دېرىزە
ئەتراپ تولىمۇ تىمتاس .خۇددى قۇم باسقان شەھەرنىڭ ھىلىقى كوچىلىرىدەك ..توپان بالاسى ئەتراپتا لەيلەپ يۇرمەكتە!!!
كارۋان يىراقتىن كۆمۈش رەڭلىك قوڭغۇراقلىرىنى جىرىڭلىتىپ بۇ دەشتى چۆلگە قەدەم باسقاندىن بۇيانقى تۇنجى قېتىم ئادەمزات ئىزىنى بايقىدى ..
غېرىپ ئەمما قاراڭغۇ كەپە، قىيسىق قىياپىتى ۋە ئۇنىڭ ۋەيرانە تۇرقىدىن ئۇنىڭ ئۆي ئىكەنلىكىنى پەرىق ئىتىش قىيىن .ئىشىك ئالدىدىكى يىغلاۋاتقان توغراق بالىسى ۋە يىراقتىكى دەريادا كىر يۇيىۋاتقان ئالتۇن بىلەيزۇكلۇك توغراق ئاتا .ئىسلاشقان بۇلۇتقا قاراپ ئىلتجا قىلىۋاتقان دەريا ۋە چىشى بۆرىلەر ياراتماي يۇرگەن ناتىۋان ئەركەك بۆرىنىڭ رىتىمسىز ھۇۋلىىشى.ئاڭلىساق ئەرلەر كېسلىمىش!!
پىنھان توغراق تۇۋىدىكى ناتىۋان قەبرىگە دەپنە قىلىنغان تاشلاندۇق يىغا!
قەبرە ئالدىدا يىغلاۋاتقان ئىشەك ۋە دۇئاغا قول كۆتۇرگەن ھېلىقى ھاراقكەش!ئەپسۇس.ئۇنىڭ يېنىدا ئۇزۇندىن بۇيان يوقۇتۇپ قويغان ساماۋى كىتابى ۋە تېگى يوق ئېرىقتىن ئاڭلانغان يىلتىز ناخشىسى ...ئىشىك ئالدىدىكى بىچارە سۆگەت ۋە ئۇنىڭ باغرىدىكى لېيىغان بۇلاق! ئىشىكتىكى بالدۇر يىرتىلغان پەردىگە چاپلىشىپ قالغان لەنەت ...
كۆڭلى بىر قىسمى بولغان سەيياھ ئۆيگە كىردى...
تۆردە ئولتۇرغان بىر باغلام پۇل ۋە پەگادىكى ئىپپەتسىز ئەخلاق،بۇلۇڭدىكى ساچقانغا سېلىنغان داستخان ۋە ئۇنىڭدىكى نالە قىلۋاتقان بىر پارچا قارا نان !
تەكچىدىكى بېر تونۇش چىراي ۋە ئۇنىڭ توپا باسقان ھاسىسى ،يىرتىلغان تورۇستىكى چاك كەتكەن ئاسمان ،دىرىزىدە ئۇخلاۋاتقان خائىن شامال ۋە كۆرۈمسىز ھەم قوپال دېرىزە سىرتىدىكى تاشقى پىلانىت...
ئۇ يغلىۋەتتى...بىراق يەنە كۈلدى...
مەن ئۇنى ساراڭمىكىن دەيمەن !!!!