مەن ئوقۇشقا ماڭغان چېغىمدا،
ۋەتىنىمدىن يىراق بىر ئەلگە.
بوۋام بېرىپ بىر تۇگۇنچەكنى،
دىدى ماڭا بەرگەندەك بەلگە:

-ئوغلۇم قىلدىڭ يىراققا سەپەر،
مەنچە بولسا قۇچۇپ كەل زەپەر،
چاي ئورنىدا دەملەپ ئىچ بۇنى،
سۇ -تۇپرىقى يەكلىسە ئەگەر.

مەن كوكسۇمدە ساقلىدىم ئۇنى،
بىلدىم بوۋام بەرگەن تۇپراقنى.
يىللار ئوتۇپ قايتقان چېغىمدا،
مازار تاشلاپ بەردى پىراقنى.

تىلىكىمدە جەننەت تىلىدىم،
قانداق ئۇنتاي ئۇلۇغ سويگۇنى.
زەنجىرسىمان باغلانغان رىشتە،
ئەۋلات داۋام قىلار كويگۇنى.

مەن كوكسۇمدە ساقلىدىم ئۇنى،
بىلدىم بوۋام بەرگەن تۇپراقنى

مەن بىر چىمدىم توپىنى چايغا قوشۇپ ئىچىىپ باققاندەك قىلىمەن ، ئەل ئارىسىدا راستىنلا توپىنى دەملەپ ئىچىدىغان ئىشلار باردەك قىلىدۇ ،

يۇرتنىڭ توپىسىنى چاي دەملەپ ئىچسە راسلا پايدا قىلامۇ

كونىلار بەك ئېقىللىق،سىزنى يۇرتىنى ئاتا -ئانىسىنى ئۇنتۇپ  قالمىسۇن  دىگەندۇ.

يات يېرنىڭ  ئادەملىرىلا ئەمەس سۈيى تۇپرىقىمۇ  ئادەمنىمۇ  ھايۋاننىمۇ يەكلەيدۇ.مېنىڭ  يولدىشىم بىر قانچە قېتىملىق مۇسابىقىگە ماڭغاندا قەغەز ساندۇققا باركۆلنىڭ توپىسىنى قاچىلاپ ماڭغان مەن سەۋەبىنى سورىسام ئاتلار يات يەرگە بارسىلا ئىچى سۈرۈپ كىتىدۇ سۈيىگە   بوغۇزىغا توپا قوشۇپ بېرسە ئۇنداق بولمايدۇ دىگەنتى.
  

ئەمما مەن ئىشكەندە بىر قېرىندىشىم تۇگەپ كىىتپ  ،  موللا بۇۋى ئانامغا نەسىھەت قىلىپ  بەك غەمناك بولغاندا شۇ قەبرىدىن چىققان توپدىن بىر ئىلىم  ئېلىپ چايغا دەملەپ ئىچىشنى تەۋسىيە قىلغان ، شۇنۇڭدىن ئاڭلىۋېلىپ ئىشكەن ئىدىم .
بۇنۇڭ ئىسلامى دەلىلىنى بايقىمىدىم ،ئەمما ئەل ئارسىدا شۇنداق توپا دەملەم ئىچىش ناھايىتى قەدىمدىن بار بولسا كېرەك ،

كۆرگەنمەن بىر چەتئەللىكنى،
ياق،چەتئەللىك ئەمەس ،ۋەتەن قەلەندەرىنى.
باغدا،كۆزىدە ياش،ئىزلەيدۇ بىر نۇقتىنى،
توغرا، موشۇ يەر شۇ ،دەل شۇ.
ۋارقىراپ،چۆچىتتى قاراپ تۇرغان بارچىنى،
نەمگە يېقىپ مەيدە ،قۇچاقلىدى تۇپراقنى.
ئاپا نىمە قىلغىنى ئۇ؟،
دىدى ئاپام ،بۇ ،يۇرىكىنى سوۋۇتقىنى.
شۇنداقمۇ ئىشلار بولامدۇ؟
ئېيتتى ئاپام ئۇھ تارتىپ،
سوۋىتىدۇ شۇنداق ،ئوتتۇز يىللىق يۇرەكنى.
...........................................................؟؟؟؟؟؟؟؟؟؟؟؟؟؟
شېرىڭىز كىچىك چېغىىمدىكى بۇ ھېكايىنى ئەسلىتىپ قويدى.

ئانا تۇپراقتىن ئىچىش گەرچە ۋەتەن مۇھەبىتىنى كۈچەيكەندەك تەسىرى بولغان بىلەن بىزگە بۇددا دىنىدىن قالغان ئىشمىكىن دەيمەن. <<غەرىبكە ساياھەت>> فىلىمىدە پادىشاھ تاڭسىڭنى ئۇزاتقاندا چېيىغا بىر چىمدىم توپا سېلىپ بېرىدىغان بىر كۆرۈنۈش بارغۇ. دىنىمىز ئىسلام بۇنۇڭغا قانداق قارايدۇ ئۇقمايمەن لېكىن<< ئۇچۇغداش>>،<<تۇمار ئېسىش>>قاتارلىق ئىشلار قاتارىدىن بولۇپ قالسا ساقلانغىنىمىز تۈزۈك.

مەن بۇنى ئالىملاردىن سۇراپ كۆرەي.

ئۇيغۇر تىبابىتىدىنمۇ تەكشۇرۇپ بېقىش زۆرۇر ، ئادەم توپىدىن يارىتىلغان ئەمەسمۇ  تۆت تادۇنىڭ بىرى توپا ،

7-قەۋەتتىكى دوستىمىز خېلى چوڭقۇر ئىلىملىك زات ئوخشايدۇ.