بىر ئانىنىڭ تويى بولۇش ئالدىدا تۇرغان قىزىغا ئېيتقان يۈرەك سۆزلىرى

    يۈرەك پارەم قىزىم ، تويۇڭ بۇلۇش ئالدىدا تۇرىدۇ. پات ئارىدا باشقا بىر ئۆينىڭ  ئادىمى بولىسەن . تونۇش ھويلا ، تونۇش ئۆي-ئوچاقتىن ئايرىلىپ يېڭى ، ناتۇنۇش  بوسۇغىدىن ئاتلاپ ، باشقا بىر ئۆيگە كىرىسەن ! ئانا بولۇش سۈپىتىم بىلەن دەيدىغىنىم : ئۇ ئۆيگە ئۆزەڭ خالاپ بارغان ئىكەنسەن ، كۈلكىنى ئۆزۈڭگە ھەمراھ قىل ، خۇش چىراي  بول ، قېينئاناڭ ، قېينئاتاڭنى ھۆرمەت قىل. ئۆيدە ، تالادا ئۆزۈڭنىڭ ئورنىنى بىل ،  ھەممە ئىشتا سەمىمىي ، ئېغىر بېسىق بول. (( باشتىلا كوندۇرۋالىمەن )) دەپ  ھېيلە-مىكىر ئىشلەتمە، بەتخەجلىك قىلما ، ئەس- يادىڭ ئۆينى قانداق قانداق تۇتۇشتا  بولسۇن. (( ئەر پاتمانلاپ تاپسا، ئايال توختىماي چاچسا ، تاغمۇ توشىمايدۇ.))دېگەننى  ئېسىڭدە تۇت. تېجەشلىك بولۇش ياخشى ئايالنىڭ پەزىلىتىدۇر. بىر تېمىم سۇ ، بىر ۋات  توك ، بىر قات يىپنىمۇ ئىسراپ قىلما ، بىر نان ، بىر قاچا ئاشنىمۇ ئەجىر- مېھنەتسىز  يېمە!  
    ھەر كۈنى سەھەر تۇر. پاكىزلىق  ئايال كىشىنىڭ چېھرىنى نۇرلاندۇرۇپ، مېھرىلىك كۆرسىتىدۇ. ئۆي ئىشلىرىغا چاققان،  ئېدىتلىق بول. ئەتىدىن كەچكىچە تېلىۋۇزۇر كۆرۈش ، غەيۋەت – شىكايەت ۋە ئەھمىيەتسىز  پاراڭلار بىلەن ۋاقىتنى ئىسراپ قىلما . بارغان ئۆيۈڭنىڭ ئادەتلىرىنى ئىگىلە ۋە  شۇنىڭغا بويسۇن. ھەرگىزمۇ بىزنىڭ ئۆيدە ئۇنداق قىلاتتۇق ، مۇنداق قىلاتتۇق دېگەندەك  ئارتۇقچە سېلىشتۇرۇش ، رەنجىشلەردىن ساقلان. ئۇرۇق-تۇققانلار جەم بولغىنىدا،  ئۇلارغا قىزغىن مۇئامىلە قىل ، خىزمىتىدە بولغىن. تاماق ئۈستدە ئەدەپ-قائىدىگە  دىققەت قىل ، باشقىلارنىڭ  تامىقىغا ، لوقمىسىغا قول سالما.
    ئائىلەڭنىڭ  مەخپىيەتلىكلىرىنى چىڭ ساقلا، ھەرگىزمۇ ئۆيدە بۇلۇنغان گەپ-سۆز ۋە ئىش –ھەرىكەتلەرنى باشقىلارغا دېمە، تۇتۇرۇقسىز سۆزلەرنى كۆپ قىلىش ئەرلەرنى بىزار  قىلىدىغان يامان ئادەت . شېرىن سۆزلۈك بولكى ، ئارتۇقچە سۆزلەردىن ئۆزۈڭنى يىراق  تۇت . ھەر قانداق جاي، ھەر قانداق ۋاقىتتا بىر خىل بول . ئېسڭدە بولسۇنكى، باشقىلار  سۆزمەنلىكى بىلەن ماختانسا، سەن سۈكۈتۈڭ بىلەن ماختان .  
    ھايا، قىز-ئاياللارنىڭ گۈزەللىك لىباسىدۇر. ھەر  ۋاقىت ، ھەر قانداق جايدا ھايا نۇمۇسنى ئۆزۈڭگە ھەمراھ قىل. مەجنۇنتالدەك بوي ،  گۈزەل ھۆسىن-چىراي بولغان بىلەن، ھايا بولمىسا، كىشىنىڭ قەدىر-قىممىتى بولمايدۇ. قىزىم، بەختىڭ ئۆز قولۇڭدا ؛ بىر جۈپ قولۇڭ ، شېرىن سۆزۈڭ ۋە خوشخۇي چېھرىڭ بىلەن  گۈللىرىگە پۈركۈلۈشىڭگە تىلەكداشمەن !

ئاجايىپ ياخشى تىما ئىكەن ،بۇ تىمىنى تويى بولدىغانلارلا ئەمەس ،بەلكى توي قىلىپ بولغانلارمۇ  كۆرۈشى ھەم ئۆزىگە مىزان قىلىشى كېرەك ئىكەن

ياخشىي يوللاپسىز        ھھھھھھھھھھھھھھھھھھھھھەي ھازىر ئانىلار قىزلىرىغا نىمە دەپ نەسىھەت قىلىدىكىن تاڭ

<< ئايپاتەم >>لەرمۇ كۆرۇپ قويسۇن .

بەزىبىر بېشەم قىزلار ياخشى ئوقىسا بولغىدەك

ئىشلىتىش

بۇ مەزمۇن 2قەۋەتتىكى turkaxدە2011-10-19 13:48يوللىغان يازمىسىغا نەقىل :
ياخشىي يوللاپسىز        ھھھھھھھھھھھھھھھھھھھھھەي ھازىر ئانىلار قىزلىرىغا نىمە دەپ نەسىھەت قىلىدىكىن تاڭ

ۋاي دوستۇم قانداق نەسىھەت قىلاتتى ؟ بەزى ئانىلار قىزلىرى كۈنلەپ ئۈيىگە كىرمىسىمۇ نەگە باردىڭ ،نىمىش قىلدىڭ دەپ سوراپمۇ قويمايدۇ   مەن بىر ئەركەك تورۇپ بىر كۈن يوقاپ كەتسەم ئاپام مېنى ئەيىپلەپ ھالىمنى قويمايدۇ .

رەھمەت......بىلۋالدىم...... ياخشىي يوللاپسىز