تېما يوللىغۇچىنىڭ بۇ تېمىسىنى كۆرگەندىن كېيىن ھاياجىنىمنى باسالماي قالدىم. قالتىس!! نېمىدىگەن قالتىس!! نىمىشقا بۇ تېما بۇنداق ئېسىل بولىدۇ ؟
         بۇ ئۆمرۈمدە نۇرغۇنلىغان مۇنبەررنى كېزىپ يۈرگەندىن بېرى، تېخى ئۆزەمچە ھېچقانداق تېما مېنى ئېرىتەلمەيدۇ، قىزىقتۇرالمايدۇ دەپ يۈرۈپتىمەن.ئويلاپمۇ باقماپتىمەن، بۈگۈن بۇ باغداشتا مۇنچىلىك ئەپچىل، تىل بىلەن ئىپادىلەپ بەرگۈسىز مىڭ يىلدا ئۇچىرىمايدىغان بىر ياخشى تېمىغا ئۇچراپ قېلىشىمنى....
      تېما يوللىغۇچى، بۈگۈن سىز ماڭا ھەقىقى تۈردە < غوجامنىڭ غوجىسى بار، چامغۇرنىڭ ئورىسى بار .> دېگەن ھەقىقەتنى تونۇتتىڭىز.رەھمەت سىزگە !! بۇنداق ئېسىل تېمىنى كۆرگەندىن كېيىن مەن دەرھال ئىنكاس يېزىشقا ئالدىرىمىدىم. چۈنكى مەن ئۆزەمنىڭ تومتاق ھەم ئاددىيلا ئىبارىلەر بولغان تولغان ئىنكاسىمنىڭ بۇنداق تور ساھەسىدە ئاز ئۇچرايدىغان تېمىنىڭ ئاستىدا تۇرۇپ شەنىگە داغ تەككۈزۈشىدىن غەم يېگەنىدىم.بىراق مەن يەنىلا ئىنكاس قايتۇردۇم. چۈنكى مەن شۇنى ھېس قىلدىمكى، بۇنداق ئېسىل  تېمىنىڭ ئاستىغا ئۆزەمنىڭ تور ئىسمىمنى قالدۇرۇپ قويالمىسام، ئۇنداقتا ئۆلسەممۇ كۆزۈم يۇمۇلمىغۇدەك !! بۇنداق ياخشى ھەم ئېسىل ، كاتتا تېمىنىڭ ئاستىغا ئۆزەمنىڭ نامىنى قالدۇرۋېلىش نېمىدىگەن مەغرۇرلانغىدەك ئىش ھە !!
     تېما يولللىغۇچى، مېنىڭ شەخسىيەتچىلىكىمنى كەچۈرۈڭ، ماڭا شۇنىسى ئايانكى ، قانچە پاساھەتلىك ئىبارىلەر بىلەن سىزنىڭ بۇ ئېسىل تېمىڭىزنى ماختىغىنىم بىلەنمۇ ئۇنىڭ ئېسىللىق شەنىنى تولۇق ئىپادىلەپ بولالمايمەن. مەن شۇ بىر ئېغىزلا گەپ قىلىدىغان بولدۇم: سىزنىڭ تېمىڭىز ھەقىقەتەن ياخشى ئىكەن! مەن بىر ئۆمۈر كۆرۈشكە رازى! بۇ تېمىنىڭ قۇرۇلمىسى ئۆزگىچە، ماتىريال تاللاشتا شۇنداق كۆڭۈل قويۇلغان،بۆلەكلىرى ئېنىق، ۋەقەلىكى ئاجايىپ-غارايىپ ، ئاساسى ئېقىم روشەن، ئادەمنى جەلىپ قىلىدىغان، ئاددىيلىق ئىچىدىن ئاددىي بولمىغان ئەدەبى ماھارىتىنى نامايەندە قىلنغان ئەسەركەنكى ، بۇنى ھەر بىر خېتى مارجان تىزىقلىرىدەك، جۇملە جۇملىلىرى ئېسىل دېسەك ئارتۇق كەتمىگۈدەك! بۇ دەرۋەقە بىز بۇ بىر ئەۋلادلارنىڭ ئۆگىنىش ئۈلگىسى  بولغۇدەك ياخشى تېما ئىكەن. بۇنى ھېكايە سەنئىتى نۇقتىسىدىن ئېلىپ ئېيتقاندا ، بۇ بىر پارچە تېما ئانچە ئۇتۇق قازانمىغان بولۇشى مۇمكىن، لېكىن ئۇنىڭ تەجىرىبە ئەھمىيىتى ھامان مۇۋاپىققىيەت رولىدىن ئېشىپ چۈشىدىكەن. ئەسلىدە مەن بۇ سەھىپىگە قارىتا ئۈمىدنى ئۈزگەنىدىم، بۇ سەھىپىنىڭ تەرەققى قىلىش مۇمكىنچىلىكى يوق دەپ ئويلاپ، كۆڭلۈم پەرىشان بولغانىدى.
        بىراق سىزنىڭ بۇ تېمىڭىزنى كۆرگەندىن كېيىن ، مەندە بۇ سەھىپىگە قارىتا قايتىدىن ئۈمىد ھاسىل بولدى. دەل مۇشۇ تېما مېنىڭ يۈرىكىمدىكى ئۆچۈپ قالاي دېگەن ئۇچقۇننى لاۋۇلداتتى، خۇددى ئانتىراكتىدادا توڭلاپ كەتكەندەك بولغان ۋۇجۇدۇم تېمىنىڭ ئىللىقىلىقىدىن نەپ ئالدى. ئەسلىدە مەن بۇ سەھىپىدىكى تېمىلارغا ھېچقانداق ئىنكاس يازماي دەپ ئويلىغانىدىم، بىراق سىزنىڭ بۇ تېمىڭىزنى كۆرگەندىن كېيىن، ئاھ خۇدا ، بۇ تېمىغا ئىنكاس يازماي قايسى تېمىغا يازىمەن دەپ ئويلىدىم، بۇ ھەقىقەتەن يۈز يىلدا بىر ئۇچىرىمايدىغان ياخشى تېما ئىكەن،خۇدايىمنىڭ كۆزى باركەن، ھاياتلىقىمدا مۇشۇنداق ياخشى بىر تېمىنى كۆرۈشكە نېسىپ قىلدى.تېما يوللىغۇچى بىز تورداشلارغا ئۈمىد نۇرلىرىنى كۆرسەتتى، بىز كەلگۈسىنى كۆردۇق، ھاۋا ئوچۇق چاقماق چاققاندەك دېسەك بەلكىم تېما يوللىغۇچى پىرنىڭ تېمىسىنىڭ كۈرمىڭلىغىنى ئىپادىلىگىلى بولماس، بۇلۇتلارنى كېزىۋاتقاندەك دېسەك ،بەلكىم پىرىنىڭ تالانتىنى ئىپادىلەپ چىقالماسلىغىمىز مۇمكىن، پىرىم !سىزنىڭ ئۆتكۈر قەلىمىڭىز ئاستىدا، مەن خۇددى سىزنىڭ بۇلۇتلار ئارسىدا بىلەكلىرىڭىزنى كەڭ كېرىپ ئۇچۇپ كېتىۋاتقان قىياپىتىڭىزنى كۆرگەندەك بولدۇم. سىزنىڭ باتۇرانە قىياپىتىڭىز، زەپەرداس قەدەملىرىڭىزنى كۆرگەندەك بولدۇم. تېما يوللىغۇچى، سىز نېمىدېگەن توغرا ئىپادىلىگەن ھە ! مەن مۇنبەردە مۇنچە يىللار كېزىپ، كۆرمىگەننى كۆرۈپ، تونۇمىغاننى تونۇدۇم، لېكىن سىزنىڭ بۇ تېمىڭىزنى كۆرۈپ، سىزنىڭ مۇنبەردىكى باشقا كەلسە كەلمەس تېمىلارنى يوللىۋېرىدىغان شاۋۇچىلاردىن ماھىيەتلىك پەرق بارلىقىنى ھېس قىلىپ يەتتىم........
       مەن ھەقىقەتەن سەھىپىدىن ئۈمىدىمنى ئۈزگەنىدىم،ئويلاپمۇ باقماپتىمەن، ئويلاپمۇ باقماپتىمەن، بۈگۈن بۇ جايدا سىزنىڭ ئابىھايات قەلىمىڭىزنى يەنە بىر كۆرۈشكە مۇۋەپپەق بولدۇم.تەسىرلەنگىنىمدىن كۆزلىرىمدىن ياشلار سىرغىدى. شۇنداق ، سىزنىڭ رەھبەرلىكىڭىزدە سەھىپىدە يەنە ئۈمىد تۇغۇلدى. يۈرۈكۈم يەنە بىر قېتىم داۋالغۇشقا باشلىدى. تېما يوللىغۇچىنىڭ سۆزلىرى مېنىڭ نەچچە يىلدىن بۇيان دېيەلمەيۋاتقان ھەمدە ئويلاپ تاپالمايۋاتقان بىر نەچچە سوئالىمنىڭ جاۋابىنىڭ مەركىزى ئىدى.تېما يوللىغۇچى خۇددى سەھىپىنىڭ يورۇق چىرىقىدەك قەلبىمنى ۋاللىدە يورۇتتى.تېما يوللىغۇچى سەھىپىنىڭ تۈۋرۈكى،تېما يوللىغۇچى سەھىپىنىڭ ماياكى،  تېما يوللىغۇچىلا بولىدىكەن، مۇنبەرنىڭ ئەتىسى پارلاق! بۈگۈنكىدەك پۇل دۇنيا ،ساختىپەزلىككە تولغان بۇ دۇنيادا بۇنداق ھېسياتچان ئادەمنى ئۇچىرتىشىمنى ئويلاپ باقماپتىمەن. بۇ مېنىڭ بىر ئۆمۈرلۈك تەلىيىم ، سىزگە ئۇچراشتىن بۇيان دۇنيادا راستىنلا ئەۋلىيا بارمىدۇ دەپ ئويلايتتىم، مانا بۈگۈن مەن ھەقىقەتەن ئىشەندىم. مەن ئىلگىرى بەزىلەرنىڭ شېئىرلىرىغا چوقۇنۇپ يۈرۈپتىمەن، ئەمدى ئۆزەمنىڭ بىلىمىنىڭ نەقەدەر ئازلىقىنى ھېس قىلىۋاتىمەن، ئەسلى تېما يوللىغۇچىنىڭ تېمىلىرى ئەڭ ياخشى ئەسەركەن ئەمەسمۇ، ھاياجان ئىلكىدە ئېغىر ئۇھ تارتتىم___ ئاھ !! بۇندىن كېيىن مۇشۇنداق ياخشى تېمىنى يەنە كۆرەلەرمەنمۇ ؟؟
        قانداق قىلىش كېرەك ، زادى قانداق قىلىش كېرەك ؟؟ بۇ تېمىنى قىلچە ئىككىلەنمەي ساقلاپ قويدۇم،مەن يەنە شۇلارنى ئويلىدىم ، بۇنداق ياخشى تېمىنى باشقىلار دىققەت قىلماي ئۆتۈپ كېتىپ كۆرەلمەي قالسا قانداق قىلىش كېرەك؟ بۇنداقتا تېما يوللىغۇچىنىڭ قان تەرىنى ھۆرمەت قىلمىغانلىق بولمامدۇ؟؟  مەن قاتتىق ئويلىنىشلاردىن كېيىن شۇنى قارار تاپتىمكىن، بۇ تېمىغا توختىماي ئىنكاس يازىمەن، توختىماي يازىمەن، شۇنىڭ بىلەن بۇ تېما <يېڭى ئىنكاسلىق تېمىلار> دېگەن ئورۇندا تۇرېۋىرىدۇ، تاكى ھەممە ئادەم كۆرۈپ بولغۇچە شۇنداق قىلىمەن.  مەن ئەمدى ئۆزەمدە نىمىنىڭ كاملىقىنى ھېس قىلدىم، مەندە تېما يوللىغۇچىغا ئوخشاش بوشاشماي تىرىشىش روھى ۋە جاپاغا چىداپ كۈرەش قىلىش روھى كام ئىكەن. بۇ تېمىنى ھەر قېتىم كۆرسەم تېما يوللىغۇچىغا بولغان ھۆرمىتىم ھەسسىلەپ ئاشماقتا، مانا ئىنكاس يازماقتىمەن، يازىمەن، توختىماي يازىمەن ، تېما يوللىغۇچى ،سىزنى قوللايمەن!!

 مەنبە :ئۆزۈم

تېمىلارنىڭ قاتىلى دىگەن شۇمۇ؟

خاتا كېتىپتۇ ، ئىنكاسلارنىڭ قاتىلى...

ئەگەر ئىنكاسنى مۇنداق يېزىۋەتسەك تېما ئىگىسى خىجىل بولۇپ كىرەلمەيدىغان يەر تاپالماي قالارمىكىن دەپ ئەنسىرەۋاتىمەن :
  ئامما ئىنكاس بولا ماشناق بولا

ئىنكاس دېگەن ئوقۇغان تېمىغا بولغان كۆز قارىشىمىز نى كۆرسىتىدۇ .....ھەممە تېمىنىڭ مۇكەممەل بولۇپ كېتىشى ناتايىن شۇنداققۇ ھەممە تېمىغا بۇنداق باھا بېرىۋەتسەك بۇ قانداقمۇ مۇنبەر بولسۇن .....ئويلىغانلىرىمىزنى ھەقىقىي ئىپادىلىشىمىزكېرەك ئەلۋەتتە ...

بۇنى راست دەپ چۈشىنۋېلىشنىڭ ئورنى يوق ، بۇ بىر كىنايە خالاس .

ئىشلىتىش

بۇ مەزمۇن 5قەۋەتتىكى maptunدە2011-02-08 00:03يوللىغان يازمىسىغا نەقىل :
بۇنى راست دەپ چۈشىنۋېلىشنىڭ ئورنى يوق ، بۇ بىر كىنايە خالاس .

مەنمۇ شۇ كىنايە ئىكەن دەپ ئويلاپ بۇ تېمىڭىزغا كۈلۈپ قويۇپلا ئىنكاس يازمىغانتىم.

ئىشلىتىش

بۇ مەزمۇن 7قەۋەتتىكى 周文泌دە2011-09-22 09:44يوللىغان يازمىسىغا نەقىل :
很好不错哦，感谢楼主




.......

你是谁啊？？干什么的？？