشقاچوقۇم ئەھمىيەت بېرىشى،شۇنداقلا ئۇيغۇرچە ھۆكۈمەت تورىنى تېزراق قۇرۇشقا يېقىندىن ياردەمدە بولىشى كېرەك.

بۇ ياخشى پىكىر بوپتۇ.ھۆكۈمەت ئۇچۇرلىرىدىن خەنزۇ يېزىقىنى بىلمەيدىغان كەڭ خەلق ئاممىسىمۇ ۋاقتىدا بىلىپ تۇرىشى ئۈچۇن ئۇيغۇرچە ھۆكۈمەت تورىنى قۇرۇش بەكمۇ زۆرۆر ئىدى.شۇڭا مۇناسىۋەتلىك رەھبەرلەر بۇئىشقاچوقۇم ئەھمىيەت بېرىشى،شۇنداقلا ئۇيغۇرچە ھۆكۈمەت تورىنى تېزراق قۇرۇشقا يېقىندىن ياردەمدە بولىشى كېرەك

بۇرۇن نەچچە مىڭ كىشىلىك ئىمزا قويۇپ ئاپتونوم رايون رەئىسلىرىگە بۇ توغۇرلۇق ئىلتىماس يوللانغان :
لېكىن نەتىجىسى بولمىغان :
10 مىليوندىن ئارتۇق ئۇيغۇر نوپوسىغا ھۆكۈمەت تارماقلىرى ئەلۋەتتە ئۇيغۇرچە تور ئارقىلىق مۇلازىمەت قىلىش كېرەك :
يەنە كېلىپ بۇ شىنجاڭ ئۇيغۇر ئاپتونوم رايونى :
ئەمەلىيەتتە بۇ ئىشنىڭ روياپقا چىقىشى تەس :

ھەقىقەتەن ياخشى تەكلىپ بولۇپتۇ ، مۇناسىۋەتلىك ئورۇنلارنىڭ يېققىندىن ياردەمدە بولۇشىنى چىن دىلىمىزدىن ئۈمىد قىلىمىز .

ئۇيغۇرچە ھۆكۈمەت تورى قۇرۇش توغرىسىدىكى ئىلتىماس ھەقىقەتەن ياخشى يېزىلىپتۇ.
مۇناسىۋەتلىك رەھبەرلەرنىڭ بۇ ئىشقا ئەھمىيەت بېرىشنى ، ھۆكۈمەت تورىنىڭ تېزراق قۇرۇلىشنى ئۈمىت قىلىمىز.

سادىر پالۋان بۇ ئىش روياپقا چىققىلى ناۋاق ..ئاپتونومنىڭ ئۇيغۇرچە تورى بار ..