ئىشلىتىش

بۇ مەزمۇن 5قەۋەتتىكى tarimدە2012-03-21 13:39يوللىغان يازمىسىغا نەقىل  :
شىنجاڭ ئۇيغۇر ئاپتونوم رايونلۇق مىللەتلەر تىل-يېزىق خىزمىتى كومىتېتى لۇغەت بۆلۈمى تۈزگەن <<ئۇيغۇر تىلىنىڭ ئىزاھلىق لۇغىتى>> (قىسقارتىلمىسى) دە سەرخۇش سۆزىگە مۇنداق ئىزاھات بېرىلگەن:
سەرخۇشi كەيپ قىلغان، كەيپى بار، بىر ئاز مەست، شىركەيپ.
سەرخۇشii ئېلىشاڭغۇ، ساراڭ قېتىش، تەلۋە.
يۇقۇرىقى لۇغەت 618-بەت

بۇ لۇغاتنى تۈزگۈچى شۇ ۋاقىتتا خاتالاشقانمۇ نىمە؟

ئىشلىتىش

بۇ مەزمۇن 3قەۋەتتىكى noruz0997دە2012-03-21 13:08يوللىغان يازمىسىغا نەقىل :
يۈسۈپ ئىسھاقنىڭ چۈشەنچە بەرگىنى ياخشى بوپتۇ. لېكىن پارىسچە خەنزۇچە لۇغەتلەردىن ئاپتورمۇ مىسال كەلتۈرۈپتۇ. ئۇنىڭمۇ ئاساسى يوق ئەمەسكەن. ھەتتا توردىن گوگۇللىسىمۇ سەرخۇشنى ئىنگلىزچە gay دەپ تەرجىمە قىلىپتۇ. مەنمۇ گوگللاپ قاراپ باقتىم.
سەرخۇش سۆزى زۇلپىقار بارات تۇغۇلۇشتىن ئىلگىرىلا بار سۆز. ئەمدى ئۇنىڭ باشقىلارنى بۇ سۆزنى ئىشلىتىشكە يول قويمايمەن دىيىشى بەك كۈلكىلىكمۇ قانداق؟
ئەسقەر ئەيسامۇ ناھايىتى ئېنىق چۈشەندۈرۈپتۇ. بەچچىۋازلىق دېگىنى ھەمجىنىسلىقنىڭ ئىچىدىكى ئەرلەر بىلەن ئەرلەرنىڭ قىلىقىدا ئەر رولىنى ئالىدىغاننى، سەرخۇش دېگىنى ئايالنىڭ رولىنى ئالىدىغاننى كۆرسىتىدىكەن. ئەگەر زۇلپىقار بۇنى ئۆزىگە ئېلىۋېلىپ ئۇ سۆزنى ئىشلىتىشكە يول قويمىسا، ئۇنداقتا قايسى ئاتالغۇنى ئىشلىتىش لازىم؟  

قوڭاڭ قىسىلامدۇ سېنىڭ .ئۈستىدە شۇنداق ياخشى چۈشەندۈرۈپتۇ .ئەمدى پىت تېرىماي غىت قىسساڭ بولمامدۇ .

مەنمۇ تۇنۇگۈندىن بىرى ئۇيغۇر تېلىنىڭ ئىزاھلىق لۇغىتى، چاغاتاي تىلىنىڭ ئىزاھلىق لۇغىتى قاتارلىق لۇغەتلەرنى كۆرۈپ باقتىم. نەتىجىسى باغداش ئوتتۇرىغا قويغان مەنىسى بىلەن ئوخشاش بولۇپ چىقتى. تېما ئىگىسىنىڭ«سەرخۇش» ئاتالغۇسىنى نېمە ئۈچۈن  ھېلىقىدەك ئاتالغۇ بىلەن باغلاپ ئوتتۇرىغا قويغىنىنىڭ تېگىگە پەقەت يېتەلمىدىم.
مۇشۇ gay سۆزىنىڭ مەنىسىمۇ سەل بۇرمىلىۋىتىلگەنمىكىن دەيمەن. مەنغۇ ئىنگىلىز تىلىنى بىلمەيمەن. لېكىن، لۇغەت ئاختۇرۇشنى ئانچە-مۇنچە بېلىمەن. مەن قاراپ باقسام  gay سۆزىنىڭ [سۈپەت] خۇشال، جۇشقۇن، رەڭگارەك، ھەرخىل دېگەندەك مەنىلىرى بار ئىكەن.

باغداش تور بېكىتىگە ۋە بۇ ئشىقا جىددىي قارىغان باغداش ئىنىمغا رەھمەت! سۆزگە ئىزاھ بەرگەن يۈسۈپ ئىسھاق ئاكىغىمۇ كۆپ رەھمەت!
    خەلقىمىزدە «قۇرۇق سۆز-چۆچەكتىن ساقلىغايلا ئاللاھ» دەپ دۇئا قىلىدىغان بىر ئادەت بار. قۇرۇق سۆز چۆچەك ھەقىقەتەن يامانكەن. مەن ئادەمگە ھاقارەت قىلىنغاننى كۆرگەن؛ ئەمما قىساس ئېلىش ئۈچۈن ماركا قىلىپ ئىشلىتىۋاتقان بىر سۆزگە ئاتايىن شەرمەندە بىر مەنە يۈكلەيدىغان ئشىنى ئەمدى كۆرۈۋاتىمەن. بەزىلەرگە تەنقىد ئېغىر كەپتۇ.
   ئۇنداق بولسا مەن «سەرخۇش» سۆزىنى قانداق قلىپ ماركا قىلىپ تاللاپ قالدىم؟
     مەن شۇ ۋاقىتتا ئېنگلىز تىلىنى ئاسانراق، ئوڭايراق ئۇسۇلدا ئۆگىىندىغان بىر تۈركۈم ئۇسۇللارنى ئۆز ئەمەليىتمدىن خۇلاسىلەپ ئوقۇ-ئوقۇتۇشتا قوللانغان؛ بالىلار ئارىسدا سىناق قىلغان. كېين كىتابىنى ۋە گرامماتىكا قوللانمىسىنى تۈزۈش داۋامىدا ئسىمنى بېكىتىش ئۈچۈن بىر تۈركۈم زىيالىلارغا مەسلىھەت سالغان. بەزىلەر «ئارامى ئېنگلىز تىلى» دەپ قويۇڭ دېدى، يەنە بەزىلەر «راھەت ئېنگلىز تىلى» دەپ قويۇڭ دېدى. كېيىن بىر شېئىردا «سەرخۇش كۈلكە» دېگەن گەپنى كۆرۈپ قالدىم .ئۇنىڭغىچە ئابلەت بەرقى نىچېنىڭ شۇ ناملىق تەرجىمە ئەسىرىنى «سەرخۇش ئىلىم»Gay Science نامىدا «تەڭرىتاغ» ژۇرنىلىدا ئېلان قىلدى(بۇ ماۋزۇ بەچچۋازلىق سۆزى بىلەن يېقىنمۇ كەلمەيدۇ).
        كېيىن قۇمۇللۇق دوستۇم دىلمۇرات مەھمۇدمۇ( لوندون ئۇنۋىېرستىتى ماگستېر ئاپسرانتى، ھازىر كانادادا) بۇ سۆزنى ياقتۇردى ؛ ھەتتا «سەرخۇش ئېنگلىز تىلى»نىڭ 4-قسىمىغا، 3-قسىمىغا دەرسكە كىردى. كېين مەكتەپ ئۈرۈمچىدە كۆلەملشىپ يېزا ئىگىلىك ئۇنىۋېستىتېى، پىداگوكىكا ئۇنىۋېرستېىدا شۆبە سىنپلار ئېچلىدى.
    مەن ئېنگلىز تلىنى ئادەم بوغۇزلىغاندەك تەس ئۇسۇلدا ئۆتىدىغان ئوقۇتقۇچىلاردىن شۇنداق زېرىكەچكە، ئوقۇغۇچىلرىمغا ئاسانراق ئۇسۇلدا، ئازادە كەيپيات ئىچدە دەرس ئۆتۈشنى سىناق قىلىپ ئۈنۈمگە ئېرىشكەن. كېين بۇ ئسىمنى ماركا قىلىپ قوللانغان؛ 2003-يىلى ئاپتونوم رايونلۇق سودا-سانائەت ئىدارىسى بۇ سۆزنى 13 خىل تۈردە تىزىملاپ تەستقىلىغان. دېمەك بۇ سۆز ھازىر ماركىغا ئايلاندى. مەن 2007-يىلى ئوقۇش سەۋەبى بىلەن، ماركىىنىڭ ئىناۋىتنى قوغداش ئۈچۈن، ھەم بۇ نامنى باشقىلارنىڭ بۇلغۋەتمەسلىكى ئۈچۈن پايدىدىن كېچىپ ھەممە ئشىنى توختىتىپ تۇردۇم.
   دېمەك، «سەرخۇش» سۆزىنى قەستەن «بەچچۋازلىق» قا باغلاپ چۈشەندۈرۈش يامان غەرەزلىك ئادەملەنىڭ قىلتىقى بولۇپ ئۇلار بۇ سۆزنى شۇ شەرمەندە سۆزگە باغلاش ئارقىلىق ماڭا ۋە «سەرخۇش» ماركسىغا ھۇجۇم قىلىش؛ ماركىنى سېسېتىشنى مەقسەت قىلغان. ۋاسىتسى قەبىھ. يېقىندا بۇنداق قاملاشمىىغان ئىش «ئىزدىنىش« تورىدىمۇ بوپتۇ. مەن ئىزدىنىش ھەسسىدارلىق شېركىتىنىڭ بۇ ئشىقا جىددىي قارىشىنى، مەسىلىنى ئاددىي ئويلىماسلىقىنى ئۈمىد قىلىمەن. بۇ كېين مەسئۇليىتى سۈرۈشتۈرۈلىدىغان ئىش.نورمال مەنىسدە ئشىلتىلسە چاتىقىم يوق.
   ئەمدى ئىككى گەپ قالدى، بۇ سۆزنى باشقىلار ئشىلەتمسۇن دېمەكچىمەنمۇ؟ ياق، ئۇنداق ئەمەس. ئەسلى مەنىسدە، نورمال مەنىسدە ئشىلتىلسە مېنىڭ گېپىم يوق. ئەمما، قانداقتۇ ئۇنى تىل تەربيىلەش مەركىزىگە، كىتابقا ھۇجۇم قىلىش مەنىسدە سسېتىشقا تىرشسا، ماركىغا ھۇجۇم قىلسا مەن بۇ نىڭ ھېسابىنى ئالىمەن.بۇ ئەمەلىيەتتە ئۆز پۇتىغا ئۆزى پالتا چاپقاندەكلا ئىش.

   «بەزىلەر سەرخۇش نامىدا تىل كۇلۇبلىرىنى تەشكىللىگىلى تۇرۇپتۇ، بەچچۋازلىققا شارائىت يارىتىپ بەرگىلى تۇرۇپتۇ» دېگەن ھاقارەتنى قىلغان «ئاللاھخۇمار»(مەن بۇ يازارمەننىڭ ئسىمىنى ئاتىماي)نىڭ بۇنداق نائەھلىلەرچە قىلمىشنى توختىتىشنى، بۇ ئشىنى ئۇنداق ئاددي چاغلىماسلىقىنى ئۈمىد قىلىمەن.
   پارس تىلىدا ئۇنداق مەنە يوقكەن؛ شۇنداق مەنىسى بولغان تەقىدىردىمۇ بىز ئۇيغۇر بولغاندىكىن ئۇيغۇرلار ئارسىدىكى مەنسىنى ئشىلتىمىز.
   ئاخىرقى گەپ، سۆزىنىڭ ئېنگلىز تىلىدىكى ئەسلى مەنىسى «خۇشال، شادىمان» دېگەن مەنىدە. ئۇنىڭ ئاللاھخۇمار كۆپتۈرۈپ سۆزلەۋاتقان مەنىسى كېيىن پەيدا بولغان سۆز بولۇپ، كۆچمە مەنىسى بولۇپ ھېسابلىنىدۇ. بىز بۇ سۆزنىڭ« شادىمان»، «خۇشاللىق»، «كۆز چاقتىدىغان»، «رەڭگارەڭ» مەنىلىرىدە كېلىدىغان ئشىلتىلىش ئۇسۇلىنى تۆۋەندىكى جۈملىلەردىن كۆرۈپ باقايلى:
بۇ بالا شۇنچلىك خۇشال ئىدى.The kid is as gay as a lark.

دالا رەڭڭگارەڭ گۈللەر بىلەن پۈركەنگەن.The fields were gay with flowers.

بۇ كيىم بەك كۆزنى چاقىدىكەن، بۇ ئايالنىڭ يېشىغا  باققاندا تازا ماس كەلمىگۈدەك.
The dress is too gay for the woman’s age.

ئەنۋەر جاپپار تۈزگەن «ئېنگلىزچە ئۇيغۇرچە ئەمەلىي لۇغەت»(2007-يىل نەشىرى، 292-بەت) تە بۇ سۆزىنىڭ ھەتتا «بەچچىۋاز»غا يېقىن كېلىدىغان مەنسىمۇ بېرلمىگەن. «خۇشال»، «جۇشقۇن»، «رەڭگارەڭ» دېگەن ئۈچ مەنىسىلا بېرىلگەن.

بۇ خۇددى رەخت مەنسىدىكى لاتا سۆزى بىلەن ئادەم تىللايدىغان لاتا سۆزى يېزىلىشى ئوىشاپ قالغاندەك بىر ئىش. يەنە كېلىپ سەرخۇش ئېنگلىز تىلى «Gay English » ئەمەس، «Happy English». كىتابنىڭ تېشىغا قاراڭ.بەچچۋازلىق مەنىسى بىلەن يېقىنمۇ كەلمەيدۇ.

سەرخۇشنى ئەسلى مەنىسدە ئشلەتسەك تامامەن بولىدۇ. ئەمما «ھەمجىنس، بەچچىۋاز« دېگەن بىرسۆز تۇرۇپ ، سەرخۇش  سۆزنى يامىنىغا جوراش ۋە ماركىغا ھۇجۇم قىلىش شۇ ئادەمنىڭ نائەھلى ئىكەنلىكىنى بىلدۈرىدۇ. تورداشلارنىڭ بۇنداق ئويۇنلارغا ۋە ئۇششاق ئادەملەرگە پەرۋا قىلماسلىقىنى ئۈمىد قىلىمەن.

قالدى ئشىلار كېيىن« سەرخۇشلۇقتىن ناخۇشلۇققىچە » دېگەن  يازمامدا يېزىلىدۇ.

ھەممىڭلارغا رەھمەت.

خۇلاسە چىقىرىلىپ بولدى،ئەمدى پۇتاق چىقارغۇچىلار بولدى بەس،يەنە قالايمىقان سۆزلىگەنلەرنى باشقۇرغۇچىلار چەكلىسەڭلا ئاقىللىق بولاتتى.

رۇزى موللىلار ھېلىھەم ھەركەتتە.................. باشقىلارنى كۆرەلمەسلىك، ھەسەتخورلۇق، ئىچى قوتۇرلۇق، يۇقىرىغا ئىنتىلگەنلەرنى بىر ئاماللار بىلەن پۇتلاش بىزگە (قىسمەن قېرىنداشلىرىمىزغا).. ئىلگىرىكى رۇزى موللىلاردىن ئۇدۇم قالغان ئوخشايدۇ....... ئۆزباش ئەپەندىم سەرخۇش ئېنگىلىزتىلى نامىدا (Happy English   )  رايۇنىمىزدا ئازراق باش كۆتۈرۈپ قېلىۋىدى بىر قىسىملارنىڭ ھەسەتخورلۇقى تۇتقىلى تۇرغان ئوخشايدۇ......
لېكىن، ئۆزباش ئەپەندى ئىشەنسۇنكى، ئەلنىڭ كۆزى ئەللىك، باشقىلارنىڭ تۆھمىتى، ئاساسسىز قارا چاپلىشى سەۋەبىدىن ئۆزباش ئەپەندىنىڭ قەلبىمىزدىكى ئوبرازى خۇنۇكلىشىپ قالمايدۇ. ئۆزباش ئەپەندىنىڭ ئوقۇشىنى غەلبىلىك تاماملاپ خەلقىمىزگە ئېسىل سوۋغىلارنى سۇنىشىغا تەشنامىز ھەم ئىشىنىمىز، بۇنداق قىلىش ھەم بىر قىسىم ئىچى قوتۇرلارغا بېرىلگەن ئەڭ چوڭ زەربە ھەم ئۇنتۇلغۇسىز  ساۋاق........ سەرخۇش سۆزىنى Happy دەپ چۈشەنمەي، Gayدەپ چۈشەنگۈچىلەرنىڭ كەلگۈسىدىن ئەنسىرەپ قالدىم..................   

سىز روزى موللا دەپ كىمگە سۈيىقەست قىلىۋاتىسىز؟ كىمگە دارتمىلاۋاتىسىز؟ ھەق گەپ بىلەن مەشھۇرلۇق تاپقان يالقۇن رۇزىنى دارتمىلىغىنىڭىز نىمىسى؟

مەيلى سەن كىم بول سىنىڭ دىگەنلىرىڭ مېنىڭدەك ھېچ قانچە ئوقۇپ كەتمىگەن ئادەمنىڭ كۆزىگىمۇ سىغمىغان يەردە ھېچكىمنىڭ قوللىشىغا ئېرىشەلمەيسەن. شۇنچە ئادەم تەنبىھ بىرىپ تۇرسىمۇ يەنىلا قىسماي زىديەت ئۇرىغىنى چېچىۋاتىسەن  .سەن راستىنلا ئادەم بولۇپ تۆرەلمەپسەن. خەلقىمىز ئۈچۇن شۇنچە ئەجىر سىڭدۈرىۋاتقان كىشىلەرنى ھاقارەتلىگۈدەك سەن قانچىلىك نىمە زادى؟ پەسەندە.......ھەي بولدىلا. ئۆزباش ئەپەندىم بۇنداق داشقال مۇناپىقلارغا چۈشەنچە بىرىمەن دەپ ۋاختىڭىزنى ئىسراپ قىلماي،ياخشى ئۈگۈنۈپ خەلقىمىزنىڭ چوڭ چوڭ ئىشلىرىغا باش قاتتۇرۇشىڭىزنى ئۈمۈت قىلىمەن.....

ئىشلىتىش

بۇ مەزمۇن 17قەۋەتتىكى allahummaدە2012-03-22 21:09يوللىغان يازمىسىغا نەقىل :
سىز روزى موللا دەپ كىمگە سۈيىقەست قىلىۋاتىسىز؟ كىمگە دارتمىلاۋاتىسىز؟ ھەق گەپ بىلەن مەشھۇرلۇق تاپقان يالقۇن رۇزىنى دارتمىلىغىنىڭىز نىمىسى؟

خاتا چۈشىنىپ قالماڭ ........... مەن رۇزى موللىنى بىر كىمگە دارىتمىلىماقچى ئەمەس، پەقەت ئارىمىزدا خۇددى رۇزى موللىغا ئوخشاش باشقىلارنى پۇتلاش، ئۇرا كولاشنى ئۆزىگە كەسىپ قىلغان قېرىنداشلىرىمىزنىڭ مەۋجۈتلىقىنى، بۇ خىل پىسىخىكىسدا مەسىلە بار  كىشلەر بىلەن گەپ تالىشىش، ئۇلارنىڭ باھالىرىغا زىيادە ئىتبار بېرىپ كېتىشنىڭ ئەخمەقلىق ئىكەنلىكىنى ئەسكەرىتمەكچى...... 
ئۆزباش ئەپەندى سەرخۇش ئېنگىلىز تىلى (Happy English )نامىدا، رايۇنىمىز ئېنگىلىز تىلى ئۇقۇتۇشىدا خېلىلا ئۇتۇق قازاندى... بىز بۇنىڭغا كۆز يۇمساق، قوللاشنىڭ ئورنىغا يول تاپقانلارنى پۇتلىساق سىزنىڭچە توغرا بولارمۇ؟؟؟؟ مېنىڭچە سىزمۇ بۇنى بىلمىگىدەك دەرجىدە ئەمەس قېرىندىشىم.. قەستەن زىددىيەت ئۇرىغىنى چاچمايلى......بۇ يەردە يالقۇن رۇزى ئەپەندىم توغرىلىق گەپ بولمايۋاتسا سىز قەستەن ئۇ زاتنى تارتىپ كىرمەكچى بولغىنىڭىز نېمىسى؟؟؟ يالقۇن رۇزىدىكى رۇزى سۆزى بىلەن مەن تىلغا ئالغان رۇزى موللىدىكى رۇزى سۆزى ئوخشاپ قالغىنى ئۈچۈنمۇ؟؟؟ نېمىدىگەن بىمەنە گەپ..........
ئۆزباش ئەپەندىم، يالقۇن رۇزى ئاكىغا ئوخشاش ئەلسۆيەرلىرىمىزنىڭ ئشىلىرىغا ئۇتۇق تىلەيمەن... ھەممىمىزگە خۇشاللىق يار بولغاي...........

ئىشلىتىش

بۇ مەزمۇن 17قەۋەتتىكى allahummaدە2012-03-22 21:09يوللىغان يازمىسىغا نەقىل :
سىز روزى موللا دەپ كىمگە سۈيىقەست قىلىۋاتىسىز؟ كىمگە دارتمىلاۋاتىسىز؟ ھەق گەپ بىلەن مەشھۇرلۇق تاپقان يالقۇن رۇزىنى دارتمىلىغىنىڭىز نىمىسى؟

  سىز ئەمدى  بولدى قىلىڭ! بەس!
  دەسلەپتە، سىز يوللىغان ماقالىنى دادىللىق بىلەن، مەسئۇلىيەتچانلىق بىلەن يازغىنىڭىزدىن بەكمۇ خۇش بولغانىدىم. لېكىن، «ھەمجىنىس، زەيپانى» دەپ ئېلىنىدىغان ئاتالغۇلارنى «سەرخۇش» دەپ توككىدە ئوتتۇرىغا قويۇپ قويغىنىڭىزدىن سەل يىرگەنگەنىدىم. مىللىتىڭىز بىر، دىنىڭىزمۇ بىر بولغان قېرىندىشىڭىزنىڭ شۇنچە يىل جاپادا جۇلالاندۇرغان ماركا ئورنىدىكى ئاتالغۇغا بىپەرۋالىق قىلىپ، ئۇيغۇر ئېدىئولوگىيەسى ئەڭ قوبۇل قىلالمايدىغان «ھەمجىنس» مەنىسىدە ئىزاھلىشىڭىزنى نېمە دەپ چۈشەنمەك مۇمكىن؟! بۇ ئەڭ ئەقەللىي كىشىلىك ھۆرمەت سانىلاتتى ئەمەسمۇ؟! ئەمدى بولغاندا، ئوت يۈرەك شائىرىمىزنىڭ قىساسكارى، قارا يۈز روزى موللا ھەققىدە گەپ بولسا، بۇ گەپنى زورمۇ زور ئەكىلىپ، يالقۇن روزىغا تۇتاشتۇرغىنىڭىز قىززىق! بىلىپ قويۇڭ: ھەممە كىشى دېپىڭىزغا ئۇسسۇل ئويناۋەرمەيدۇ! 
  ئۇيغۇرزادە بىر مىللەتنىڭ سېسىپ كېتىۋاتقان جاراھەتلىك تېنىنى ئوپراتسىيە قىلىپ، ئۆزىنىڭ نام-شەرىپى بىلەن ھېسابلاشماي، لالمىلارنىڭ قاۋاپ، چىدىماسلارچە ھۇجۇم قىلىشىدىن قورقۇپ قالماي، پاكىتلىق دەلىللەر بىلەن تەخىرسىز مەسىلىلەرنى دادىللىق بىلەن ئوتتۇرىغا قويۇۋاتقان ۋىجدانلىق بىر جەمئىيەتشۇناس.
  يالقۇن روزى بولسا، ئۇيغۇر ئەدەبىياتىدىكى نامۇۋاپىق يۈزلىنىشلەرنى رېلىسقا سېلىپ، ئەدەبىيات-سەنئەتچىلەرنى ئويغاق تۇرۇشقا چاقىرىپ، خىلمۇ خىل شىكايەت-غەيۋەتلەرگە پىسەنت قىلماي، ئىزدىنىۋاتقان مەسئۇلىيەتچىل ئوبزورچى ئالىم. 
  ئەمدى سىز قوپۇپ بۇ ئىككىلىسىنى زورمۇ زور باغلاپ «سۇنى لېيىتىپ بېلىق تۇتماقچى»مۇ؟ بۇ ئاقماسمىكىن! بۇ ئىككىلىسىلا بىز ئەڭ كېرەك بولىدىغان كىشىلەر. خۇشامەتچىلىك، تەخسىكەشلىك، كۆچۈرمىچىلىك، يۈزسىزلىك تۇمانلىرى قاپلاپ كەتكەن ئۇيغۇر جەمئىيىتىنى تەنقىد روھى  بىلەن داۋالاش ئېلىپ بېرىۋاتقان بىر يولدىكى، بىر ئۇلۇغ مەقسەتتىكى كىشىلەر.  سىزچە  بۇ ئىككىلىسى بىر-بىرىنى ئېتىراپ قىلىشماسمۇ؟! بىر-بىرىنى چىشلەپ تاتارمۇ؟
  ئۇلار سىزگە ئوخشىمايدۇ، رەزىل  ۋاسىتىلەر بىلەن ئۆچ ئالىدىغانغا!  ئاۋۇ «سەرخۇش» دېگەننىغۇ بىلىپ-بىلمەي ئالغان بولۇڭ، ئەمما، بۇ يەردىكى ئوتقۇيرۇقلۇق قىلىشىڭىز نېرۋامنى ئۆرلىتىپ قويدى!

ئىشلىتىش

بۇ مەزمۇن 17قەۋەتتىكى allahummaدە2012-03-22 21:09يوللىغان يازمىسىغا نەقىل :
سىز روزى موللا دەپ كىمگە سۈيىقەست قىلىۋاتىسىز؟ كىمگە دارتمىلاۋاتىسىز؟ ھەق گەپ بىلەن مەشھۇرلۇق تاپقان يالقۇن رۇزىنى دارتمىلىغىنىڭىز نىمىسى؟

مادا ئېشەكنى زورلاپ توغدۇردىغانلار بارمۇ نېمە،يالقۇن روزىنى چىشلەپ تارتىپ يەنە نىمە ئويۇن ئوينىماقچى،قويۇۋالغان  ئىسمىمىزغا لايىق گەپ قىلايلى....