كاپالەت ئۈي توغۇرلۇق سورايدىغان سوئالىم بار

yasin09

تورداشلارنىڭ ئىچىدە بۇ مەسىللەرگە توغرا جاۋاپ بىرەلەيدىغانلار چىقىپ قالار دىگەن ئۇمۇت بىلەن بۇ تىمىنى يوللىدىم،
ھازىر ھوكۇمەتتىن سېلىپ بىرىۋاتقان كاپالەت ئۈي كۇلەم جەھەتتە 50 كۇۋادىرات ئۈلچەمدە سېلىنىپ تارقىتىلىۋاتىدۇ،(ئەمىلى ئولچەمدە ئۈينىڭ ئىچىنى ھىساپلىغاندا 35 كۇۋادىرات كىلەرمىكىن دەيمەن)بۇ ئۈيدە قىنچىلىق تۇپەيلى ئامال بولمىغاندا تۇرمىسا 2 بالا بار ئائىلگە نىسبەتەن بەكلا كىچىكلىك كىلىدىكەن،بىزنىڭ خوتەن رايۇندابۇيىل يىل سېلىنىپ تارقىلىتىش ئالدىدا تۇرغان بۇ ئۈيلەر شەھەرنىڭ ئەڭ چەت قىسمىغا سېلىنغان بۇلۇپ قاتناش قولايسىز،قاتنايدىغان كۇچا ئاپتۇبۇس يوق،چوقۇم ماشىنىڭىز  بولمىسا بولمايدىغان ھالەتتە ئىكەن،كىيىنچە ھوكۇمەتمۇ بۇ تەرەپلەرگە قاتناش سېلىپ قالار،
مىنىڭ سورايدىغان سوئالىم شۇكى:
1.بۇ ئۈيدە تۇرۇش جەريانىدا ئىختىسات ياخشلىنىپ چوڭراق ئۈي ئالالايدىغانغا كۇچىمىز يەتكەندە كوچۇپ چىقىپ كەتسەك بۇ ئۈينى بىزدىن ئېلىۋالامدۇ؟ بۇ ئۈينى بىر نەچچە يىل ئۈتكەندىن كىيىن بىزگە مۇۋاپىق سېتىپ بەرسە ،كىيىن بىزنىڭ بۇ ئۈينى باشقىلارغا ئىجارىگە بىرىش ياكى سېتىش ھوقۇقىمىز بۇلامدۇ؟(بۇ ئۈيدە مەگگۇلۇك تۇرۇشقا خۇدا نىسىپ قىلمىغاي)
2.بۇ ئۈي تەقسىم بولغانلارنىڭ بۇ ئۈيدە چۇقۇم 360 كۇن تۇرىشى كىرەكمۇ؟ بۇ ئۈيدە تۇرغانلاردىن ئاڭلىسام داۋاملىق تەكشۇرۇپ تۇرىدىكەن،تەكشۇرۇش ۋاختىدا ئۇيىدە بۇلالماي قالغان بەزى كىشىلەرنىڭ ئۇيىنى پىچەتلەپ ئۈيىگە كىرگۇزمەسلىك توغۇرلۇق ئالاقىدار ئورۇنلارنىڭ چىقارغان ئىنىق سىياسىتى بارمۇ؟ 
3.بۇ ئۈيلەرنى بىزەشكە قەتئى رۇخسەت قىلمايدىكەن،بىزەش دىگىنىم ھەممە ئۈيلەرنى ھەشەمەت بىزەش ئەمەس ،بەلكى كىيىم ئىشكابى ياسىتىش،ئاشخانا قاتارلىقلارنى ئازراق ئەپلىك ھالەتكە ئەكىلىش ئىدى،ئەمما ئۇنداق قىلىشقا بولمايدىكەن،بۇنداق ئۈيدە تۇرسا قولايسىزلىق بۇلىدىكەن،مەلۇم قىسمىنى يول قويغان ئاساستا بىزەشكە مۇناسىۋەتلىىك بەلگۇلىمە بارمىدۇ؟

elkelem

بۇ ئۆيدە ئۆزىڭىز ئولتۇرىشىڭىز كىرەك، ئىجارىگە بىرىشكە، ئۆتۈنۈپ بىرىشكە بولمايدۇ. ھىساپتا سىزگە ھۆكۈمەت ئەرزان باھادا ئىجارە بەردى.ئەسلى ئۆي مۈلۈك بازىرىدىكى ئىجارە ھەققى 4500يۈەن ئەتراپىدا.سىزنىڭ تۆلەيدىغىنىڭىز پەقەت450يۈەندىن 600يۈەنگىچە. ھىساپتا قاخشاپ تۇرۇپ بېكارغا ئولتۇرىسىز.
ئەمدى ئۆيلەرنى ئىجارىگە ئالغانلارنىڭ 360كۈن ئۆيدە تۇرۇشى كىرەك دەيدىغان بەلگىلىمە ھىچقانداق يەردە مەۋجۇت ئەمەس. بۇ گەپ بەك ئېشىپ كتىپتۇ. ئۆينى ھۆكۈمەت بەرگەن بىلەن بەرسەڭ يەيمەن، ئۇرساڭ ئۆلىمەن دەپ ئۇ ئۆيدىن تالاغا چىقماي، ئىش ئوقەت قىلماي ئولتۇرساق قاملاشماس.
بىزىگىلى قويمايدۇ ئەمەس، مۇۋاپىق قولايلىقلاشتۇرۇپ ئولتۇرسىڭىز بولىدۇ. ئەمما، سىز مەلۇم مۇددەت ئۆتكەندىن كىيىن ئىقتىسادىي شارائىتىڭىز ياخشىلانغاندا بۇ ئۆينى قايتۇرۇشنى ئىلتىماس قىلسىڭىزمۇ، ياكى داۋاملىق ئولتۇرىۋەرسىڭىزمۇ بولىدۇ.(ھازىر يولغا قويىلىۋاتقان سىياسەت ئۆزگەرمىسىلا) ئەگەر قايتۇرسىڭىز،ئۆي بىزەشكە كەتكەن چىقىملىرىڭىز قايتۇرۇلمايدۇ ۋە تۆلەم بىرىلمەيدۇ.سىز بىرەرسىنىڭ ئۆيىنى ئىجارە ئالسىڭىز ئۇ ئۆينى ئۆزۈمنىڭ ئۆيى دىيەلمىگىنىڭىزدەك بۇ ئۆيمۇ سىزنىڭ ئەمەس، ھۆكۈمەتنىڭ .لېكىن بەزى  شەخسى ئىجارىكەشلەردەك  يىلدا بىر ئىجارىسىنى ئۆستۈرۈپ، بوش تورسىڭىز كوتۇلداپ، چىڭ تۇرسىڭىز غوتۇلداپ  سىزنى بېزار قىلمايدۇ.

begir

بۇ ئۆينى تۆۋەن ئىجارىلىك ئۆي دىسە توغرا بولىدۇ . بۇ ئۆينى بەرسە ھەشقاللا دەپ ئېلىڭ . بولسا بىرەرمىڭ يۈەن ئارقا ئىشىك قىلىپ بولسىمۇ ئېلىۋېلىڭ . ئاڭلىسام بىر سىياسەت چىقىپتۇ ، مەزكۈر ئۆيلەرنى تۆۋەن باھادا شۇ ئىجارە ئالغۇچىغا سېىتپ بەرگۈدەك ...
بىز بەزەندە پايدىلىق سىياسەتلەردىن پايدىلىنىش تۈگۈل ئۇ سىياسەتلەرگە دۈشمەنلىك نەزەردە قارايمىز دىسە توۋا . ھېلىقى بىر يىلى يېزا ھەمكارلىق داۋالاش دىگەن سىياسەتنى يولغا قويغاندىمۇ نۇرغۇن دېھقانلارغا يالۋۇرۇپ يۈرۈپ ئاران تەسلىكتە ئەكىرگەن ئىدۇق . مانا پايدىسىنى كۆرىۋاتىدۇ .
بۇنىڭ ئەكسىنچە قانۇن - سىياسەتكە ئۇيغۇن بولمىغان نۇرغۇن تەڭسىز ئىشلارنى بولسا بەكمۇ نورمال ئىش دەپ ھېساپلايمىز . مەسىلەن : مەجبۇرى ئەمگەك(ھاشار) ئەمەلدىن قالدۇرۇلغىلى نىكەم ، لېكىن بىز ئۇنى يۇۋاشلىق بىلەن ئۆز ئۈستىمىزگە ئالىمىز .
تۇرالغۇ ئۆيلەرنى مەجبۇرى ئۇرۇپ چېقىپ ھۆكۈمەت قۇرۇلىشىغا ئېلىۋېلىش . بۇنىمۇ بەك توغرا چۈشىنىمىز ...
شۇنداققۇ ؟!

يولۋاس

توختاڭلار:

ئۆيىنى چىقىۋىتىپ، زىمىن ئۆي ئورنىغا ھىساپلاپ بىرىلگەن ئۆيلەرنىڭ ئەمەلىي توختامدىكى كۆلىمىمۇ 50 كۇۋادىرات مىتىر، لىكىن ئۆي ئىچىنىڭ 35 كۈۋادىرات مىتىردىن چوڭ ئەمەس.

لىكىن بۇ ئۆيلەرنى بىزەپ ئولتورسا بولىدىغاندۇ؟ شەخسىي ئۆي بولغاندىكىن.

elkelem

بۇ مەزمۇن 3قەۋەتتىكى يولۋاسدە2012-11-09 12:00يوللىغان يازمىسىغا نەقىل :
توختاڭلار:

ئۆيىنى چىقىۋىتىپ، زىمىن ئۆي ئورنىغا ھىساپلاپ بىرىلگەن ئۆيلەرنىڭ ئەمەلىي توختامدىكى كۆلىمىمۇ 50 كۇۋادىرات مىتىر، لىكىن ئۆي ئىچىنىڭ 35 كۈۋادىرات مىتىردىن چوڭ ئەمەس.

لىكىن بۇ ئۆيلەرنى بىزەپ ئولتورسا بولىدىغاندۇ؟ شەخسىي ئۆي بولغاندىكىن.  

زېمىن ئۆي ئورنىغا تۆلەم ھىساۋىدا بىرىلگەن ئۆيلەرنىڭ ئىگىدارلىق ھوقوقى ئەسلىدىكى ئىگىدارلىق ھوقوقى بىلەن ئوخشاش بولىدۇ، ئۇنى سېتىشقا، ئىجارىگە بىرىشكە، ئۆتۈنۈپ برىشكە، گۆرۈگە قويۇشقا بولىدۇ. شۇ بېنانىڭ مۈلۈك باشقۇرۇش بۆلۈمنىڭ تۈزۈمىدىكى بەلگىلىمىگە بويسۇنغان ئاساستا قانداق بېزىسىڭىز بولىۋىرىدۇ.

rahip

ھازىر بۇنداق ئۆينىڭ ئالامەت بازىرى چىقتى ئۈرۈمچىدە ئارىدىكى بىدىكلەر 60000 دىن پۇل ئېلىپ سىرتتىن كەلگەنلەرگەئۆي ئېلىپ بىرىۋاتىدۇ ، لىكىن ئۇلار 60000 پۇل تاپشۇرۇپ ئاشۇ ئۆيدە قانچىلىك ئولتۇرالا ، يۇقۇردا دىگەندەك بۇنداق ئۆيلەر شەھەرنىڭ يىراق چېتىدە بولغاشقا بېرىپ كىلىش ئۈچۈن نۇرغۇن ۋاقىت كىتىدىكەن . ئىشقىلىپ يامغۇردا قالمايسىز لىكىن 60000 كوينى سىرتنىڭ كىچىك ئۆيلىرگە سېلىشتۇرۇپ ئىجارە ھىساپلىساق مۇنداقچە ھىساپلىسىمۇ10 يىللىق ئىجارىنى ئالدىن تاپشۇرغان بۇلىدۇ ئۇنداقتا 10 يىل ئولتۇرالامدۇ بۇنى ھىچكىم بىلمەيدۇ ، چۈنكى سىياسەت قانداق ئۆزگۈردۇ بىلمەيمىز

karahanjar

قەشقەردە بىزگىمۇ بۇنداق ئۇي كەلگەن،بىراق بىز تۇپىدىن پۇل تۇلەپ 70كىۋادىرات مىتىرلىق ئۇيگە ئالماشتۇردۇق، سىزمۇ شۇنداق قىلىڭ قاخشاۋەرمەي.

dolanliklar

ياخشىمۇسىز قېرىندىشىم،بۇ سوئالىڭىزغا مەن ئۆزەمنىڭ خىزمەت ئەھۋالىمغا ئاساسەن مۇنداق جاۋاب بىرەي.
1.بۇ ئۈيدە تۇرۇش جەريانىدا ئىختىسات ياخشلىنىپ چوڭراق ئۈي ئالالايدىغانغا كۇچىمىز يەتكەندە كوچۇپ چىقىپ كەتسەك بۇ ئۈينى بىزدىن ئېلىۋالامدۇ؟ بۇ ئۈينى بىر نەچچە يىل ئۈتكەندىن كىيىن بىزگە مۇۋاپىق سېتىپ بەرسە ،كىيىن بىزنىڭ بۇ ئۈينى باشقىلارغا ئىجارىگە بىرىش ياكى سېتىش ھوقۇقىمىز بۇلامدۇ؟
جاۋاب:ئۆي ئېلىشقا قۇربىڭىز يىتىپ بۇ ئۆيدىن چىقىپ كەتكەن ۋاقتىڭىزدا چوقۇم سىز بۇ ئۆينى مۇناسىۋەتلىك رەسمىيەتلەرنى بىجىرىپ كاپالەتلىك ئولتۇراق ئۆي ئورۇنلىرىغا بۇ ئۆينى قايتۇرۇپ بىرىشىڭىز كېرەك.بۇ خلدىكى ئۆيلەرنى سىزگە سېتىپ بىرىشكەبولمايدۇ،چۈنكى بۇ ھۆكۈمەت مەخسۇس ئولتۇراق ئۆي مەسلىسى جەھەتتە قىيىنچىلىقى بارلار ئۈچۈن سالغان ئۆي بولۇپ،مۇناسىۋەتلىك بەلگلىمىلەردە<< بۇ ئۆيلەر ئۈستىدە ئېلىم -سېتىم قىلىشقا يول قويۇلمايدۇ>>دەپ بەلگىلەنگەن.

2.بۇ ئۈي تەقسىم بولغانلارنىڭ بۇ ئۈيدە چۇقۇم 360 كۇن تۇرىشى كىرەكمۇ؟ بۇ ئۈيدە تۇرغانلاردىن ئاڭلىسام داۋاملىق تەكشۇرۇپ تۇرىدىكەن،تەكشۇرۇش ۋاختىدا ئۇيىدە بۇلالماي قالغان بەزى كىشىلەرنىڭ ئۇيىنى پىچەتلەپ ئۈيىگە كىرگۇزمەسلىك توغۇرلۇق ئالاقىدار ئورۇنلارنىڭ چىقارغان ئىنىق سىياسىتى بارمۇ؟
جاۋاب:بۇ ئۆيدە ھىچبىر سەۋەبسىز 6ئايدىن يۇقىرى ئولتۇرمىغانلارنىڭ بۇ خىل كاپالەت خاراكتىرىدىكى ئۆيلەردە ئولتۇرۇشى بىكار قىلىنىدۇ(مۇناسىۋەتلىك ئورۇنلارنى خەۋەر قىلىپ قويۇپ مەلۇم سەۋەبلەر تۈپەيلى ئولتۇرالمىغان بولسا بۇ ئۇنىڭ سىرتىدا)چوقۇم 360كۈن ئولتۇرۇشى كىرەك دەپ بەلگىلىمە يوق.
3.بۇ ئۈيلەرنى بىزەشكە قەتئى رۇخسەت قىلمايدىكەن،بىزەش دىگىنىم ھەممە ئۈيلەرنى ھەشەمەت بىزەش ئەمەس ،بەلكى كىيىم ئىشكابى ياسىتىش،ئاشخانا قاتارلىقلارنى ئازراق ئەپلىك ھالەتكە ئەكىلىش ئىدى،ئەمما ئۇنداق قىلىشقا بولمايدىكەن،بۇنداق ئۈيدە تۇرسا قولايسىزلىق بۇلىدىكەن،مەلۇم قىسمىنى يول قويغان ئاساستا بىزەشكە مۇناسىۋەتلىىك بەلگۇلىمە بارمىدۇ؟
جاۋاب:بۇ ئۆي سىزگە ئىجارە بىرىلگەن ئۆي بولغاچقا،كىيىن مەلۇم سەۋەبلەر تۈپەيلى بۇ ئۆيدە ئولتۇرماي قايتۇرۇشقا توغرا كەلگەندە ئىختىلاپ يۈز بەرمەسلىك ئۈچۈن بۇ ئۆيلەرنى بىزەشكە يول قويۇلمايدۇ،ئەگەر سىز ئۆز ئىختىيارلىقىڭىز بىلەن بۇ ئۆينى بىزەپ كيىن ئۆيدىن كۆچۈپ چىقىپ كىتىشكە توغرا كەلگەندە بىزەش جەريانىدا سىز چىقارغان چىقىملارنىڭ ھىچقايسى سىزگە تۆلەپ بىرىلمەيدۇ.