مورىندا رىيودىن  ( ئامېرىكا )
                   ( مۇھەممەت قۇربان تەرجىمىسى )

     ئۇ تېرورلۇق ۋە گۇمان ھۆكۈمرانلىق قىلىدىغان جەمئىيەتنى بەرپا قىلدى . 30 يىل ھۆكۈمرانلىق قىلىش ۋە  20 يىل ھەربىي سىياسىي ئۆزگىرىش ئارقىلىق ئۇ يەنىلا چوڭقۇر بىكىندى . ئىراقتا ھەر كۈنى قوغدىغۇچى ئەسكەرلەر بىر قانچە پۇقرانىڭ ئىشىكىنى چېكىپ ئاچقاندىن كېيىن ، :  " بۈگۈن كەچتە ئۈيۈڭلەرگە مېھمان كېلىدۇ . " دەپ ئېلان قىلىدۇ . ئۇلار چۆچۈپ كەتكەن شەھەر ئاھالىلىرىنىڭ بىر قانچە مىنۇت ئىچىدە ، چىش چوتكىسى ، ئالماشتۇرىدىغان كېيىم _ كېچەك ئېلىۋېلىشىغا رۇخسەت قىلىدۇ .ئارقىدىنلا ئۇلارنى مەلۇم جايغا ياكى  ئېسىل مېھمانخانىلارغا ئېلىپ كېتىدۇ . قارشىلىق كۆرسىتىش ئۇلار ئۈچۈن ئەخمەقلىق بولىدۇ . چۈنكى كېلىدىغان بۇ مېھمان سادام ھۆسەيىن ئىدى . ئۇنىڭ قىلىۋاتقىنى كىشىلەرنى قايمۇقتۇرۇش ھىيلىسى بولۇپ ، مەقسەت :  يوشۇرۇن ئۆلتۈرۈشنىڭ ئالدىنى ئېلىش ئىدى . پەقەت شۇ كۈنى تۈن پەردىسى قاپلىغاندىلا ، ئىراقنىڭ زۇڭتۇڭى سادام ئاندىن كۆپلىگەن تۇرالغۇ ئۆيلەردىن بىرىنى تاللايدۇ . ئۇ ئىچكى كابىنېت ، ھەربىي ئىشلار مەسلىھەتچىسى شۇنداقلا چەت ئەللىك مېھمانلار بىلەن كۆرۈشكەندىمۇ بۇ قانۇنىيەتكە ئەمەل قىلىدۇ . يەنى ، كۆرۈشۈش ئورنى ۋە باشلاش ۋاقتىنى ئاخىرقى بىر نەچچە سىكونتتىلا بەلگىلەيدۇ . بىر قېتىم ،  سادام بىر ئائىلە كىشىلىرىنى راش مېھمانخانىسىغا ئاپىرىپ قويۇپ ، ئۇلارنىڭ ئۈيىنى ئۈچ ماشىنا ئائىلە سايمانلىرى ۋە گىلەم بىلەن قايتىدىن بېزىدى . ئۇ بۇ ئۆينى ئىئوردانىيە پادىشاھى ھۆسەيىن بىلەن كۆرۈشۈشكە تاللىغان ئىدى .
      بۇ پەقەت ، بۇ ئىستىبىداتنىڭ بۇ دۆلەت ھاۋادىن بومباردىمان قىلىش تەھدىدىگە ئۇچىرىمىغان ۋاقىتتىكى ئۇسۇلى ئىدى . پارس قولتۇغى ئۇرۇشى مەزگىلىدە ئىراقتىن قېچىپ كەتكەن ، سادامنىڭ ئادىتىنى ئۇبدان بىلىدىغان كىشىلەرنىڭ ئېيتىشىغا قارىغاندا ، ئۇنىڭ بىخەتەرلىك تورى ھامان خىزمەتنىڭ ئالدىدا ماڭىدىكەن . ئادەم ۋە ھايۋانلار ئارقىلىق تاماقتا زەھەر بار - يوقلىقىنى تەكشۈرىدىكەن ؛ تاشقى كېسەللەر ئوپراتسىيىسى ئارقىلىق جامائەت ئالدىدىكى ئوبرازىنى ئۆزگەرتىپ تۇرىدىكەن .
       خەت - ئالاقىلاردىكى زەھەردىن ساقلىنىش ئۈچۈن ، ئۇنىڭ كاتىپى ئۇنىڭغا خەت _ ئالاقىلارنىڭ سۈرىتىنىلا كۆرسىتىدىكەن . ئۇ سەپەرگە چىققاندا ئۇزۇن سوزۇلغان " بېنىز "  ماركىلىق پىكاپ ئەتىرىتى ئۇنى قوغداپ ماڭىدىكەن .  ئۇ يولبويى پىكاپتىن - پىكاپقا ئالمىشىپ تۇرىدىكەن . ئۇ بىر قېتىم بىر كۆرۈكنىڭ پۈتۈش مۇراسىمىغا بىر قانچە سائەت كېچىكىپ بارغان . بارغاندىن كېيىن مۇھاپىزەتچىلەر ۋە كېچىنىڭ قاراڭغۇلىقىدىن پايدىلىنىپ ، لىنتا كېسىپ بولۇپلا تىكىۋەتكەن .
       مانا بۇلارنىڭ ھەممىسى سادام ئۈچۈن غالجىر ، توخۇ يۈرەك ، جان ئۈچۈن ھەممىدىن كېچىدىغان بىر ئوبرازنى ياراتتى . لېكىن باشقا جايلاردا ۋەھشىيلىك دەپ قارىلىدىغان قىلمىشلار ئۇنىڭ دۇنياسىدا ئىنتايىن نۇرمال ھېساپلىنىدۇ . دۇنيادىكى ئەڭ قالايماقان دۆلەتتە 30 يىل ھۆكۈمرانلىق قىلىش مابەينىدە ، ئىراقتىكى بۇ ئىستىبىدات ئۆزى ئۈچۈن سانسىزلىغان رەقىبلەرنى پەيدا قىلدى . ئۇ پەرۋىش قىلىپ يىتىلدۈرگەن تېرورلۇق مەدىنىيىتى ، مەركىزى ئاخبارات ئىدارىسى قوللىغان كۈچلەرنىڭ ئۆزىنى ئاغدۇرۇپ تاشلىشىدىن ساقلاپلا قالماي ، بەلكى ئىراقتىكى ھۆكۆمەتكە قارشى گورۇھلارنىڭ ئاغدۇرۇمىچىلىقىنىمۇ بىتجىت قىلىۋەتتى . سادامنىڭ دۇنياسىدا ، ئىراقلىقلار ئۇنىڭ ھاياتى ئۈچۈن ئۆزىنىڭ ھاياتىنى قۇربان قىلىشقىلا بولىدۇ . ئىراقتىن قېچىپ كەتكەن ، شۇنداقلا " تېرورلۇق پادىشاھلىقى" دېگەن كىتابنى يازغۇچى كانان ماكىيا " ئۇ ناھايىتى ئەقىللىق ، ئۇ ئۆزىگە ئوخشاش ئەقىل _ ئىدراكقا تايىنىپ ئىش كۆرىدىغان بىر دۇنيادا ياشىماقتا . بۇ ، سېنى ھېچكىمگە ئىشەنمەس قىلىۋېتىدىغان جەمئىيەت . سەن پەقەت ھەممىدىن گۇمانلىنىش ئارقىلىقلا ھايات كەچۈرىسەن . بۇ سىنىڭ ئائىلەڭدىكىلەرنىمۇ ئۆز ئىچىگە ئالىدۇ ." دەيدۇ .
       سادامنىڭ كەچۈرمىشلىرى ئۇنى بىر قەبىھ ئىستىبىدات قىلىپ چىقتى . ئۇ شۇنداق بىر ئادەم . ئۇ ھاكىمىيەتنى قولغا ئېلىپلا ، پارتىيە يىغىنىدا بەخىرامان تاماكا چېكىپ ئولتارغاچ ئۆزىنىڭ ئەڭ يېقىن مەسلىھەتچىلىرىدىن يىگىرمە ئىككى كىشىنى ئادەم ئېۋەتىپ ئۆلتۈرگۈزىۋەتتى  . غەرىبنىڭ ئاخباراتىغا قارىغاندا ، ئۇ يىغىنلاردا ئۆز كۆز قارىشىغا قارشى پىكىر قىلغان گېنېراللاردىن بىر نەچچە كىشىنى تاپانچىسىنى چىقىرىپلا ئېتىپ تاشلاپ ، يىغىننى يەنە داۋاملاشتۇرىۋەرگەن .  1988 - يىلىدىكى ئۇرۇشتا ، ئۇ كوردلارغا خىمىيىلىك بومبا تاشلاپ ، يۈز مىڭ ئادەمنىڭ ئۈلۈشىنى كەلتۈرۈپ چىقارغان . 
      سادامنىڭ ئاجىز ۋاقىتلىرىمۇ بولغان . 1991 - يىلى 3 - ئاينىڭ 1 - كۈنى ، ئىراقنىڭ تانكا قىسىملىرى كۇۋەيىتتىن چېكىنىپ ، جەنۇپتىكى پورت شەھەر _ باسىراغا قاراپ ماڭدى . تانكىلار بائات باش شتابى يېنىدىكى سادامنىڭ غايەت زور ھەيكىلى ئالدىدا توختىدى . تانكا قىسىملىرىنىڭ بىر ئوفېتسىرى ئاممىغا ئۆز كۆڭلىگە پۈككەن قايناق سۆزلىرىنى قىلىپ بولۇپ ، تانكا زەمبىرىكىدىن ئوق چىقىرىپ سادامنىڭ ھەيكىلىنىڭ باش قىسمىنى پاچاقلىۋەتتى . ئۆكتىچىلەر ئىراقنىڭ بىر قانچە شەھرىنى ئىگەللەپ ، كۆپ دۆلەت قىسىملىرىدىن مەدەت تەلەپ قىلدى . كۆپ دۆلەت قىسىملىرى ئالغا ئىلگىرلەشنى توختاتقاندىن كېيىن ، سادام تېزلىكتە بۇ زېمىنلارنى قايتۇرىۋالدى . ئامېرىكا شىمالدىكى ئۆكتىچى تەشكىلاتلارغا مەدەت بېرىپ ، ھەربىي سىياسىي ئۆزگىرىشنى ئىلگىرى سۈرۈش ستراتېگىيىسى ئۈستىدە ئىزدەندى . لېكىن ، ئىراقلىقلاردىن سادامنى ئاغدۇرىۋېتىشنى كۈتۈش  _  خۇددى قانجىرىغان ئورماندىن بېلىق ئىزدىگەندەك بىر ئىش ئىدى . 
      سادامنىڭ تېروۇرلۇق سىياسىتى ھەممىلا جايغا باب كېلەتتى . ئۇنىڭ ھۆكۈمرانلىقىدىكى ئىراق ئۇزۇندىن بۇيان ، زۇڭتۇڭنىڭ ئىسمىنى ئاتاپ چاقچاق قىلىپ قويسىمۇ ، ئۈلۈم جازاسى بىرىدىغان ھالەتتە ئىدى . پارس قولتۇغى ئۇرۇشى ئاخىرلاشقاندىن كېيىن ، ئۇنىڭ ھۆكۈمرانلىقى تېخىمۇ قاتتىق بولدى . 1992 - -يىلى 7 - ئاينىڭ بىر كۈنى ، ئۇ بۇيرۇق چۈشۈرۈپ ، باغداتتىكى 42 نەپەر سودا سارىيىنىڭ خوجايىنىنى ئېسىپ ئۆلتۈردى ۋە ئۇلارنىڭ جەسىدىنى تېلىفۇن سىمى تۈۋرىكىگە ئېسىپ ، بوينىغا :  خىيانەتچى سودىگەر دېگەن خەت يېزىلغان تاختىنى ئېسىپ قويدى . 1994 - يىلى يازدا ، ئىراق يېڭى قانۇن ئېلان قىلىپ ، ئوغرىلىق جىنايىتى ئۆتكۈزگەنلەرگە تۈنجى قېتىم جىنايەت سادىر قىلغان بولسا ، سول پۇتىنى كېسىپ تاشلاش ، قايتا جىنايەت سادىر قىلغان بولسا ، پېشانىسىگە داغمال بىلەن مۆھۈر بېسىش بەلگىلەندى . بەزى قاچاق ئەسكەرلەرنىڭ قۇلىقىنىڭ بىر قىسمى كېسىپ تاشلاندى . ئۇلارغا ھۆسۈن تۈزەش ئوپراتسىيىسى قىلغانلارمۇ ئوخشاش جازاغا تارتىلدى .
      ھەر قانداق ئادەمگە ئىشەنمەسلىك تۈپەيلىدىن بولسا كېرەك ، سادام ئاز دېگەندە يىگىرمە قېتىملىق سىياسىي ئۆزگىرىشتىن ئامان قالدى . ئۇ قىز _ چوكانلار ۋە پۇل ئارقىلىق جۇمھۇرىيەت قوغدىغۇچى قىسىملىرىنى قولىدا چىڭ تۇتتى . بۇ قىسىمدا ئاز دېگەندە 65 مىڭ ئادەم بولغان . ئۇلارنىڭ كۆپىنچىسى سادامنىڭ كېچىك ۋاقتىدىكىگە ئوخشاش نامرات ئائىلىلەردىن تاللاپ كېلىنگەن . بىر قېتىملىق سىياسىي ئۆزگىرىشتىن كېيىن ، ئۇ 100 دىن ئارتۇق ئوفېتسىرنى قولغا ئېلىپ ئۆلتۈرىۋەتتى . ئۇ دائىم تەكەببۇرلۇق بىلەن :  " ماڭا خائىنلىق قىلىدىغانلارنى مەن ئالدى بىلىۋالىمەن " دەپ پو ئاتاتتى . ئوتتۇرا سەرق مەسەللىرى مۇتەخەسسىسى ۋە سادامنى كۈزەتكۈچى ئاماتىئا بارامنىڭ ئېيتىشىچە ، بىر قېتىم ، ئۇنىڭ بالا ۋاقتىدىكى ئاغىنىسى ئۇنىڭ ئىشخانىسىغا كېلىپ ئۇنى يوقلىماقچى بولغاندا ، بىر كاپتان ئۇنىڭغا سادامنىڭ بار يېرىنى دەپ بەرگەن . سادام بۇ ئاغىنىسىدىن " سەن مېنى قانداق تاپتىڭ ؟ " دەپ سۇرىغان . ئاغىنىسى كاپتاننىڭ دەپ بەرگەنلىكىنى ئېيىتقان . شۇنىڭ بىلەن سادام بۇيرۇق چۈشۈرۈپ ، بۇ كاپتاننى ئاتقۇزىۋەتكەن . 
       ئەمما ، سادامنىڭ ئۆكتىچىلەرنى تازىلاشقا ناھايىتى ئىپى بار ئىدى . پارس قولتۇغى ئۇرۇشى ئاخىرلاشقاندىن كېيىن ، كوردلارنىڭ ئىراقنىڭ شىمالىدا قۇرغان بازىسى قاچقۇنلارنىڭ جەننىتى بولۇپ قالدى . مەركىزى ئاخبارات ئىدارىسى بىر قېتىملىق پائالىيەتتە ئۇلارغا 100 مىليۇن ئامېرىكا دوللىرى ياردەم بېرىپ بىر قانچە ئۆكتىچى گورۇھتىن تەشكىللەنگەن چېچىلاڭغۇ ھۆكۆمەت قۇردى . ئۇلار مۇستەبىت سادامنى ئاغدۇرۇپ ، غەلبىنى قولغا كەلتۈرۈش اقتىنى 1996 -يىلى 7 - ئايدىن كېيىن قالمايدۇ دەپ مۆلچەرلىگەنىدى . لېكىن  بۇنىڭ ئەكسىچە ، ساداممۇ ئۆزىنىڭ بىر مەخپىي ئىتتىپاقىنى قۇردى ، بۇنىڭ ئىچىدە مەركىزى ئاخبارات ئىدارىسى مەدەت بەرگەن كوردلار گورۇھى بار ئىدى . ئۇ بۇ گورۇھنى تازىلىدى ھەم مۇھىم ئاخباراتقا ئىگە بولدى . ئاخىرقى زەربە 1996 -يىلى 8 - ئاينىڭ 31 - كۈنى بېرىلدى . سادام ئاز دېگەندە 30 مىڭ ئەسكەر ئەۋەتىپ ، شىمالدىكى رايۇنغا بېسىپ كېرىپ ، نەچچە يۈز ئادەمنى ئۆلتۈردى ھەم نەچچە مىڭ ئۆكتىچىنى قولغا ئالدى .
      تاشقى دۇنيا سادامنى ئاغدۇرۇشقا يەنى بىر قېتىم ئۇرۇنۇپ كۆردى . ئامېرىكا ئەمەلدارلىرىنىڭ ئىقرار قىلىشىچە ، ئۇنى نىشان قىلىپ ھاۋادىن ھۇجۇم قىلىشنىڭ مۇمكىنچىلىكى يوق ئىدى . بىراق ئۇنىڭ ھاۋادىن قىلىنىدىغان ھۇجۇمغا قانداق ئىنكاس قايتۇرىشىنى بىلگىلى بولاتتى . بارامنىڭ ئېيتىشىچە ، 1991 - يىلى 1 - ئايدا سادام قول ئاستىدىكىلىرى بىلەن بىر مەخپى يەر ئاستى قۇماندانلىق شتابىدا يىغىن ئېچىۋاتقاندا ، كۆپ دۆلەت قىسىملىرى ھۇجۇم باشلىغان . " نېمە ئىش بولدى ؟ " سادام ۋاقىراپ تۇرۇپ سۇرىغان . چۆچۈپ كەتكەن ئوفېتسىر " ئامېرىكىلىقلار بىرىنچى قېتىملىق بومباردىمان قىلىشنى باشلىدى " دەپ جاۋاپ بەرگەندە ، سادام ھېجىيىپ قويۇپ :  " خۇداغا شۈكرى ، مەن تېخى ھەربىي سىياسىي ئۆزگىرىش يۈز بەردىمىكىن دەپتىمەن . "  دېگەن . مانا بۇ ئۇنىڭ ئەڭ چوڭ ئەندىشىسى بولسا كېرەك .

            "ئەدەبىي تەرجىمىلەر" دىن ئېلىندى .
             " باغداش تورى" غا خاس .       

    قەلەم تۇتقۇچى قايسى مەيداندىكى ئادەم بولسا شۇ مەيداندا تۇرۇپ ماقالە يازىدۇ. بۇ ئەلۋەتتە سادامدەك تارىخى شەخىسنى ئۆزى ۋەكىللىك قىلىۋاتقان ئامرىكا تەرەپتە تۇرۇپ كۆزىتىپ يېزىپ چىققان ماقالە.
    سادام ھاكىمىيىتىنى مەيلى مۇستەبىت ياكى ئىنسانى قىرغىنچىلىق جىنايىتى بىلەن ئەيىپلىسۇن، سادام ھاكىمىيىتى ئاغدۇرۇلغاندىن كېيىنكى ئون نەچچە يىل مابەينىدە قىرىلغان، خورلانغان، ماكانسىز قالغان ئېراقلىقلار سادام يوقاتقان ئېراقلىقلاردىن نەچچە ئون ھەسسە كۆپ. بۇ قان بىلەن يۇغۇرۇلغان ئاتالمىش دېموكراتىيە ھەركىتىنى دۇنيا خەلقى ئۇنتۇپ قالمايدۇ، ئەلۋەتتە!
   ئەرەپلەردە <<ياتنىڭ بەرگەن گۆش سۈيىدىن، ئۆزنىڭ بەرگەن مۇشتى ياخشى>> دەيدىغان ماقال-تەمسىلى بولىدىغاندەك قىلىدىغان. ئەپسۇس! بۇ قېتىم ئۇلار ئەجداتلىرىدىن مىراس قالغان شۇ جەۋھەرلەنگەن ئەقىلگە مۇخالىپ ئىش قىلغانغا چۇشلۇق بەدەل تۆلىدى.... http://www.uqur.net

  سادامنىڭ كەچۈرمىشلىرى ئۇنى بىر قەبىھ ئىستىبىدات قىلىپ چىقتى . ئۇ شۇنداق بىر ئادەم . ئۇ ھاكىمىيەتنى قولغا ئېلىپلا ، پارتىيە يىغىنىدا بەخىرامان تاماكا چېكىپ ئولتارغاچ ئۆزىنىڭ ئەڭ يېقىن مەسلىھەتچىلىرىدىن يىگىرمە ئىككى كىشىنى ئادەم ئېۋەتىپ ئۆلتۈرگۈزىۋەتتى  . غەرىبنىڭ ئاخباراتىغا قارىغاندا ، ئۇ يىغىنلاردا ئۆز كۆز قارىشىغا قارشى پىكىر قىلغان گېنېراللاردىن بىر نەچچە كىشىنى تاپانچىسىنى چىقىرىپلا ئېتىپ تاشلاپ ، يىغىننى يەنە داۋاملاشتۇرىۋەرگەن .  1988 - يىلىدىكى ئۇرۇشتا ، ئۇ كوردلارغا خىمىيىلىك بومبا تاشلاپ ، يۈز مىڭ ئادەمنىڭ ئۈلۈشىنى كەلتۈرۈپ چىقارغان
......................................................................................................................................
    قىساسنىڭ سورىقى ،قەرزنىڭ ئىگىسى بۇلىدۇ . سادام ئاللانىڭ جازاسىعا ئۇچۇردى . كۇرۇپ تۇرۇپتۇققىكى بۇ پەقەت ۋاقىت مەسىلىسى .

سادام ھەققىدە ئەتراپلىق چۈشەنچە بەرگىنىڭىزگە كۆپ تەشەككۈر!

ئامرىكىلىقنىڭ قەلىمى ئاستىدىكى سادام دەپ تېما قويۇلسا توغرا بولۇركەن .

سادام توغرىسىدا يېڭى بىلىملەرگە ئىگە قىلغانلىقىڭىزغا رەخمەت

سادام پەقەت بىر پىچكا ،ئۇ ۋە ئۇ قۇرغان ئەرەپ گۈللەندۈرۈش پارتىيىسى ئارەپلەرنى يەنە بىر پەللە مىللەتچىلىك يولىغا ئىتەردى .بۇ ئويۇن تېخى ئوينىلىپ تۈگۈمىدى .لېكىن ئوينىلىپ بولىدىغانغا ئۇزۇن ۋاقىت قالمىدى .
بۇلار پەقەت پەرەز .......

بەلكىم ئىراقتا تىخىمۇ كۆپ سادام ھۆسەيىنلەر مەيدانغا كىلىشى مۇمكىن

  ھەر قانداق ئادەمگە ئىشەنمەسلىك تۈپەيلىدىن بولسا كېرەك ، سادام ئاز دېگەندە يىگىرمە قېتىملىق سىياسىي ئۆزگىرىشتىن ئامان قالدى . ئۇ قىز _ چوكانلار ۋە پۇل ئارقىلىق جۇمھۇرىيەت قوغدىغۇچى قىسىملىرىنى قولىدا چىڭ تۇتتى . بۇ قىسىمدا ئاز دېگەندە 65 مىڭ ئادەم بولغان . ئۇلارنىڭ كۆپىنچىسى سادامنىڭ كېچىك ۋاقتىدىكىگە ئوخشاش نامرات ئائىلىلەردىن تاللاپ كېلىنگەن . بىر قېتىملىق سىياسىي ئۆزگىرىشتىن كېيىن ، ئۇ 100 دىن ئارتۇق ئوفېتسىرنى قولغا ئېلىپ ئۆلتۈرىۋەتتى . ئۇ دائىم تەكەببۇرلۇق بىلەن :  " ماڭا خائىنلىق قىلىدىغانلارنى مەن ئالدى بىلىۋالىمەن " دەپ پو ئاتاتتى . ئوتتۇرا سەرق مەسەللىرى مۇتەخەسسىسى ۋە سادامنى كۈزەتكۈچى ئاماتىئا بارامنىڭ ئېيتىشىچە ، بىر قېتىم ، ئۇنىڭ بالا ۋاقتىدىكى ئاغىنىسى ئۇنىڭ ئىشخانىسىغا كېلىپ ئۇنى يوقلىماقچى بولغاندا ، بىر كاپتان ئۇنىڭغا سادامنىڭ بار يېرىنى دەپ بەرگەن . سادام بۇ ئاغىنىسىدىن " سەن مېنى قانداق تاپتىڭ ؟ " دەپ سۇرىغان . ئاغىنىسى كاپتاننىڭ دەپ بەرگەنلىكىنى ئېيىتقان . شۇنىڭ بىلەن سادام بۇيرۇق چۈشۈرۈپ ، بۇ كاپتاننى ئاتقۇزىۋەتكەن .  
    مەن بولساممۇ   شۇنداق قىلاتتىم .  دوسنىڭ دۈشمەنگە ئايلىنىدىغان ۋاقتىمۇ بولىدۇ ئەمەسمۇ...سەزگۈرلۈككە نېمە يېتىدۇ ...........
                توي بولسا ئۈچ كۈن سۆز، ئۆلۈم بولسا ئۈچ كۈن سۆز  .

ئىشلىتىش

بۇ مەزمۇن 8قەۋەتتىكى rehanدە2012-05-01 15:40يوللىغان يازمىسىغا نەقىل :
  ھەر قانداق ئادەمگە ئىشەنمەسلىك تۈپەيلىدىن بولسا كېرەك ، سادام ئاز دېگەندە يىگىرمە قېتىملىق سىياسىي ئۆزگىرىشتىن ئامان قالدى . ئۇ قىز _ چوكانلار ۋە پۇل ئارقىلىق جۇمھۇرىيەت قوغدىغۇچى قىسىملىرىنى قولىدا چىڭ تۇتتى . بۇ قىسىمدا ئاز دېگەندە 65 مىڭ ئادەم بولغان . ئۇلارنىڭ كۆپىنچىسى سادامنىڭ كېچىك ۋاقتىدىكىگە ئوخشاش نامرات ئائىلىلەردىن تاللاپ كېلىنگەن . بىر قېتىملىق سىياسىي ئۆزگىرىشتىن كېيىن ، ئۇ 100 دىن ئارتۇق ئوفېتسىرنى قولغا ئېلىپ ئۆلتۈرىۋەتتى . ئۇ دائىم تەكەببۇرلۇق بىلەن :  " ماڭا خائىنلىق قىلىدىغانلارنى مەن ئالدى بىلىۋالىمەن " دەپ پو ئاتاتتى . ئوتتۇرا سەرق مەسەللىرى مۇتەخەسسىسى ۋە سادامنى كۈزەتكۈچى ئاماتىئا بارامنىڭ ئېيتىشىچە ، بىر قېتىم ، ئۇنىڭ بالا ۋاقتىدىكى ئاغىنىسى ئۇنىڭ ئىشخانىسىغا كېلىپ ئۇنى يوقلىماقچى بولغاندا ، بىر كاپتان ئۇنىڭغا سادامنىڭ بار يېرىنى دەپ بەرگەن . سادام بۇ ئاغىنىسىدىن " سەن مېنى قانداق تاپتىڭ ؟ " دەپ سۇرىغان . ئاغىنىسى كاپتاننىڭ دەپ بەرگەنلىكىنى ئېيىتقان . شۇنىڭ بىلەن سادام بۇيرۇق چۈشۈرۈپ ، بۇ كاپتاننى ئاتقۇزىۋەتكەن .  
    مەن بولساممۇ   شۇنداق قىلاتتىم .  دوسنىڭ دۈشمەنگە ئايلىنىدىغان ۋاقتىمۇ بولىدۇ ئەمەسمۇ...سەزگۈرلۈككە نېمە يېتىدۇ ...........
                توي بولسا ئۈچ كۈن سۆز، ئۆلۈم بولسا ئۈچ كۈن سۆز  .

قېنى بىلەن قۇرئاننى پۈتۈپ چىققان سادام ھۈسەيىن شۇنداق تەكەببۇر ئادەممىكەنتۇق ؟
سۆزلەرگە دەلىل بولمىسا قىلغاننىڭ ئەھمىيىتى يوق .

بۇ ئامرىقىلىقنىڭ سادامنىڭ سىرلىق دۇنياسىغا ئەرەپلەردىنمۇ چوڭقۇر كىرىپ چىققىنىغا ئىشەنمەيمەن ، لىلا گەپ قىلىدىغان ئاقىل ئەرەپلەرنىڭ سادام ھەققدە يازمىلىرى بولسا تەڭ تەرجىمە قىلسىڭىز بولاتتىكەن .