ﺟﻪﻣﺌﯩﻴﻪﺗﻨﯩﯔ ﺋﯘﭼﻘﺎﻧﺪﻩﻙ ﺗﯩﺰ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ، ﺗﻪﺷﯟﯨﻘﺎﺕ ﯞﺍﺳﺘﯩﻠﯩﺮﯨﻨﯩﯔ ﻛﯚﭘﯩﻴﯩﺸﯩﮕﻪ، ﻗﺎﻧﯘﻥ - ﺗﯜﺯﯛﻡ ﻛﯚﺯ ﻗﺎﺭﯨﺸﯩﻨﯩﯔ ﭼﻮﯕﻘﯘﺭﻟﯩﺸﯩﺸﯩﻐﺎ ﺋﻪﮔﯩﺸﯩﭗ ﭘﯘﻗﺮﺍﻻﺭ ﻧﯩﻤﯩﻨﯩﯔ ﺟﯩﻨﺎﻳﻪﺕ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﺸﻜﻪ، ﻗﺎﻧﯘﻥ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺷﻨﻰ ﺑﯩﻠﯩﺸﻜﻪ، ﻗﺎﻧﯘﻥ ﺑﯩﻠﻪﻥ ﺋﻮﻳﻨﯩﺸﯩﭗ ﺟﯩﻨﺎﻳﻪﺕ ﺋﯚﺗﻜﯜﺯﯛﭖ ﻗﺎﺑﺎﮬﻪﺗﻠﯩﻚ ﻗﯩﺴﻤﻪﺗﻠﻪﺭﻧﯩﯔ ﻛﯩﻠﯩﭗ ﭼﯩﻘﯩﺸﯩﻐﺎ ﺑﯩﯟﺍﺳﺘﻪ ﺳﻪﯞﻩﺑﭽﻰ ﺑﻮﻟﯘﭖ ﺋﺎﺗﺎ - ﺋﺎﻧﯩﺴﯩﻨﻰ، ﺋﯘﺭﯗﻕ - ﺗﯘﻗﻘﺎﻧﻠﯩﺮﯨﻨﻰ ﮬﻪﺳﺮﻩﺕ ﺩﯦﯖﯩﺰﯨﻐﺎ ﺋﯩﺘﺘﯩﺮﯨﭗ ﻗﺎﺭﺍﯕﻐﯘ ﺗﯜﺭﻣﯩﮕﻪ ﻳﻮﻝ ﺋﺎﻟﻐﺎﻧﻼﺭﻧﯩﯔ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﯨﺪﯨﻦ ﺋﯩﺒﺮﻩﺕ ﺋﯧﻠﯩﺸﻘﺎ، ﻗﺎﻧﯘﻧﻐﺎ ﺑﻮﻟﻐﺎﻥ ﮬﯚﺭﻣﯩﺘﻰ ﻛﯜﭼﯩﻴﯩﺸﻜﻪ ﯞﻩ ﻗﺎﻧﯘﻥ ﺋﯧﯖﻰ ﻳﯘﻗﯩﺮﻯ ﻛﯚﺗﯜﺭﯛﻟﯜﺷﻜﻪ ﺑﺎﺷﻠﯩﺪﻯ.
ﻟﯧﻜﯩﻦ ﺋﺎﺯ ﺳﺎﻧﺪﯨﻜﻰ ﺑﯩﺮ ﻗﯩﺴﯩﻢ ﺋﯩﻨﺴﺎﻥ ﻗﯧﻠﯩﭙﯩﺪﯨﻦ ﭼﯩﻘﻘﺎﻥ، ﯞﯨﺠﺪﺍﻧﯩﻨﻰ ﻗﯘﺭﺕ ﻳﻪﭖ ﻛﻪﺗﻜﻪﻥ ﮬﺎﻳﯟﺍﻥ ﺗﻪﺑﯩﺌﻪﺗﻠﯩﻚ، ﭘﻪﺳﻜﻪﺵ ﺋﺎﺩﻩﻣﻠﻪﺭ ﺋﯚﺯﯨﻨﯩﯔ ﺳﯩﯖﻠﯩﺴﯩﺪﻩﻙ، ﻗﯩﺰﯨﺪﻩﻙ ﻧﺎﺭﻩﺳﯩﺪﯨﻠﻪﺭﮔﻪ ﻗﺎﺭﺍ ﻗﻮﻟﯩﻨﻰ ﺳﯘﻧﯘﭖ، ﺋﯘﻻﺭﻧﻰ ﺧﺎﻟﯩﻐﺎﻧﭽﻪ ﺋﺎﻳﺎﻍ - ﺋﺎﺳﺘﻰ ﻗﯩﻠﯩﭗ ﺋﯘﻻﺭﻧﯩﯔ ﺳﯜﺗﺘﻪﻙ ﭘﺎﻙ، ﺑﯩﻐﯘﺑﺎﺭ ﻗﻪﻟﺒﯩﺪﻩ ﻗﻮﺭﻗﯘﻧﭽﻠﯘﻕ ﻗﺎﺭﺍ ﺩﺍﻏﻼﺭﻧﻰ ﭘﻪﻳﺪﺍ ﻗﯩﻠﻤﺎﻗﺘﺎ. ﺋﯘﻻﺭﻧﻰ ﺋﺎﺩﻩﻣﺪﻩﻙ ﻳﺎﺷﺎﺵ ﮬﻮﻗﯘﻗﯩﺪﯨﻦ ﻣﻪﮬﺮﯗﻡ ﻗﯩﻠﯩﭗ ﻣﯘﺩﮬﯩﺶ ﻗﺎﺭﺍ ﮬﺎﯕﻼﺭﻏﺎ ﺋﯩﺘﺘﯩﺮﻣﻪﻛﺘﻪ
.
ﻛﯩﭽﯩﻚ ﭼﯧﻐﯩﻤﺪﯨﻦ ﺗﺎﺭﺗﯩﭗ ( ﺷﯩﻨﺠﺎﯓ ﻗﺎﻧﯘﻧﭽﯩﻠﯩﻖ ﮔﯧﺰﯨﺘﻰ ) ﻧﻰ ﺋﻮﻗﯘﺷﻨﻰ ﻗﻪﺗﺌﯩﻲ ﺗﺎﺷﻼﭖ ﻗﻮﻳﻤﺎﻳﺘﺘﯩﻢ. ﺋﯘﻧﯩﯔ ﮬﻪﺭ ﺑﯩﺮ ﺳﺎﻧﯩﺪﯨﻜﻰ ﻗﯩﺰﯨﻘﺎﺭﻟﯩﻖ ﺧﻪﯞﻩﺭﻟﻪﺭ، ﺗﯩﭙﯩﻚ ﺩﯨﻠﻮ ﻣﯩﺴﺎﻟﻠﯩﺮﻯ ﯞﻩ ﺋﯧﭽﯩﻨﯩﺸﻠﯩﻖ ﻗﺎﺗﯩﻠﻠﯩﻖ ﯞﻩﻗﻪﻟﯩﺮﯨﻨﻰ ﻗﯩﺰﯨﻘﯩﭗ ﺋﻮﻗﯘﻳﺘﺘﯩﻢ.
ﮬﺎﺭﺍﻕ ﺋﯩﭽﯩﭗ ﻣﻪﺳﺖ ﺑﻮﻟﻐﺎﻧﺪﯨﻦ ﻛﯩﻴﯩﻦ ﺋﯚﺯﯨﻨﻰ ﺑﺎﺷﻘﯘﺭﺍﻟﻤﺎﻱ ﻛﯩﭽﯩﻜﻜﯩﻨﻪ ﺋﺎﭼﭽﯩﻘﻨﯩﯔ ﻛﻪﻳﻨﯩﮕﻪ ﻛﯩﺮﯨﭗ ﮔﯘﻧﺎﮬﺴﯩﺰ ﺋﺎﺩﻩﻣﻠﻪﺭﻧﯩﯔ ﮬﺎﻳﺎﺕ ﺩﻩﺭﯨﺨﯩﮕﻪ ﭘﺎﻟﺘﺎ ﺋﯘﺭﯗﯞﺍﺗﻘﺎﻥ، ﻛﻮﭼﯩﺪﺍ ﺧﯩﻴﺎﻟﻰ ﻛﯩﺘﯩﭗ ﺑﺎﺭﻏﺎﻥ ﮔﯘﻧﺎﮬﺴﯩﺰ ﺋﺎﺟﯩﺰﻩﻟﻪﺭﻧﯩﯔ ﺋﯩﭙﭙﻪﺕ - ﻧﯘﻣﯘﺳﯩﻐﺎ ﭼﯧﻘﯩﻠﯩﯟﺍﺗﻘﺎﻥ، ﻗﺎﻧﯘﻥ ﭼﻪﻛﻠﯩﮕﻪﻥ ﮬﻪﺭ ﻗﺎﻧﺪﺍﻕ ﺋﯩﺸﻼﺭﻧﻰ ﻗﯩﻠﯩﺸﺘﯩﻦ ﺗﻪﭘﺘﺎﺭﺗﻤﺎﻱ ﺋﺎﺧﯩﺮﯨﺪﺍ ﺟﯩﻨﺎﻳﻪﺕ ﻳﻮﻟﯩﻐﺎ ﻛﯩﺮﯨﭗ ﻗﯧﻠﯩﯟﺍﺗﻘﺎﻥ، ﺋﯚﺯﯨﻨﯩﯔ ﺑﯩﺮ ﻧﻪﭼﭽﻪ ﻳﯩﻞ ﺟﺎﭘﺎ ﺗﺎﺭﺗﯩﭗ ﻗﯘﺭﯗﭖ ﭼﯩﻘﻘﺎﻥ ﺋﺎﺋﯩﻠﯩﺴﯩﻨﻰ ﯞﻩﻳﺮﺍﻥ ﻗﯩﻠﯩﭗ، ﻛﯚﻳﯜﻣﭽﺎﻥ ﺋﺎﺗﺎ - ﺋﺎﻧﯩﺴﯩﻨﯩﯔ، ﻣﯩﮭﺮﯨﺒﺎﻥ ﻗﯧﺮﯨﻨﺪﺍﺷﻠﯩﺮﯨﻨﯩﯔ، ﯞﺍﭘﺎﺩﺍﺭ ﺋﺎﻳﺎﻟﻰ ﯞﻩ ﺳﻪﺑﯩﻲ ﭘﻪﺭﺯﻩﻧﺘﻠﯩﺮﯨﻨﯩﯔ ﻛﯚﺯﯨﺪﯨﻦ ﻗﺎﻥ - ﻳﺎﺵ ﺋﺎﻗﻘﯘﺯﯗﭖ ﺋﯩﻜﻜﻰ ﺋﻮﺗﺘﯘﺭﯨﻐﺎ ﺟﯘﺩﺍﻟﯩﻖ ﺋﯘﺭﯗﻗﯩﻨﻰ ﭼﯧﭽﯩﯟﺍﺗﻘﺎﻥ ﺑﯩﺮ ﻗﯩﺴﯩﻢ ﻧﺎﺋﻪﮬﻠﯩﻠﻪﺭﻧﯩﯔ ﻗﻮﻟﻐﺎ ﺋﯧﻠﯩﻨﯩﭗ ﺗﯜﺭﻣﻪ ﮬﺎﻳﺎﺗﯩﻨﻰ ﺑﯧﺸﯩﺪﯨﻦ ﻛﻪﭼﯜﺭﯛﺵ ﺟﻪﺭﻳﺎﻧﻰ ﺋﻪﻛﺲ ﺋﻪﺗﺘﯜﺭﯛﻟﮕﻪﻥ ﺧﻪﯞﻩﺭﻟﻪﺭ ﻳﯜﺭﻩﻙ ﺑﺎﻏﺮﯨﻤﻨﻰ ﺋﯩﺰﻩﺗﺘﻰ.
ﺋﯘﻻﺭﻧﯩﯔ ﺟﯩﻨﺎﻳﻪﺗﻠﯩﻚ ﮬﺎﻳﺎﺗﯩﻐﺎ ﻟﻪﻧﻪﺕ ﺋﻮﻗﯘﺵ ﺑﯩﻠﻪﻥ ﺑﯩﺮﮔﻪ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﯨﮕﻪ ﯞﻩ ﻳﺎﻣﻐﯘﺭ ﻛﻪﺑﯩﻲ ﺗﯚﻛﯜﻟﮕﻪﻥ ﻛﯚﺯ ﻳﺎﺷﻠﯩﺮﯨﻨﻰ ﺧﯩﻴﺎﻟﻪﻥ ﺗﻪﺳﻪﯞﯞﯗﺭ ﻗﯩﻠﯩﭗ ﺑﯩﺮ ﻗﯩﺴﻤﺎ ﺑﻮﻟﯘﭖ ﻗﺎﻻﺗﺘﯩﻢ - ﺩﻩ، ﺑﯩﺮ ﻧﻪﭼﭽﻪ ﻛﯜﻧﮕﯩﭽﻪ ﺋﯧﻐﯩﺮ ﺧﯩﻴﺎﻟﻼﺭﻏﺎ ﺋﻪﺳﯩﺮ ﺑﻮﻻﺗﺘﯩﻢ.
ﻣﺎﻧﺎ ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﺪﻩ ﺩﻩﯞﺭ ﺗﻪﺭﻩﻗﻘﯩﻴﺎﺗﻰ ﺋﯘﭼﻘﺎﻧﺪﻩﻙ ﻳﯜﻛﺴﯩﻠﯩﭗ ، ﻛﯩﺸﯩﻠﻪﺭﻧﯩﯔ ﻗﺎﻧﯘﻥ - ﺗﯜﺯﯛﻡ ﻛﯚﺯ - ﻗﺎﺭﯨﺸﻰ ﻳﯩﯖﯩﻠﯩﻨﯩﭗ، ﺟﯩﻨﺎﻳﻪﺕ ﺋﯚﺗﻜﯜﺯﯛﺵ ﻧﯩﺴﺒﯩﺘﻰ ﺑﯘﺭﯗﻧﻘﯩﺪﯨﻦ ﺑﯩﺮ ﻗﻪﺩﻩﺭ ﺋﺎﺯﺍﻳﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻳﯩﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺳﺎﺩﯨﺮ ﺑﻮﻟﯘﯞﺍﺗﻘﺎﻥ ﺟﯩﻨﺎﻳﻪﺗﻠﻪﺭﻧﯩﯔ ﺧﺎﺭﺍﻛﺘﯩﺮﻯ ﻛﯩﺸﯩﻨﻰ ﺗﻪﮔﺴﯩﺰ ﺧﯩﻴﺎﻟﻼﺭ ﻗﺎﻳﻨﯩﻤﯩﻐﺎ ﻏﻪﺭﻕ ﻗﯩﻠﻤﺎﻱ ﻗﺎﻟﻤﺎﻳﺪﯗ.
ﺑﯘﺭﯗﻧﻼﺭﺩﺍ ( ﭘﺎﻻﻧﻰ ﺑﺎﺳﻘﯘﻧﭽﯩﻠﯩﻖ ﺟﯩﻨﺎﻳﯩﺘﻰ ﺑﯩﻠﻪﻥ ﻗﻮﻟﻐﺎ ﺋﯧﻠﯩﻨﯩﭙﺘﯘ. ) ﺩﯨﺴﻪ ﭼﻮﻗﯘﻣﻜﻰ، ﺧﯩﻴﺎﻟﯩﻤﯩﺰﻏﺎ ﺋﯘ ﻛﯩﺸﻰ ﻳﺎﺕ ﺑﯩﺮ ﺋﺎﻳﺎﻟﻐﺎ ﺑﺎﺳﻘﯘﻧﭽﯩﻠﯩﻖ ﻗﯩﻠﻐﺎﻥ ﺩﯨﮕﻪﻥ ﻗﺎﺭﺍﺵ ﻛﯩﻠﻪﺗﺘﻰ. ﺑﯘ ﺧﻪﯞﻩﺭ ﺑﯩﺮ ﻧﻪﭼﭽﻪ ﻛﯜﻥ ﻛﯩﺸﯩﻠﻪﺭﻧﯩﯔ ﻗﯩﺰﯨﻖ ﭘﺎﺭﺍﯓ ﺗﯩﻤﯩﺴﯩﻐﺎ ﺋﺎﻳﻠﯩﻨﺎﺗﺘﻰ - ﺩﻩ، ﺑﯩﺮ ﻧﻪﭼﭽﻪ ﻛﯜﻧﺪﯨﻦ ﻛﯩﻴﯩﻦ ﺋﯘ ﭘﺎﺭﺍﯕﻼﺭ ﺋﯚﺯﻟﯩﻜﯩﺪﯨﻦ ﺑﯧﺴﯩﻘﯩﭗ ﻗﺎﻻﺗﺘﻰ.
ﺋﻪﻣﻤﺎ ﻳﯩﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﻛﯩﺸﯩﻠﻪﺭﻧﯩﯔ ﺑﺎﺳﻘﯘﻧﭽﯩﻠﯩﻖ ﺟﯩﻨﺎﻳﯩﺘﯩﻨﯩﯔ ﺧﺎﺭﺍﻛﺘﯩﺮﻯ ﺋﯚﺯﮔﯩﺮﯨﭗ ﻛﻪﺗﺘﻰ. ﻛﯩﺸﯩﻠﻪﺭ ﮬﺎﺯﯨﺮ ﮬﯧﭻ ﺗﻪﭘﺘﺎﺭﺗﻤﺎﺳﺘﯩﻨﻼ ﺋﯚﮔﻪﻱ ﻗﯩﺰﯨﻐﺎ ﮬﻪﺗﺘﺎ ﺋﯚﺯﯨﻨﯩﯔ ﻳﯜﺭﻩﻙ ﭘﺎﺭﯨﺴﯩﻐﺎ - ﺗﯧﺨﻰ ﺋﺎﻏﺰﯨﺪﯨﻦ ﺋﺎﻧﺎ ﺳﯜﺗﻰ ﺗﯧﻤﯩﭗ ﺗﯘﺭﻏﺎﻥ ﭘﻪﺭﯨﺸﺘﯩﺪﻩﻙ ﭘﺎﻙ، ﺋﯘﻣﺎﻕ، ﺳﻪﺑﯩﻲ ﻗﯩﺰﻟﯩﺮﯨﻐﺎ ﯞﻩﮬﺸﯩﻴﻠﻪﺭﭼﻪ ﺑﺎﺳﻘﯘﻧﭽﯩﻠﯩﻖ ﻗﯩﻠﯩﺪﯨﻐﺎﻥ ﺑﻮﻟﯘﭖ ﻛﻪﺗﺘﻰ.
ﺋﯚﺯﯨﻨﯩﯔ ﺗﺎﻏﺪﻩﻙ ﺋﯩﺸﯩﻨﯩﺪﯨﻐﺎﻥ ﻛﯚﻳﯜﻣﭽﺎﻥ ﺩﺍﺩﯨﺴﯩﻨﯩﯔ ﺑﺎﺳﻘﯘﻧﭽﯩﻠﯩﻘﯩﻐﺎ ﺋﯘﭼﺮﯨﻐﺎﻥ ﺑﯩﭽﺎﺭﻩ ﻗﯩﺰﻻﺭ ﺋﯚﺯﻯ ﺋﯘﭼﺮﯨﻐﺎﻥ ﺑﯘ ﭘﻪﺳﻜﻪﺷﻠﯩﻜﻠﻪﺭﻧﻰ ﺑﺎﺷﻘﯩﻼﺭﻏﺎ ﺩﻩﻱ ﺩﯨﺴﻪ ﺋﯚﺯﯨﻨﯩﯔ ﻣﯩﮭﺮﯨﺒﺎﻥ ﺋﺎﻧﯩﺴﯩﻨﻰ، ﺳﻪﺑﯩﻲ ﺋﯩﻨﻰ - ﺳﯩﯖﯩﻠﻠﯩﺮﯨﻨﻰ ﯞﻩ ﺋﺎﺋﯩﻠﯩﺴﯩﻨﯩﯔ ﻛﯩﻴﯩﻨﻜﻰ ﺗﻪﻗﺪﯨﺮﯨﻨﻰ ﺋﻮﻳﻼﭖ ﮬﯧﭽﻜﯩﻤﮕﻪ ﺩﯨﻴﻪﻟﻤﯩﮕﻪﻥ، ﺩﯨﻤﻪﻱ ﺩﯨﺴﻪ، ﺩﺍﺩﯨﺴﯩﻨﯩﯔ ﮬﯧﻠﯩﻘﻰ ﮬﺎﻳﯟﺍﻧﻼﺭﭼﻪ ﻗﯩﻠﯩﻘﻰ ﺗﯧﺨﻰ ﺗﻮﺧﺘﯩﻤﯩﻐﺎﻥ.
ﺋﯩﻨﺴﺎﻥ ﺋﯚﺯﯨﻨﯩﯔ ﺗﻪﭘﻪﻛﻜﯘﺭ ﻗﯩﻠﯩﺶ ﺋﺎﺭﺗﯘﻗﭽﯩﻠﯩﻘﻰ ﺑﯩﻠﻪﻥ ﮬﺎﻳﯟﺍﻧﺪﯨﻦ ﺋﯜﺳﺘﯜﻥ ﺋﯘﺭﯗﻧﺪﺍ ﺗﯘﺭﯨﺪﯗ، ﺋﻪﮔﻪﺭ ﺋﯘ ﺋﯚﺯﯨﻨﯩﯔ ﻳﯜﺭﻩﻙ ﭘﺎﺭﯨﺴﯩﻨﯩﯔ ﻛﯩﻴﯩﻨﻜﻰ ﺗﻪﻗﺪﯨﺮﻯ ﺑﯩﻠﻪﻥ ﻛﺎﺭﻯ ﺑﻮﻟﻤﺎﻳﺪﯨﻐﺎﻥ ﺑﻮﻟﺴﺎ ﺋﯩﻨﯩﻘﻜﻰ، ﺋﯘ ﺗﻪﺑﯩﺌﯩﻲ ﮬﺎﻟﺪﺍ ﮬﺎﻳﯟﺍﻧﺪﯨﻦ ﭘﻪﺭﻗﺴﯩﺰﺩﯗﺭ. ﮬﺎﻳﯟﺍﻧﻤﯘ ﭼﯧﻐﯩﺪﺍ ﺋﯚﺯﯨﻨﯩﯔ ﺑﺎﻟﯩﺴﯩﻨﻰ ﺟﺎﻥ ﺗﯩﻜﯩﭗ ﻗﻮﻏﺪﺍﻳﺪﯗ. ﺋﻪﻣﻤﺎ ﺋﻪﺗﺮﺍﭘﯩﻤﯩﺰﺩﯨﻜﻰ ﺑﯩﺮ ﻗﯩﺴﯩﻢ ﮬﺎﻳﯟﺍﻧﺪﯨﻨﻤﯘ ﻧﺎﭼﺎﺭ ﻗﯩﻠﯩﻘﻠﯩﺮﻯ ﺑﯩﻠﻪﻥ ﺗﺎﻻﻳﻠﯩﻐﺎﻥ ﻳﯜﺭﻩﻛﻠﻪﺭﮔﻪ ﻳﯩﺮﮔﯩﻨﯩﺶ، ﻧﻪﭘﺮﻩﺕ ﯞﻩ ﺋﯚﭼﻤﻪﻧﻠﯩﻚ ﺗﯘﻳﻐﯘﺳﻰ ﺋﺎﺗﺎ ﻗﯩﻠﯩﭗ، ﺟﻪﻣﺌﯩﻴﻪﺗﻨﻰ ﻗﺎﻻﻳﻤﯩﻘﺎﻥ، ﻛﯩﺸﯩﻠﯩﻚ ﺋﻪﺧﻼﻕ ﻗﻮﺭﻏﯩﻨﯩﻨﻰ ﯞﻩﻳﺮﺍﻥ ﻗﯩﻠﯩﭗ ﻳﺎﺷﺎﯞﺍﺗﻘﺎﻥ ﺑﯩﺮ ﻗﯩﺴﯩﻢ ﺋﺎﺩﯨﻤﯩﻲ ﮬﺎﻳﯟﺍﻧﻼﺭﻧﯩﯔ ﻗﯩﻠﯩﻘﻠﯩﺮﯨﻐﺎ ﻧﯩﻤﻪ ﺩﯨﮕﯜﻟﯜﻙ؟
ﺋﺎﺧﯩﺮﯨﺪﺍ ﺋﻪﻗﻠﻰ ﺋﻮﻳﻐﺎﻥ ﺋﺎﺩﻩﻣﻠﻪﺭﮔﻪ ﺩﻩﻳﺪﯨﻐﯩﻨﯩﻢ:
ﺑﯩﺮﺩﻩﻣﻠﯩﻚ ﻧﻪﭘﺴﯩﯖﻼﺭﻧﯩﯔ ﻗﯘﺭﺑﺎﻧﯩﻐﺎ ﺋﺎﻳﻠﯩﻨﯩﭗ ﻛﻪﺗﻜﻪﻥ ﺋﺎﺷﯘ ﺑﯩﭽﺎﺭﯨﻠﻪﺭ ﻣﯩﻨﯩﯔ، ﺋﯘﻧﯩﯔ، ﺳﯩﻠﻪﺭﻧﯩﯔ ﺷﯘﻧﺪﺍﻗﻼ ﮬﻪﻣﻤﯩﻤﯩﺰﻧﯩﯔ ﻛﻪﻟﮕﯜﺳﯩﻤﯩﺰﺩﯗﺭ. ﮬﯧﭻ ﺑﻮﻟﻤﯩﻐﺎﻧﺪﺍ ﺋﯚﻳﯩﻤﯩﺰﺩﻩ ﺳﯩﯖﻠﯩﻤﯩﺰ، ﮬﻪﺩﯨﻤﯩﺰ، ﺋﺎﻳﺎﻟﯩﻤﯩﺰ ﯞﻩ ﺳﻪﺑﯩﻲ ﻗﯩﺰﻟﯩﺮﯨﻤﯩﺰ ﺑﺎﺭﻟﯩﻘﯩﻨﻰ ﺋﯩﺴﯩﻤﯩﺰﺩﯨﻦ ﭼﯩﻘﺎﺭﻣﺎﻳﻠﻰ. ﭼﯜﻧﻜﻰ ﺑﯘ ﺋﯚﺗﻨﻪ ﺋﺎﻟﻪﻡ، ﻛﺎﻟﯩﻨﯩﯔ ﺑﯧﺸﯩﻐﺎ ﻛﻪﻟﮕﻪﻥ ﻛﯜﻥ ﻣﯘﺯﺍﻳﻨﯩﯔ ﺑﯧﺸﯩﻐﺎ ﻛﻪﻟﻤﻪﻳﺪﯗ ﺩﻩﭖ ﻛﯩﻢ ﺋﯧﻴﺘﺎﻻﻳﺪﯗ؟!
[ بۇ يازمىنىhawarدە2011-01-10 19:18قايتا تەھرىرلىدى ]
