بوزقىرغا -ئەلنىڭ ھۆرمىتى، دىلچىنىڭ سوۋغىسى

qutfu

مېنىڭ ئارزۇيۇمدىكىدەك بىر ئىلغار مۇنبەر ئاخىرى «باغداش» نامى بىلەن روياپقا چىقىپتۇ. ھەقىقىي مۇنبەر مانا موشۇنداق ئىللىق، ھارارەتلىك بولىشى كىرەك... باغداشنىڭ كەلگۈسىدىن كاتتا نەتىجىلەرنى كۆرۈپ يىتىۋاتىمەن.
  ئەل ئىشقىدا يېنىۋاتقان بارلىق ئوت يۈرەك قېرىنداشلىرىم ئامان بولغاي. غۇرۇر ۋېجدانلىق كىشىلەر بىرنىيەتتە يۈكسەك پەللىلەرگە يىتىپ بارغاي...

sadaqat

بوزقىر ئاكا ئۇئىشلارغا ئۇنچە ھەيران قالماڭ بىزنىڭ جەنۇنى شىنجاڭدا ھەرقەدەمدە 1000 ئۇنداق ئىشلار دىگەن .

مەن باشلانغۇچتىن تارتىپ تاكى تۇلۇق ئوتتۇرنى پۇتتۇرگىچە بىرەر ئۇقۇتۇچىنىڭ  ئاغزىدىن (خۇدا بويرىسا) دىگەن بىر جۇملىنى ئاڭلىماي چىقىپ كەتكەن . ھەمىمىز پارتىيە بويرىسا  دەيتۇق . تۇلۇق ئوتتۇردىكى ۋاقتىمىزدا بىر قىېتىم يېڭىلا خىزمەتكە چىققان تەنتەربىيە مۇئەللىمىز  پۇتى سۇنۇپ كەتكەن بىر بالىغا تەسەللى بىرىپ خۇدا شىپالىق بىرەر دىگەن بىر ئېغىز گېپى ئۇچۇن ، يېراق بىر يېزىغا يۆتكىتىۋېتىلگەن .  مەنمۇ ھەم دىنى زاتنىڭ بالىسى بولغېنىم ئۈچۈن بىر قېتىم تۇلۇق ئوتتۇرا مەكتەپتىن قوغلانغان .
بىر قېتى بىزنىڭ سېىنىپ مەسئولىمىز سىنىپتىكى 5 نەپەر ئۇغۇل بالنى ئۆزى ئىشلەپ پۇتتۇرەلمىگەن ئىشنى قىلغۇزۇش ئۈچۈن ئەمگەككە ئېچېىقىپ قايتاشىدا تاماق ئېىپ بىرىپتۇ ، تاماق يەپ بۇلۇپ بالىلار دۇئا قىلىپ قايتىپتۇ ، ئەتىسى بالىلارنى سىياسى بۆلۇمگە چاقىرىپ سەن نىمە دەپ دۇئا قىلدىڭ دەپ سۇراپتۇ ، جاۋاب بەرمىسە ئۇرۇپ ئىقرار قىلدۇرۇپتۇ ، شۇنىڭ بىلەن بەزىسى ، ئەلھەمدۇنى ئۇقۇدۇم ،يەنە بەزىسى ، بىسمىللا دەپلا قوپتۇم دىگەن ئىكەن  مەكتەپ شۇ ھامان  ئۇلارنى مەكتەپتىن قۇغلىۋەتكەن  ئىدى . 2008-يىلدىكى ئىشلار  .  ھازىرمۇ شۇنداقكەن سۇرۇشتۇرۇپ كۆرسەم .

ئالى مەكتەپتە ئۇقۇش ئۈچۈن ئۇرۇمچىگە كىلىپ تۇنجى سائەتىلىك دەرىستە  مۇئەللىم سىلەر خۇدايىم بويرىسا دىۋدى مەن يىغلاپ تاشلىغنى تاسلا قالغان ئىدىم .

attila

مەن ھەر قېتىم بوزقىركام، تۇنيىزكاملار بىلەن بىر يەرگە جەم بولسام، بوزقىركامنىڭ كەم سوز، ئويچان چىرايىدىن قانداقتۇر بىر ئىزتىراپ، ئاچچىق ھەسىرەت ۋە كۈچلۈك مەسۇليەتنى ھېس قىلىمەن.
بوزقىركام زامانىمىزدا ئۇيغۇرنىڭ ھەقىقىي بىر زىيالىسى. ئۇنداق زىيالى ئۇيغۇر جەمىئىيىتىدە ساناقلىقلا. بىر ئىجتىمائى زىيالى ئۈچۈن ئەڭ مۇھىم بولغىنى مەتبۇئاتلادا قانچىلىك ئەسەر ئېلان قىلغانلىقى ئەمەس، بەلكى قانچىلىك ئەسىرىنىڭ قايسى دەرىجىدە خەلقنىڭ ئېتىراپىغا ئېرىشىشى. بوزقىر ئەنە شۇنداق خەلقنىڭ ھەقىقىي ئېتىراپىغا ئېرىشكەن زىيالى.
تولۇستۇي شېئېر يازمىغان، بىراق ئۇنىڭ شېئېرىي ھېسقا تويۇنغان ئېسىل ئەسەرلىرى سەۋەبىدىن، ئۇ رۇس خەلقىنىڭ، جۈملىدىن دۇنيا خەلقىنىڭ قەلبىدە ھەقىقىي شائىر دەپ تونۇلغان!
مەن بوزقىركامنىڭ بۇنىڭدىن كېيىن تېخمۇ ياخشى ئەسەرلەرنى سۇنىشىغا تىلەكداشمەن!

darya.

يەنىلا نۇرغۇن تىمىلار ئېچىلمايۋاتىدۇ؟ بىرقىسىم تىمىلار ئېچىلسىمۇ ئۇ تىمىنىڭ مەزمۇنى كۆرۈنمەيۋاتىدۇ؟ بىرقىسىم تىمىلارنىڭ ئېچىلىشى ، مەزمۇنى نورمال بولسىمۇ لىكىن ئىنكاسلارنى كۆرۈش ئۈچۈن بەت ئۆرىگەندە تور بۇرۇنقىدەكلا ئۈزۈلىۋېلىۋاتىدۇ؟ بايا مۇنبەرگە يوللانغان «گۇلشاد ۋالىيغا خەت » تىمىسىنىمۇ ئاچساملا تور ئۈزۈلىۋېلىپ باغداشقا چىققىلى بولمايۋاتىدۇ؟ مەسىلە زادى نەدە؟ قاچان ئوڭشىلىدۇ ؟بۇنداق چەكلىمىلەر ئادەمنىڭ ئىچىنى سىقىپ قويىدىكەن دىسە؟!!....

bozqir

شىياڭگاڭ سۇمرۇغ تورىنىڭ يقىندىكى بىر خەۋىرىدە كۉرسىتىلىشىچە، تىبەت ھۉكۅمىتى مالىيىدىن عايەت زور مەبلەغ ئاجرىتىپ، تىبەتتىكى راھىبلارنى ئۉز ئىچىگە ئالغان بارلىق ئاھالىرىلىرىنى تاسادىبىي ۋەقەلەر سوغۇرتىسى ۋە داۋالىنىش سودا سوغۇرتىسىغا قاتناشتۇرغان. مۇشۇ بويىچە بولغاندا تىبەتتىكى گىراژدانلار 50مىڭ يۇەنلىك تاسادىبىي ۋەقەلەر سوغۇرتىسى ۋە 10مىڭ يۇەنلىك داۋالىنىش سودا سوغۇرتىسى ياردىمىگە ئرىشەلەيدىكەن.

   منىڭ پەرىزىمچە، جۇڭگودا بۇنداق ئالاھىدە مەنپەئەتتىن بەھرىمەن بولىدىغان پۇحرالار باشقا ئۉلكىلەردىمۇ ئاز بولۇشى مۇمكىن.

   تىبەت ھۆكۈمىتى جېنىدا بۇددا دىنىغا ئېتىقات قىلىدىغان لاما راھىبلىرىنىڭ مەنپەئەتىنى شۇ دەرىجىدە قوغدايدىكەن.

yarkin01

ھەقىقەتەنمۇ  بەك ئەھمىيەتلىك ئىش بوپتىكەن ، لېكىن موشۇ ئىنكاسلارنىڭ ئاخىرى (3-بېتى)نى كۆرەلمەي ئىچىم بەك تىتىلداپ كېتىۋاتىدۇ .

bozqir

ئەسسالام  باشقۇرغۇچىلار :

  مەزكۇر تېمىنىڭ 3-بېتىگە « ئىسلام دىنىغا ئېتىقات قىلىمەن» دەپ قويغان كەنىت ساقچىسىدىن 500يۇەن جەرىمانە ئېلىپ كەتكەنلىكى ھەققىدە بىر ئىنكاس يازغانىدىم.بۈگۈن بىر كۈن ھەپىلىشىپ  قايتا تەھرىرلەپ تولۇقلاپ قوياي دېسەم مۇمكىن بولمىدى. شۇڭا شۇ ئىنكاسنى ئۆچۈرىۋېتىپ تۆۋەندىكى تەھرىرلەپ تولۇقلانغان ئىنكاسنى چاپلاپ قويۇشىڭىزلارنى سورايمەن :

-------------------------

ئاڭلىسام  مەلۇم ناھىيەلىك ج خ سىستىمىسىدىكى كاتتىباشلار  پارتىيە 18-قۇرۇلتىيىنىڭ غەلىبىلىك ئېچىلىشىغا تېنىچ مۇھىت يارىتىشنى ئىشقا ئاشۇرۇش ئۈچۈن كەنىتمۇ كەنىت، مەھەللىمۇ مەھەللە چارلاپ تەكشۈرۈشنى كۈچەيتىۋېتىپتۇ.

   ئۇلار مەلۇم بىر كەنىتنىڭ كەنىت ساقچىسىدىن « سەن قايسى دىنغا ئېتىقات قىلىسەن ؟ » دەپ سوراپتىكەن كەنىت ساقچىسى : « ئىسلام دىنىغا » دەپ جاۋاب بېرىپتۇ.

  شۇنىڭ بىلەن تەكشۈرۈش ئۆمىكىدىكىلەر كەنىت ساقچىسىغا شۇ ھامان 500يۇەن جەرىمانە قويۇپ، نەق مەيداندا ئىجرا قىپتۇ.

   بۇ گەپنى ئاڭلاپ قاتتىق ھەيران قالدىم .بۇشۅبھىسىزكى كىشىدە ئۇلار پارتىيە 18-قۇرۇلتىيىنىڭ غەلىبىلىك ئېچىلىشىغا تېنىچ مۇھىت يارىتىشنى ئىشقا ئاشۇرۇش ئۈچۈن خىزمەت قىلىۋاتامدىغاندۇ يا پارتىيە-دۆلەتنىڭ گىراژدانلارنىڭ دىنىي ئېتىقات ئەركىنلىكى ھەققىدىكى قانۇن-سېياسەتلىرىگە ئاشكارە قارشى چىقىش ئارقىلىق پارتىيە 18-قۇرۇلتىيىنىڭ غەلىبىلىك ئېچىلىشىغا توسقۇنلۇق پەيدا قىلىۋاتامدىغاندۇ؟ دگەندەك گۇمانلارنى تۇعدۇرۇپ قويۇشى مۇمكىن.

   دىنىي ئېتىقات ئەركىنلىكى جۇڭگونىڭ ئاساسىي قانۇنىدا گىراژدانلارغا بېرىلگەن بىر خىل ئاساسىي ھوقۇقتۇر.شۇنداقلا جۇڭگو كۇمىنىستىك پارتىيىسىنىڭ بىر تۈرلۈك ئاساسلىق دىنىي سېياسىتىدۇر.«ئاساسىي قانۇن»نىڭ 36-ماددىسىدا ئېنىق قىلىپ : «جۇڭخۇا خەلق جۇمھۇرىيىتىنىڭ گىراژدانلىرى دىنىي ئېتىقات ئەركىنلىكىگە ئىگە  »، «ھەرقانداق دۆلەت ئورگانلىرى ، ئىجتىمائىي تەشكىلات ۋە شەخىسلەرنىڭ پۇخرالارنى دىنغا ئېتىقات قىلىش ياكى قىلماسلىققا زورلىشىغا بولمايدۇ، دىنغا ئېتىقات قىلىدىغان ياكى دىنغا ئېتىقات قىلمايدىغان پۇخرالارنى كەمسىتىشىگە بولمايدۇ»، «دۆلەت نورمالنى دىنىي پائالىيەتلەرنى قوغدايدۇ» دەپ بەلگۈلەنگەن.

   كەنىت ساقچىلىرىمۇ ئۉز نۉۋىتىدە جۇڭخۇا خەلق جۇمھۇرىيىتىنىڭ گىراژدانلىرى ھساپلىنىدۇ.بەلكىم شۇ كەنىت ساقچىسى كومپارتىيە ئەزاسى بولغان بولسا پارتىيە نىزامنامىسىدىكى "كومپارتىيە ئەزالىرى دىنغا ئېتىقات قىلسا بولمايدۇ"دېگەن بەلگۈلىمىنىڭ روھى بويىچە جازا بېرىلگەندۇ.ئەمما دىنىي ئېتىقاتتا ئېغىزدىكى گەپ ئەمەس بەلكى ئەمەلىي ھەركەت ئۆلچەم قىلىنىشى كېرەك.مۇبادا شۇ كەنىت ساقچىسى كومپارتىيە ئەزاسى بولمىغاندا ئۇنداقتا ئۇنىڭ دىنغا ئېتىقات قىلىش ھوقۇقى بولامدۇ- يوق ؟ بولمىغان تەقدىردە ئۇ قانداقسىگە كەنىت ساقچىسى بولۇپ قالىدۇ ؟ كەنىت ساقچىلىرى  ئىمتاھان بەرگەندە بۇنداق مەزمۇنلار ئىمتاھان سۇئالىغا كىرگۈزۈلگەنمۇ-يوق ؟   شۇ كەنىت ساقچىسى « ئىسلام دىنىغا ئېتىقات قىلىمەن» دەپ قويغان بىلەن ئەمەلىيىتىدە ئىسلام دىنىڭ پەرىزلىرىنى ئادا قىلغانمۇ-يوق ؟

  شۇڭا ، دىنىي ئېتىقاتقا ياتىدىغان  مەسىلىلەرنى بىر تەرەپ قىلىشتا چوقۇم سوغۇققان بولۇش، ئەتراپلىق ئويلاش، مەسئۇلىيەتنى بىر تەرەپكىلا ئىتتىرىپ قويماسلىق ۋە تەنقىت-تەربىيەنى ئاساس قىلىش كېرەك.بولۇپمۇ دىنىي پائالىيەت ۋە دىنغا ئېتىقاد قىلىدىغان ئاممىنى باشقۇرۇش ھەققىدە   «ﺟﯘﯕﺨﯘﺍ ﺧﻪﻟﻖ ﺟﯘمھﯘﺭﻳﯩﺘﻰ ﺋﺎﺳﺎﺳﻰ ﻗﺎﻧﯘﻧى» ۋە «گوۋۇيۇەننىڭ دىنىي ئىشلارنى باشقۇرۇش نىزامى»دا ئېنىق ماددا ۋە بەلگۈلىمە چىقىرىلغان. ئۇنىڭدىن سىرىت تۈزۈلگەن بارلىق يەرلىك سېياسەت ۋە تەدبىرلەر قارىماققا بى مەھەل ئۈنۈم ياراتقاندەك قىلسىمۇ ئەمما ئاخىر بېرىپ ئۇزۇن مەزگىللىك ئەمىنلىككە پاسسىپ تەسىرلەرنى پەيدا قىلىشى ھەتتا قانلىق توقۇنۇشلارغا سەۋەب بولۇپ قېلىشى مۇمكىن.شۇڭا پارتىيە ۋە دۆلەتنىڭ قانۇن-سېياسەتلىرى تۇرغان يەردە ئۇنى توللۇق ئىجرا قىلىشىنى بىر چەتكە قايرىپ قويۇپ يەنە ئۆز ئالدىغا دىننىي ئېتىقاد ۋە مىللىي ئۆرىپ-ئادەتلەرنى چەكلەيدىغان يەرلىك  سېياسەت ۋە تەدبىرلەر نى تۈزۈپ قارىغۇلارچە ئىجرا قىلىشتىن ئىمكانىيەتنىڭ بارىچە ساقلىنىش كېرەك.

kaplan521

بوزقىر ئەپەندىمگە بىرىلگىنى بىر قوچقار ئەمەس ، ئاۋام خەلىقنىڭ باغداش مۇنبىردىكى نەچچە مىڭ ئەزانىڭ ھەقىقى باھاسى،ۋە ھۆرمىتىدۇر ،بوز قىر ئەپەندىمدەك ھەقىقى غۇرۇرلۇق زىيالىلىرمىزنىڭ كۆپلەپ مەيدانغا چىقىپ ،خەلقىمىز قەلبىنى ئىللىتىشىنى ئۈمۈت قىلىمىز ! ئاخىردا باغداش مۇنبىردىكى ئەزالارنىڭ كۆڭلىنى زىممىسىگە ئېلىپ تاماملىغان ،دىلچى غىزالىق چايخانىسىدىكىلەر ۋە ئەخمەتچان ئەپەندىمگە ئالاھىدە رەھمەت ئېيتىمىز ، ھەمدە بۇندىن كىيىنكى تىجارىتىنىڭ كۈندىن كۈنگە روناق تېپىشىغا تىلەكداشمىز .