كەسپىي خىزمەت قىلىدىغان ئاياللار ئىككى خىلغا بۆلۈنىدۇ : بىر خىلى ئىشخانىدا ئولتۇرۇپ خىزمەت قىلىدىغانلار ، يەنە بىر خىلى مەخسۇس تاشقى مۇناسىۋەت بىلەن شوغۇللىنىدىغانلار . ئۇلارنىڭ سىرتقى قىياپىتى ئۆز ئوبرازىنى تىكلەشتە ، خىزمەت ئۈنۈمىنى يۇقىرى كۆتۈرۈشتە ھەم ئىشلىرىنىڭ تەرەققىياتىنى ئىلگىرى سۈرۈشتە ئىنتايىن مۇھىم رول ئوينايدۇ .
  ئادەتتە ، كەسپىي خىزمەت بىلەن شوغۇللىنىدىغان ئاياللار كىيىنىش جەھەتتە تۆۋەندىكىلەرگە دېققەت قىلىشى كېرەك :
  1. كېيىمنىڭ پاسونى ئاددىي ، شەكلى ئېنىق بولسا ، باشقىلارغا تېتىكلىك تۇيغۇسى بېرىدۇ ، بەك كۆپ بېزەكلەر بىلەن زىننەتلىۋېتلگەن كېيىملەر سۆرەلمىدەك تەسىر بېرىپ قويىدۇ .
  2. رەختى ئاسان پۇرلاشمايدىغان كېيىملەرنى تاللاش كېرەك ، بولمىسا ئەتىگىنى قاتۇرۇپ كېيىپ چىققان كېيىملەر چۈش بولغىچە پۇرلىشىپ كېتىدۇ -دە ، باشقىلاردا بىر خىل رەتسىز ئايالكەن  ( قىزكەن ) ، دېگەن تەسىرنى قالدۇرىدۇ . ئۇنىڭدىن باشقا ، ئاسان يۇيغىلى ھەم ئاسان دەزمال سالغىلى بولىدىغان ئارىلاشما رەختلىك كېيىملەرنى تاللاش كېرەك . مەسلەن ، كەندىر ، پاختا قاتارلىقلار بىلەن سۈنئىي تالانىڭ ئارىلاشمىسىدىن توقۇلغان كېيىملەرنى تاللىغاندا ، ئاسان پۇرلاشمايدۇ ھەم بۇخىل رەختلىك كېيىملەرنى كىيگەندە تەر سۈمۈرۈشچانلىقى يۇقىرى ، ھاۋا ئۆتۈشۈپ تۇرىدىغان بولۇشتەك ئالاھىدىلىكلىرى بىلەن ئادەمگە يەڭگىللىك ھەم ئازادىلىك تۇيغۇسى بېرىدۇ .
  3. كەچلىك سورۇنلارغىمۇ مۇۋاپىق كېلىدىغان ئۇنۋېرسال كېيىم بولۇش كېرەك . چۈنكى ، كەسپىي خىزمەت قىلىدىغان ئاياللار كۆپىنچە ئىشتىن چۈشكەندىن كېيىن بەزى زىياپەت ۋە كەچلىك ئولتۇرۇشلارغا قاتنىشىپ قالىدۇ ، بۇ ۋاقىتلاردا ئۆيىگە بېرىپ كېيىم ئالماشتۇرۇشقا ئۈلگۈرەلمەيدۇ ، شۇڭا ئۇچىسىغا پۈتۈن كۆينەك كېيگەن بولسا ، ئىشتىن چۈشكەندىن كېيىن ئۇنىڭغا ماسلاشتۇرۇپ ئېسىل زىننەت بويۇملىرى تاقىۋالسا ياكى ئۆزگىچە بەلباغدىن بىرنى ماسلاشتۇرۇۋالسىلا  زىياپەتكە ۋاقتىدا بارالايدۇ . ئەگەر چىرايلىق كوپتىنىڭ ئۈستىگە كاستىيۇم كېيگەن بولسا ، ئۇنىڭغا ماس ھالدا چاقناپ تۇرىدىغان نەپىس زىننەت بويۇمى تاقىۋالسا ، بۇ ھەم ئىشقىمۇ ھەم زىياپەتكىمۇ مۇۋاپىق كېلىدىغان  يارىشىملىق قىياپەت ھېسابلىنىدۇ .
  4. كېيىم تاللىغاندا پاسونىنى ئاساس قىلىش ، ئەمما يېڭىلىق يارىتىمەن دەپ بەك ئاشۇرۇۋەتمەسلىك كېرەك . تاللىغان كېيىملەرنىڭ كۆپ قىسىمى ئېسىل ، مەدەنىي ، كۆركەم بولۇش كېرەك . شۇنداقلا ماسلاشتۇرۇشقا ئاسان بولسۇن ئۈچۈن رەڭ جەھەتتىن بىر ياكى ئىككى خىل رەڭ سېستىمىسىدىن تەركىب تاپقان بولۇشى كېرەك . مەسلەن ، توپ رەڭ سېستىمىسىدىكى رەڭلەرگە ئامراق بولسىڭىز ، قوڭۇر ، سېرىق ، ئاچ سېرىق ، ماش رەڭ ، قارامتۇل قىزىل قاتارلىقلارنى تاللىسىڭىز بولىدۇ .
  5. كېيىمنىڭ رەڭگىنى تاللىغاندا ئەڭ ياخشىسى ئوتتۇرا ھال رەڭلەر ( يۇقىرىقىدەك توپا رەڭ سېستىمىسى قاتارلىقلار ) نى تاللاپ ئۇنىڭغا ئوچۇق رەڭلىك زىننەت بويۇمى ، كوپتا ، شارپا ، ياغلىق قاتارلىقلارنى ماسلاشتۇرۇش كېرەك .
  6. بىر نەچچە قۇر كاستىيۇمىڭىز بولۇشى كېرەك . چۈنكى ، كاستىيۇم كېيگەندە ھاۋا تەڭشىگۈچ ئورنىتىلغان ئۆيلەردە ئولتۇرۇپ قالسىڭىز بەك مۇزلاپ كېتىشتىن ساقلىنالايسىز . يەنە بىر تەرەپتىن كاستىيوم كىشىنى روھلۇق كۆرسىتىدۇ .
  7. يوپكىنىڭ ئۇزۇنلۇقى ئادەتتە تىزنى  بېسىپ تۇرسا ئەڭ مۇۋاپىق ھەم بىخەتەر بولىدۇ . قىسقا يوپكا كېيمەكچى بولسىڭىز ، ئەڭ ياخشىسى ئۆزىڭىزنىڭ يېشىڭىز ، سالاھىيىتىڭىز شۇنداقلا سورۇن ، فىگورا قاتارلىقلارغا مۇۋاپىق كېلىش - كەلمەسلىكىگىمۇ دىققەت قىلىشىڭىز كېرەك .


                    مەنبە  :   << شىنجاڭ ئاياللىرى >> دىن ئېلىندى

ئەر لەر قانداق كىيىم تاللاش كىرەك دىگەن تېمىنى كىم يوللايدۇ ؟    

200كويلۇق كىيىمىنى 500كويدىن زورلاپ تاڭسا لوپپا لوپپاڭ بولسىمۇ بۇلىۋېردۇ

ئۆزىڭىز يازمىغان بولسىڭىز ئاپتۇرىنى ئەسكەرتىپ قويسىڭىز بولاتتى.

پۈتمىگەن كىيىملەرنى كىيمىسىلا بولىدىغۇ