مەن ئۆتكۈردىن ئايرىلغان كۈنى

qaraxan

مەن ‹‹ئۆتكۈر››دىن ئايرىلغان كۈنى
(مەرسىيە)
قاراخان
مەن‹‹ئۆتكۈر››دىن ئايرىلغان كۈنى ،
ئاسمان تۇتۇلۇپ چىقمىدى قۇياش .
نوھ كېمىسى نىچۈنكى بۇ دەم ،
ئىلگىرىكىدەك ئەمەس ئالدىراش .

مەن‹‹ئۆتكۈر››دىن ئايرىلغان كۈنى ،
  تۇيۇلدى تۆر گوياكى  پەگا ھ .
ئەقىدىكەن   ۋاپاغا   نىشان،
ئۈنمەس ئىكەن ئۇنىڭسىز گىياھ .

مەن ‹ئۆتكۈر››دىن ئايرىلغان كۈنى ،
دەرگاھىم بوش ،قۇرۇق قالغان كۈن .
ئىشەنچىمنىڭ كۆۋرۇگىدىن سەل ،
ئېلىپ كەتكەن ئېغىر بىر تۈگۈن .

مەن‹‹ئۆتكۈر››دىن ئايرىلغان كۈنى ،
بېلىق باغرىدەك ئاقارغان يۇزۇم .
ئارچا قەددىم بولۇپ ھىلال ئاي،
ھېجراندىن  يېرىلدى خىيالەن ئۆتۈم .

مەن ‹‹ئۆتكۈر››دىن ئايرىلغان كۈنى ،
سۈكۈتكە پاتتىغۇ قۇيرۇقلۇق يۇلتۇز.
يۈرەكلەر تارتىشىپ ۋايسىدى بېغىر ،
ئوكيان-ئوكياندىن ئايرىلىپ يالغۇز.

مەن‹‹ئۆتكۈر››دىن ئايرىلغان كۈنى ،
يەرگە سىڭدى يىگەن شۇ  قىيام .
رىۋايەت ئاتالدى ‹‹تۈگىمەس ناخشام››،
كۆڭۈل مۈلكۇم بولدى بىئارام .

مەن‹‹ئۆتكۈر››دىن ئايرىلغان كۈنى ،
‹‹پۇت ئاتقانلار›› قىلدى مەرىكە .
تاپىنىم ئاستىدىن نەشتەرىن ئۇرۇپ ،
يىلان -چايان چالدى سەلىقە .

مەن ‹‹ئۆتكۈر››دىن ئايرىلغان كۈنى ،
كالىندارمۇ يىرتىلمىغان ھەم .
سائەت ئىستىرىلكىسى نۆلگە باش ئۇرۇپ ،
پەدە چاقتىغۇ دىل كۈيى ئەجەم.

مەن‹‹ئۆتكۈر››دىن ئايرىلغان كۈنى ،
ئېلى ،تارىم ،‹‹باش ئەگىم››دە ياش .
ئويۇمنى سەگىتكەن ‹‹بوغدا ئانام››مۇ،
شائىرىم قېنى دەپ كۆتەرمىدى باش .

مەن ‹‹ئۆتكۈر››دىن ئايرىلغان كۈنى ،
سادىر ياتقان قەۋرىدە غەليان .
كرورەننىڭ نالە-پەريادى ،
تەكلىماكاننى لەرزىگە سالغان.

مەن‹‹ئۆتكۈر››دىن ئايرىلغان كۈنى ،
روھتىن ئەسەر قالمىدى تەندە .
ئۈزۈلماس رىشتە ئۈزۈلۈپ بۇدەم ،
‹‹قەشقەر گۈزىلى ››ئۆرتەندى  غەمدە.

مەن‹‹ئۆتكۈر››ئايرىلغان كۈنى
ئەلبۇمغا يادىكار ئاخىرقى سۈرەت .
باھارنىڭ سەلكىنى مۇشتاق قېنى دەپ ،
بوسۇغام تۈۋىگە كەلدى نەچچە رەت.

مەن ‹‹ئۆتكۈر››دىن ئايرىلغان كۈنى ،
سامان يولىمۇ كۆرۈندى غۇۋا .
‹‹مىسكىن››①گە ئىمان يار بولسىكەن دەپ ،
يىپەك يولىدا قىلىمەن دۇئا.

مەن‹‹ئۆتكۈر››دىن ئايرىلغان كۈنى ،
ئۆز-ئۆزۈمدىن ئايرىلغان كۈنۈم.
ئۆرلەتسەڭمۇ يەردىن پەلەككە ،
يىراقلارغا بارماسكەن ئۈنۈم.

مەن ئۆتكۈردىن ئايرىلغان كۈنى ....؟

‹‹مىسكىن›› مەرھۇم شائىرنىڭ يەنە بىر ئەدەبى تەخەللۇسى .
2000-يىلى2-فېۋرال

kmt

ئەجەپ مۇڭلىنىپ يېزىلغان شىېر ئىكەن.

turpan

ياخشى شېئىركەن... ئۇيغۇرنىڭ ئىچىدىن ئۆتكۈر ئەپەندىمدەك ئادەملەرنىڭ كۆپرەك چىقىشىنى ئۈمۈد قىلىمەن...

nota

qaraxan

  

دەرىجىسى :

  
UID نۇمۇرى : 11426
نادىر تېما : 0
يازما سانى : 3
شۆھرەت: 30 كىشىلىك
مۇنبەرپۇلى: 30 سوم
تۆھپە: 15 ھەسسىلىك
ياخشى باھا: 15 نۇقتا
توردىكى ۋاقتى : 0(سائەت)
تىزىملاتقان ۋاقىت:2012-11-07
ئاخىرقى كىرگىنى:2012-11-09  

بۇرادەر بۇqaraxan دېگەن ئىسىمنىڭ مەنىسى بىلەمسىز؟ مېنىڭ بۇ ئىسىمنى ئىشىلتىۋاتقىنىمغا ئىككى يىل بولدى. مەن ئاشۇ ئىسىمنىڭ مەنىسىگىلا ئەمەس، تارىخى  ئارقا كۆرنىشىگە شۇنداق ئامراق. ھەم ياقتۇرمەن. ئالاھىدە ھۆرمەت قىلىمەن!

qaraxan

دوستۇم نوتا ‹‹قاراخان›› دىگەن ئىسىمنىڭ ئارقا كۆرۈنىشىگە بولغان ئامراقلىغىڭىز دەل مېنىڭ بۇ ئىسىمنى قوللىنىشىمنىڭ ئارقا كۆرۈنىشى ئىكەن ،مەن بۇ ئىسىمنى مەتبۇئاتتا ئىشلەتكىلى بەش يىل ،مەتبۇئاتسىز ئىشلەتكىلى ئون يىل بولاي دىدى،شۇغىنىسى مېنىڭ نوپۇزلۇق مەتبۇئاتلاردا ئېلان قىلغان ئەسەرلىرىم كۆپ ئەمەس ،شۇڭا بۇ ئىسىم كىتاپخان ھەم تورداشلارنىڭ نەزىرىگە چېلىقمىغان بولسا كېرەك.ئۇنىڭ تارىخى مەنىسى ھەم مەدەنىيەت قاتلىمىماكان زامان بويىچە ئۆزگىرىپ ئىستىمالىمىزدا كەڭ قوللىنىپ كەلگەن.بۇ تۈركى ئاتالمىنىڭ مەنىسى‹‹قارا››دىگەن سۈپەت سۆزى بىلەن ‹‹خان››دىگەن خانلىق تۈزۈمدىكى ھۆكۈمرانلارنىڭ ئالى نامىنىڭ قوشۇلىشىدىن ھاسىل بولغان ،ئۇ بىزگە سۇلتان سۇتۇق بۇغراخان ھەم 360يىللىق سەلتەنەتنىڭ  تارىخى يالدامىسى سۈپىتىدە نىشان بېرىپ كەلگەن .بۇ ھەقتە يەنە بىلىشكە تېگىشلىك تۈگۈنلەر بولسا بىرلىكتە يېشىم بەرسەكمۇ بولىدۇ....

ayding

ئادەم يەنىلا ياشاش كېرەكتە! ياشاشقا بولغان ئىشەنچ ئەڭ بۈيۈك تۇيغۇدۇر!

sadiryurti

مەن ئۆتكۈردىن ئايرىلغان كۇنى،
كۆكتىن باشقا چۈشتى ئىغىر تاش.
تەبىئەتمۇ مۇڭلاندى ھەتتا،
دەريالار يىغلايدۇ باغلار كۆزى ياش.

tomuz

ئابدۇخالق ئۇيغۇر، لۇتپۇللا مۇتەللىپ .... شائىرلىمىز شۇ زۇلمەتلىك كۈنلەردىمۇ مەڭگۈلۈك شىئېرلارنى يېزىپ قالدۇرغان ئىكەن.

ئابدۇرىھىم ئۆتكۈر، زوردۇن سابىر .... يازغۇچىلىرىمىز مەدەنىيەت ئىنقىلابىدەك پاجىئەلىك كۈنلەرنىمۇ ئۆتكۈزۈپ ئۆلمەس ئەسەرلەرنى قالدۇرغان ئىكەن.

بىزلەر نېمىلەرنى قالدۇرىمىز؟...............