ئەركەك  بولساڭ غورۇرلوق بول ھەقنى سۆزلە سەن قايىتما،
ئەدەپ  ئەخلاق ۋەئىماندىن  سەن روھىڭنى تىز پاكلا .

يىغلاپ ئۆتسە قېرىندىشىڭ قاراپ قالما بار قېشىغا ،
كەلسە  ئاپەت يوقىتىشقا  قالقان  بولۇپ  سەن ساقلا.
 
سەن ئەركەكسەن  بىر قەۋىنبىڭ  سەركەردىسى ئاتىسى،
سەندىن كۇتەر  زور ئۈمۈتنى ئۇ ئۈمۈتنى سەن ئاقلا.

ئەجدادىمدىن ئەركەك روھى ئەركەكلەرگە ئاتالغان ،
ئىزىن باسقىن ئېزىپ قالما  شۇ روھلارنى سەن ياقلا،

  يىقالساڭمۇ تۇر ئورنىڭدىن ئۇ سېنىڭغا بىر سىناق،
 خىيال بىلەن تۇرۇپ قالما سەن ئۆزەڭنى  شىر چاغلا .



قانچە تارىخ ،قانچە يىللار  تاۋلاپ ئۆتتى بىزلەرنى،
ئەركەك بولۇپ يارالدۇق ئەركەكلەردەك ياشايلى،

بەك ئېسىل يېزىلىپتۇ، ھېلىمۇ ئەتىراپىمىزدا ئەركەكتەك ياشاۋاتقان ئەركەكلەر ئاز ئەمەس!
رەھمەت سىزگە، كۆپ ئەجىر قىلىپسىز.

          ھازىرقى بۇ دۇنيادا  ئۇنداق ئەركەكلەرنى ماختاپ يازماق ئاسان، لىكىن ئۇنداقلارنى تاپماق ناھايىتى تەس.

                     يىغلاپ ئۆتسە قېرىندىشىڭ قاراپ قالما بار قېشىغا ،
                     كەلسە  ئاپەت يوقىتىشقا  قالقان  بولۇپ  سەن ساقلا

         بۇ مىسرانى بىر قىسىم قېرىنداشلار ئوقۇپمۇ مەنىسىگە يېتەلمەيدۇ،شۇنداق قېرىداشلار باركى،مەنپەئەت،باشلىقلارنىڭ بېشىنى سىلاپ قويۇش بەدىلى،ئەمەلدارلارنىڭ ئۇنىڭغا سۇنۇق قوشۇقنىڭ بىر بۇرجىكىنى تۇتقۇزۇپ قويۇش بەدىلىگە قېرىندىشىنى دۈشمەن كۆرىدىغان مۇناپىق قېرىنداشلار مۇتلەق مەۋجۇت.