ئىمپىراتورنىڭ سىرى...
رىۋايەت قىلىنىشىچە، ئىمپىراتور ئىسكەندەر زۇلقەرنەيىننىڭ ئىككى مۈڭگۈزى بار ئىمىش...شۇڭا ئۇ ھەر قېتىم چېچىنى ئالدۇرۇپ بولغاندىن كېيىن، ئۆز سىرىنىڭ پاش بولۇپ قېلىشىدىن ئەنسىرەپ، ساتىراشلارنى ئۆلتۈرەر ئىكەن...كۈنلەرنىڭ بىرىدە ئۇ يەنە چېچىنى ئالدۇرۇپتۇ. بۇ ساتىراش ناھايىتى ئۇستا بولۇپ،ئۇنىڭ چېچىنى چىرايلىق ئېلىپ قويۇپتۇ. پادىشامۇ خۇش بولۇپتۇ ۋە شۇنداق دەپتۇ:
-ئەي، ساتىراش، ھۇنىرىڭ خېلى بولىدىكەن،ئەمما سەن سىرىمنى بىلىپ قالدىڭ، ئەگەر مېنىڭ سىرىمنى ساقلىيالىساڭ، چېچىمنى داۋاملىق سەن
ئالىسەن، ئەگەر باشقىلاررغا تىنىپ قويساڭ، كاللاڭنى قولتۇقىڭغا قىستۇرۇپ قويىمەن!...
-ئەي، ئۇلۇغ شاھىم -دەپتۇ ساتىراش غال-غال تىترەپ تۇرۇپ،- بىر قوشۇق قېنىمدىن كەچكەيلا ، سىرلىرىنى چوقۇم ساقلايمەن.
شۇنداق قىلىپ بۇ ساتىراش پادىشانىڭ چېچىنى داۋاملىق چۇشۇرىدىغان بولۇپتۇ. ئەمما ئۇنىڭ ئاغزى قىچىشىپ، ئۇنى ھېچ ئارامىدا قويماپتۇ...
بۇ سىرنى باشقىلارغا دەي دىسە، كاللىسىنىڭ كېتىشىدىن قورقۇپتۇ...كۇنلەر ئۆتۇپتۇ، بىر كۇنى ئۇ جاڭگالغا چىقىپتۇ، قارىغۇدەك بولسا بىر يەردە بىر قۇدۇق تۇرغۇدەك، ئۇ قۇدۇقتىكى ئۆز سايىسىگە قاراپ:
-ئىسكەندەرنىڭ مۈڭگۈزى باركەن! ئىسكەندەرنىڭ مۇڭگۈزى باركەن!...-دەپ قاتتىق ۋاقىراپتۇ.ھەمدە كۆڭلى ئارام تاپقاندەك بولۇپ قايتىپتۇ.
كۇنلەرنىڭ بىرىدە ئۇ يەنە جاڭگالغا چىقىپ قارىغۇدەك بولسا، قۇدۇق ئىچىدىن قۇمۇش ئۈنۈپ چىقىپتۇ. ئۇ قۇمۇشنى كېسىۋېلىپ، شەھەرگە كىرگىچە، بىر دانە نەي ياساپتۇ ۋە قىن-قىنىغا پاتماي نەينى پۇرۇپتۇ . نەيدىن شۇنداق سادا چىقىپتۇ:
-ئىسكەندەرنىڭ قوش مۈڭگۈزى باركەن!... شۇنداق قىلىپ بۇ خەۋەر بىر دەمدىلا شەھەرگە پۇر كېتىپتۇ...
دەرغەزەپكە كەلگەن پادىشا ئۇنىڭ كاللىسىنى ئالغۇزۇپتۇ...
بۇ رىۋايەتكە باغلاپ تۆۋەندىكىلەرنى دىگۇم كەلدى:
1.سىر ساقلاشنى بىلىڭ.بىزدە كاللاڭ نەدىن كېتىدۇ؟ ئاغزىڭدىن دىگەن ھىكمەت بار.
2.ھە دىسىلا باشقىلارغا سىر بەرمەڭ. كېيىن پۇشايمان يىمەيسىز.
3.سىياسونلارنىڭ سىرىنى بىلىشكە ئالدىرىماڭ. ھەسرەتتە قالمايسىز.
4.دوست سىرىنى ساقلاڭ. دوستلىقىڭىز كۇچۇيىدۇ.
5.دۈشمەن بولسىمۇ سىر ساقلاڭ. ئۇمۇ دوستقا ئايلىنىشى مۈمكىن.
6. تاملاردىمۇ قۇلاق بار...
مەنبە: ئەل.