قولاي تىزىملىك
كۆرۈش: 2444|ئىنكاس: 8

قەيسى غوجام قەبرىسىنى يۆتكەش ۋە دەپنە قىلىش جەريانى

[ئۇلانما كۆچۈرۈش]

12

تېما

1

دوست

1 تۈمەن

جۇغلانما

پاكلىق ئەلچىسى

ئۆسۈش   3.57%

ئەزا ئۇچۇرى
تىزىم نۇمۇرى:  2680
يازما سانى: 563
نادىر تېمىسى: 0
مۇنبەر پۇلى: 2025
تۆھپە : 2143
توردىكى ۋاقتى: 473
سائەت
ئاخىرقى: 2015-4-13
يوللىغان ۋاقتى 2012-10-14 23:29:44 |ھەممە قەۋەتنى كۆرۈش
قەيسى غوجام قەبرىسىنى يۆتكەش ۋە دەپنە قىلىش جەريانى
    شىڭشىڭشىيادا ئەسلىدە بىر ئەۋلىيانىڭ قەبرىسى بار بولۇپ ، بۇ قۇرلۇش ئەرەبچە تۈسكە ئىگە ئىدى . قەبرىنىڭ ئىشىكى ئالدىدا توغرىسىغا "ئەرەبتىن كەلگەن ئەۋلىيا قەيسى غوجامنىڭ قەبرىسى "  دىگەن خەت يېزىلغان بىر تاختاي بار . قەبرە تاملىرىغا ئەرەب يېزىقىدا يېزىلغان بېغىشلىمىلار ئېسىلغان . قەبرە ئوتتۇرسىغا مەرھۇمنىڭ جەسىتى قويۇلغان بولۇپ ، نەچچە ئون قەۋەت ئاق يوپۇق يېپىلغان . بۇلارنى يولۇچىلار  ئېھتىرام بىلەن تەغدىم قىلغان . مانا  بۇ ، داڭلىق قەيسى غوجامنىڭ قەبرىسى ئىدى . ئېيتىشلارغا قارىغاندا قەيسى غوجام  تاڭ سۇلالىسىنىڭ جىنگۈەن يىللىرىدا جۇڭگوغا كىلىپ ئىسلام دىنى تارقانتان ئۈچ ئەرەبلىكنىڭ بىرى بولۇپ ، شڭشڭشىياغا يېتىپ كەلگەندە كېسەل بولۇپ قېلىپ ئالەمدىن ئۆتكەنىكەن . كېيىن بەزى مۇسۇلمانلار ئۇنى شۇ جايىدا دەپنە قىلغانىدى . 1939-يىلى يازدا ، شىنجاڭ ئۆلكىسىنىڭ شڭشڭشىيادا تۇرۇشلۇق چېگرا دادۈيى گازارما ياسىغاندا خىش كەمچىل بولغانلىقتىن ، يېقىن ئەتراپتا تۇرغان قەيسى غوجامنىڭ قەبرىسىنى چېقىپ ، ئۇنىڭ خىشلىرى بىلەن گازارما ياسىغان قە برىدىكى تاختاينى ئوتۇن قىلىپ قالىغان ، قەيسى غوجامنىڭ جەسەت ئۇستىخانلىرى تاغ جىلغىسىغا تاشلانغان ، بۇنى كۆرگەن  شۇ يەردىكى مۇسۇلمانلار غەزەپلەنگەن بولسىمۇ ، بىر نەرسە دېيەلمىگەن . بەختكە يارىشا شۇ چاغدىكى شىڭشىڭشىيادا ئىشىلەيدىغان ياڭماۋچۈن ئىسىملىك بىر خۇيزۇ ساقچى ، ھەسەن ئىسىملىك ئۇيغۇر بىلەن ئالاقىلىشىپ ، يوشۇرۇن ھالدا قەيسى غوجامنىڭ جەسىتىنى تاغ ئىچىگە دەپنە قىلىپ قويغان.
    1945-يىلى 3- ئايدا قۇمۇلدىكى مۇسۇلمانلاردىن سەيجەنگو ، شۈيىچۇلار قەيسى غوجامنىڭ قەبرىسىنى يېڭىباشتىن ياساپ قويماقچى بولدى . ئۇلار ئالدى بىلەن ھەر قايسى چوڭ ئاخۇنلارنىڭ ماقۇللىقىنى ئالدى . ئاندىن كېيىن ھۆكۈمەتتىن يوليورۇق سورىدى ،29-جىتۈەن جۈننىڭ باش قوماندانى لىي شىيجۈن، ۋالىي زىڭ يۇڭفۇ، ھاكىم سەي رۇيزولار خلقنىڭ كۆڭلىنى ئۆزىگە مايىل قىلىش ئۈچۈن قوللايدىغانلىقىنى بىلدۈرۈپ ، قەيسى غوجامنىڭ جەسىتىنى قۇمۇلغا يۆتكەپ كېلىپ چارباغدا دەپتە قىلىشنى قارار قىلدى . قەيسى غوجامنىڭ يەرلىكىنى قۇمۇل ۋاڭىنىڭ تۇغقانلىرى ئىئانە قىلغان بولۇپ ، مەيدانى ئىككى مودىن كۆپرەك ئىدى . يۆتكەپ كېلىپ دەپنە قىلىشنىڭ كونكرېت ئىشلىرىنى سەيجەنگو ، ماجۈنجېلار ئۆز ئۈستىگە ئالىدۇ.بۇخەۋەر تارقىلىىپ پۈتۈن قومۇلنى زىلزىلىگە كەلتۈرۋەتتى سەيجەنگو ماجۈنجىلار ھەر ساھەدىن قەيسى غوجامنىڭ جەسىتىنى يۆتكەپ كىلىپ دەپنە قىلىش خىراجىتى يىغدى . ئامما بەس-بەس بىلەن بۇ ئىشقا ئاتلىنىپ ئىئانە قىلىشتى.ئۈچ ئاي ۋاقىت تەييارلىق قىلىش ئارقىلىق ھەممە تەييارلىق پۈتتى .
   1945-يىلى 6- ئاينىڭ29- كۈنى ، نامان قازى ئاخۇنۇم ، مۆتىۋەر ۋە ئاخۇنلاردىن بولۇپ 20 كىشى ماشىنىلىق شىڭشىڭشىياغا قاراپ يولغا چىقتى . ئىككىنجى كۈنى تاغ ئىچىگە كىرىپ قەيسى غوجامنىڭ جەسىتىنى ئېلىپ چىقتى . جەسەتنىڭ ئۇزۇنلىقى تەخمىنەن ئالتە يېرىم چى بولۇپ ، كۆكرەك قىسمى ۋە ئاپپاق ساقىلى ئۆز پېتىچە تۇرغان . شۇ جايدىكى ھەر قايسى ئورگان خىزمەتچى خادىملار بۇ خەۋەرنى ئاڭلاپ تاغ ئىچىگە ئۆزلىگىدىن بېرىپ قەيسى غوجامنىڭ جەسىتىگە قاراپ دۇئا قىلدى .
  7- ئاينىڭ 1- كۈنى ئەتتىگەندى ماشىنا قۇمۇلغا يىتىپ كەلدى . شەھەردىن يىگىرمە كىلومىتىر يىراق بولغان جايغىچە يولنىڭ ياقىسى ئەۋلىيانىڭ جەسىتىنى ساقلاپ تۇرغان ئامما بىلەن تولغاننىدى . ماشىنا شەھەرنىڭ شەرقى تەرىپىدىكى ئاقيەرگە يىتىپ كەلگەندە ( قارىغاندا يوقۇرى ئاقيەر بولسا كىرەك ) ئادەمنىڭ كۆپلىكىدىن توختاشقا مەجبۇر بولدى . مۇسۇلمانلار ماشىنىغا ئېسىلىشىپ ئەۋلىيانى كۆرۈشكە ئىنتىلدى . كىشىلەر بارغانسېرى كۆپىيىپ كېتىپ تەرتىپىنى ساقلاشقا زادىلا ئامال بولماي قالدى . شۇنىڭ بىلەن نامان قازى ئاخۇنۇم ماشىنىنى يېققىندىكى مەسچىتكە ئاپارغۇزدى .
    قەيسى غوجامنىڭ جەسىتى سەنشى مەسچىتكە ئېلىپ كىلىنگەندە كەچ بولۇپ كەتكەن بولسىمۇ ، لېكىن مەسچىت ئىچى ئادەمگە لىق توشقان بولۇپ پۇت سالغىدەك يەر قالمىغاننىدى . مۇسۇلمانلار بەس - بەس بىلەن تاۋۇتنى كۆتۈرەتتى ياكى قوللىرىنى سوزۇپ سىلايتتى . ياشانغانلار يىراقلاردا تۇرۇشۇپ تەسىرلەنگەنلىگىدىن كۆزلىرىدىن ياشلار تاراملاپ ئاقاتتى .
    7- ئاينىڭ 2- كۈنى قەيسى غوجامنىڭ تاۋۇتى سۇجۇ مەسچىتىگە يۆتكەپ كىلىندى . جامائەت 7- ئاينىڭ 4- كۈنى تەزىيە مۇراسىمى ئۆتكۈزۈشنى بېكىتتى .تەزىيەگە ھەر ساھە ۋەكىللىرى قاتناشتى . بۇنىڭغا لى تە جۈن  رىياسەتچىلىك قىلدى . كۆپچىلىك ئۈچ مىنۇت سۈكۈتتە تۇرغاندىن كېيىن دۇئا قىلىشتى . لى تەجۈن ، نامان قازى ئاخۇنۇم ئىلگىرى كېيىن بولۇپ قىرائەت قىلدى . تەزىيە مۇراسىمى ئاخىرلاشقىندىن كېيىن قەيسى غوجامنىڭ تاۋۇتىنى بىر نەچچە ئاخۇنۇملار چوڭ مەسچىتتىن ئېلىپ چىقتى . تاۋۇت ئۈستىگە ياپقان يوپۇقنى قومۇل ۋاڭنىڭ ئەۋلادى - بىشىر ئىئانە قىلغان بولۇپ ئۇنىڭغا يېشىل يىپ بىلەن گۈل چىكىلگەن . تاۋۇتنىڭ بېششىغا زەرۋاپتا سەللە ئورالغان بولۇپ ئىنتايىن ھەشەمەت ئىدى .
   تاۋۇتنىڭ ئالدىدا تەزىيە بېغىشلىمىلىرىنى كۆرۈپ ماڭغان . كەينىدە ئوتتۇز پارچە قۇرئان ئارتىلغان ئاق يوپۇق ياپقان تۆت ئاق ئات ماڭدى . ئاتلارنىڭ ئارقىدا بىر قۇرئان شىپاڭى ماڭغان بولۇپ ئىچىگە " قۇرئان " قويۇلغان . ئۇنىڭ كەينىدە قەيسى غوجامنىڭ تاۋۇتى ماڭدى .
   دەپنە قىلىش ۋاختىدا سىم - سىم يامغۇر ياغدى . ئىسلام دىنىنىڭ قائىدىسى بويىچە ئېيتقاندا ئەگەر مىيىتنى دەپنە قىلغاندا يامغۇر يېغىپ ، لەھەتنى نەم قىلسا بۇ ناھايىتى ياخشىلىقنىڭ ئالامىتى ئىكەن . بۇ يامغۇر دەپنە مۇراسىمىگە تېخىمۇ سۈكۈت ۋە سىرلىق كەيپىيات بېغىشلىدى.
    دەپنىگە قاتناشقانلار ناھايىتى ئۇزۇن رەتنى تەشكىل قىلغان بولۇپ ، ئۇيغۇر ، خۇيزۇ ۋە يىراق تاغ - تىمىزلاردىن كەلگەن قازاقلار قوللىرىغا ئاق توۋار ۋە ئاق رەختىن ئۆزلىرى ياسىغان قارىلىق بايراقلىرىنى كۆتۈرگەن بولۇپ ، ئۇلارنىڭ روھى كەيپىياتىدىن ئىنتايىن ئىخلاسمەنلىكى چىقىپ تۇراتتى . ئۇلار سۇجۇ مەسچىتىدىن چىقىپ كوچا - بازارلارنى ئايلىنىپ شەھەر ئىچىگە بېرىپ سۇقوۋۇقتىن كىرىپ ئوردا قوۋۇقتىن چىقىپ يەنە شىمالغا قاراپ ئىككى چاقىرىم مېڭىپ ئاندىن يەرلىككە يىتىپ باردى . ئالدىدا ماڭغانلار يەرلىككە يىتىپ بارغاندا ئارقىدىكىلەر تېخى سۇجۇ مەسچىتىدىن چىقىپ بولالمىغاننىدى . بۇ ، قۇمۇلدا ئىلگىرى بولۇپ باقمىغان بىر ئىش ئىدى .
     شۇ كۈنى پۈتۈن شەھەردىكى دۇكانلارنىڭ ھەممىسى ئېچىلمىدى . مۇسۇلمانلارنىڭ دۇكىنى ئالدىدىكى يوللارنىڭ ھەممىسىگە توغرىسىغا ئاق رەخت ئېسىلدى .
   شۇ كۈنى ئۆلكىلىك ھۆكۈمەتنىڭ رەئىسى - ۋۇجۇڭ شىن تىلگىرامما يوللاپ كۆڭۈل بۆلگەنلىكىنى بىلدۈردى .
     قەيسى غوجامنىڭ قەبرىسى قەدىمى ئۇسلۇپتىكى گۈمبەز شەكلىدە بولۇپ ، ئۈستى يۇمۇلاق ، تەكتى تۆت چاسا ، گۈمبەز ئۈستىگە يېشىل سىرلىق كاھىش يېپىلغان . تۆت ئەتىراپى تۆۋرۈكلۈك كارىدۇر . قەبرە ئىشىكى جەنۇپقا قارايدۇ . قەيسى غوجامنىڭ جەسىتى گۈمبەزنىڭ دەل ئوتتۇرىسىغا قويۇلغان . قەبرىنىڭ تۆت ئەتىراپى يېشىل دەل - دەرەخلەر بىلەن ئورالغان . سۇ ئېقىپ تۇرىدۇ . مۇھىتى ئىنتايىن جىمجىت بولۇپ ، ئەۋلىيالارنىڭ ھەقىقەتەنمۇ ياخشى ئاخىرەتلىكى ئىدى .


   يۈسۈپ يۈنۈس تەرجىمىسى .
   مەنبە قومۇل تارىخ ماتىرياللىرى.
\1

4

تېما

0

دوست

795

جۇغلانما

دائىملىق ئەزا

ئۆسۈش   59%

ئەزا ئۇچۇرى
تىزىم نۇمۇرى:  9506
يازما سانى: 45
نادىر تېمىسى: 0
مۇنبەر پۇلى: 107
تۆھپە : 171
توردىكى ۋاقتى: 76
سائەت
ئاخىرقى: 2013-12-30
يوللىغان ۋاقتى 2012-10-15 10:47:11 |ھەممە قەۋەتنى كۆرۈش
نىمىدىگەن تەسىرلىك كۆرنۈش ھە!
يۇنىل ئوپال سىلىقلاش مېيى

15

تېما

25

دوست

1 تۈمەن

جۇغلانما

ئالاھىدە باشقۇرغۇچى

Rank: 8Rank: 8

ئۆسۈش   100%

ئەزا ئۇچۇرى
تىزىم نۇمۇرى:  9220
يازما سانى: 1054
نادىر تېمىسى: 0
مۇنبەر پۇلى: 1349
تۆھپە : 2188
توردىكى ۋاقتى: 1717
سائەت
ئاخىرقى: 2014-6-9
يوللىغان ۋاقتى 2012-10-15 11:25:02 |ھەممە قەۋەتنى كۆرۈش
ئەپسۇس ئۆتمۈش بىلەن ھازىرىمىز سېلىشتۇرغىسىز كىرسىزىسقا دۈچ كەلدى،
قانچىلىغان ئادەملەر توپى بىلەن ئۆلدى ۋاھالەنكى ئۇلار ئۈچۈن ئوخشاش  ئاق كۆينەكنى كىر قىلماي ھەپتە كىيىشمۇ ئومۇملىشالمىدى........

8

تېما

0

دوست

3276

جۇغلانما

ئاكتىپ ئەزا

ئۆسۈش   42.53%

ئەزا ئۇچۇرى
تىزىم نۇمۇرى:  9317
يازما سانى: 185
نادىر تېمىسى: 0
مۇنبەر پۇلى: 648
تۆھپە : 623
توردىكى ۋاقتى: 370
سائەت
ئاخىرقى: 2013-6-6
يوللىغان ۋاقتى 2012-10-15 16:13:31 |ھەممە قەۋەتنى كۆرۈش
ئۇ غوجاملارنىڭ قەۋرىسىنى چاققۇچىلانىڭ پۇت-قولى تۇتماس بولۇپ قالماپتىما ،زادى ھىچ ئىش بولمىغاندىمۇ ؟؟؟؟

NOTHING IS IMPOSSIBLE

22

تېما

0

دوست

1 تۈمەن

جۇغلانما

پاكلىق ئەلچىسى

ئۆسۈش   2.18%

ئەزا ئۇچۇرى
تىزىم نۇمۇرى:  9312
يازما سانى: 425
نادىر تېمىسى: 2
مۇنبەر پۇلى: 2608
تۆھپە : 1550
توردىكى ۋاقتى: 600
سائەت
ئاخىرقى: 2015-3-5
يوللىغان ۋاقتى 2012-10-15 22:28:20 |ھەممە قەۋەتنى كۆرۈش
شىڭشىڭشىيا  ئەمەس  ، ئۇيغۇر تىلىدا ئارا يۇلتۇز   ،
ھۆرمىتىنى قىلغىنىمىز ياخشى بوپتۇ،لېكىنزە  2 مو يەرنى ئىگەللەپ ھەشەمەتلىك گۈمبەزلىك قىلىپ قاتۇرۇۋەتكىنىمىز ،پەيغەمبەرنىڭ سۈننىتىگە ماس كەلمەي قاپتۇ، ھەرەمگە بېرىپ كەلگەنلەردىن پەيغەمبىرىمىزنىڭ قەبرىسىگە بىر تال داڭگال قويۇلغان،قەبرىسى بەك ئاددى دەپ ئاڭلايمىز..

29

تېما

3

دوست

2 تۈمەن

جۇغلانما

پاكلىق ئەلچىسى

ئۆسۈش   48.42%

ئەزا ئۇچۇرى
تىزىم نۇمۇرى:  3149
يازما سانى: 1228
نادىر تېمىسى: 0
مۇنبەر پۇلى: 7066
تۆھپە : 4197
توردىكى ۋاقتى: 563
سائەت
ئاخىرقى: 2014-4-10
يوللىغان ۋاقتى 2012-10-15 23:19:19 |ھەممە قەۋەتنى كۆرۈش
قەيس غوجام مازىرى
      بۇمازار قۇمۇل چاھارباغنىڭ غەربىي جەنۇبى تەرىپىگە جايلاشقان . كىشىلەر ئۇنى «غوجام مازار» دەپ ئاتايدۇ. «يېشىل گۈمبەز» مۇ دىيىشىدۇ. ئېيتىشلارغا قارىغاندا ، تاڭ سۇلالىسىنىڭ جېنگۈەن يىللىرى، مۇھەممەد پەيغەمبەر  ئۈچ كىشىنى دىن تارقىتىش ئۈچۈن جۇڭگوغا ئەۋەتكەن. بۇ ئۈچ كىشىنىڭ ئىسمى قەيس، ئۇۋەيىس، ۋاققاس ئىكەن.  ئۇلارنى بەزىلەر قۇرۇقلۇق بىلەن كېلىپ سۇ يولى بىلەن قايتقان  دىيىشىدۇ؛ يەنە بەزىلەر سۇ يولى بىلەن كېلىپ قۇرۇقلۇق بىلەن قايتقان دىيىشىدۇ. ۋاققاس كېسەل بولۇپ، گۇاڭجۇدا ۋاپات بولغان. ئۇۋەيىس بىلەن قەيس چاڭئەنگە يېتىپ كەلگەندە، تاڭ تەيزۇڭ ئۇلارنى قارشى ئالغان. كېيىن ئۇۋەيس بىلەن قەيس ئۆز دۆلىتىگە قايتماقچى بولغان. ئۇلار گەنسۇنىڭ خېشى دىگەن يېرىدىكى خۇيخۇيبۇغا يېتىپ كەلگەندە، ئۇۋەيس ۋاپات بولغان. قەيس تاڭ سۇلالىسى جېنگۈەننىڭ 9-يىلى (مىلادى635-يىلى) قومۇلنىڭ شىڭشىڭشىيا دىگەن يېرىگە كەلگەندە ۋاپات بولغان. ئۇنىڭ جەسىدى شۇ يەردە ئاددىيلا كۆمۈلۈپ، ئۈستىگە تاش دۆۋىلەپ قويۇلغان. كېيىن، قومۇل ۋاڭى ئادەم ئەۋەتىپ، شىڭشىڭشىيادا قەيس ئۈچۈن بىر گۈمبەز ياساتقان.
       «شىنجاڭنىڭ خەرىتىلىك تەزكىرىسى» دە مۇنداق خاتىرىلەنگەن. «شىڭشىڭشىيادىكى تاغ باغرىدا مۇسۇلمان گۈمبىزى بار ئىكەن.... يەرلىك كىشىلەردىن بىرسى مەبلەغ يىغىش قىلىپ، گۈمبەزنى قايتا ياساش تەكلىپىنى بەرگەن. بۇ تەكلىپ ماقۇل كۆرۈلگەن، نۇرغۇن قېتىم بېغىشلىمىلار تەغدىم قىلىنغان، قەبرە ئۈستىگە يېپىلغان يوپۇقنىڭ قېلىنلىقى بىر چىدىن ئېشىپ كەتكەن..»
      مىنگونىڭ 28-يىلى(1939-يىلى)شىڭشىڭشىيا چازىسىنى ساقلاپ تۇرغان قوشۇن گازارما سالماقچى بولۇپ، گۈمبەزنى بۇزۇپ،خىشلىرىنى گازارمىغا ئىشلەتكەن. ھەسەن ئىسىملىك بىر ئۇيغۇر بىلەن ساقچى ئىدارىسىنىڭ كۆزەتچى ئەمەلدارى ياڭ ماۋچۈن قەيسنىڭ جەسەت سۆڭىكىنى تاغ ئارىسىغا ئېلىپ كىرىپ كۆمۈپ قويغان. مىنگونىڭ 34-يىلى (1945-يىلى)3-ئايدا قومۇلدىكى مۇسۇلمانلار سەي جيەنگو، سۇيىچۇ قاتارلىق كىشىلەرنىڭ  تەشەببۇسى بىلەن قەيسنىڭ جەسىدىنى يۆتكەش تەكلىپىنى ئوتتۇرىغا قويغان. بۇ ئىش گومىنداڭ 29-جىتۈەنجۈننىڭ سىلىڭى لى تيېجۈن، قومۇل ۋالىسى زېڭ يۇڭپۇ ۋە قۇمۇل ناھىيىسىنىڭ ھاكىمى سەي رۇزۇ قاتارلىقلارنىڭ قوللىشىغا ئېرىشكەن. سەي جىيەنگو بىلەن ماجۈنجېي  ئىككەيلەن بۇ ئىشقا كونكىرت مەسئۇل بولۇپ، ئۈچ ئاي تەييارلىق كۆرۈلۈپ، ھازىرقى ئورۇن تاللاپ چىقىلغان(بۇ يەرنى ۋاڭنىڭ ئەۋلادلىرى ۋەخپە قىلىپ بەرگەن). 6-ئاينىڭ 29-كۈنى شەھەر ئىچىدىكى نامان قازى ئاخۇنۇم ھەر ساھەدىكى مۆتىۋەرلەر ۋە ئاخۇنلاردىن بولۇپ 21 كىشىنى باشلاپ ماشىنا بىلەن شىڭشىڭشىياغا بېرىپ، 6-ئاينىڭ 30-كۈنى جەسەتنى  قېزىپ ئالغان. جەسەتنىڭ ئۇزۇنلىقى ئالتە چىدىن ئاشىدىكەن، كۆكرەك قىسمىنىڭ قوۋۇرغىلىرىغا ئەت يېپىپ تۇرغان، ساقىلى ساق قالغان. 7-ئاينىڭ 1-كۈنى سەھەردە 7-ئاينىڭ 1-كۈنى سەھەردە ماشىنا شەھەرگە 20 كىلومتېرى كېلىدىغان ساقىغا يېتىپ كەلگەندە، ئۇ يەرگە ناھايىتى نۇرغۇن ئادەم توپلىنىپ بولغان؛ ئاقيەرگە يېقىن كەلگەندە،  تېخىمۇ قىستاڭچىلىق بولۇپ كېتىپ،مېڭىشقا ئامال بولمىغان، ئاقيەر ئەتراپىدىكى مۇسۇلمانلارنىڭ تاۋاپ قىلىشى ئۈچۈن، تاۋۇت سېلىنغان ماشىنا  ئاقيەر مەسچىدنىڭ ئىچىگە توختىغان. كەچ كىرگەندە قەيسنىڭ جەسىدى شەنشى مەسچىتگە ئېلىپ بېرىلىپ، نامىزى چۈشۈرۈلگەن. مەسچىتنىڭ ئىچى ئادەمگە لىق تولغان. 7-ئاينىڭ 2-كۈنى جەسەت سۇجۇ مەسچىتىگە يۆتكەپ كېلىنگەن.7-ئاينىڭ 4-كۈنى تەزىيە مۇراسىمى ئۆتكۈزۈلگەن.  شىنجاڭ ئۆلكىلىك ھۆكۈمەتنىڭ رەئىسى ۋۇجۇڭشىن تەزىيە تېلىگىراممىسى ئەۋەتكەن. لى تېيجۇن سىلىڭ تەزىيە بىلدۈرگەندىن كېيىن ناماز چۈشۈرۈلگەن. ئاندىن جەسەت سۆڭىكى سېلىنغان تاۋۇتنى بىر نەچچە چوڭ ئاخۇن كۆتۈرۈپ مەسچىتتىن ئېلىپ چىققان. تاۋۇتقا كەشتىلىك يېشىل تون يوپۇق يېپىلغان. ئۇنىڭ ئوتتۇرىسىغا كىمخاب سەللە قويۇلغان.
      جامائەتنىڭ ئەڭ ئالدىدا تەزىيەنامىلەرنى كۆتۈرگەن كىشىلەر ماڭغان.، ئۇنىڭ كەينىدىن 30 دانە قۇرئان ھەم راۋاق(ئۇنىڭ ئىچىدە قۇرئان بار) ئارتىلغان تۆت ئاق بوز ئات ماڭغان. ئۇنىڭ كەينىدىن تاۋۇت ئېلىپ مېڭىلغان. شۇ كۈنى سىم-سىم  يامغۇر ياغقان.خۇيزۇ، ئۇيغۇر ۋە تاغلىق رايونلاردىن ئۈلگۈرۈپ كەلگەن قازاقلاردىن تەشكىل تاپقان 10مىڭدىن ئارتۇق جامائەت سۇجۇ مەسچىتىدىن چىقىپ، دېشىڭ كوچىسى ۋە جېنفەن كوچىلىرىدىن ئۆتۈپ، شەھەر ئىچىگە سۇ قوۋۇق بىلەن كىرىپ، ئوردا قوۋۇقىدىن چىقىپ، شىمالىي تەرەپتىكى قەبرىستانلىققا يېتىپ بارغان، بازاردىكى ئۇيغۇر، خۇيزۇ سودىگەرلەر كوچىلارغا ئاق پىلاكات ئېسىپ قارىلىق تۇتقان، خەنزۇ سودىگەرلەرمۇ كوچا بويلىرىغا كۈجە يېقىپ تەزىيە بىلدۈرگەن.
   قەيس غوجام گۈمبىزىنىڭ ئىگىزلىكى تەخمىنەن ئون مېتىر كېلىدۇ. ئىشىكى جەنۇبقا قارايدۇ. گۈمبەزنىڭ ئاستى تەرىپى چاسا، ئۈستى تەرىپى قۇببە شەكىلدە بولۇپ،  يېشىل رەڭلىك كاھىش چاپلانغان. گۈمبەزنىڭ ئەتراپىدا پىشايۋان بار، مازارنىڭ چۆرىسى سوقما تام بىلەن قاشالانغان. تام ئىچىدە ھەرخىل دەل-دەرەخلەر بار. گۈمبەزنىڭ يېنىدا مازارغا قارايدىغان شەيخلەر ئۈچۈن بىر نەچچە ئېغىز ئۆي سېلىنغان.

    قومۇل ناھىيىسى تەزكىرىسى
25_3149_c729ff71888043c.jpg
311970.jpg
20100315150910677.jpg

27

تېما

0

دوست

3005

جۇغلانما

ئاكتىپ ئەزا

ئۆسۈش   33.5%

ئەزا ئۇچۇرى
تىزىم نۇمۇرى:  5898
يازما سانى: 116
نادىر تېمىسى: 2
مۇنبەر پۇلى: 514
تۆھپە : 635
توردىكى ۋاقتى: 113
سائەت
ئاخىرقى: 2014-6-15
يوللىغان ۋاقتى 2012-10-16 06:09:21 |ھەممە قەۋەتنى كۆرۈش
بۇ يەرنىمۇ ساياھەت ئورنى قىلىپ رەھمەتلىكنى جىم ياتقۇزمىدى ھەقاچان....

0

تېما

2

دوست

1 تۈمەن

جۇغلانما

پاكلىق ئەلچىسى

ئۆسۈش   2.78%

ئەزا ئۇچۇرى
تىزىم نۇمۇرى:  1149
يازما سانى: 526
نادىر تېمىسى: 0
مۇنبەر پۇلى: 2337
تۆھپە : 1873
توردىكى ۋاقتى: 485
سائەت
ئاخىرقى: 2015-4-23
يوللىغان ۋاقتى 2012-10-20 02:54:15 |ھەممە قەۋەتنى كۆرۈش
باشلانغۇچ ۋاقتىمدا،قايسى بىر يىلى چوكانتالدا مۇئەللىملەر تازلىغىلى ئېلىپ بارغانتى....نېمىشقا ئۇ جايغا ئېلىپ بارىدۇ دېسە،بۇرۇنقى يىللىرىدا نامسىز قەھرىمانلار قەبرىستانلىقىغا ئاپارغاندا بالىلار يول بويى قېچىپ ،مەنزىلگە كەلگەندە ئازلا بالىلار قېلىپتىكەن...كېلەر يىلى مۇئەللىملەر ئەقلىنى ئىشلەتتى..
شۇ چاغدا بۇرۇندا جۈمە كۈنى سىنىپ تازلىقى قىلغاندا ،ئورۇندىقىنى پارتىغا ئېلىپ قويمايدىغان بالىلار مازاردا چېلەك-چېلەك سۇ تارتىپ، توشۇپ ئاۋارە.   
يەنە ئالتۇنلۇققىمۇ ئاندا-مۇندا بېرىپ چوڭ تازىلىق قىلاتتۇق،،،،،بۇ ئىشلار ھازىر ئەمەلدىن قالدىمۇ بىلمىدىم....ھەي،،،،،
سامانلىقنىڭ ئاچقۇچى تېگىپ قالسا،كۆرەڭلىگەن ئىتلار!
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )