ئۇيغۇر دوپپىسى شامان دىنىنىڭ مەھسۇلاتىمۇ؟

akbar0902

قىلدىغانغا ئىش تاپالمايدىغانلار نىمانداق كۆپ.

elkelem

سۇبھاناللا. نىمىنى تالىشىۋاتىسىلەر؟توۋا (ئوڭ ۋە سول ياقامنى چىشلەپ يەرگە مىڭنى تۈكۈرۋەتتىم ئەمىسە)
كاللىسى دىنى ئاڭنىڭ تەسىرىدە بەك تەقۋالىشىپ كەتكەنلەر تاپقان گەپمۇ ياكى سىياسى سەزگۈرلۈكى ھەددىدىن زىيادە ئېشىپ كېتىپ دوپپىنىڭ تارىخىنى شامان دىنىغا باغلاش ئارقىلىق ئەتە ئۆگۈن دوپپا كەيگەنلەرنىڭ بېشىدىكى دوپپىسىنى سالدۇرۇش تەشۋىقاتى ئۈچۈن ئۇل ۋە ئاساس ھازىرلاشقا تەييارلىنىۋاتقانلارنىڭ تاپقان گېپىمۇ؟ راستىنلا توۋا دېمىسىەم بولمىدى. ئۈچ تۆت يىلنىڭ ئالدىدا مەھەللە مەھەللىلەردە رومال ئارتىشنى دىنى ئەسەبىيلىكنىڭ ئىپادىسى دەپ خىيالىدا  دىنى ئەسەبىيلىكنىڭ نىمىلىكىنى بىلمەيدىغان،خۇداغا دۇئا قىلىپ، كومپارتىينى مەدھىيلەپ ئۆيىدە ئولتۇرغان  روپاش ئاياللارنى يىغىۋىلىپ تەشۋىقات قىلىپ يۈرۈپ مانا ھازىر ئەمدى «سۇمبۇل چاچلارنى پۇلاڭلىتىپ قاغا چاڭگىسىدەك قىلىۋالايلى،باشقىلارغا ھەممە نەرسىمىزنى ئېچىپ دىڭگايتايلى،ئەرلەرگە ھىڭگايتايلى»دېگەن تەشۋىقاتلار چىقىپ بېشىدا رومىلى بارلارنىڭ ئىشىنى بىجىرمەيدىغان تۈزۈملەر چىقتى. بارا-بارا دوپپا دېگەن شامان دىنىنىڭ قالدۇقى كەيمىسەكمۇ بولىدۇ، ئەرلەر مەدەنى يۈرەيلى، دوپپا كىيگەنلەرنىڭ ئىشى بىجىرىلمەيدۇ دەيدىغان تەشۋىقات تاختايلىرى ئېسىلىپ قالارمىكىن دەپ ئەنسىرەيدىغان بولۇپ قالدىم. ئىڭىكىمگە چىققان تۈككە ماۋۇ مىنبىڭ خوجاملار  تېخى دىنى ئەسەبىيلىك دەپ نام بەرسە،بېشىمغاكەيگەن دوپپامغا تەقۋادار دىيانەتلىك ئادەملەرنىڭ تەقۋالىقى ئېشىپ كېتىپ شامان دىنىنىڭ قالدۇقى دەپ نام بەرسە، ئەرەپلەردەك لاتا ئارتسام ئەر كىشى تۇرۇپ خوتۇن كىشىدەك لاتا ئارتىۋاپتۇ دېسە شەپكە كېيسەم ئورۇسنىڭ ،شىلەپە كەيسەم غەرپنىڭ دىىيىلسە، زادى قانداق كىيىنسەم بولار؟
ماۋۇ رومال ۋە ساقالغا چىققان پەتىۋالار ئاز كەلگەندەك ئەمدى  شۇنداق تەقۋادارلار چىقىپ ئىسلام دىنىدا خۇدا بىر تاقنى ياخشى كۆرىدۇ دېگەن ھەدىس بار، ماۋۇ كىيىۋالغان ئىشتىنىمىز ئىككى پاچاقلىق دەرھال بىر پاچاقلىق ئىشتان كىيش كىرەك دەپ تۇرىۋالمىسا بولاتتى دەپمۇ ئەنسىرەيمەن. بارغانسىرى بەك ئەنسىرەيدىغان بولۇپ قالدىم.
پەرۋەردىگارىم بىزگە ھەقنى چۈشەندۈرەلەيدىغان ۋە ھەقتە چىڭ تۇرالايدىغان كەلگۈسىنى كۆرەلەيدىغان تەقۋادار كىشىلەرنى باش قىلغىنكى، كاللىسى مەدەنىيەت ئىنقىلاۋىدا قالغان موللىلاردىن يىراق قىلغىن.ئۇلارنى بالدۇرراق جەھەننەمگە ئۇزاتقىنكى، بىزنىمۇ، ئۆزىنىمۇ قىيناپ يۈرمىسۇن.

begir

بۇرناكۈن قىزىمغا دوپپا ئېلىپ بەرگىلى خەلقارا چوڭ بازارغا (كورلىدىكى) كىرىپ بەك ئىزدەپ كەتتىم . ئاخىرى مىڭ تەسلىكتە بىر تال دوپپىنى سېتىۋېلىپ تۇرۇپلا ئۆزۈمگىمۇ بىرنى ئالغۇم كەلدى . شۇنىڭ بىلەن قىزىم ئىككىمىز خوشال ھالەتتە بېشىمىزدا دوپپا ھالىتىدە چوڭ بازاردىن ئايرىلدۇق .
ئىدارىنىڭ ئالدىدا ئولتۇرسام ئىدارە سېكرىتارى بۇرۇنقىدەك يېقىملىق تۇيغۇدا بولالمىدى ماڭا قاراپ ...
مەزكۈر تېمىنى يوللاشنىڭ قىلچە ئەھمىيىتى يوق دەپ ھېساپلايمەن .

budunya

مېنىڭچىمۇ بۇتېمىنىڭ قىلچە ئەھمىيىتى يوق ............

birlik

ئاجايىپ ئەقىللىق ئادەملەر تاپىدۇ مۇشۇنداق گەپلەرنى :
ئۇنداقتا بىرلىكتە باشلايلى پىتنە-پاساتنى.

دوپپا-شامان دىنىدىن قالغان.
نورۇز-پارىس ئاتەش پەرەسلەردىن قالغان.
قۇرئان-جاھىلىيەت ئەرەپلىرىنىڭ شئرلىرىدىن قوراشتۇرۇلغان.
ئۇيغۇر-موڭغۇل بىلەن خەنسۇنىڭ بالىسدۇر.
ئابدۇرىھىم ئۆتكۇر-قۇمۇللۇق خەنسۇنىڭ ئوغلى.
ئابدۇشۇكۇر مۇھەممەد ئىمىن-تاتار بىلەن ئۆز بەكنىڭ ئوغلى
ئەركىن سىدىق-دۇنياۋى جاسۇس.
فەتھۇللا گۈلەن-كۇرت بىلەن يەھۇدى.
خۇجىنتاۋ-خۇ فامىلىلىك ئۇيغۇرلارنىڭ ئەۋلادى.
ئۇيغۇر تىلى-1000يىل بۇرۇنلا تۇگىگەن،ھازىرقىسى ئەبجەش تىل بولۇپ،بىرمۇ ساپ ئۇيغۇر يوق.

birlik

مۇشۇنداق مىللى بىرلىك ،مىللى قىممەت قاراشلارغا ھۇجۇم قىلىدىغان ،پارچىلايدىغان ،كىشلەردە مىللى قىممەت قاراشلارنىڭ يىمىرىلىشگە سەۋەب بولىدىغان تىمىلارنى يوللىغان يازغۇچىغا ۋە ئۇنى تەستىقلاپ تەشۋىق قىلغان تور بىكەت قۇرغۇچىغا ئۇزۇلمەس مەدھىيەلەر بولسۇن!

ھەممە ئادەم ھەق بىلەن ناھەقنى ئايرىش ئىقتىدارىغا ئىگە ئەمەس.بەلكىم سلەرنىڭ بۇيۇك مەقسىدىڭلار باردۇ،ئەمما خەلقىمىز سلەرنى مەقسىدڭلارغا يەتكۇزمەيدۇ.لىكىن سلەر بىزنى بىر مەھەل قايمۇقتۇرىدىغان ،بىر-بىرىگە ئشەنمەيدىغان قىلىدىغان مەقسەتكە يېتىسلەر!

tuprak01

بۇ مەزمۇن 13قەۋەتتىكى kvzatkvqiدە2012-08-24 22:56يوللىغان يازمىسىغا نەقىل :
شاماننىڭ مەھسۇلاتى بولسا نىمە بۇپتۇ؟ئەجداتلىرىمىز ھېچيەرگە تاقاشتۇرماي كىيىپ كەلگەن،ھارام بولغان بولسا ھازىرغىچە تۇرامتى،ئەمدى بۇمۇ ھارام  بولمىسۇن.  ئىلمى بۇلايلى،  

ھازىرغىچە تۇرغان -تۇرمىغىنى ھالال ھاراملىققا دەلىلى بولاممايدۇ.
ھازىر غىچە تۇرغانلار ھارام ھېساپلانمىسا ھاراققا نىمە دەيسىز قىمارغا نىمە دەيسىز.ئەجەبا .ئۇلار ھالالمۇ؟
يەنە بىر گەپ ،بىر .مۇتلەق كۆپ قىسىم كىشىلەرنىڭ داۋاملاشتۇرۇپ كەلگەنلىكى ئۇ ئىشنىڭ توغرىلىقىنى چۈشەندۇرمەيدۇ.
(مەن دوپپا كەيسە بولىدۇ ياكى بولمايدۇدىمىدىم جۇما؟!مەن پەقەت ئىنكاسقا قارىتا ئىنكاس يازدىم)

mamat.habiybul

بۇ مەزمۇن 27قەۋەتتىكى budunyaدە2012-08-25 12:05يوللىغان يازمىسىغا نەقىل :
مېنىڭچىمۇ بۇتېمىنىڭ قىلچە ئەھمىيىتى يوق ............  

قوللايمەن  !  بۇ تېما قان بېسىمىمنى ئۆرلىتىۋەتتى  ،غۇجۇرۇمنى كەلتۇرۇپ  ،بۇ مۇنبەردە ۋالاقلاپ ئولتۇرۇشنىڭمۇ ئەھمىيىتى قالمىغىلى تۇردى .