بوزقىرغا -ئەلنىڭ ھۆرمىتى، دىلچىنىڭ سوۋغىسى

bagdax

 ئەسسىلامۇ ئەلەيكۇم ھۆرمەتلىك تورداشلار ، ئۇلۇغ قۇربان ھېيتلىرىڭلار كۆڭۈللۈك ئۆتتىمۇ ؟ بۇ تېما ئەسلى بالدۇرراق يوللىنىشى كېرەك ئىدى، ھەرخىل سەۋەپلەر تۈپەيلى كېچىكىپ يوللىنىپ قالدى.

    ئۆتكەندە قايسى بىر تېمىدا باغداش مۇنبىرىدىكى ئۆزتۈرۈك  مۇنبىرىمىزنىڭ غوللۇق ئەزاسى ، قىزغىن قوللىغۇچىسى ، تور دۇنياسىدا شۇنداقلا ئەل ئىچىدە ھۆرمەتكە سازاۋەر توردىشىمىز بوزقىرغا  قوشقار ھەدىيە قىلىپ ھۆرمىتىمىزنى ۋە كۆڭلىمىزنى ئىپادىلەش تەكلىپىنى ئوتتۇرىغا قويغان ئىدى . بۇ تەكپىنى ئوتتۇرىغا قويۇلغاندىن كېيىن شىنجاڭنىڭ ھەرقايسى جايلىرىدىكى تورداشلار بۇ ئىشنى ئەمەلگە ئاشۇرۇش كېرەكلىكىنى ئېيتىپ مۇنبەردە ئۆز -ئارا قىسقا ئۇچۇر قىلىشتى . 
  ھېيتنىڭ ھارپا كۈنلىرى مەزگىلىدە باغداش تورىنىڭ قىزغىن قوللىغۇچى تورداشلاردىن توخوتۇر ، ئىلىم قاتارلىق تورداشلار بۇ ئىش توغۇرلۇق مەسلىھەت قىلىپ پۈتكۈل تورداشلارغا ۋاكالىتەن  تور دۇنياسىدا ئەڭ ياخشى  ئەسەرلەرنى يوللاپ  تورداشلارغا زور مەنىۋى ئوزۇق ئېلىپ كېلىۋاتقان ئوتيۈرەك زىيالى بوزقىرغا كۆڭۈل سوۋغىسى قىلىپ ھۆرمىتىمىزنى بىلدۈرۈش كېرەكلىكىنى مەسلىھەت قىلغان .
   بۇ خىل ئەھمىيەتلىك پائالىيەتنى ئاڭلىغان ، قومۇل شەھىرى شەھەر ئايلانما يولىغا جايلاشقان ، قومۇل پۇقرالىرى تۇرمۇشىغا يىڭىچە بولغان غىزالىنىش مۇھىتى ھازىرلىغان دىلچى غىزالىق چايخانىسىنىڭ خوجايىنى ئەخمەتجان بۇ ئىشنى پۈتكۈل تورداشلارغا ۋاكالىتەن ئۆز ئۈستىگە ئالدىغانلىقىنى ئېيتىپ بۇ ئىشنى ئۆز ئۈستىگە ئالدى .
  ھەمدە دىلچى غىزالىق چايخانىسىنىڭ خوجايىنى ئەخمەتجاننىڭ بۇ ئىشنى قىزغىن قوللىشى بىلەن تور بېكىتىمىز ئاقسۇدىكى يەنە بىر قوللىغۇچىمىز يازغۇچى تۇنىياز ئوسمان بىلەن ئالاقىلىشىپ  بوزقىرغا  قوشقار ھەدىيە قىلىپ ھۆرمىتىمىزنى بىلدۈردۇق !
     تور بېكىتىمىزدىكى بارلىق تورداشلارغا ۋاكالىتەن  دىلچى غىزالىق چايخانىسىغا ۋە خوجايىنى ئەخمەتجانغا چىن كۆڭلىمىزدىن رەھمەت ئېيتىمىز، ھەمدە ياخشى نىيەتلەر بىلەن باشلىغان سودىسىغا بەركەت تىلەش بىلەن ئائىلىسگە بەخت ۋە ئامەت تىلەيمىز ! 


       تۆۋەنكىسى بوزقىر ئاكىمىزغا قۇربان ھېيتلىق ئالىي ئېھتىرام :
       ::::::::::::::::::::::::::
      ئەسسىلامۇ ئەلەيكۇم : بوزقىر ئاكا : قۇربان ھېيتىڭىزغا مۇبارەك بولسۇن ! بۇ بىر قانچە يىلدىن سىزنىڭ مىننەتسىز يوللىغان يازمىلىرىڭىز خەلقىنىڭ ئۇسسىغان دىللىرىغا تەشنالىق ئاتا قىلدى ، سىزنىڭ  يازمىلىرىڭىزنى ئوقوغان ھەر بىر تورداشتا سىزگە بولغان ھۆرمەت قوزغالدى. خىزمەتتىن سىرت ۋاقىت چىقىرىپ ھېچقانداق قەلەم ھەققى بېرەلمەيدىغان تور دۇنياسىغا ئەڭ ياخشى بولغان ئەسەرلىرىڭىزنى يوللاپ كېلىۋاتىسىز ، سىزگە كۆپ تەشەككۈر ئېيىتىمىز ،  قەدىمدا يۇرت ئەزىمەتلىرىگە ،  ئەل ئېچىدىغان چىققان كاتتىلارغا  قوشقار ، ئات ھەدىيە قىلدىغان ئۆزگىچە ئادەت بار ئىكەن ، بىز سىزگە ئوخشاش ئوت يۈرۈك زىيالىغا بولغان ھۆرمىتىمىزنى  مۇشۇ خىل ئۇسۇل بىلەن ئىپادىلەشنى لايىق كۆردۈق ، ھەمدە قومۇل شەھىرىدىكى دىلچى غىزالىق چايخانىسىنىڭ خوجايىنى ئەخمەتجاننىڭ  بۇ ئىشنى خوشاللىق بىلەن ئۈستىگە ئېلىشى بىلەن سىزگە بولغان ئاددى سەمىمىي ھۆرمىتىمىز ۋە رەھمىتىمىزنى بىلدۈردۇق .  سالامەت بولۇڭ ! بۇندىن كېيىن ئىجادىيەتلىرىڭىزگە ئۇتۇق تىلەيمىز  ! تېىخىمۇ نادىر ئەسەرلەرنى بىز بىلەن يۈز كۆرۈشتۈرىشىڭىزگە ئىشىنمىز ۋە تىلەكداشمىز !

                                                         ھۆرمەت بىلەن :  باغداش تور بېكىتىدىكى بارلىق تورداشلار
                                                                            : دىلچى غىزالىق چايخانىسىدىكى بارلىق ئىشچى خىزمەتچىلەر !  
     

apandim111

ئەھمىيەتلىك ئىش بوپتۇ.بوزقىرئەپەندىمدەك پىداكارلار خەلق قەلبىدە مەڭگۈ ھايات. بۇ ئەھمىيەتلىك ئىشنى رۇياپقا چىقارغان  كىشىلەرگە رەھمەت ئىيتىمەن.

dellyar571

يازارمەنلەرنىڭ قايسى ژورنالغا قايسى ماقالىلەرنى بەرگەنلىكىنى ئۆز ئارادىيشىپ پەخەرلىنىپ كىتىشلىرىنى كۆرۈپ تۇرىمەن .توغرا رەسمى مەتبۇئاتلارغا  ئەسەر ئىلان قىلدۇرۇش نەتىيجە ھىساپلىنىدۇ بىراق تەھىرىرلەر ،تەھرىرلەرنىڭ ئۈستىدىكى خەلىقنىڭ ۋەكىللىرى ھىساپلىنىدىغان ھاكىمىيەت ئاپىراتلىرى باشقۇرىشىدىكى مەتبۇئاتلارنىڭ ئىتىراپ قىلىشدىن  جامائەتنىڭ ئىتىراپ قىلىشى ،ئەزىزلىشى تىخىمۇ بەك ئەھمىيەتلىك چۈنكى جامائەتنىڭ ئىتىراپنامىسى ئۇلارنىڭ   دۇئاسى دىمەكتۇر ، بۇنداق دۇئا  كىشىنىڭ ئىككىلا دۇنيادا بەختىلىك بولىشىغا ۋەسىلە بولىدۇ . بوزقىز ئەپەندى مانا مۇشۇنداق مەتبۇئاتلاردىن ھالقىپ ئەل دۇئاسىنى ئىىۋاتقان يازغۇچى
ئۇلۇغ ئاللاھتىن  ئۇنىڭغا ئوخشاش كىشىلەرنى ئارىمىزدا كۆپ قىلىپ بىرىشنى تىلەيمەن      

bozqir

كەمىنە بوزقىردىن كەڭ باغداش ئەھلىگە ئايەملىك سالاملار بولسۇن.

  تور بەتلىرى نورمال ئېچىلمىغاندىن بۇيان تولىمۇ پەرىشان بولدۇم. مۇنبەر باشلىقى باغداش ئەپەندىگە كۆپ قېتىم ئۇچۇر يوللاپ ، تېلېفوون قىلغان بوساممۇ ئالاقىلىشەلمىگەنىدىم.مۇشۇ كۈنلەردە قەلىب ئاسمىنىمنى تۈرلۈك گۇمان،شۈبھە تۇمانلىرى قاپلاپ ئۇيغۇر مۇنبەرلىرى بولۇپمۇ باغداش مۇنبىرى مەسئۇلى باغداش ئەپەندىنىڭ تەقدىرى ھەققىدە ھەر خىل ئەندىشىلىك خىياللارنى سۈرگەنىدىم.بولۇپمۇ يېقىندا ئۈرۈمچىدىكى بىر ئىلمي پائالىيەتكە تەكلىپ بىلەن قاتناشقان جىددىي كۈنلەردىمۇ باغداش ئەپەندىگە قايتا-قايتا تېلفون قىلىپ ئەھۋال سوراش ھەتتا يۈزتۇرانە كۆرۈشۈپ ھال سوراپ ئۆتۈشنى ئىستىگەن بولساممۇ ئەمما،يەنىلا ئالاقىلىشىش مۇمكىن بولمىدى.شۇنىڭ بىلەن كۆڭلۈم پەرىشان ھالدا قايتىپ كەلدىم.كېيىنكى كۈنلەردە تور نورمال ئېچىلمىدى .ئۇنىڭ ئۈستىگە ئىشلىرىممۇ بەك ئالدىراش بولۇپ كەتتى.شۇڭا تورغا چىققۇدەك پۇرسەت بولمىدى.

  ئۇلۇغ قۇربان ھېيىت مۇناسىۋىتى بىلەن تۇغۇلغان يۇرتۇم باي ناھىيىسىدىكى بوز قىر-توپىلىق يوللار، ئېتىز-قىرلار،ساي-دالىلارنى ئۆزۈمگىلا مەلۇم بولغان تەلقىنلىق خىياللار ئىچىدە ئارىلىدىم. مەيلى ئۈرۈمچىدە بولسۇن ، مەيلى ئاقسۇدا بولسۇن ياكى بوزقىر تۇپرىقىدا بولسۇن ئەڭ كۆپ ئاڭلىغىنىم يەنىلا تور مۇنبەرلىرى ۋە مېنىڭ   قىزغىن ئىنكاس قوزغىغان بەزى تېمىلىرىم  ھەققىدىكى پاراڭلار بولدى.

مېنىڭ يېقىنقى يىللاردىن بۇيان ئۇيغۇر تور مۇنبەرلىرىگە جۈملىدىن باغداشقا يوللىغان بىر يۈرۈش تېمىلىرىمغا نۇرغۇن تورداشلىرىم ئىنكاس يېزىپ يۇقۇرى باھالارنى بەرگەن ھەم ماڭا قۇربان ھېيىتتا كۆك قوشقار ھەدىيە قىلىشنى ئېيىتقانىدى. گەرچە مەن بۇنىڭغا قارىتا ئۆز پىكرىمنى ئېيتىپ ئۇنداق قىلىشنىڭ زۆرۈرىيىتى يوقلىقىنى  ، تورداشلىرىمنىڭ ياخشى كۆڭلىنىڭ ماڭا تېگىل بولغانلىقىنى،  توردا پائالىيەت قىلىشنىڭ مېنىڭ ئەقەللىي مەسئۇلىيىتىم ئىكەنلىكىنى ئېتىتقان بولساممۇ ئەمما باغداش مۇنىرى مەسئۇلىنىڭ باغداش مۇنبىرىدىكى تورداشلارغا ۋاكالىتەن يوللىغان كۆك قوشقارنىڭ پۇلىنى ھېيىتنىڭ ئىككىنچى كۈنى  ئەڭ يېقىن بۇرادىرىم تۇنياز ئوسمان ئارقىلىق تاپشۇرۇپ ئېلىپ ھەيران قالدىم.

   مۇشۇ كۈنلەردە كۆڭلۈمنىڭ ئارامى يوق تېلېفونۇمنىمۇ ئېتىپ قويغاچقا   ۋە ئۆزۈممۇ سېگنال قوبۇللاش نىسبەتەن ناچار مۇھىتتا بولغاچقا  بۇرادىرىم تۇنياز ئوسمان ، مارشاللار كۆك قوشقار ھەققىدىكى ئۇچۇرلارنى ماڭا يەتكۈزۈشتە كۆپ ھەرەج تارتىپتۇ.يېقىن تۇغقانرىمىنىڭ تېلېفون نومۇرىنى بىر ئاماللارنى قىلىپ يۈرۈپ تېپىپ بۇ ئۇچۇرنى ماڭا يەتكۈزگەندە مەن ھەيران قالدىم ھەم ئىنتايىن ھاياجانلاندىم.راستىنى دېسەم ئۆزۈمنى خۇددى نوبىل ئەدەبىيات مۇكاپاتىغا ئېرىشكەندەك تۇيغۇدا سەزدىم دېسەممۇ ،بولىدۇ.ئىلگىرى نۇرغۇن قېتىم ھەر خىل مۇكاپاتلارغا ئېرىشكەن بولساممۇ ئەمما ، بۇ قېتىمقىسىدەك ھاياجانلانمىغانىدىم. بۇ يەردىكى گەپ ئەلبەتتە پۇلدىكى گەپ ئەمەس بەلكى ئەمگەك-ئەجرىنىڭ ، ئىدىيە-يۆنىلىشنىڭ قانداقلا بولمىسۇن ئېتراپقا ئېرىشكەنلىكىنىڭ بىشارىتى  دېيىشكە بولاتتى.ئەلبەتتە بۇ كۆكقوشقارنىڭ پۇلىنى ئىنتېرنېت تورىغا مۇناسىۋەتلىك ئومۇمىيلىق تۈسىنى ئالغان تېخىمۇ ئەھمىيەتلىك ئىلمىي ئىشلارنىڭ ئىختىسادىي خېمىتۇرىچى قىلىش پىلانىم بار.

    تېمىلىرىمغا ئىزچىل ئورۇن بېرىپ كېلىۋاتقان باغداش مۇنبىرى ، ساڭا رەھمەت!باغداش، توخوتۇر ، ئىلىم قاتارلىق  كەڭ باغداشلىقلىقلار ، سىلەرگە تېخىمۇ كۆپ رەھمەت !! قومۇلدىكى دىلچى غىزالىق چايخانىسىغا ۋە خوجايىنى ئەخمەتجان ھەمدە  دىلچى غىزالىق چايخانىسىدىكى بارلىق ئىشچى خىزمەتچىلەرگە كۆپتىن كۆپ تەشەككۇر !!!  

   ئاللاھ بىزنى تېخمۇ يۈكسەك مەنىۋى مەنزىللەردە ئۇچرىشىشقا نېسىپ قىلسۇن.

فىدا

    بۇ بوزقىر  ئۇستازغا قىلىنغان ھىيىتلق سوۋغا بۇلۇپلا قالماستىن بەلكى بارلق باغداش ئەھلىگە  قىلىنغان سوۋغا بولدى . بۇ تەكلىپنى ئەسلىدە دوسلارنىڭ بوزقىر ئۇستازغا قىلىنغان بوغداي سوزى دەپ چۇشەنگەن ئىدىم ،كىم بىلسۇن جەمئىيەتتىكى ياخشى نىيەتلىك زەردارلىرىمىزنىڭ ئەمەلى ھەركىتى بىلەن قوللىشى ،باغداش تور خىزمەتچىلىرىنىڭ كوڭۇل بولىشى بىلەن ئەسلىدىكى دوسلارنىڭ بوغداي سوزى بوغداي نانغا ئايلىنىپ .خەلقىمىزگە مىھنەتسىز خىزمەت  قىلىۋاتقان ،ئەل ئىشقىدا يېنىۋاتقان ھورمەتكە سازاۋەر  زىيالىلىرىمىزنىڭ  ئەجىر -مىھنىتى يەردە قالمىدى . <<ئەتىۋارىڭ  بولمىسا زىبالىغىڭ نەكىرەك >>دەپ ئەلنىڭ مۇكاپىتى ئەڭ كاتتا  مۇكاپاتتۇر . مانا ئەھمىيەتلىك پائالىيەتتىن ،ئالتۇن كۇزدە كەلگەن ئۇلۇغ قۇربان ھىيتىمىزغا يەنە بىر كاتتا خوشاللق قوشۇلدى . بىز باغداشتىن پەخرلىنىمىز . ھەم بوزقىر ئۇستازغا سالامەتلىك ، ئۇزۇن ئومۇر ، زورمۇۋاپپەقىيەتلەر تىلەيمىز . چۇنكى خۇدايىم قارغۇنى كوزىدىن ئايرىسىمۇ مۇشۇنداق ھاسىلىرىدىن ئايرىمىغان .

dolataogli

بەك ئەھمىيەتلىك ئىش بوپتۇ، باغداش ئەپەندىمنىڭ شۇنداقلا، بوز قىر ئەپەندىمنىڭ بۇندىن كېيىنكى ئىشلىرىغا ئۇتۇق، ئەزىز تېنىگە سالامەتلىك تىلەيمەن.

ilim

ئالدىرماي چايناپ تېتىپ يىسە زاغرا نانمۇ تاتلىق تېتىيدۇ ھە بوزقىركا .يۇمشاق بولكىنى دەپ ئوردا شائىرى بولغاندىن سىزدەك خەلىقنىڭ يازارمىنى بولسا خەلق ھامىنى بېشىغا ئېلىپ كۆتۈرىدۇ .