ئابدۇغەنى توختى يوغرۇل
        بىر  زىيالىدىن :
        _ ئەڭ ئېسىل بايلىقىمىز نەدە ؟ _ دەپ سۇرىدىم .
        _  كىتاپخانىدا ، - دېدى زىيالى .
        بىر تېۋىپتىن سۇرىدىم :
        _  ئەڭ ئېسىل بايلىقىمىز نەدە ؟
        _ تەن ساقلىقتا ، _ دېدى تېۋىپ .
        بىر ئارخېئولوگدىن سۇرىدىم :
        ئەڭ ئېسىل بايلىقىمىز نەدە ؟
        _ يەر شارىدا ، بولۇپمۇ ئىنسانىيەت ئاياغ باسمىغان تاغ - ئېدىر ، چۆل جەزىرىلەردە ، _ دېدى ئارخېئولوگ .
        بىر جاھان كەزدىدىن سۇرىدىم :
        _ ئەڭ ئېسىل بايلىقىمىز نەدە ؟
        _ پادىشاھنىڭ خەزنىسى بىلەن باي_ غوجاملارنىڭ ئامبارلىرىدا ، _ دېدى جاھانكەزدى .
        بىر ئوقۇغۇچىدىن سۇرىدىم :
        _ ئەڭ ئېسىل بايلىقىمىز نەدە ؟ 
        _ ۋەتەن _ مىللەتنى سۆيىدىغان قابىل ئوقۇتقۇچىلاردا ، - دېدى ئوقۇغۇچى .
        بىر ئولىمادىن سۇرىدىم :
        _ ئەڭ ئېسىل بايلىقىمىز نەدە ؟ 
        _ تىلىمىزدا ، دىلىمىزدا ، ئېتقادىمىزدا ، _ دېدى ئولىما .
        دۇنيادىكى نوپۇزلۇق تىل - يېزىقتىن بىر نەچچىنى بىلىدىغان ، ھەمىشە ئانا تىل - يېزىقتىكى كىتاپ - ژۇرناللاردىن سىرت باشقا تىل -   يېزىقتىكى كىتاپ - ژۇرناللارنىمۇ قويماي كۆرىدىغان بىر دوكتور ساۋاقدىشىمدىن :
        _ ئەڭ ئېسىل بايلىقىمىز نەدە ؟ دەپ سۇرىدىم .
        _ خەلقچىل مۇھەررىرلىرىمىز ۋە ئۇلارنىڭ قان - تەر بەدىلىگە روياپقا چىققان ۋە چىقىۋاتقان كىتاپ - ژۇرناللاردور ، - دېدى دوكتور ساۋاقدىشىم .
        ئاخىرىدا ، خەلىقنىڭ يۈكسەك ھۆرمىتىگە مۇيەسسەر بولغان خەلقپەرۋەر بىر ھۇھەررىردىن :
        _ ئەڭ ئېسىل بايلىقىمىز نەدە ؟ دەپ سۇرىدىم .
        ئەقلىمىزدە ، - دېدى مۇھەررىر كېسىپلا .
        مەن بۇ جاۋاپنى ئاڭلاپ بۇ سۇئال ھەققىدە ئەمدى باشقىلار بىلەن مۇنازىرلىشىشنىڭ قىلچە ئورنى قالمىغانلىقىنى تۇلۇق چۈشەنگەندەك بولدۇم .

                     مەنبە : " شىنجاڭ مەدەنىيىتى " ژۇرنىلى
         

        
       
 
      
        
      
  

_ ئەڭ ئېسىل بايلىقىمىز نەدە ؟ دەپ سۇرىدىم .
        ئەقلىمىزدە ، - دېدى مۇھەررىر كېسىپلا

شىنجاڭ مەدەنىيىتى ژورنىلىنىڭ ماقالىلىرىنى قالايمىقان يوللىماڭلار، بولمىسا باغداش قانۇنىي جاۋابكارلىققا تارتىلىدۇ...

[quote]بۇ مەزمۇن 2قەۋەتتىكى naprat2009دە2011-12-30 00:07يوللىغان يازمىسىغا نەقىل :
شىنجاڭ مەدەنىيىتى ژورنىلىنىڭ ماقالىلىرىنى قالايمىقان يوللىماڭلار، بولمىسا باغداش قانۇنىي جاۋابكارلىققا تارتىلىدۇ...
[/       
قىززىق گەپ قىلىدىكەنسىز ، يوللىسا نىمە بوپتۇ ، ھەممە مۇنبەردە ژورناللاردىن كۈچۈرۈلگەن ماقالىلەر بارغۇ ؟

پايدىلىنىش ئۇچۇنلا يوللايمىز .....بىز يا ئۇنى ساتمىساق....

سوراي دەپ تۇراتتىم ، گېزىت -ژورناللاردىكى ئەسەرلەر مۇنبەر يۇزىگە يوللانسا قانونسىزلىق ھېساپلىنامدۇ ؟

ئەڭ ئېسىل بايلىقىمىز نەدە ؟
        _ تىلىمىزدا ، دىلىمىزدا ، ئېتقادىمىزدا
جىڭغا توختايدىغان گەپلەر

  بىلىم <<ئوغىرىسى>>ئوغىرى ھېساپلانماس. مېنىڭچە ياخشى بىلىمنى تېخىمۇ كۆپ كىشىلەر پايدىلانسا نىمىدىگەن ياخشى.

ئارخېلوگ بىلەن جاھان كەزدىدىن باشقىسىنىڭ جاۋابى ناھايىتى ئەھمىيەتلىك ئىكەن.
تېخىمۇ قىممەتلىكى پەيغەمبەر ئەلەيھىىالام قالدۇرۇپ كەتكەن قۇرئان بىلەن ھەدىس.