ئىسىل بىر ھىكايە ،ئىسىل بىر ۋەقەلىك. كەينىنى تىزراق يازارسىز.

ناماز ئۆتەش بىلەن يامان ئشىنى بىر يەرگە ئېلىپ كەلگىنىڭىز نىمىسى ،لېكىن شۇنداق بولسىمۇ مۇشۇنىداق رىئاللىقنى مەنمۇ ئاڭلىماي قالمىغان ،

بەك ياخشى يېزىپسىز ،  داۋامىنى تىزراق  يازارسىز .....

بەك ئالدىراش ئىشلەۋېتىپتىدە ، ئىشىكنى تاقىۋېلىپ

<< تۇرمۇشنىڭ چاقچىقى >> نىڭ داۋامى
چۈنكى ، ئايال دۇكان ئىچىدىن ئۇنىڭ ئېرى بىلەن يات بىر ئايالنىڭ ناز ئارىلاش قىلىشىۋاتقان پاراڭلىرىنى ئاڭلاپ قالغانىدى . << قاچان ئاجرىشىسىز ئۇ  مەتودىن ؟ ئىشقىڭىزدا ساراڭ بولايلا دەپ قالدىم . ئۇنىڭ ئۈستىگە ئەتراپتىكىلەرنىڭ ھەممىسى ماڭا مەسخىرىلىك قاراۋاتسا ....>> ئايالنىڭ ئەمدى ئاڭلاشقا تاقىتى قالمىدى . پۇتلىرىنى مىڭ تەستە سۆرىگىنىچە ئۆيىگە قايتىپ كەلدى . زامانغا لايىق ئوتقاشتەك بېزەلگەن بۇ ئۆي ئۇنىڭ كۆزىگە << دوزاخ>> بىلىندى . ئايالنىڭ يۈرىكى ئازاب ئوتىدا پۇچۇلاندى . ئۆز-ئۆزىگە :<< ھەممە ئەر شۇنداق ئەسكى بولارمۇ ؟ ياق ، مېنىڭ ئېرىم ئىنتايىن ياخشى ئادەم . ئەسكىسى ئېرىمنى ئازدۇرغان ئاشۇ ئېزىتقۇ ...>> دەپ تەسەللىي بېرەتتى ئايال .
     شۇ كۈنى كەچ ئەر ئۆيىگە بالدۇرلا قايتىپ كەلدى . ئايالنىڭ كەيپىياتى ياخشى بولمىغاچ ، بالىلىرىنىڭ كەچلىك تامىقىنى بېرىۋېتىپلا ، ئورۇن سېلىپ يېتىۋالغانىدى . ئايال شۇ تاپتا ئېرىنىڭ ئاۋازىنى ئاڭلىسىلا ، كۆز ياشلىرى قىياندەك ئېقىپ كېتىشى ئېنىق ئىدى . دېمىسىمۇ دۇكاندىن قايتىپ كەلگەندىن كېيىن تولا يىغلاپ ، يۈز-كۆزلىرىمۇ ئىشىشىپ كەتكەنىدى . ئەر ئايال ياتقان ئۆيگە بىر قاراپ قويۇپ ، ئىشىكنى ياپقان پېتى يەنە چىقىپ كەتتى .
     ئەتىسى سەھەر بالىلىرىنى مەكتەپكە ئۇزىتىۋېتىپ كىرگەن ئايال دەرۋازا تۈۋىدە بىر سېرىق رەڭلىك كونۋېرتنىڭ تۇرغانلىقىنى كۆرۈپ قالدى -دە ، ئىتتىك قولىغا ئېلىپ ئۆيگە يېنىپ كىردى . كونۋېرت ئۆستىگە << ئايىمبۈۋىگە تېگىلىدۇ >> دېگەندىن باشقا سۆز يېزىلمىغانىدى .
ئۇ ئالدىرىماي كونۋېرتنىڭ ئاغزىنى يىرتىپ ئاچتى .
    << ئەسسالامۇئەلەيكۇم ئايىمبۈۋى ، ياخشىمۇسىز ! ئەلۋەتتە ، مۇشۇ كۈنلەردە كەيپىياتىڭىزنىڭ ياخشى ئەمەسلىكىنى بىلىمەن ، سىزنىڭ ھېچنىمىنى بىلمەس بولۇۋېلىپ يۈرۈشىڭىز  مېنى سىزگە خەت يېزىشقا مەجبور قىلدى ، سىز مېنى تونۇمايسىز ، بىراق دوكىنىڭلاردا مېنى نەچچە رەت ئۇچراتقان ، ئەمما ماڭا  ئانچە پەرۋا قىلمىغان ، شۇڭا مەنمۇ سىزنى سىرتتىن تونۇۋالغان . گەپنىڭ  راستىنى دېسەم ، سىزنى كۆرگەن چاغلاردا ، يۈزلىرىڭىزنىڭ ئاق ھەم سۈزۈكلىكىگە ھەۋىسىم كەلسىمۇ ، لېكىن سىزنىڭ ياغلىقنى ئېڭەك ئاستىن چىڭ چېگىپ ، ئۇزۇن كۆينەك ، ئۇزۇن ئىشتان كېيىۋالغان تۇرقىڭىز كۆزۈمگە بەكمۇ << مەتو >> كۆرۈنەتتى . ئۇزۇن گەپنىڭ قىسقىسى ، مەن ئېرىڭىز بىلەن سودا جەريانىدا تونۇشۇپ قېلىپ ، ئالاقىمىز كۈچەيگەنسېرى ، ئېرىڭىز مېنىڭ خۇشخۇي ، ئوچۇق-يورۇق مىجەزىمنى ياقتۇرۇپ قالدىمۇ بىلمىدىم ، ئىشقىلىپ ھەر ئىككىلىمىز بىر - بىرىمىزنى ياقتۇرۇپ قېلىشتۇق ، مەنمۇ ئىلگىرى سىزگە ئوخشاش ئەخلاقلىق ، ياخشى ئايال ئىدىم ، لېكىن ، ئېرىمنىڭ زىيادە ، ئورۇنسىز كۈنلەمچىلىكى تۈپەيلىدىن ( ئەيتاۋۇر مېنى ئۆلگۈدەك ياخشى كۆرسە كېرەك ) كېلىشەلمەي ئاجرىشىپ كەتتۇق ، ھازىر مەندەك ئېرىدىن ئاجرىشىپ ، بىر بالىنى ئۆزى يالغۇز بېقىۋاتقان ، ئۇنىڭ ئۈستىگە بىنا ئۆيدە ئولتۇرىدىغان ئايالنىڭ كۈندىلىك تۇرمۇش چىقىمى ئۈچۈن سىزنىڭ ئېرىڭىزدەك ھال-ئوقىتى ياخشى ، كېلىشكەن  ئەرنىڭ نەزەرىگە ئىلىنىپ قېلىشىم مېنىڭ بەختىم . مەن ھازىر  گەرچە سىزدەك چىرايلىق ، سىزدەك ئەخلاقلىق ئايال بولالمىساممۇ ، لېكىن ئېرىڭىز ئاغرىپ قالغان چاغلاردا ، ئەتراپىدا پەرۋانا بولۇپ ھالىدىن خەۋەر ئالدىم . ھەر قېتىم سودا بىلەن ئۈرۈمچىگە ماڭغاندا ، مەنمۇ بىللە ھەمرا بولۇپ ، ئۇنىڭغا يالغۇزلۇق ھېس قىلدۇرمىدىم ، (بېلەتنى ھەر قېتىم ئېرىڭىزگە سىز ئېلىپ بەرسىڭىزمۇ ، بىراق ئېرىڭىز پويىز ئىستانسسىغا چىقىپ ، يەنە بىر كىشىلىك بېلەتنى ماڭا ئېلىپ قوياتتى ، سىز ئەلۋەتتە بۇ ئىشلاردىن قىلچە خەۋەرسىز )
مەن ھەتتا ئېرىڭىزگە بانكا ئامانەت قەرز كارتىسى بېجىرىپ بەردىم . بۇنداق ئىشلار سىزنىڭ قولىڭىزدىن كەلمەيدۇ ، چۈنكى سىز دېگەن بىر ئائىلە ئايالى . ئېرىڭىزمۇ ھەقىقەتەن ياخشىلىقىنى بىلىدىغان ئادەمكەن ، ھەر ئايدا ئۆيۈمنىڭ بانكىغا قايتۇرىدىغان قەرزنى قايتۇرغاندىن سىرت ، ئۆينىڭ يىللىق پار پۇلىنى تۆلەپ كەلدى . بىز ھازىر بىر- بىرىمىزدىن ئايرىلالمايدىغان دەرىجىگە بېرىپ يەتتۇق . مەن نەچچە قېتىم ئېرىڭىزگە سىزدىن ئاجرىشىپ كېتىشنى ئېيتقان بولساممۇ ، ئېرىڭىز سىزنىڭ قوشۇلمايۋاتقانلىقىڭىزنى باھانە قىلىپ ، مۇشۇ كۈنگە كەلدى ، ( ئەمەليەتتە ، ئەر ئەزەلدىن ئائىلىسىدىن ، بالىلىرىدىن ئايرىلىشىنى خىيالىغىمۇ كەلتۈرۈپ باقمىغانىدى ) مەن ئەمدى ھەرگىز ئېرىڭىز بىلەن ئىككىڭلار ئوتتۇرسىدا 3-شەخس بولۇشنى خالىمايمەن . ئەقەللىيسى ئېرىڭىزنىڭ << ئاشنىسى>> بولۇشنى تېخىمۇ خالىمايمەن . شۇڭا يەنىلا سىزنىڭ چىرايلىقچە ئاجرىشىپ ، ئېرىڭىزنى ماڭا ئۆتۈنۈپ بېرىشىڭىزنى سورايمەن . بۇ تەلپىمنىڭ ئېشىپ كەتكەنلىكىنى بىلىمەن ، بىراق ، مېنىڭ بۇنىڭدىن باشقا ئامالىم يوق ، چۈنكى بىزنىڭ مۇناسىۋېتىمىز ئاللىقاچان خەلقى ئالەمگە ئاشكارا بولۇپ كەتتى ، قوشۇلماي تۇرۇۋالسىڭىز ، بىز سىزگە ئىقتىسادى تۆلەم بېرەيلى ، ئويلىنىپ باقسىڭىز .....
            دەپ دىلىڭىزغا قاتتىق ئازار بەرگۈچى :
                                                 گۈلئاي>>
   ئايال  خەتنى ئوقۇپ بولۇشىغىلا ئۆينىڭ تېلفۇنى ئەنسىز جىرىڭلاپ كەتتى . ئايال بىر تەرەپتىن كۆز ياشلىرىنى سۈرتكەچ ، بىر تەرەپتىن تۇرۇپكىنى قولىغا ئالدى :
   << ۋەي ! ئەسقەرنىڭ ئائىلىسىمۇ ؟ ئەسقەر ئەتىگەن قاتناش ھادىسىسىگە ئۇچراپ ، قىزىل يۇلتۇز دوختۇرخانىسىنىڭ جىددى قۇتقۇزۇش بۆلۈمىدە قۇتقۇزۇلۇۋاتىدۇ ، ھاياتى خەۋپ ئىچىدە ، تېزراق .....>> تېلېفون تۇرۇپكىسى چۈشۈش بىلەن تەڭ ئايال ئوڭدىسىغا ئۇچۇپ چۈشتى .

    مەنبە : ئىجادىيىتىم

كەينىنى تىزراق يېزىڭ..مەن بەك ساقلاپ كەتتم.

مېنىڭچە داۋامى يوققۇ دەيمەن تۈگىگەندەك قىلدۇ.

مەنمۇ بۇ ھېكايىنى تۇگۈدىمىكىن دەپ ئويلاپ قالدىم.

ھۆرمەتلىك مۇنبەرداشلار ، ھېكايەمنىڭ ئاخىرى تەسەۋۇردۇر ....
  رەھمەت سىزلەرگە !      

سەل تېز ئاياغلىشىپ قالدىمۇ ياكى بىر يەرلىرى كام يېزىلىپ قالدىمۇ؟ ئەجەب بىر قىسمىلا بىلىنىدۇيا