ئىمتىھان ۋاقتىمۇ يىقىنلىشىپ قالدى . مېنىڭ تەكرارلىرىممۇ ئاساسەن جايىدا بولۇۋاتىدۇ .بۇ يىقىندىن بېرى شامىل بىلەن كۆپ ئالاقىلەشمىدىم . چۈنكى ئۇ بۇ يىقىندىن بېرى ئالدىراش بولۇپ تورغىمۇ تۈزۈك چىقمايۋاتاتتى .بۈگۈن بىز ئىمتىھان بېرىدىغان كۈن ئىدى . ئىمتىھان مەيدانىدىكىلەر ھەممىسىلا ماڭا ناتۇنۇش ئىدى .شۇندىمۇ مەن ئۆزۈمنى توختىتىۋىلىپ بىرىنچى كۈندىكى ئىمتھاننى ياخشى بەردىم .ئىككىنچى كۈنىمۇ ناھايىتى جىددىيچىلىك ئىچىدە تېزلا ئۆتۈپ كەتتى .مەن ئىمتىھاننى بېرىپ تۈگەتكەن كۈنى شامىلنىڭ ئۇچۇرىنى تاپشۇرىۋالدىم .ئۇ مەندىن ‹‹ئىمتھاننى ياخشى بەردىڭمۇ قوزام ،مەن سېنى شۇنداق سېغىندىم ››دەپ يازغانىدى .ئىمتىھاننى تۈگەتكەن كۈنىنىڭ ئەتىسى مەن نورمال ئىشقا چۈشۈرۋەردىم .ئاڭلىسام ،مەن روخسەت سوراپ دەم ئالغان ئۈچ كۈندىن بېرى بۇ يەردە ئىش ئۈنۈمىنى يۇقىرى كۆتۈرۈش ئۈچۈن ،ئادەم قىسقارتىش تۈزۈلمىسى ئوتتۇرىغا قۇيۇلۇپتۇ .ئېنىق بولمىغان مەلۇماتلارغا ئاساسلانغاندا ،ئىشخانىدىكى بەش قىزنىڭ ھېچ بولمىغاندا ئىككىسىنى قىسقارتىدىكەن .ئەمما كىمنى قىسقارتىپ كىمنى قالدۇرۇش تېخى ئېنىق ئەمەسكەن .مەن ئىچىمدە ئۆزۈمنى بىرىنچى نامزاتلىققا كۆرسەتتىم .چۈنكى مەن بۇ يەرگە كىرىپلا ئانچە ئۇزۇن ئۆتمەي ،خوجايىننىڭ بۇرنىدىن چۈلۈك ئۆتكۈزىۋالغان قاراق قوساق ياقۇپنىڭ چىشغا تىگىپ قويغانىدىم .ھالبۇكى ،مەن خوجايىننىڭ كۆزىگە سىغىپ تۇرۇۋاتقان ھالەتتىمۇ ،ياقۇپ مېنى خوجايىنغا بىر ئېغىز سۆز بىلەنلا قالدۇرۇۋىتىشكە چامىسى يىتەتتى .مەن ئۆزۈمنىڭ بۇ يەردىكى قىسقىغىنا خىزمەت تەجرىبەمدىن ئۆزۈمدىكى يىتەرسىزلىكلەرنى ئىخچاملاپ چىقتىم .ئېنىقكى ،مەن باش كۆتۈرمەي ئىشلەيتتىم ،ئارتۇق سۆزگە ھەپسىلەم يوق ئىدى .باشقا قىزلار گازىر چېقىپ پاراڭلىشىپ ،قانداقتۇر يىگىتلىرىنىڭ ،كىيىم –كىچەكنىڭ گىپىنى قىلىۋاتقان چاغلىرىدىمۇ مەن ئىككى قولۇمنى بىكار قويماي جىمجىتقىنا ئولتۇرۇپ ،جەدۋەل تولدۇراتتىم .خوجايىننىڭ بەزىدە جىددى –ئالدىراش ۋاقىتلىرىمىزدا ،جەدۋەل تولدۇرۇشقا ۋاقىت ئاجرىتالمىغان چاغلىرىمىزدا پۇل بېرىپ باشقىلارغا يازدۇرۇش تەىكلىۋى بەرگەن ۋاغدىمۇ مەن ئۆيگە ئېلىپ كېتىپ كېچىچە ئولتۇرۇپ ئۆزۈم تولدۇرۇپ ،تەقلىگەن چاغلىرىممۇ بولغانىدى ،ئۆيدە مەن باشقا بۇ يىقىندىن بېرى بىر نەۋرە سىڭللىمۇ بار ئىدى ،ئۇ دەرستىن چۈشكەن چاغلىرىدا مەن ئۇنىڭغا بۇيرۇق قىلىپ ،زورمۇزۇر ،بەزىدە يالۋۇرۇپ يۈرۈپ يازدۇراتتىم. باشقىلار يازغىنىچە نەچچە ۋاراق يېزىپ ئەكەلسە ،مەن بىر باغلام جەۋەلنى ھەتتا نەچچە باغلامنى بىر ئاخشامدا يېزىپ تەييار قىلىپ ئەكىلەتتىم .بۇنداق قىلىش ئارقىلىق مەن خوجايىنغا ياخشىچاق بولماقچىمۇ ؟ياق !خوجايىن كىرگەن چاغلاردا مەن ئۇنىڭغا باشقا قىزلاردەك ۋىچىرلاپ يۈرۈپ خىزمەتلەردىن دوكلاپ بېرىپ يۈرمەيتتىم.بەلكى جىمجىت ئىشىمنى قىلاتتىم .مېنىڭ قارىشىمدا ،ئادەم قىلغان ئىشىنى كۈرۈك توخۇدەك قاقاھلاپ سۆزلەپ يۈرمەسلىكى ،داۋراڭ سالماسلىقى كېرەك .بولمىغاندا ئۇ ياخشى ئىش بولماي قالىدۇ . ئەگەر ئىشنى ياخشى قىلىشنى خالىمىغاندا ،ئۇ چوقۇم خالايدىغان ئىشنى قىلىدىغان يەرگە بېرىشى ،ھەرگىزمۇ قولىنىڭ ئۇچىدا ئىش قىلىپ نانقېپىلىق بىلەن كۈن ئۆتكۈزۈپ ،ھارامزەدىلىك قىلماسلىقى كېرەك ئىدى .مەن ئەنە شۇنداق بىر قاتار پىرىنسىپلىرىمغا تايىنىپ ،ئىش ئۈنۈمدارلىقىنى يۇقىرى كۆتۈرگەن بولساممۇ ،ئاغزىمنى يۇمشاق قىلالماسلىقىم ،كىرگەن خوجايىنغا كۈلۈپ تۇرۇپ ،خىزمەتلەرنى تۇنۇشتۇرالماسلىقىم ،پەقەت ۋە پەقەت گاچىدەك جىمجىت ئولتۇرۇپ قىل دىگەن ئىشنى قىلىشنىلا بىلىشىم ،بەلكىم ئۇلارنىڭ تازا –دىققەت ئېتىۋارىنى تارتالماسلىقى تەبىئىي .مانا بۇ شۈنچە يىل يۈرەك قېنىنى سەرپ قىلىپ باشقىلاردىن ئارتۇق ئىشلەپمۇ بەزىلەرنىڭ ئۆسۈپ مەنسەپكە ئولتۇرالماسلىقىنىڭ سەۋەبلىرىدىن بىرى ئىدى .مەن ئۇنى كىيىنكى كۈنلەردە خىزمەتكە چۈشكەن تۇرمۇش تەجرىبىلىرىمدىن ھەقىقى ھېس قىلىپ تۇنۇپ يەتكەنىدىم .بىلمىدىم ،مېنىڭ بۇ يەردە يەيدىغان يەنە ئازراق رىسقىم بارمۇ ،يەنىلا كىيىنكى كۈنلەردە ئۇ ئىشلارمۇ يوققا چىقىپ ئوخشاشلا ھەممىمىز ئىشلەپ كېتىۋردۇق .ۋاقىت بىر–بىرلەپ ئۆتۈپ ،مېنىڭ ئىمتىھان نەتىجەممۇ چىقتى ئەپسۇس ئىككى نومۇر بىلەن قالدۇرۇلۇپتىمەن .مەن تىزىملاتقان ئورۇنغا ئىمتىھان بەرگەن بىمانچىلا جىق ئادەمدۇ دەيمەن .توۋا ،بىر ئورۇننىڭ ئۆزىگىلا ئىككى مىڭدىن ئارتۇق ئادەم تىزىملاتقان بارمۇ ؟بەرىبىر ،مەن تاللىغان ئورۇن ئۈرۈمچىنىڭ بولغاچقا ،ھەممىلا ئورۇننىڭ ئوخشاش پەرقى كۆپ بولمايتتى . تۇرۇپلا ئاشۇ قېتىملىق ئىمتىھاندىن كىيىن بىر نەچچە ۋاقىت كۆڭلۈم شۇنچىلىك سوۋۇپ كەتتى .
ئۆيدىكىلەرنىڭ زورى بىلەن ئۆيۈمگە قايتىشقا مەجبۇر بولدۇم .مەن قايتىپ كەلدىم .ئاتا-ئانامنىڭ ئىللىق باغرى ھەممىدىن ئەلا ھەم ئەزىز ئىدى .ئاتا-ئانىلارنىڭ قەلبى دۇنيادىكى ئەڭ غەرەزسىز ئەڭ مىننەتسىز قەلىب ئىدى .ئاشۇ قەلىبتىنلا بىز مېھىر -مۇھەببەتنى ھەقىقى ھېس قىلالايتتۇق .ئاشۇ قەلىبتىنلا بىز قەلبىمىزنى سۆيگۈ چىچەكلىرى بىلەن سۇغىرالايتتۇق .
ئارىدىن ئىككى يىل ئۆتكەن بىر كۈنى مەن ئۈرۈمچىدە شامىلنى ھاياجانغا تولغان خۇشال كۆز ياشلىرىم كۈتۈۋالدىم .
-ئادەمنى شۇنداقمۇ سېغىندۇرامسەن ،ھۇ تۆت كۆز !،-قىيدىدىم مەن ئۇنىڭغا شېرىن قىيداپ .
-مېنى سېنى سېغىنمىدى دەمسەن ؟-دىدى ئۇ مېنى مەھكەم قۇچاغلاپ تۇرۇپ ،-سۆيگۈنىڭ قەدرىنى پەقەت سەندىن ئايرىلغاندىلا ھەقىقىي ھېس قىلىپ يەتتىم .
-بىز توي قىلايلى ،-دىدى ئۇ ماڭا يانچۇقىدىن چىقارغان بىر تال بىليارنىت ئۈزۈكنى چىقىرىپ ،-مانا بۇ سېنى سېغىنىشىمغا بېرىلگەن جاۋاب ،-ئۇ شۇنداق دەپ بارمىقىمغا ئۈزۈكنى تاقاپ قويدى .
مەن ئىمتىھان بېرىپ مايتاغدا خىزمەتكە چۈشتۈم . چۈنكى ئۆتكەن ئىمتىھانىم شۇ ئىدى .ئۇمۇ كىيىن تەقدىرنىڭ ئورۇنلاشتۇرۇشى بىلەن مايتاغقا خىزمەتكە چۈشتى .بىز ھاياتىمىزنىڭ ئەڭ نەۋقىران مەزگىللىرىنى ئەھمىيەتلىك ئۆتكۈزۈشكە ۋەدە بېرىشتۇق .
-مەنبەسى ئۆز قەلىمىم .
تۈگىدى
مۇندەرىجە
بىرىنجى قىسىم ئىككىنجى قىسىم ئۈچۈنجى قىسىم تۆتىنجى قىسىمبەشىنچى قىسىم ئالتىنچى قىسىميەتتىنجى قىسىمسەككىزىنجى قىسىم