رامزان قوشاقلىرى

ahgul914

رامزان، رامزان،
يېتىپ كەلدى رامزان.
يېتىپ كەلسە رامزان،
قورساق تويار بەك ئاسان.
روزىنىڭ ئۇنى،
خەيرلىك كۈنى.
روزىنىڭ زاكاتىنى،
ئايرىڭ قېنى؟
ئاق توخۇ، ئاپئاق توخۇ،
قونداقتىمۇ؟
بىزگە بېرىدىغان نانلىرى،
ساندۇقتىمۇ؟
ئېيتىپ كەلدۇق رامزان،
توخۇلىدىن،زاۋىدىن.
بىزگە قويغان گۆشناننى،
ئېلىپ بېرىڭ تاۋىدىن.
تۇڭلۇكىدىن قارىسام،
ئاي كۆرۈنەر.
ھەممە ئۆيدىن مۇشۇ ئۆي،
باي كۆرۈنەر.
بەرسىلە پات بەرسىلە،
قوي،قوزا،ئات بەرسىلە؟
ئۆيىڭىزنىڭ كەينىدە،
تاينىڭ ئىزى
ناننى خىللاپ ئېپ چىقىڭ،
باينىڭ قىزى.
ئېيتىپ كەلدۇق رامزان،
بېرىڭ گۈلە، ياڭاقتىن.
ياڭىقىڭىز بولمىسا،
شىرنە قويۇڭ قاپاقتىن.
ئۇلۇغ كۈندە <<رامزان>>دەپ،
كۈلۈشەيلى.
بۇ دوقمۇشتا ھەر كۈنى كەچ،
كۆرۈشەيلى.
تاپقان ياڭاق،گۈلە،قاقنى،
دۆۋىلەيلى.
بىر سىقىمدىن ھەممىمىز تەڭ،
ئۈلۈشەيلى.
بالىلار <<رامزان>>دەپ،
بەك خۇش بولدى.
يېيىش ھەر كۈنلۈكى،
نان، گۆش بولدى.
يوق دېمەي زاكات بېرىڭ،
بۇ رامزان.
گۆش، گۈلە، ناۋات بېرىڭ،
بۇ رامزان.
ئۆيىڭىزنىڭ ئارقىسى
كەڭ يېرىلىڭ، كەڭ يېرىلىڭ.
بىزگە بەرگەن نانلىرى
بەك مەززىلىك،بەك مەززىلىك.
ئاۋۇ ئۆيگە بورا سالدۇق،
ماۋۇ ئۆيگە جەيناماز.
گۈلجەمىلەم تاشلىماستىن،
ئوقۇدى بەش ۋاق ناماز.
ئۇلۇغ كۈن بۇ رامزان،
كۆرۈشەيلى قوش قوللاپ.
بىزگە بەرسەڭ مىسقاللاپ،
خۇدا بېرەر پاتماللاپ.
رامزاندا نېمە يەيمىز،
بوز ئالا قوي، بوز ئالا قوي،
كاللىسىنى ئۆزۈڭ يەپ،
پاچىقىنى بىزگە قوي.
گەپلىرى تۇزلۇق خېنىم،
يۈزلىرى مۇزلۇق خېنىم.

رەتلىگۈچى:جاسارەت قاسىم
(خوتەن ۋىلايەتلىك پېداگوگىكا مەكتىپىدىن)
مەنبە:مىراس ژۇرنىلىدىن

alnazar

بىزنىڭكىگە ئوخشىمايدىكەن ،،،،،،،،،،،،،،،،،،،،

gulpari729

ھەممە نازۇ-نىممەتلەر رامىزاننىڭ بەركىتىدە مانا !!!! ھىچقايسى ۋاقتتا يىمىگەن تاماقلارنى نۇرغۇن ئائېلىلەر مۇشۇ ئۇلۇغ رامىزاندا يەيدۇ!!!!

lawa0998

رامىزان ئېيتىپ كەلدۇق ئىشىكىڭگە
قوچقاردەك ئوغۇل بەرسۇن بۆشۈگۈڭگە

رامىزان ئېيتقان ئىكەن ھەرىرتى ئەلى
ئۇلاردىن بىزگە قاپتۇ بىز ئېيتىلى

تۇنۇكۇڭنىڭ بېشىدىن ئاي كۆرىنەر
ھەممە ئۆيدىن مۇشۇ ئۆي باي كۆرىنەر

رامىزان 10نى كۈنى قەدرى كۈنى
رامىزان زاكاتىنى بېرىڭ قېنى؟

رامىزان ئاللاھمۇ شىرىك رامىزان
خوش موبارەك بولسۇن بۇ رامىزان

lawa0998

رامىزان ئېيتىپ كەلدۇق ئىشىكىڭگە
قوچقاردەك ئوغۇل بەرسۇن بۆشۈگۈڭگە

رامىزان ئېيتقان ئىكەن ھەرىرتى ئەلى
ئۇلاردىن بىزگە قاپتۇ بىز ئېيتىلى

huxruy

روزىنىڭ ئون يەتتىسى قادىر كۈنى ،
             روزىنىڭ زاكاتىنى ئايرىڭ قېنى .

             رامزان ئېيتىپ كەلدۇق مۇغانلىدىن،
             نانلىنى خىللاپ چىقىڭ يوغانلىدىن.

           ئاق توخۇ ئاپپاق توخۇ نان تاتىلا ،
           ئاغىچام نان بېرىپتۇ  خام خاتىلا .

apandim111

رامزان ئاللاھ،شەرى رامزان،
خۇش مۇبارەك كەلدىلەرشۇرامزان.
بۇروزا ئوتتۇز ئىكەن،مېھمان ئىكەن.
روزنى تۇتمىغانلار،ھايۋان ئىكەن.
ئۆيىڭنىڭ ئارقاسىدا تاينىڭ ئىزى،
قوشما ياغلىق بىرىدۇ باينىڭ قىزى.
رامزان ئاللاھ،شەرى رامزان،
خۇش مۇبارەك كەلدىلەرشۇ رامزان.

xirakbowam

بۇ رامىزان قۇشاقلىرىئىختىيارىسىز  مىنىڭ بالىلىق ئەسلىمىلىرىمنى ئويغاتتى .كىچىىگىمدە مەھەللىدىكى بالىلار ھەر رامىزاننىڭ 17-كۈنى مەھەللىنىڭ شەرقىدىكى چوڭ قۇم دوڭگە يىغىلاتتۇق ياشتا چوڭراقلارنىڭ تەشكىللىشى بىلەن 20  30بالا رامىزان قۇشىغىنى توۋلاپ ئۆيمۇ -ئۆي ماڭاتتۇق،ھەر بىر ئائىلىنڭ ئىشىگىگە بارساق ئاتا-ئانىلار ئاساسەن قۇرۇق قول قايتۇرمايتتى  ئاخىرى يىغىلغان نەرسىلەرنى بىر يەرگە تۈكۈپ ياغ ئالغان قاپاقنى كۆيدۈرۈپ ئوت يۇرۇقىنى چورىدەپ يىغىلغان نەرسىلەرنى يىگەچ ھەر خىل ئۇيۇنلارنى ئوينايتتۇق.بەزىدە شۇ جايدىلا ئۇخلاپ قالاتتۇق.شۇ كۈنلەرنى ئويلىسام خۇددى ئۈزۈمنى رىۋايەتلەر دۇنياسىغا كىرىپ قالغاندەك ھىس قىلىمەن ھەي ئالتۇن بالىلىق،