بولدى كۆپ دەرتكە مۇپتۇللا بۇ يۈرەك غەپلەتتە،
زامان ئەيلىدى بىزنى خار-زەبۇن قىلىپ ھەيرەتتە.
تۆكەي دىسەم تۇگىمەس پىغانىم گوياكى دېڭىز،
ئۆزۇم قولۋاقتەك ئۈزۈرمەن ئول دېڭىزدا ھەسرەتتە.

ئاۋال ئەيلەي پىغانىمنى ئەردەك يۇرمىگەنلەرگە،
ئەر تۇرۇپ ۋىجدان سېتىپ پەسلەشكەنلەرگە.
يا كەبى ئېگىلىپكىنە مەس-ئەلەس بوپ كوچىدا،
ئىت سىياقىدا زاغ-زاغ قاۋاپ ھەم يۈرۈشكەنلەرگە.

دەي مەن يەنە پىغانىمنى يىتىملار بىلەن بىرگە،
ئىت بېقىپ ئەرمەككە ھەم كۆنۈكۈپ كېتىشكەنلەرگە.
ئېتىپ تاۋاردىن ئىشتانيۇ پايپاق كەيگۈزۈپ تەستە،
ئەزىز قىلىپ ئېرىدىن قۇچاقلاپ يۈرۈشكەنلەرگە.

دەي يەنە كۆپ غۇنچىلارنى ئىگىسىز قالغان،
ھەج قىلىپ ئارمىنىغا قېنىشىپ كېلىشكەنلەرگە.
ئېشىپ قالسا ئازىراق بېرەيلىمۇ دەپ زەم-زەمدىن،
پۇتتىغا تاپسا ئۇچىسىغا يوق يۈرۈشكەنلەرگە.

دەي يەنە شىپاخانىدىكى قەرىزدارلارنى،
خان كەبى توي-تويلاپ شاتلىققا مېڭىشقانلەرگە.
ماشىنا توپىدىن ئازلىتىپ بەشنى بېرەيلىمۇ دەپ،
پۇلىنى، پۇل ئۈچۈن قان سېتىپ يېتىشكەنلەرگە

ئەر دىگەن ئايالنىڭ تىكىنى دەيمىكىن ئەرلەرگە،
تىكىنى بار شۇ گۈلگە كىم بولۇر يامان قەستتە.
كەلمىسەڭكى بېغىڭغا پۇراپ باشقا گۈللەرنى
گۈلۈڭمۇ ناز قىلۇر دەپ ئىشقىنى بېرىشكەنلەرگە.

دەيمىكىن يە قاتار چاي ئويناپ كۈندە ھارغانلەرگە،
دەپ قارار كىشى يوق ئاياق مايلاپ يۈرۈشكەنلەرگە.
گەر ئوقالماي ئۆتسىكى شۇنچە كۆپ ناتىۋان غۇنچە،
تاپار مىللەت قانچىلىك شانۇ-شۆۋكەت ھۆرمەتتە.

قىزىنى ھەم كۆرسۈتۈپكى كۆزىگە دەيمىكىن يە،
خار ئېتىپ غۇنچىلارنى شوپاڭغا سېتىشكەنلەرگە،
بۇ ئالەم ئۆتنەدۇركى كۈلمىگىن شاتلىنىپ ئۇنچە،
قالىسەن ئاھ، دەپ قىزىڭنى ئېلىپ كېتىشكەنلەردە.

دەيمىكىن كىر يۇيۇپ مازغاپلاپ ئولتۇرغان ئەرلەرگە
چاي تۈگەپ كەتتى نېكەم كەلمەيدۇ گۈلۈڭ نىمىشگە.
قوپ كېيىن يۇساڭمۇ بولىدىغۇ باغىرداقلارنى دەپ،
تاپ ،تارت ئۇنى ئەركەكتەك خەق سېنى بىلمەستە.

دەيمىكىن مەن يە ئازمىغىن دەپ مۇناپىقلەرگە
ياخشى كۈن يوق دەپ ھارامدىن يول تېپىشكەنلەرگە
كۆرمىدۇڭمۇ سەن خەلپەمنى سېتىشقاننى، جاللاتلەر،
ئىت كۈنىدىن بەتتەركى كۆمىۋەتتى ئازاپلارگە.

دەي يەنە مائارىپتىكى چوڭاملارغا مەن پەستە،
ئەيلىمە ئەبجەشلىرىڭنى قويۇپ بىزنى سەرساندە.
سەن تۇغۇلماستا ئەيلەپ سىناق باشقىلار ھەۋەستە
ئاران تاپقان ئاقىۋەت ئۆزلىرىنىمۇ مىڭ تەستە

دەي دىسەم شۇنچە كۆپ دەرت قاينايدۇ يۈرەكتە،
كىم يەتكۈزۈپ قويۇر دەرتدىمنى مېنىڭ دەرتداشلارگە.
زەررە كەبى يالقۇنسىز چوغ يانغىچەڭ گۈر-گۈر ئېتىپ،
توزغۇپ كېتەرمۇ جىسمىم سىڭىپ ھەم تۇپراقلارگە... 


 

ئەڭ ئاخىرقى مىسرامۇ خاتا يېزىلىپ قاپتۇ. ئەسلىسى<توسغۇپ كېتەرمىكى جىسمىم سىڭىپ ھەم تۇپراقلارگە>

9-كۇبلىتنىڭ 4-مىسراسىمۇ خاتا بولۇپ قاپتۇ. توغرۇسى؛<تاپ تارتقىن قولىدىن ئەركەكتەك خەق سېنى بىلمەستە.>

ئەسىرىڭنى ئوقۇپ بەك زوقلاندىم ، قولۇڭغا دەت يەتمىسۇن، قەلىمىڭگە بەركەت بەرسۇن، ئەسەرلىرىڭ مول-ھوسۇللۇق بولسۇن.

ياخشى يېزىپسىز ئوقۇپ زوقلاندىم تىرىشىڭ

قەيەردىن كانتولاپ كەلگەنسەن بۇرادەر؟     

قوللىرىڭىزغا دەرت كەمىگى دوستۇم ، مۇشۇنداق تېمىلارنى كۆپىرەك يېزىڭ.