سۆيگۈ ئالبۇمى
ئۈچىنجى قېتىملىق كۆرۈشۈشتە يىگىت تەمكىنلىك بىلەن قىزغا مۇنداق تەلەپ قويدى:
_ كېلەر قېتىم كۆرۆشكەندە ، ئالبۇمىڭىزنى ئالغاچ كېلەمسىز، بىر –بىرىمىزنىڭ بۇرۇنقى رەسىملىرىمىزنى كۆرۆپ باقايلى .
يىگىتنىڭ بۇ تەلىپى قىزنى تەسىرلەندۈردى. كېينىكى قېتىملىق كۆرۈشۈشكە كەلگەندە ، يىگىتنىڭ ماشىنىسىنىڭ كەيندە بىر نەچچە ئالبۇم تۇراتتى، بۇلارنىڭ ھەممىسى ئۇنىڭ ئۆتمىشىنىڭ خاتىرىسى ئىدى. قىزمۇ يىگىتنىڭ تەلىپىنى يەردە قويماي ، بىر نەچچە ئالبۇمنى ئەكەلگەنىدى.
ئۇلار قەھۋاخانىغا كىرىپ ، بىر – بىرنىڭ ئالبۇملىرىنى كۆرۆشكە باشلىدى. ئۇدۇلدا ئولتۇرغان يىگىتنىڭ بالىلىقىدىن يىگىتلىككىچە بولغان جەريانلىرىنى كۆرۆپ ، قىزنىڭ كۆڭلى ئارامىغا چۈشىتى. يىگىت قىزنىڭ رەسىملىرىنى كۆرۆپ ھەيران بولۇپ سۆزلەپ كەتتى:(پاھ، سۆيۈملۈك پەرىشتىنىڭ ئۆزىغۇ !) (پاھ ! بۇ دەل ياپۇنيدىكى پەرىزات ئۆسمۈر قىزغۇ !) ( رەسىمىڭىزدىن بىر نەچچىنى ماڭا يۇيدۇرۇپ بىرەمسىز؟)
يىگىتنىڭ ئىچ – ئىچىدىن ماختاشلىرىدىن قىز ئۆزىنىڭ ئۆسىلىپ يېتىلىش جەريانىڭ مەنىسىنى قايتىدىن ھېس قىلغاندەك بولدى . قىز ( يىگىتنىڭ نەزىرىدە ساھپجامال ) سانالغانىدى . يىگىتنىڭ سەمىمىي سۆزلىرىدىن قىز ئۆزىنىڭ ئۆسمۈرلۈك دەۋرىدىكى ئۆزىگە بولغان نارازىلىقىنى يوقىتىپ ، ئۆز غورۇرى ھەم قىممىتىنى ھېس قىلدى.
ھاياجانلانغان قىز ئۆگەنگەن ئادىتىنى تاشلىماي ، يەنىلا گۆدەكلىك بىلەن سورىدى :
_ مەن راستىنلا ئاشۇنداق ئوماقما؟
_ راستىنلا بەك ئوماق ، نېمىشقىمۇ ئون يىلنىڭ ئالدىدىلا سىز بىلەن تونوشمىغان بولغىيتىم دەپ بەك پۇشايمان قىلۋاتىمەن!- يىگىت سەل توغتاپ سۆزىنى داۋاملاشتۇردى،_ بىراق مېنىڭ ئالبۇبىمىزنى ئالماشتۇرۇپ كۆرۈشىمىزنى تەلەپ قىلىشىم سىزنىڭ ئۆتمىشىڭىزنى بىلىش ئىدى، ھەر بىر پارچە سۈرەتتكى رەسىم، كۆرۈنۈش ، ئادەم ۋە ئۇلارنىڭ چىراي ئىپادىسدىن سىز ۋە ئائىلىڭىزدىكىلەرنى چۈشەندىم .
قىز بۇ سۆزنى ئاڭلاپ ، بىر كىتاپتىكى بىر جۈملە سۆزنى ئېسىگە ئالدى :( سىزنىڭ ئۆتمىشىڭىزدە بىللە بولالمىدىم ، كەلگۈسىڭىزدە سىز بىلەن بىرگە ھەمدەمدە ئۆتىمەن ) بۇ يىگىتمۇ ئۇنىڭ بىلەن قول تۇتۇشۇپ كېلەچەككە ئاكتىپ قەدەم بېسىش بىلەن بىرگە ، ئۇنىڭ ئۆتمىشىنى تەك ئەسلەپ ، ئۆسۈپ يېتىلىشنىڭ مەنىسىنى يەنە بىر نوقتىدىن كۆرسىتىپ بېرۋاتاتتى.
قىزنىڭ ئۆيىگە ئاپىرىپ قويغىچە ، يىگىت ماشىننىڭ ئارقا ئورۇندىقىدىكى بىر دۆۋە ئالبۇمغا قاراپ ، چوڭقۇر ھېسىيات بىلەن قىزدىن سورىدى:
_ بىر ھارۋا تويلۇق مالغا ئوخشامدىكەن ؟
قىز كۈلىپ قويدى ، ئۇنىڭ كۆڭلى تېخىمۇ خاتىرجەم بولدى . بىر يىلدىن كېين قىز يىگىتنىڭ توي تەكلىپىگە ماقۇل بولۇپ ، بەخىتلىك ئائىلە قۇردى . بىر نەچچە يىلدىن كېين ئىككى پەرزەنىتلىك بولدى، ئۆزىنىڭمۇ مەرتىۋىسى ئۆسۈپ ، ئالىي باشقۇرغۇچى بولدى. بىراق، بۇ مۇۋاپىقيەت ئۇنىڭ ئۈچۈن ھېچقانچە نەرسە ئەمەس . ئۇ بىر نەچچە يىلدىن بېرى ، ئۆزى ئۆمىرىدە قىلغان ئەڭ ياخشى بىر ئىشى ھەر بىر ئالبۇمغا سۈرەتلەرنى كۆڭۆل قويۇپ چاپلاپ چىققانلىقىدا ، دەپ قارايتى.
كەلگۈسىدە بالىلىرى چوڭ بولغاندىن كېينن كۆڭۆلدىكىدەك لايققا ئۇچىراپ قالسا ، ئۇ ئۇلارنىڭمۇ ھەربىر يېشىدىكى ئىزنالاردىن تەڭ ھوزۇر سۈرىشىگە ياردەملەشكەن بولاتتى. ئۇ بالىلىرىغا :( سىلەرنىڭ ئۆتمىشىڭلارنى قەدىرلەشنى خالايدىغان ئادەم سىلەرنى چىن كۆڭلىدىن سۆيىشنى بىلىدىغان ئادەمدۇر) دېدى.