‏‏مىڭ ئوقۇسام ھارمايمەن، سۆيۈپ سۆيۈپ قانمايمەن

maxal20

‏‏مىڭ ئوقۇسام ھارمايمەن، سۆيۈپ سۆيۈپ قانمايمەن

maxal20

ئابدۇرېھىم ئۆتكۈر ئەسەرلىرىدىن ھېكمەتلەر

ئۆستۈردى قوينىدا مېنى شۇ تۇپراق،
ئۆلسەممۇ ماڭا ئۇ بولغۇسى يۇمشاق،
شۇ ۋەتەن ئىشقىدىن ئۇلۇغ نېمە بار؟
سىغمايدۇ كۆڭۈلگە باشقا ئىشتىياق.
.....……………………………
غېرىب دەردىنى غۇربەتتە ئادادىن سورا،
ۋىسال قەدرىنى ئاشىق گادادىن سورا،
ۋەتەنسىز ھاياتتا ،نە،مەنا ،نە،تەم،
بۇنى ئۆز ئېلىدىن جۇدادىن سورا!
................................................
مەجنۇنتال قەددىنى ئىگىپ مۇلايىم.
سۇ بەرگەن ئۆستەڭگە قىلىدۇ تازىم.
سۈت بېرىپ ئۆستۈرگەن ئانا ئالدىدا ،
بۇرچىمىز قانچىلىك ئويلايلى دائىم.
.................................................
ئانا سۈتى ئاقارتقاي دىلىڭنى سېنىڭ ،
مەرىپەت يورۇتقاي يولۇڭنى سېنىڭ .
ۋەتەنگە مۇھەببەت ،كۈچ –ئۈمىد بېرىپ،
پەلەككە يەتكۈزگەي قولۇڭنى سېنىڭ.
...................................................
تاھىرغا ئۆزىنىڭ زۆھراسى ياخشى ،
مەجنۇنغا ھۆردىنمۇ لەيلاسى ياخشى.
مېنىڭ بۇ سۆيگۈگە چاڭقاق دىلىمگە،
ۋەتەن گۈلزارىنىڭ رەناسى ياخشى.

....................................................
بىراۋلار ئەلگە قىلدى جانىنى قۇربان،
بىراۋلار تەر بىلەن گۈللەتتى بوستان.
ئالار قۇش تۈلكىنى ئۈنسىز -تاۋۇشسىز،
قاقاقلار بىر تۇخۇم تۇغقانغا مېكيان.
...................................................
شۆھرەت كەمىرىگە ئۇزاتقىچە قول،
ئوتۇنچى بوۋاينىڭ ئارغامچىسى بول.
تاجىدارلار تاجىنىڭ كۆزى بولغىچە،
كۆكلەم يامغۇرىنىڭ بىر تامچىسى بول.
......................................................
بۇلبۇل ئېيتۇر:گۈلزارىمدىن ئايرىما،
لاچىن ئېيتۇر :قاناتىمدىن قايرىما،
مەن ئېيتۇرمەن: بېلىق سۇسىز نە قىلسۇن،
مېنى خەلقىم قۇچاقىدىن ئايرىما.

maxal20

تىرىكتاپ قاغا-قوزغۇنغا جاھانسازلىق ھاۋا ياخشى ،
سەھەر گۈلشەنىدە بۇلبۇلغا ياقا يىرتىپ ناۋا ياخشى.
كىرەكمەس يالتىراق شۆھرەت بىلەن مەستانە غافىللار .
ۋەتەننىڭ دەردىگە دەرمان جاپاكەش ئاشىنا ياخشى.
تېگىشمەس جەندىنى ئاشىق ياقاسى زەر تاۋار تونغا،
كى دىلبەر ۋەسلىدە سەرسان قەلەندەرگە كۇلا ياخشى.
قەسەم بىللا ،تەمەيىم يوق با ھەيۋەت قەسرى زىننەتتىن ،
پىشانەم تەرىدىن پۈتكەن بى مىننەت بورىيا ياخشى.
مېنىڭ تاجسىز ساياق باشىم ئۆزۈمگە  تاجى دۆلەتتۇر،
ئەركسىز پادىشاھلىقتىن جاھان كەشتى گاداي ياخشى.
نە ھاجەت جەننەتۇل مەئۋا ،ۋەتەننىڭ قوينى بىر جەننەت ،
بېلىق دەريادا ئەركىندۇر ،لاچىنغا كەڭ ساما ياخشى.
مالالەت يەتسىمۇ بەزەن ،دىلىمغا ئۆز دىيارىمدا ،
بوسۇقتىن دالجىماس ئىتتەك ماڭا ئەھدۇ ۋاپا ياخشى.

maxal20

مەن يەنە يوللاۋېرەي ئەمىسە....

ئەبۇ مەنسۇر ئوغلىغا نەسىھەت قىلىپ مۇنداق دەيدۇ:
ئەزىز ئوغلۇم، يالغان سۆزلەپ "مېنىڭ سۆزۈم توغرا" دەپ قەسەم ئىچمە، راست سۆزلىسەڭ راسلىقىغىمۇ قەسەم ئىچمە، سورۇنلاردا دەرىجەڭ ۋە مەرتىۋەڭنى دەستەك قىلىپ، يوقۇرى ئولتۇرۇشنى تەلەپ قىلما. بايلىق دەرىجە مەرتىۋەڭگە مەغرۇر بولما.
   ئوغلۇم قانائەتچان بول، ھەرقانداق كىشىدىن بىرەر نەرسە تاما قىلما. كۆزۈڭنى ئاچ، ئالەمگە ھەقىقەت نەزىرى بىلەن قارا، ئۆتكەنلەردىن ئىبرەت ئال، كىشىلەر بىلەن تالىشپ، تالاش-تارتىش قىلىپ يۈرمە. ئۆچ ئاداۋەت ۋە خۇشامەتتىن تىلىڭنى تارت. بىلىملىك ھۈنەرلىك بولۇشقا دىققەت قىل. ئورۇق-تۇققانلىرىڭنى ئۇنۇتما. دوستلىق بۇرچۇڭنى ئادا قىل، ياخشى سۆزۈڭ، ياخشى خىسلىتىڭ بىلەن خەلىقنىڭ ھۆرمىتىگە سازاۋەر بولۇش ئۈچۈن تىرىش. بۇ نەسىھەتلىرىمنى ئۇنۇتما.

ھېكايەتلەر دېگەن كىتابتىن ئېلىندى.

ھۆكۈمدارلار دەستۇرىدىن ھېكمەتلەر

ئۆز كۈچگە ئاساسلانمىغان ھوقوق ۋە شان شەرەپ ئەڭ بىچارىدۇر.

ھۆكۈمدار خەلق بىلەن ئىناق مۇناسىۋەتتە بولۇشى كېرەك، بولمىسا ئۇ پىشكەنلىككە ئۇچرىغاندا يالغۇز قالىدۇ.

بۇرۇنقى روھى جارائەتنى ياخشىلىق ئارقىلىق ساقايتىمەن دېيىش خۇددى قۇلاقنى ئېتىۋېلىپ قوڭغۇراق ئېتىۋالغاندەكلا ئىش.

ئەركىنلىك ۋە تەرتىپ تارىخنىڭ بوران چاپقۇنلىرىغا ۋە دىيانەت شەپقەتلەرنىڭ ئالدىمىلىرىغا دۇچ كەلسىمۇ بەرىبىر ھۆر خەلىقنىڭ قەلبىدىن ئۇنتۇلۇپ كەتمەيدۇ.

ئۇلۇغۋار ئىش ۋە ئۆزىنى ئۈلگە كۆرسىتىشتىن باشقا ھېچقانداق ئىش ھۆكۈمدارنى تېخىمۇ ھۆرمەتكە ئېرىشتۈرەلمەيدۇ.

maxal20

نادان مىللەتتە مەنىۋى ئىللەت كۆپ بولىدۇ. پۇلغا، مەنسەپكە، خوتۇنغا ھېرىسلىق، خۇراپاتلىققا ئىشىنىش، يۇرتۋازلىق، قەبىلىۋازلىق، ئاچكۆزلۈك، ئۆز غورۇرىنى ساقلىماسلىق، ھەركىم ئۆز كۆمىچىگە چوغ تارتىش، مىللەتنى ئويلىماسلىق. خۇلاسە كالام نادانلىق، نادانلىق ۋە يەنە نادانلىق. مانا بۇلار ئۇزاق يىللىق ئاسارەتنىڭ مىللەت روھىغا باسقان مەرەز تامغىسى.
                                                                              _ ئابدۇرېھىم ئۆتكۈر.

uyghur_biz

ئۆمەر ئىبنى خەتتاپ مۇنداق دەيدۇ:
بىپايان دېڭىز تۆت تۈرلۈك:
ئارزۇ -ھەۋەس بولسا، جىنايەتنىڭ دېڭىزى.
نەپىس بولسا،ئارزۇ نىڭ دېڭىزى.
ئۆلۈم بولسا،ئۇزۇن ئۆمۈرنىڭ دېڭىزى.
قەبرە بولسا،ھەسرەتنىڭ دېڭىزى.
ئابدۇللائىبنى مەسئۇد مۇنداق دەيدۇ:
تۆت خىل قىلمىش بولسا،قەلىپتىكى قاراڭغۇ لۇقتۇر:
زىيادە تويۇنۇپ كېتىش،زالىم بىلەن ھەمراھ بولۇش،
ئۆتكۈزگەن خاتالىقىنى ئۇنتۇپ قېلىش،كۆپ بولۇشىنى تەمە قىلىش.
تۆت تۈرلۈك ئىش بولسا دىلدىكى يورۇقلۇقنىڭ ئىپادىسى :
ئھـتىيات بىلەن تاماق يىيىش ئۆلچىمىنى ساقلاش ،فازىللار بىلەن ئىشەنچىلىك دوسلاردىن بولۇش،
ئۆتكۈزگەن خاتالىقىنى ئەسلەپ يېڭى ئادەم بولۇشنى ئويلاش،ئاز تەمە قىلىش!
پەيغەمبىرىمىز مۇنداق دىگەن :
ئالىملار سۆھبىتىگە يېقىن تۇرۇڭلار،دانالار پىكرىگە قۇلاق سېلىڭلار.
چۈنكى ئاللاھ ھەردائىم ئۆلگەن قەلىپلەرنى ئىلىم نۇرى بىلەن تىرىلدۈ رىدۇ ،
گويا ئۇزاق يامغۇر سۈيى بىلەن،خازان بولغان مايسىلارنى بىخ سۈر گۈز گەنگە ئوخشاش.

uyghur_biz

ھەممە ئىشنىڭ بىر ئاچقۇچى بولىدۇ،جەننەتنىڭ ئاچقۇچى نامراتلارغا ياخشىلق يەتكۆزۆشتە.

uyghur_biz

ھەققانىيەت ئۆچۆن خورلانساقمۇ،جىنايەت ئۆچۆن شان-شەرەپ قازنىشقا رازى بولمايمىز!!