يېڭى يىللىق سوۋغا: «ئەلبەھرە 2011» (ئېلكىتاب)


2011 -يىل بىلەن خوشلىشىش ئالدىدا تۇرماقتىمىز. 2011-يىلى دېموكراتىيە ۋە قانۇنچىلىق تارىخىدىكى پەۋقۇلئاددە بىر يىل بولدى، ئوتتۇرا شەرق، شىمالىي ئافرىقىدا غايەت زور ئۆزگۈرۈشلەر بولدى، ئىنسانلار ئۇچۇر ئىنقىلابىغا يېقىنلىشىش ئارقىلىق دېموكراتىيەنىڭ دۇنياۋىي يۈزلىنىش ئىكەنلىگىنى تېخىمۇ ئېنىق تونۇپ يېتىشكە باشلىدى.
ھايات مۇساپەمدىن ئېلىپ ئېيتسام، 2011-يىلى ئىلگىرى قىلىپ باقمىغان بىر ئىشقا – تور بەت قۇرۇشقا كىرىشىپ قالدىم. «تارىم شېئىرىيەت تورى» قۇرۇلۇپ، بىر مەزگىلدىن كېيىن، تور بەت باشقۇرۇش نىشانى «دېموكراتىيە، قانۇنچىلىق، ئەركىنلىك، باراۋەرلىك، تېنچلىق، تەرققىيات»قا ئائىت يازمىلارنى ئېلان قىلىشقا ئۆزگەرتىلىپ، «ئەلبەھرە تورى» قۇرۇلدى. تورداشلارنىڭ قوللىشى ۋە رىغبەتلەندۈرۈشى ئارقىسىدا، «ئەلبەھرە تورى»دا قىسقىغىنا بىر نەچچە ئاي ئىچىدە خېلى كۆپ ئىجادىي ۋە تەرجىمە ئەسەرلەر ئېلان قىلىندى، باشقا تور بەتلەرگىمۇ كۆچۈرۈلدى. بەزى تورداشلار بۇ ماقالە-ئەسەرلەرنىڭ ئېلكىتاب نۇسخىسىنى ئىشلەشنى تەۋسىيە قىلىشتى.
شۇنداق قىلپ، «ئەلبەھرە 2011» سەرلەۋھىلىك توپلام ۋۇجۇدقا كەلدى. بۇ توپلامغا  كەمىنە مۇئەللىپ «ئەلبەھرە تورى»دا ئېلان قىلغان ئىجادىي ۋە تەرجىمە ماقالىلەر تاللاپ كىرگۈزۈلدى. ماقالە-ئەسەرلەرنى تاللاپ رەتلەشتە، «ئەلبەھرە تورى»نىڭ سەھىپىلىرى ۋە ئېلان قىلىنغان تېما دائىرىسى ئاساس قىلىندى.
«ئەلبەھرە 2011» قۇرۇلما جەھەتتىن تۆت بۆلەككە ئايرىلدى. «تاققا-تۇققا پاراڭلار» قىسمىغا جەمئىيەتتىكى تۈرلۈك ئىشلار ۋە ھادىسىلەر توغرىسىدىكى كۆز قاراشلار، مۇنازىرە قىلىشقا تېگىشلىك دەپ قارالغان مەسىلىلەر توغرىسىدىكى ماقالىلەر كىرگۈزۈلدى.
«فېليەتونلار ۋە ئاخبارات ئوبزورلىرى» قىسمىغا ئىجتىمائىي تۇرمۇشنىڭ مۇھىم تەرەپلىرى، يەنى دىققەتنى تارتىپ تۇرغان ئېقىم مەسىلىلىرى، بولۇپمۇ جەمئىيەتنىڭ تۈرلۈك ساھە ۋە قاتلاملىرىدىكى قارغىش تەگكۈر رېئاللىقلار، زامان ئىللەتلىرى، جاھالەت، خىيانەت، يالغانچىلىق، ساختىپەزلىك، ئالدامچىلىق، ئاچ كۆزلۈك، نائەھلىلىك، ئۆكتەملىك ۋە زوراۋانلىق، زالىملىق ۋە شۇنىڭغا ئوخشاش رەزىللىكلەر، تۈرلۈك نوقسان-ئىللەتلەر قامچىلانغان فېليەتونلار ۋە يازمىلار كىرگۈزۈلدى.
«ئۇنى-بۇنى ئوقۇش خاتىرىلىرى» قىسمىغا تۈرلۈك ئەسەرلەرنى ئوقۇشتىن ئالغان تەسىراتلار ياكى قالدۇرغان خاتىرىلەر كىرگۈزۈلدى.
«ئەلگە نەپ» قىسمىغا ئەل-ئاۋام تۈرلۈك ساھەلەردە بىۋاستە بەھرە-نەپ، مەنپەئەت ئالىدىغان سىياسەت-بەلگىلىمىلەرنى چۈشەندۈرۈش ئاساس قىلىنغان يازمىلار، قانۇن-سىياسەتلەردىن ساۋاتلار كىرگۈزۈلدى.
مەزكۇر «ئەلبەھرە 2011»ناملىق ئېلكىتابنىڭ دەسلەپكى نۇسخىسى تارقىتىلغاندىن كېيىن، بەت تىزىش-لايىھەلەش قاتارلىق جەھەتلەردە بىر قىسىم مەسىلىلەرنىڭ ساقلانغانلىقىنى كۆزدە تۇتۇپ، ئىلقۇت بلوگىدىن ي. م. ئىلقۇت ئەپەندى ئەسلىدىكى «ئەلبەھرە 2011»نىڭ ماتېرىيالىغا ئاساسەن بەت كۆركەملىكى ۋە ئېلكىتاب سۈپىتىنى ئاشۇرۇش مەقسىتىدە، قايتىدىن بەت تىزىپ ئېلكىتاب قىلىپ ئىشلەپ چىقتى. ي. م . ئىلقۇت ئەپەندى ئىشلىگەن نۇسخىسىنى«ئەلبەھرە2011»نىڭ 2- نەشرى سۈپىتىدە تورداشلارنىڭ بەھرىلىنىشىگە سۇندۇق. شۇ مۇناسىۋەت بىلەن ، ي. م. ئىلقۇت ئەپەندىگە ئالاھىدە تەشەككۈر ئېيتىمەن.
«ئەلبەھرە2011»نىڭ 2- نەشرىنى چۈشۈرۈش ئادرېسى:

http://down.qiannao.com/space/file/mir512/Elbehre2011(2-002dneshri).pdf/.page
ياكى

ئەلبەھرە تورىنىڭ كيۇكيۇ توپىغا كىرىپ، ھەمبەھرلەنگەن ھۆججەتلەر قاتارىدىن چۈشۈرۈش.

ئەلبەھرە تورىنىڭ كيۇكيۇ توپى نومۇرى: 176147045

مەن چۇشۇرۇپ ئالدىم ۋە تازا ھوزۇرلىنىپ كۆرۇپ چىقتىم ، خەت دىگەن دان دان ، قۇر ئارلىقى كەڭتاشا  پاخوي نىمە دىگەن پەيزى ،
باغداشتىكى نادىر تىمىلارنى ئېلىكىتاپ قىلىدىغان ئەر چىقمايۋاتىدۇ دىسە ، قانداق دىگەن گەپ بۇ  ، يامەن ئېلىكىتاپ قىلىشنى بىلمەيمەن ، شۇڭا مۇشۇنداق كوتۇلداشقىلا يارايمەن قاراڭ ،

ھەجەپ ياخشى ئىش بوپتۇ . بىراق مەن ھەر قانچا قىلىپمۇ چۈشۈرەلمىدىمغۇ؟

ئىشلىتىش

بۇ مەزمۇن 2قەۋەتتىكى zoklanدە2012-01-01 08:49يوللىغان يازمىسىغا نەقىل  :
ھەجەپ ياخشى ئىش بوپتۇ . بىراق مەن ھەر قانچا قىلىپمۇ چۈشۈرەلمىدىمغۇ؟

ئېلكىتابنى چۈشۈرەلمىگەنلەر ئېلخەت ئادرېسىڭىزنى قالدۇرۇڭ ياكى كيۇ كيۇ توپىغا كىرىپ چۈشۈرىۋېلىڭ ياكى 1547408515 كيۇ كيۇ نومۇرىغا ئۇچۇر قالدۇرۇڭ.

ئىشلىتىش

بۇ مەزمۇن 1قەۋەتتىكى tohoturدە2012-01-01 01:29يوللىغان يازمىسىغا نەقىل :
مەن چۇشۇرۇپ ئالدىم ۋە تازا ھوزۇرلىنىپ كۆرۇپ چىقتىم ، خەت دىگەن دان دان ، قۇر ئارلىقى كەڭتاشا  پاخوي نىمە دىگەن پەيزى ،
باغداشتىكى نادىر تىمىلارنى ئېلىكىتاپ قىلىدىغان ئەر چىقمايۋاتىدۇ دىسە ، قانداق دىگەن گەپ بۇ  ، يامەن ئېلىكىتاپ قىلىشنى بىلمەيمەن ، شۇڭا مۇشۇنداق كوتۇلداشقىلا يارايمەن قاراڭ ،

 
توخوتۇر ئەكە، بۇ ئارزۇلىرىمۇ ئەمەلگە ئېشىپ قالىدۇ يېقىنچىدا. مەن باغداش باشلىق بىلەن ئالاقىلىشىۋاتىمەن، يېقىندىن بۇيان سەل ئالدىراش، سۆھپىتىمىزنىڭ كەينى ئۈزۈلۈپ قالغان. مۇنبىرىمىزنىڭ نادىر تېمىلىرىنى "ئەل ئىستىقبال ئېلكىتاب گۇرۇپپىسى" دا ئىشلەپ تارقاتماقچى.