كۆكسى كەڭ–كەڭ باغرى ئالەم،
جان كۆيەر ئانام.
ئىشقىمىزدا چوغدەك يانغان،
زەر– گۆھەر ئانام.

ئانا قۇشنىڭ ئۆزى بولۇپ،
دان بەرگەن ئانام.
كېچىلىرى بۇلماق ئېتىپ،
نان بەرگەن ئانام.

پەرىشتىلەر سىياقىدەك،
چېھرى گۇل ئانام.
ئاق ئۇجمىنىڭ سايىسىدەك،
سۆزى بال ئانام.

بارسا كەلمەس يوللارىمنى،
كۆرسەتكەن ئانام.
ئەقىل بىلەن مۇھەببەتنى،
ئۆگەتكەن ئانام.

سېخىلىقتا كۇندەك گويا،
نۇرانە ئانام.
ئاسماندىكى تولۇن ئايدەك،
بىر دانە ئانام.

مەنبە:قەلىمىم

ئاق ئۇجمىنىڭ شىرنىسىدەك دەپ ئوقۇغايسىزلەر.

ئانا نىمەدىگەن ئۇلۇغ ھە......يات شەھەردە يۈرۇپ ئاپامنى ئەجەپ سېغىندىم....