يېققىندا   بىر قىسىم   كىشىلەرنىڭ ئاغىزىدىن  مەلۇم  رېستۇران  خوجاينىنىڭ رېستۇرانغا  مەرىكە  تىزىملاتقانلارغا  <<ئەگەر  مەرىكە  قىلماقچى بولساڭلار  مەرىكىدە ھاراق قۇيمىساڭلار  تىزىملىتىڭلار،بولمىسا  باشقا  رېستۇرانغا بېرىڭلار!>>دېگەن  تەۋسىيىسىنى  ئاڭلاپ بەكمۇ سۆيۈندۈم،بۇ  مەرىكە  ئارقىلىق  كىرىم قىلىدىغان  رېستۇران  خوجايىنلىرى  ئالدىراپ  دىيەلەيدىغان گەپ  ئەمەس  ئىدى.چۈنكى  كىچىكىنە  قومۇلىمىزدىمۇ  بىرقانچە  رېستۇران بار  بولۇپ،ئۇلار  ئوتتۇرسىدىكى رىقابەت  خىېلى  كۈچلۈك ،شۇڭا  ئۇلار  ئامال بار  خېرىدارلارنى  ئۆزىگە  جەلپ قىلىشنىڭ  تۈرلۈك ئاماللىرىنى  قىلاتتى، نۇرغۇنلىغان  ۋىلايەت  ، شەھەرلەردە  ھاراق-شاراپسىز  ،ئىس-تۈتەكسىز  مەرىكىلەر  باشلىنىپ كەتكىلى خېلى  ئۇزۇن  بولغان بولسىمۇ ،لېكىن بىزنىڭ دىيارىمىزدا  بۇ  خىل باشلىنىش    تولىمۇ  سۇس ئىدى،ھەتتا  ھاراق-شاراپسىز  مەرىكە  قىزىمايدۇ  دەپ قاراپ  بەزى مېھمانلار  تاماق  يىيىلىپ  بولغاندىن  كېيىنلا  ئالدىراپ كېتىدىغان  ئەھۋاللار  مەۋجۇت  ئىدى،بۇنىڭدا  ئاساسلىقى  ئىچىۋالمىغۇچە  قېنى  قىزىمايدىغان<<ئەركەك>>لىرىمىز  سەۋەپچى  بولاتتى،شۇنداق  بولغاچقا  شاراپسىز  مەرىكىلەردە      بەزى <<دورا>>غا  ئۆگۈنۈپ قالغانلىرىمىز  دۇكانلاردىن ئايرىم ئېلىپ  كىرىپ، ئۇنى مېنرال  سۇ  قۇتىلىرىنىڭ ئىچىگە قۇيۇپ  ئىچىۋالىدىغان ھاماقەتلىكمۇ يوق  ئەمەس  ئىدى، ئەجەبا  بىزنىڭ  قېنىمىز  شۇ ئېزىتقۇنى  ئىچمىسەك  قىزىمامدۇ ؟ ئۇنىڭسىز  ئۆزىمىزنى  تەڭشىيەلمەمدۇق ؟ پۇت-قولىمىز  ئۇنىڭسىز  ھەركەتتىن  توختاپ قالامدۇ؟!قاچانغىچە  شۇ ئېزىتقۇ بىلەن  ئۆزىمزىنى بەزلەپ  يۈرىمىز ؟ رايونىمىزدىكى قارادۆۋە ، لاپچۇق ، ساقا  قاتارلىق جايلاردا  مەرىكىلەر  شۇنداق  پاكىز ، شۇنداق  مەنىلىك ، ئەھمىيەتلىك ، ئاددى-ساددا  ئۆتۈۋاتمامدۇ ؟! ئۇلاردىكى  ئويغۇنۇش شەھەرگە  نېمىشقا  كىرەلمەيدۇ؟!
      ئۈچ  يىل ئىلگىرى  غۇلجىدىن كەلگەن  بىر  ساۋاقدىشىم مەرىكىلەردە  ھاراق قۇيۇلۋاتقانلىقىنى  كۆرۈپ  ياقىسىنى چىشلەپ  قالغان  ئىدى ، ئۇنىڭ  دىيشىچە  غۇلجىدىكى توي-تۆكۈنلەر  شاراپسىز  ئۆتۈۋاتقىلى  10  يىلغا  يېقىن  بولۇپ قاپتۇ ،  مەن ئۇنىڭ سۆزىدىن بەكمۇ  خىجىل بولۇپ  قالدىم . ھاراق-تاماكىنىڭ  زىيىنىنى  دىننىي  نۇقتىدىن  دېمىسەكمۇ  ئىلمىي نۇقتىدىن چۈشىنىشكە  بولىدىغۇ ، بىز  مانا مۇشۇنداق  شاراپ  بىلەن قېنىمىزنى  بۇلغاپ  كەلگەچكە  ئەۋلاتلىرىمىزنىڭ  سۈپەت  ساپاسى  بەكمۇ تۆۋەنلەپ كېتىۋاتىدۇ ، شۇڭا  پەرزەنلىرىمىزنىڭ  غېمىنى  كۆپ  يەيمىز ، پەرزەنتلىرىمىزنىڭ ئالدىدا  شۇ  سەۋەپلىك يۈزىمىز  بەكمۇ  تۆۋەن ، ئۇلارغا  تەربىيە بېرىشكىمۇ  سالاھىيتىمىز  توشمايۋاتىدۇ.
    مېنىڭ   ئەزىز  قېرىنداشلىرىمغا  تەۋسىيەم  شۇكى  ، مەيلى  سىز  مەرىكە قىلىڭ ، ياكى  دوست-بۇرادەر ، ئۇرۇق-تۇغقانلىرىڭىز  مەرىكە  قىلسۇن  ئۇلارنى  شاراپسىز ، پاكىز  مەرىكە قىلىشقا  دەۋەت  قىلىڭ ، بۇ بىر ياخشىلىقىڭىز  بولۇپ  قالۇر.
 قومۇلدا  <<داۋېي>>  دەيدىغان  مەخسۇس  ھاراق-تاماكىنى  ئۆزىنىڭ  كوزۇرى قىلغان  بىر تىجارەتچى بار ، ئۇنى قومۇلدىكى  نۇرغۇن ئەرلەر  تونۇيدۇ ، ئۇ  ھازىر  بىزنىڭ توي-تۆكۈنلىرىمىزنىڭ  كۈچىدىن مىليادىرغا  ئايلىناي دېدى ، ئۇنىڭغا  قىلىپ بەرگەن  سودىمىز  ئاز  ئەمەس ، ئۇنى  تولىمۇ <<مېھرىبانلىق>>  بىلەن  يۆلىدۇق ، ئۇ  تاپقان  پۇلىدىن    بىرەر  قىيىنچىلىقى  بار  ئادەمگە  ياردەم قىلىپتىمۇ ؟ (ئۇ  خىل يول  بىلەن  تېپىلغان  پۇلغۇ ياردەمگە  يارىمايدۇ)   چوڭقۇر  ئويلاپ  باقساق  بىزنىڭ  تەرەقىي   قىلالماسلىقتىكى سەۋبىمىزمۇ بىزگە  ناھىيتى ئېنىقكەن ، كۆپ  ئىشلارنى  ئۆزىمىزدىن كۆرسەك  بولغۇدەك . باشقىلاردىن ئاغرىنىپلا  ئۆتۈش  ئۆزىنى  باشقىلارنىڭ  كاچىتى  بىلەن  جازالىغانلىق  بولىدىكەن.
  خۇلاسە  كالام،توي- تۆكۈنلەردە  ھاراق-شاراپ  قۇيماسلىقنى  تەشەببۇس  قىلىدىغان رېستۇران خووجايىنلىرىدىن  يەنە قانچىلىكى  چىقالايدۇ ؟ (چۈنكى بۇ يەردە  مەلۇم قۇربانلىق بېرىشكە توغرا  كېلىدۇ) شۇنداقلا  بۇ خىل تەۋسىيەنى باشقىلارغا  يەتكۈزەلەيدىغان ئەزىمەتلەردىنچۇ ؟ قېرىنداشلار  بۇ ھەقتە كەڭ-كۇشادە  مۇنازىرلىشىپ باقساق ، زادى مەركىلىرمىز قانداق قىلغاندا  شۇ  ئېزىتقۇلاردىن خالى بولىدۇ ؟ ئۇنىڭسىز  مەرىكە قىلغىلى بولمامدۇ ؟ ئۆزىمىزگە  ھاي بېرىشنى   ئۆگۈنەلمەمدۇق ؟! بالىلىرىمىزغا  قايسى تەرەپلەردىن ئۈلگە  بولىشىمىز كېرەك ؟
  بىزدە : <<  ئەلنىڭ غېمىنى ئەر يەيدۇ >>  دەيدىغان ماقال  بار . قېنى  بۇ  ئىشقا بىر  ئاتلىنىپ  باقايلى ، ئۈنۈمى  بولۇپ قالسا  ئەجەپ  ئەمەس.
   پىكرىڭىزنى ئايىماي ئوتتۇرغا  قويۇڭ ، بۇ  سىزنىڭ كەلگۈسى  ئەۋلادلىرىمىزنى قۇتقۇزۋېلىشقا  قوشقان  ئازراق   تۆھپىڭىز  بولۇپ  قالۇر...

  ئاللا  ھەممەيلەننىڭ ئىشلىرىغا  ئاسايىشلىق  ئاتا قىلغاي...

ياخشى بوپتۇ!
ناھايىتى پەيزى بوپتۇ،بۇنداق بولغاندا جېدەلمۇ چىقمايدۇ،پاكىز بولىدۇ!
بىراق بۇرۇندىنلا رېستۇرانلار ھاراق ساتمايدۇ!
جەمىيەت يەنىلا ياخشىلىنىشقا قاراپ ماڭماقتا،قېرىنداشلىرىمىزنى رىغبەتلەندۈرەيلى!
مېنىڭمۇ نۇرغۇن ئاغىنىلىرىم ھاراق تاشلىدى،بىز ئۇلاردىن بەك خوش!
شۇڭا ھەللا-دېسە كەمچىلىكلەرنى پەش قىلىپ تۇرىۋالماي،مۇنداق ياخشى ئىشلار بولغاندا،
قېرىنداشلارنى رىغبەتلەندۈرۈپ تۇرۇش ئۈچۈن مىللىتىمىزنى،بوپمۇ-ھازىرقى ياشلارنى ماختاپ تۇرايلى!بىز ئەزەلدىنلا ئەقىللىق قەۋىم،سەزگۈر قەۋىم،پاكىز قەۋىم،،،،،،،،،،،،،،،،،،،،،،،،،،،،،
ئاللا بىزگە ئاسايىشلىق ئاتا قىلسۇن!ھەممە قېرىنداشلارغا ئىنساپ بەرسۇن!!!!!!!

باشقۇرغۇچىلار تېما تەستىقىلىغاندا ئاۋال بىرقۇر ئوقىۋېتىپ ئاندىن تەستىقلايلى . باشتىن ئاخىر 10  نەچچە ئىملاخاتالىقىنى تۈزۈتۈپ چىقتىم .  تىنىش بەلگىلەرنىڭ ئالدى كەينىدىمۇ بوش ئورۇن قويۇپ يېزىلىدىغۇ دەيمەن .

ھېلىمۇ خېلى جىق ياخشىلىنىشلار بولۇپ كەتتى....بەلكىم سىزمۇ باشقا يەرلەرگە بارسىڭىز ياقىڭىزنى چىشلەپ قايتىپ كەپ قېلىشىڭىز مۇمكىن .... خۇدايىم بۇيرىسا تېخىمۇ ياخشى بولۇپ كېتىدۇ...

ھاراقنى ئاللاھ تائالا ھارام قىلدى،  ئاللاھ ھارام قىلۋەتكەن نەرسىنى ھېچكىم ھالال قىلالمايدۇ،  

  يوللىغان تېمىڭىزدىن بەكمۇ سۆيۈندۈم . ھازىر  رايونىمىزدا نۇرغۇن ياشلىرىمىز توغرا يولدا ماڭماقتا . ھاراقتىن ئىبارەت بۇ <<ھارام >> نەرسە بارغانسېرى ئۇنتۇلۇپ قېلىۋاتىدۇ .
   تېخى تۆنۈگۈن  يول ئۈستىدە بىر جۈپ ياش ئەر-ئايال ئوغلىنىڭ  خەتنە تويىدا ھاراق قۇيۇش ۋە قۇيماسلىق توغرىسىدا قاتتىق دەتالاش قىلىپ كەتكەنلىكىنى كۆرۈپ بىر ھازا تىڭىرقاپ تۇرۇپلا قالدىم .
   -مەن مەرىكىدە ھاراق قۇيۇشىڭىزغا قەتئىي قارشى !-دېدى ئايال .
  -ئەمسە ئۆزۈڭ ئەرلەرنىڭ ئۈستىەللىرىگە بېرىپ ، تاماققا تەكلىپ قىلغىن ، ھاراق قۇيمىغان ئەرنى قانداق رەسۋا قىلىدىغانلىقىنى ئۆزۈڭ بېرىپ ، كۆرۈپ باققىن......-دېدى ئەر ئاچچىق كىنايە بىلەن .
دىمەك ، مەرىكىدە قۇيۇلدىغان ھاراق بىر ئەرنىڭ ئىناۋىتىگە بېرىپ تاقىلىدىكەن -دە!

بۇنداق ياخشى ئىشنىڭ  رېستۇراندىن باشلىنىشى نۇرغۇن كۆڭۈلسىزلىكلەرگە خاتىمەبۇلۇپ قالغۇسى ! نۇرغۇن ئەھۋاللاردا رېستۇراندا ئىچىلگەن شارابباتلار نىڭ كۈچى ئۆيگە قايتقاندىن كىيىن كولمىناتسىيە نۇقتىسىغا يىتىپ ئائىىلىدىكى كىشىلەرگە نۇرغۇن دېشۋارچىلىقلارنى ئىلىپ كىلىدۇ ! ئەگەر ھەممە رېستۇرانلاردا ھاراق قۇيۇلمىسا ......................  مەن نۇرغۇن گۈزەل خىياللارنى سۈرۈپ گۈزەل مەنزىرىلەرنى كۈز ئالدىمغا كەلتۇردۈم ! پاھ نىمەدىگەن ياخشى كۈرۈنۈشلەر بۇ ھە !  
<<ئەگەر  مەرىكە  قىلماقچى بولساڭلار  مەرىكىدە ھاراق قۇيمىساڭلار  تىزىملىتىڭلار،بولمىسا  باشقا  رېستۇرانغا بېرىڭلار!>> نىمىدىگەن يېقىشلىق گەپ بۇ ! بۇسۇزنى دىگۈچى ھەقىقى ئەركەك سانىلىدۇ دىسەم ئارتۇق كەتمەس خالايىق ! مۇشۇ نداق كىشىلىرىمىزنىڭ ئىشلىرىغا بەرىكەتلەر ياغسۇن ! بارا-بارا مەرىكە ئۈتكۈزمەكچى بولغانلار < مەرىكەمنى شاراپ قۇيۇش چەكلەنگەن رېستۇراندا ئۆتكۈزمەكچىتىم ، رېستۇران تۇنۇشتۇرساڭلار > دىسە ،نىمە دىگەن ياخشى بۇلاتتى !
بۇزۇپ - چاچقان پۇللارنى قىيىنچىلىقى بارلارغا ياردەم قىلساق نىمەدىگەن ياخشى ! قىيىنچىلىقى بارلارنى يىراق يەرلەرگە بېرىپ ئىزدەش ھاجەتسىز،ئۆزىمىزنىڭ ئۇرۇق تۇققان ئىچىدە چۇقۇم بار ! سوغۇق قىش كىرىپ قالدى ،بىرەر ئاكىمىزنىڭ ،يىراق تۇققان ھەدىمىزنىڭ بالىلىرىغا بىرجۇپ قىشلىق ئاياق ۋەياكى بىر مامۇق چاپان ئىلىپ سۇۋغا قىلساق بەك ياخشى بۇلىدۇ شۇنداقمۇ !
مەن يېقىندىلا قېيىن سىڭلىمنڭ قىزىغا بىرقۇر كىيىم سوۋغا قىلغان ئىدىم ، ئۇقىز شۇنداق خوش بۇلۇپ كەتتى ، مەن ئۆزۈممۇ شۇنداق راھەتچىلىك ھېس قىلىپ قالدىم ! ( ئاڭلىسام ئۇكىچىك قىزچاق باغچىدا <بۇكىيمىمنى زۇمە ئاپام تورئارقىلىق بەكمۇ يىراق يەردىن ئەكەلدۇرۇپ بەرگەن> دەپ باشقىلارغا دام قىلىپ يۈرگىدەك )زۇمە دىگىنى مىنىڭ ئىسمىمنىڭ قىسقارتىلمىسى ،ئۇقىزنڭ تىلى چىققاندا زۇمرەت دىيەلمەي زۇمە دەيتى ،تاھازىرغىچە شۇنداق ! مەن بەك مۇناسۋەتسىز گەپلەرنى قىلىپ كەتتىممۇ ھە   .
خۇلاسەم ئورۇنسىز خەشلىندىغان پۇللىرىمىزىنى كىچىككىنە بولسىمۇ ئەھمىيەتلىك ئىشلارغا ئىشلەتسەك ، سەنمۇ خۇشال ،مەنمۇ خۇشال ! نىمىدىگەن ياخشى !

ئاللا -مومىنلەرنىڭ(يەنى ئاللاغا ئىشەنگۇچىلەرنىڭ ) دوستتى،بۇ دوست سىزنى بەىتكە ئېرىشتۇرىدۇ.
شەيتان-كاپىرلارنىڭ(يەنى ئاللانىڭ بىرلىك بارلىقىنى ئىنكار قىلغۇچى) دوستى ،بۇ دوست سىزنى دوزاققا باشلايدۇ.
ھاراق بولسا شەيتان دورىسى ،ئۇ سىزنىڭ ئەقلىنىڭ سۇسلاشتۇرۇپ جىسمىڭىزنى زەئىپلەشتۇرۇپ ،سىزنى ئەقلى ئىشلىمەيدىغان مەجرۇھ،بەتقىلىق بىچارىگە ئايلاندۇرىدۇ.

قېنى تاللاش سىزنىڭ ئىختىيارىڭىزدا! دوزاقمۇ،جەننەتمۇ سىزنى قوش قوللاپ قارشى ئالىدۇ.
دوزاق دىگەن ئەبگالار ماكانى،ئۇ سىزنى قىلغان ئەسكىلىكىڭىز ۋە نادانلىقىڭىز ئۇچۇن جازالاشقا ئالدىراۋاتىدۇ.
جەننەت بولسا ياخشىلارغا بېرىلگەن مۇكاپات.

نادانلار توينى قىزىتىشنىش ئويلايدۇ،يەنى شەيتاننى ئىزلەيدۇ. ياخشىلار بولسا پەقەت ئاللانىڭ رازىلىقىنىلا ئىزلەيدۇ.

بەخت- بايلىق ئەمەس،ھوقۇقمۇ ئەمەس.
بەخت دىگەن سىزنى ياسىغان ،سىزگەن جان كىرگۇزگەن،سىزگە ئەقىل بەرگەن،سىزنى كۆرىدىغان ئاڭلايدىغان،سۆزلەيدىغان قىلغان زاتنىڭ رازىلىقى ھېساۋىغا سىزگەبېرىلگەن خاتىرجەملىك،تېنىچلىقتۇر. بۇنىڭغا سىز ئاللاغا ھەقىقى سادىق بولغاندىلا ئېرىشەلەيسىز.

تېنىچلىق-باشقا نەرسە ئەمەس دەل سىز دەۋاتقان ئىسلام(بۇ ئەرەپچە ئاتىلىشى).
ئىنساندا ئاللاغا بولغان ھەقىقى ئىشەچ(يەنى ئەرەپچە ئىمان) بولغاندىلا ئۇ بارلىقىنى ئاللاغا بېغىشلىيالايدۇ،بەختكە ئېرىشەلەيدۇ.

بەك ياخشى بوپتۇ  بۇ قايسى رېستۇرادۇ ئىۋىرغۇلمىدۇ ؟

  ئويغانغان زىمىن ئاكا،مەنمۇ بۇ خەۋەرنى تېلىفۇندا ئاڭلاپ  خۇش بولغان ئىدىم.يازمىلىرىنى كۆرۈپ تېخىمۇ خۇش بولدۇم.دىمىسىمۇ ئۇيغۇرلار مەرىكە قىلدۇق دەپ <<داۋېي>>نىڭ خوجايىنىنى باي قىلىۋەتتى.ھازىر مەرىكىلەردە ھاراق قۇيۇلماي ياخشى بىر باشلىنىش بوپتۇ.ئېسىلىرىدىمۇ ھېلىقى تۇرسۇن (توغرىدۇ)تويىدا راھەتباغ ئوتتۇرا مەكتەپكە مىڭ يۇەن ئىئانە قىلىپ ئۈلگە تىكلەپ بېرىۋىدى،باشقىلارمۇ  ئېشىنچە پۇللىرىنى ئۆزلىرىنىڭ ئانا مەكتەپلىرىگە ئىئانە قىلدى.بۇمۇ بىر ياخشى باشلىنىش بولغان ئىدى،ھازىر قانداق بوپكەتتى بىلمىدىم.ئۆشرە-زاكات بېرىش ئىسلامدا بارغۇ.ھەممە ئادەم مانا موشۇنداق مائارىپىمىزغا كۆڭۈل بۆلسە،ئورتاق كۈچ چىقارساق ،مەكتەپلەردە پايدىلىنىش ماتىرياللىرى خىل بولسا ... بۇ نىمە دېگەن ياخشى ئىش ھە!ھەممە ئىشلار ئوڭشىلىپ كېتەر.ئاللاھ ئەرلىرىمىزنىڭ،ئاياللىرىمىزنىڭ ئىشقىلىپ ھەممىمىزنىڭ كۆڭلىگە ئىنساپ،ئىمان ئاتا قىلغاي.نادىر تېمىلار بىلەن داۋاملىق بىزنى تەمىنلەپ تۇرۇشلىرىنى ئۈمۈد قىلىمەن.

ھاراق سودىگەرلىرى سوداڭلار ئۆلىدىغان بودى ھا ھا ھا ...................ھا