ئىشلىتىش

بۇ مەزمۇن 21قەۋەتتىكى rehanدە2012-04-27 01:38يوللىغان يازمىسىغا نەقىل :
بارلىق ناخشىلىرىنى  ياقتۇرۇپ ئاڭلايمەن ،،،ناخشىلىرىنىڭ ھەممىسى دىللارغا شەربەت سۇلارنى چاچالايدۇ،،،،،،،،،،
          لېكىن ئاچىمىزنىڭ كەينىدىن يامان گېپىنى قىلغانلارنى ئەمدى زادى كۆرگۈم  يوق .

  توۋۋا   كەينىدىن   يامان   گېپىنى   قىلغانلارمۇ   بارمىكەن  تېخى   ؟   

سودىيە ئاي بەكمۇ ياخشى يېقىملىق ئېيتىدۇ ناخشىنى، ئاللاھ ئاۋازىڭىزغا دەرت بەرمىسۇن سىڭلىم، تېخىمۇ نۇرلۇنۇپ ،چولپان يۇلتۇزدەك نۇر چاچقايسىز.
تېما ئىگىسىگە رەھمەت.

قېرىنداشلار ،بىر -بىرىمىزگە ھەسەت قىلىدىغان ئىشىمىز قاچانمۇ تۈگەر ،سودىيەئاي قۇمۇل خەلق ناخشىلىرىنى ۋايىغا يەتكۈزۈپ ئېيتىۋاتىدۇ ،بىز بۇنىڭدىن پەخىرلەنسەك بولىدۇ.سىزگە يارىمىغان بولسا ،ئۆزىڭىز بىر ۋايىغا يەتكۈزۈپ ئېيتىپاقمامسىز ؟
...........................................................................................................
     ھەسەت قىلىپ -قىلماي مەن ناحشىچى ياكى  مەلۇم ناحشىچىنىڭ  پۇشتىمۇ ئەمەس  . ئەمما مەن بىر ئۇيعۇر بۇلۇش سۇپىتىم بىلەن ،ھەممىمىزنىڭ مەدەنى مىراسلىرىمىزعا  مەسئۇل بۇلۇش مەجبۇريىتىمىز بار دەپ قارايمەن . ئەپەندىن ياكى حانىم مەن سىزگە ئىيتسام ،قۇمۇل حەلق ناحشىلىرى بىزنىڭ مۇقاملىرىمىزعا ئوحشاش حالىعانچە ئوزگەرتىپ -ئوزلەشتۇرىدىعان ، ئۇنى كەلسە كەلمەس سورۇنلاردا ئىشتەي نەعمىسى ئورنىدا ئىيتىپ يۇرىدىعان ،يىڭىلق ياراتتىم دەم ،ئۇدارىنى ،ناحشا مەزمۇنىنى حالىعانچە ئوزگەرتىپ   بۇزىۋىتىدىعان مۇساپىر ناحشىسى ئەمەس . ئۇ قۇمۇل حەلقىنىڭ قان -ياشلىرى بىلەن يۇعۇرۇلعان جانلق تارىح ،حەلقنىڭ ئۇمۇت ئىلتىجالىرىنى ئوزىگە مۇجەسسەم قىلعان  ھاياتلق  مىلودىيىسدى ، شۇڭا ئۇنىڭ ئىيتىلىش ئەسلى ئاھاڭعا سادىق بۇلىشى ، ناحشىنى ئىيتقاندا تىل ئارقا-تىل ئالدى تاۋۇشلار ئوزجايىعا چۇشىشى،ناحشا بۇلدۇقالپ ئىقىپ تۇرعان بۇلاق سۇيىدەك ئويناق -ئەركىن ،مۇڭلۇق چىقىشى  كىرەك . ھەرگىزمۇ ماشىنا يۇۋاتقان تۇربا سۇيىدەك بوعۇلۇپ چىقماسلىقى كىرەك .  كوڭلۇمدىكى گەپنى ئىيتسام ،بۇ سىڭلىمىز قۇمۇل حەلق ناحشىلىرىنى ۋايىعا يەتكۇزۇپ ئىيتىش ئۇچۇن ،ئىسكەندەر سەمەت ،نۇرگۇل ئەيسا ، حالىمەڭ قاتارلق ناحشىچىلىرىمىزدىن  كەمتەرلىك بىلەن ئوگىنىش كىرەك . تارىسى بوشاپ كەتكەن ئىسكىرىپكىدەك  بوعۇق ئاۋاز بىلەن قۇمۇل حەلق ناحشىلىرى ھەرگىزمۇ  ۋايىعا يەتمەيدۇ . (ئىملادىكى توعرا بولمىعان يەرلەر  سىستىمىدىكى ئىش بۇلۇپ ، سىزنىڭ ئاۋال ئىملايىڭىزنى توعرىلاڭ دەپ تەلىم بىر شىڭىزنىڭ ھاجىتى يوق ) 

ئىشلىتىش

بۇ مەزمۇن 22قەۋەتتىكى بەگزاتدە2012-04-27 12:28يوللىغان يازمىسىغا نەقىل :


  توۋۋا   كەينىدىن   يامان   گېپىنى   قىلغانلارمۇ   بارمىكەن  تېخى   ؟   

ۋاي چىقمامتى بۇخەلقنىڭ ھەدە سىڭلىسى يوقمۇدۇ دەيمە ؟ئىشقىپ ئاۋازنى خۇدايىم ئايىماي بېرىپتىكە ئاچىمىزغا !بەك سۈزۈك

فىدا ئەپەندى ياكى خانىم، ئىنكاسىڭىزدىن قارىغاندا  سىز بۇ ناخشىنى مۇنبەردە كۆرۈپ بەك خاپا بولغاندەك قىلىسىز ، ئەگەر ياقتۇرمىغان بولسىڭىز بۇ تېمىنى كۆرمىسىڭىزلا بولمىدىمۇ؟ ھەر كۈنى ئېچىپ ئىنكاسلارنى كۆرۈپ چېچىلىپ ئولتۇرغىچە ،ئۇنىڭ ئۈستىگە  ئىنكاسىڭىزدىكى بەزى گەپلەر پەقەت چەك باسمايدۇ، مەسىلەن سىز نۇرگۈل ئەيسا ، خالىمەڭلەرنىڭ قۇمۇل خەلق ناخشىسى ئېيتقىنىنى قاچان ئاڭلىغان؟ ئۇلار يا قۇمۇللۇق بولمىسا ، توغرا ، ئۇلارمۇ داڭلىق ناخشىچىلار ، لېكىن قۇمۇل خەلق ناخشىسىنى ئۆگىنىشكە توغرا كەلسە  ئۇلار سۇدىيە ئايدىن ئۆگەنسە توغرا بولىدۇ. ئەلقوندى ئەپەندىممۇ بۇ تېمىنى نۇرغۇن كىشىلەرنىڭ تەلىۋى ، ئېھتىياجى ھەم ئۆزى ياقتۇرغانلىقى ئۈچۈن چىقارغان، ھەرگىز باشقىلارنىڭ باھالاپ بېرىشى ئۈچۈن چىقارمىغان ، مەنمۇ بىر سەنئەت ھەۋەسكارى، سۇدىيە ئاينىڭ بارلىق ناخشىلىرىنى ياقتۇرىمەن، قۇمۇل دىيارىدىن چىققان بۇ پەخرىمىزنىڭ داۋاملىق تىرىشىشىنى ،يېقىملىق ، سۈزۈك ئاۋازىنىڭ توختىماي ياڭراپ تۇرىشىنى ئۈمۈد قىلىمەن.

ئىشلىتىش

بۇ مەزمۇن 18قەۋەتتىكى toramدە2012-04-26 21:26يوللىغان يازمىسىغا نەقىل :

ئاتا-ئانا ۋە قېرىنداشلارنىڭ قېشىغا  ئۇلارنى يوقلاپ بارايلى،يەنى قېرىنداشلىقنى ئۈزۈپ قويمايلى -دېمەكچى.

 

 بۇ يىلقى "قومۇلدا نورۇز"دا ئاڭلىغان  ، مەنىسى چوڭقۇر ناخشىكەن،  ئەمما ئاشۇ مىسراسىنى چۈشىنەلمىگەنتىم.رەھمەت سىزگە بىلۋالدىم.

تۈزىتىش بېرىپ قوياي مۇنبەردە قوللانغان نامىم ئەلچوندى ئەمەس ئەلقوندى . 
      ھەرقايسى تورداشلارنىڭ  مۇنازىرىلەشكەندە  ئىنكاسنىڭ ياكى تېمىنىڭ ئۆزىنى مۇنازىرە قىلىشنى ئۈمۈد قىلىمەن .  ھەرگىز تېما ياكى ئىنكاس ئىگىسىنىڭ زىتىغا تىگىدىغان ، ئۇكىشىنىڭ شەخسىيىتىنى سۈرۈشتە قىلىدىغان گەپ سۆزلەر بولۇنمىسۇن . 
     شۇنداق  ھەرقانداق بىر ئىشنىڭ ياخشى يامان ئىككى تەرىپى بولۇشى مۇمكىن  . شۇنىڭغا ئوخشاش بىز  بۇرۇندىن ئاڭلاپ كېلىۋاتقان  مىللى چالغۇلىرىمىز بىلەن  تەڭكەش قىلىپ ئېيتىلىپ كېلىۋاتقان خەلق  ناخشىلىرى  يېڭىچە ئاكورتلاشتۇرۇلۇپ ياۋرۇپا چالغۇلىرى تەڭكەش قىلىنىپ يېڭىچە ئاھاڭدا ئېيتىلىشى بىزنىڭ  كاللىمىزدىكى خەلق ناخشىلىرىغا بولغان  چۈشەنچىمىز ھەم ھېسسي تۇيغىمىزدا زىدىيەت پەيدا بولۇشى مۇقەررەر .  بۇنداق بولغاندىكىن ئەلۋەتتە بۇ زىدىيەت توقۇنىشىدىن ھەرخىل پىكىرلەر مەيدانغا كېلىدۇ .  بىز  شۇپىكىرلىرىمىز  ئارىسىدىن ئورتاقلىقنى تېپىپ چىقىشىمىز كىرەك جۈملىدىن بىزنىڭ مۇشۇ پىكىرلەرنى ئوتتۇرغا قويۇپ مۇنازىلىشىمىزدىكى مەقسەت نىمە شۇنى ئايدىڭلاشتۇرىۋېلىشىمىز كىرەك .  شۇ ئېسىڭىزدە بولسۇنكى  نىشانىمز بىر يولىمىز باشقا ! 

بۇ ناخشىنى دەسلەپ شىنجاڭ تېلېۋىزىيە ئىستانسىسىنىڭ ئۇيۇشتۇرغان مەشرەپ پروگراممىسىدا ئەسقەر رېقىپ ئېيتقان، كېيىن سودىيە ئاي، يوقىرى ئاقيەردىكى ئابلېز، غالىپ ئەرشىدىنلەر ئېيتقان. مەنچە بۇلار ئىچىدە ئاھاڭنى ئەڭ ياخشى ئالغىنى، ئەسلى ئاھاڭنى ساقلاپ قالغىنى يەنىلا سودىيە ئاي، بىر قىسىملىرىمىزغا ياۋروپا چالغۇلىرى بىلەن ئورۇنلىغاچقا ياقمىغان گەپ. مۇزىكىسىنى ئورۇنلاش جەھەتتە ھەممەيلەن ئابلېزنىڭ دوستلار ئەلەم داغەي ناملىق پىلاستىنكىنىسىنى ئاڭلاپ باقساق بولىدۇ. مۇزىكىنى ھەقىقەتەن ياخشى چالغان، تېكىستىمۇ ئۆزگىچە. مەنچە يەنىلا بۇ ناخشىلارغا كەسىپ ئەھلىلىرى باھا بەرگىنى ياخشى.  ئابلېزنىڭ ئورۇنلىغىنىنى ئاڭلاپ بېقىڭلار. http://music.okyan.com/Song_Index.aspx?ID=275
دوستلار ئەلەم دادەي

تەغدىر ئاللاھ سۇبھاناللاھ تاغنى ياراتتىڭ،

تاغ ئۈستىنى قاراڭغۇ دەپ ئاينى ياراتتىڭ.

دوستلار ئەلەم دادەي خانلار ئەلەم دادەي،

  يۈرۈڭ ئۇندا بارمايلىمۇ دوستلار ئەلەم دادەي.

                        ئاتام بىلمەس ئانام بىلمەس مېنىڭ ھالىمنى،

                        ئۈستۈن خۇدا ئىگەم بىلۇر سارغايغىنىمنى.

                       دوستلار ئەلەم دادەي خانلار ئەلەم دادەي،

                       يۈرۈڭ ئۇندا بارمايلىمۇ دوستلار ئەلەم دادەي.



بۇجاھاندا ئۈچ نەرسە بار ئىزلەپ تېپىلماس،

بىرى ئاتا بىرى ئانا بىرى قېرىنداش.

قېرىنداشنى يەرگە سېلىپ تېرىسا ئۈنمەس،

كۆز ياشىمنى دەريا قىلىپ سۇغارسام قانماس.

دوستلار ئەلەم دادەي خانلار ئەلەم دادەي،

 يۈرۈڭ ئۇندا بارمايلىمۇ دوستلار ئەلەم دادەي.

بۇ ناخشىنى ھەقىقىي مۇڭىنى چىقىرىپ ئېيتقىنى يەنىلا سودىيە ئاي. ئاۋازىڭىزغا دەرت كەلمىسۇن، سىز ئىۋىرغولنىڭ ھەقىقىي بۇلبۇلى. نېمىلا دېگەن بىلەن مەخمۇت دادىمىز كىچىكىدىن تارتىپ بىر قوللۇق تەربىيلىگەندە. قومۇل ناخشىلىرىنى يەنىمۇ تونۇنقايسىز.

ئىشلىتىش

بۇ مەزمۇن 3قەۋەتتىكى yuzbexiدە2012-04-26 00:32يوللىغان يازمىسىغا نەقىل :
شۇنچىۋالا ئىسىل پۇراقلىق خەلق ناخشىسىنىڭ بۇنچىۋالا  قوپال ئاكورتلاشتۇرىلىشى شەخسەن ماڭا پەقەتلا ياقمىدى .  خۇددى ياراشمىغان گىرىمدەكلا   .

مۇنبىرمىزدە مۇزىكانت ئۇستازلارمۇ بارمۇ نىمە ؟ شۇنداق بوپ قالسا بىزلەرگىمۇ يىتەكچىلىك قىلىپ قويۇڭ يۈز بېشى ئەپەندىم

   يەڭگىلتەكلىك قىلمايلى قېرىنداشلىرىم! بۇ سۇدىيە ئاي ياكى ئاھاڭ مەسىلىسى ئەمەس، پەقەت ئاكورتىنى ئوخشىمىغان ئىككى كومپوزىتۇر ئىشلىگەن خالاس. ناخشا ۋە ئاھاڭ خەلقنىڭ، ئاساسى مىلودىيە ئۆزگەرتىلمىگەن ئاساستا باشقا باشقا ئادەملەر، ئۆزلىرى ئىشلىگەن ئاكورتلار بىلەن ئېيتقان ناخشا بۇ...
    بۇ ناخشىنىڭ ئەھمىيىتى شۇكى، تىلىنىڭ ئوچۇقلىقى، تۇرمۇشقا يېقىنلىقى، ئاڭلىغان كىشى بىلەن مۇڭداش بولالىغۇدەك ئۆمۈر داستانى يوشۇرۇنغانلىقىدا... ئالدىنقى ئىنكاسىمدا ئېيتقىنىمدەك بۈگۈنكى كۆپ خىل مەدەنىيەت تەسىرى ئاستىدا كۆتۈرۈلۈپ كېتىۋاتقان ئىنساۋىمىزغا ئۆز مۇڭى بىلەن سۇئال قويىدىغان، مەناغا باي ناخشا بۇ!!
    ئەسلەپ باقايلى قېرىنداشلار! پەقەت بۇندىن 20-30يىل ئىلگىرىكى كىشىلىرىمىزنىڭ ئۆم-ئىناقلىق ئاساسىدىكى مەنىۋىي قورۇقچىلىقى بىلەن بۈگۈنكى كۈندىكى مەنىۋىيەتتىن چەتنىگەن ئالدىراشچىلىق ئىچىدە ئۆتىۋاتقان كىشىلىرىمىزنى سېلىشتۇرۇپ باقايلى! ئۇرۇق-تۇققاندارچىلىق، خولۇم-خوشنىدارچىلىق، نەزىر-چىراق، توي-تۆكۈن ئىشلىرىمىزدىكى ئۆزگۈرۈشلەرنى سېلىشتۇرۇپ كۆرەيلى!!!
    تەرەققىي تېپىش پەقەت ئىقتىسادى تۇرمۇشنىڭ ياخشىلىنىشىنىلا كۆزدە تۇتمايدۇ. يەنە ئۇنىڭغا تويۇنغان مەنىۋىيەت بايلىقى بولمىسا، ئۇنداق تەرەققىيات تورمۇزى بۇزۇلغان ھالاكەت پويىزىدىن باشقا نەرسە ئەمەس! ..... http://www.uqur.net/