سىنىڭدىن باشقا يايرىم يوق
نۇرمۇھەممەت قادىر ( پاك زېمىن )
گۈلۈم قىلدىڭ مىنى ۋەيران ،شۇنۇڭدىن باشقا رايىم يوق ،
غىمىڭدە تەس ئۈتەر كۈنلەر ، ئۇنۇڭدىن باشقا زارىم يوق .
مىنى داغلاردا قالدۇرۇپ ،يەنە كىمنىڭ گۈلى سەن يار ؟
بىلىپ قويغىن بۇ ئالەمدە ، سىنىڭدىن باشقا يايرىم يوق .
ئەجەپ بىر كۈنگە قالدىمغۇ ، سىنىڭسىز ھىچ ئارامىم يوق ،
قۇيۈپ كەتتىڭ ماڭا بىر ئوت ، كۈيۈشلەرگە ئارامىم يوق .
ماڭا كەلگەن بۇ دەرتلەرنىڭ ، تامامى يوقمىدۇر ھىچبىر ؟
سىنى ئويلاپ يىمەي - ئىچمەي ، بىتاپ بولدۇم مادارىم يوق .
ساڭا مەنسۇپ مىنىڭ بارىم ، شۇڭا سەنسىز ياشىغۇم يوق ،
بۇلۇپ قالساممۇ گەر غۇنچە ، بىراۋلارغا ئېچىلغۇم يوق . *
ئېلىپ كەتكىن مىنى بىرگە ، كىتەر بولساڭمۇ چۆللەرگە ،
سىنىڭسىز قايمۇقۇپ يالغۇز ، نادانلارغا قىتىلغۇم يوق .
ۋىسال ئىشكىڭنى ئاچقىن يار ، ئۇنۇڭدىن باشقا بەختىم يوق ،
يۈرۈكۈمدە پەقەت بىر سەن ، بىراۋلارغا ئەسلى ئاھىم يوق .
داۋا يوقتۇر بۇ دەردىمگە ، سىنىڭسىز بۇ دەردىمگە ،
يىتەر كۈلپەتلىرىڭ ئەمدى ، يەنە ھەسرەتكە رايىم يوق .
دىدارىڭسىز ئازابىمنى ، يەنە يالغۇزلا تارتقۇم يوق ،
مىنى بۇنداق قىيناپ يۈرگەن ، سىنىڭدەك بىر نىگارىم يوق .
كىچىك كەپ قالدى بۇ باشىم ، ئەلىمىڭگە ئەجەپ شۇنچە ،
ماڭا دەرت كەلگۈچە يەنە ، ئۈلۈم كەلسۇن نارازىم يوق .
ماڭا تۇتىيا بولدۇڭ ، ئۈزۈڭدىن باشقا ۋايىم يوق ،
كۈڭۈلگە نۇر -گىيا بولدۇڭ ، سىنىڭسىز يات خىيالىم يوق .
يارالدىممۇ بۇ ئالامگە ، ساڭا يىغلاش ئۈچۈن ھەر دەم ،
ئىچىمگە سىغمىدى دەردىم ، دىدارىڭسىز داۋايىم يوق .
ئۈزۈڭ بولساڭ ئەلەملەردىن ، خۇنۇكلىشەرگە چېھرىم يوق ،
ئۈزۈڭ بولساڭ چىمەنزارمەن ، سىنىڭسىز قەدرىم يوق .
ۋېسال دەپ يىغلايمەن كۈندە ، بىدارمەن ئۇيقۇدىن تۈندە ،
ئۇلۇغ تەڭرىمگىمۇ ھەتتا ، شۇنۇڭدىن باشقا ئەرزىم يوق .
مەنبە : ئۆز قەلمىم ...